الملاك الاسود

بارت ١٢

اخذتها للمستشفى  فورا ..
دصبريلي يا كحبه اذا ما خليتج
تخيسين بالسجن ما اتسمه انمر ..
وكفت برة ..
اتصلت على حسين...
حاليا بالحجز..

افتر واهز برجلي..
الساعه صارت ٧:٣٢م

الممرضه. تفضل يمها لبين ما يخلص المغذي 
اءء حضرتك شنو تقربلها.

انمر. ا...ا..أبوها.

الممرضة. تمام هاذ العلاج الي لازم تأخذه ضروري لان عدها نقص حديد وضعف عام. لازم تلتزم بالعلاج وتاخذ الأدوية بالوقت.

اخذت الورقه منها
لزمت راسي بتعب.

تقربت فتحت الباب 
ودخلت.

جانت كاعدة
تباوع على ايدها
معلك بيها مغذي.
شعرها نازل على عيونها
رموشها مبلله خشمها احمر
من البجي استغفر الله يربي.

تقربت منها.

انمر. اء .. احم 

ملاك...

مدنكه رأسها وما رفعته.

انمر. اء... اني رايح اجيب الدوة تمام.

ملاك......

استغفر الله.
كعدتت يمها.

انمر. ....
دك الموبايل.

انمر. الو.

محمد. هذا جدك وياك.

انمر. ب...

استغفر الله ربي.

يعقوب. انمر.

انمر. ا...هلا يابة.

يعقوب. تعال للبيت هسه.

انمر. جدي ا..

يعقوب. كلت تعال للبيت ابني
يلا.

سد الموبايل.

جريت نفس.

وفكت خليت الموبايل بجيبي.

درت عليها واشوفها نايمه..

صفنت.

انمر.  احم ملاك؟

انمر. ملاك.

استغفر الله يربي.

تقربت
شلت المغذي خلص.
رفعت رأسها
وشلتها تحركت شوية
ورجعت نامت.

اخذتها للسيارة
وتوجهت للبيت.

طول الطريق
ما كعدتت
كل شوي اقرب ايدي
من خشمها اتأكد تتنفس او لا.
هخ.

وصلت
باوعتلها.

انمر. ما اتأخر عليج خوش .

جريت نفس.
عفتها فتحت  الشباك
ودخلت
للبيت.