الملاك الاسود

بارت ٣٠

بكل زاوية اكو صورة اله..
باوعت واشوف على الميز
صورة .. اله وإخوانه وياه.
مشيت .. اتلمس الغراض..
صورة عائلته اخواته الاثنين
اخوانه ابو وامه ..
ميز مرايه كدامه..
مكياج و اغراض بنات ..
هذن اكيد لمرته...
باوعت واشوف.. بالدرج يم السرير
صورة ..
هوه وسحر اسمها اي سحر..
هاي صورة عرسهم...
سحر ... ملامحها حاده..  شعرها اسود
حنطيه .. هذول الأشخاص الي مبيهم شي حلو بس حلوين بنفس الوقت ..
باوعت على روحي بالمرايه ..
شعري المايل  للشكار عيوني الكبار النازلة
لوني  ووجهي.. اخ يا خلقتي شكد ساعدتني.. ساعدتني هواي .. من جنت ابيع كلنس بالشارع ومن جنت اجدي ..
اضطريت اغير محافضات  لان انعرفت من  شكلي.. ابوك ومحد يصدك من انعرف.. ليشوف  هلخلقه مستحيل يصدك .. اكو ناس ما كدرت اجيبها.
بس الاغلب ضحكت عليهم بنات وولد
ماكو فرق... بالرغم  من انو البنات جانن  اصعب.. يكرهن ويغارن ويحقدن..بس
ينضحك عليهم بشكم كلمه حلوة..
كعدتت على السرير ..واني اباوع لصورة
عرسهم...
مبين فرحان  بهاي الصورة ..
شنو الي وصلهم للطلاك.
مبينه وكحه.. من شكلها تنعرف..
وهوه مغرور وشايف نفسه وما عنده
صبر وي احد ..
تذكرت من ساعدني.. وجابني هنا..
وشلون يتصرف ويتعامل وياي ..
اه  يالبدايات شكد حلوة ..
حسيت نفسي مو كد هلمعركه الي داخله بيها . بس لا .
لا. لا. الي خلوني اعيش هذيج الاليالي الباردة.. وصلخ جلدي بالحبل والخوف الي نغز بكلبي وي كل ضربة وصرخه...
مستحيل اخليهم بحالهم..مستحيل.

...

انمر.وكفت السيارة
نزلت.

ادك بالباب.

فتح.
مصطفى. ...

انمر. السلام لله.

مصطفى. كول.

انمر. وين سحر.

مصطفى. جوه.

انمر. خلتجي هنا.

مصطفى. وشرايد.

انمر. مصطفى مالي خلكك .. خلتجي احجي وياها كلمتين يلا بعد اخوك.

مصطفى. كول شرايد  اني احجي وياها.

انمر. كلب عيونه بملل.

..

سحر. جنت كاعده بالصاله
اباوع على التلفزيون.

مريم. ولج هاذ انمر اجه.

فزيت.
سحر. انمر..

كمت ركضت.

مصطفى. سحر دخلي جوه.

سحر. خلص مصطفى خليني احجي ويا
حبيبي.

عوجت حلكي.
خرب حضي المصخم.

سحر. تعال ادخل انمر.

انمر. جريت نفس.
دخلت  .

انمر. روحي لبسي اخذج للفحص.