الملاك الاسود

بارت ٣

جنت كاعده ارسم
رسمتي الاخيرة بهاي
الغرفه.
كلش فرحانه
احس فراشات تتطاير
من شعري وتتنشر بالغرفه
فراشات بلون البنفسج
والازرك و...
فزيت على صوت الباب
ينفتح بقوة..
وكفت من مكاني..
الباب ينضرب بقوة
وويه كل ضربه كلبي يوجعني أكثر
ه...هاي عمتي.. ،

....

انمر. رفست الباب مره ومره ثانيه
مبين هاذ اصلي.. مجيم من كد
القدم. 

ضربت القفل طلقه
برفسه نفتح الباب ..
دخلت و
...اوو  .. اه هه ههههه اي..

انمر بصياح. ولكم هاي شنوووو
منو خاتل هناااا.

ملاك. نفتح الباب ودخل شخص
طويل... وضخم .. يباوعلي بنضرات
مخيفه..

انمر.لا لا لا مستحيل
انتِ هم كحبه.
شو بله باعيلي.

تقربت منها وهيه
لازكه بالحايط
من صار وجهي بوجها
دنكت. تبجي هههخ
بس شني من كحبه..
لشعر اشكر بطولي
الوجه تكول عجينه حجم عائلي
تبض بض.. لعيون هاكبرهن ولونهن
بلون العسل ، الخشم  هلكدوته والحلك
زغير احمر ..
لخدود  يردن ينفجرن من مكانهن
اويلي يابه هاي حصتي..
هههههاييي..

ايدي جوه فكها
رفعت رأسها.

تشهك وتبجي وصايرة كوراث
ترجف رجف.
انمر. تؤتؤتؤ هاي شصاير هنا
ليش تبجين يحلوة.

لزمت ايدي
تريد توخرها .

رفعت حاجبي.
انمر.تؤ.

وخرت وهيه خايفه.

ضحك بصوت عالي.
عفتها.
انمر. الضاهر انتِ وي المجموعه لبرة.
موو؟

يمسح على لحيته وهوه يحجي.
لساني نعقد احس  روحي
اريد اموت من الخوف.. 
بحياتي ما حاجيه وي اي انسان
غير عمتي .. ما اعرف احجي اصلا
وما  افهم كلامه يحجي بسرعة بطريقه غريبة وكلمات اول مره اسمعها بحياتي.

رفعت عيني
باوعتلة .

انمر. بملل. يلا كافي .طولتي. 
طلع كلبشه.

رفع ايدي
وقفلها.

انمر. جريت نفس.
طلعت الكلبشه..
رفعت ايدها.. عبالك لازملي مخده ام الريش ههههاي. 
خليت الكلبشه بأيديها ...
وهيه بس تباوع بعيونها البيض
عيونيش هذن.

انمر بصياح.  تحركي.

فزيت من عاط بيه حسيت
الدمعه وصلت لرمشي
باوعتلة.
خايفه ما اعرف شسوي
وشنو الي خلاه بأيدي..
اني مو م..مجرمة.

انمر. من عطتت بيها ضلت ترجف
ورجعت تبجي... حنجها يتحرك
ودموعها يتسابقن ..
هه.
حبيت ازودها عليها.

انمر. بصياح. كتلج امشي كدامي.

ملاك.. رجع يعيط خفت خفت حيلل
مو مثل عمتي من تصيح يخوف أكثر
حسيت روحي تريد تطلع من مكانها
صوته يهز الغرفه هز.

تحركت خطوه وجسمي
كله يرجف.
صرت كدامه وكفت
وسمعته رجع عاط.

انمر بصياح. خلصيني ما فارغلج اليوم كله انه.

مشيت خطوه ثانيه..

انمر. طلعت كدامها انتضرها
اهخ..
لزمت ايدها
وسحلتها وراي.

ملاك. سحلني
من الغرفه  حافيه والكاع
ملمسها غريب عليه
احس رجلي توجعني بكل
خطوه اخطيها. 

ملاك. هئ ...   ف..فدوة .. رجلي توجعني هئ هئ

نزل الدرج وما كدرت انزل
نزلني باية والبايه الثانيه...

انمر. سحلتها سحول كافي صارت ماصخه.
نزلت بايه والبايه الثانيه
رادتت توكع..
لزمتها من ايدها ورجعتها .

انمر.بصياح. امشي عدل بت الخره.

لزمتني من ايدي
وهيه ترجف
لازكه بيه مثل العلج
وتباوع لجوه..
شنيي!!!
ضليت معتورة بالدرج لا هي نازله ولا هي متحركه. 
وهذول الساقطين جوه يباوعون
ويضحكون.

ملاك. لزمت ايده وصعدتت على رجله
اخاف . الدرج يخوف.. احس وجهي صار
مثل لجمر.. واني ابجي وشهكاتي تخترق الحايط.
ملاك.فدوة..  ا.ا.ني اخاف... ا..اخاف
من الدرج....هئ هئ.

تحجي وتبجي
وعيونها حمر ..
من عطتت بيها ما خافت هيج
شكد مرت عليه كحاب وعيارة
وطايحات حض وقنادر..
بس هاي ... ما جنها مثلهن
صدك خايفه  وصدك ترجف مو جذب.
بس لاااا..

انمر. دفعتها عني ..
رادتت توكع.
رجعت لزمتها. 

انمر. بغضب. هسه تنزلين كدامي بايه
بايه وبلا عيارة زايدة.

عفتها
لزمت السور مالت الدرج
وهيه ترجف.. نزلت كدامها
اباوع عليها .
انمر.بصياح.  يلااااااااا.

ملاك.عافني ونزل
اباوعله من فوك واحس الخوف
يزيد أكثر وأكثر.
باوعت على رجلي
لزمت السور بأيديه اثنينهن. 
فزيت على صوته وهوه يصيح. 
بلعت ريكي ..
مسحت دموعي بجتفي..
ببطئ
وبكل رجفه بجسمي. 
نزلت رجلي على الباية الثانيه
نزلت بأية ..
نزلت بايه..
ضحكت..
صدك نزلت بايه ... ما توقعت أكدر
جسمي كله يرجف .. بس كدرت انزل
شكرا يا رب.

...

انمر.اباوع عليها وهيه ترجف
تباوعلي تريدني اجي انزلها
بس لااا
هسه تنزل وتبطل تنعوص. 
عيونها وهنه يلمعن
ودموعها الي ما وكفن
الا شوية جان ضحكت عليه
بس لاااا. 
دنكت
وشعرها وكع على وجها
وهيه تنزل رجلها ببطئ.
هاي جاهل.. شكد عمرها عود. 
نزلت باية وضحكت..
رفعت راسها باوعتلي
وهيه تضحك بين دموعها على اساس مسوية انجاز..
اهخخ صبرك يا رب.

انتضرتها تنزل
خطوه خطوه...
يمكن مرت ربع ساعه
على خمس بايات.
بس اني تقصدتت ما اساعدها
اريد اشوفها وين توصل بالتمثيل .