الملاك الاسود

بارت ٢٦

انمر. تجمعنا على الغده .. وخلصنه وواحد يكص بالثاني عائلة جيس حب.
اباوع على العالم اهلي واخوي
وعمامي واهم شي عمي كاضم
ابو سحورة   . حلووووو.

يعقوب. ابني مرتك تكول مزوج عليها
صدك هلحجي لو لا.

انمر. .. اي صدك جدي.

كاضم. هااا شفتو شكلت بنتي ما تجذب
محمد ابنك مزوج على بنتي وضربها وهيه حامل .. شتردون اسكتت اصلا صارلي ٣ أيام اتخذت قراري وسحر بعد متضل وي انمر الطلاك آخر حل  .

انمر. بكلبي.
يسس.. كفو من شاربك عمي.

محمد. خوية انمر يكول ما ضاربها اكيد سوء تفاهم.

ايمن. ابني شوكت زوجت.

انمر. اليوم عمي.

خالد. حبيبي غير تحجي تكول تاخذ راينه
احنه هنا شنو مثلا.

انمر. حقكم عمي واني اعترف غلط بس
صارت عندي ضروف اضطريت  ازوج
بسرعةة وهاذي قصه ثانيه.

كريم. على الأقل خليتنه بعينك
انمر مو هاي المرجيه منك.

انمر. كريم اختك من عافت البيت
وراحت بدون ما تباوع وراها تتبله
عليه وتكول كتلني وتعرفون كلش زين
اني شنو وشوكت ضاربها ما تكلي .. .وحامل هاذ سمعته منكم وداعت جدي
واذا صدك اني بنفسي هسه اخذها
للفحص واتأكد لان وبكل صراحه ثقه
بعد ما اكو..

مصطفى بنتر. ما نحجي
عن سحر هسه نحجي عنك وشلون زوجت بله ما تحجي.

علي. خيرر خيرر.. جاي يحجي ويكول
اضطر يزوج.. هوه ياهو يحمل النسوان
وضيمهن لا وانوب يعوف ٢٠ نفر ويروح يزوج وما يحجي ما رايد روحك خوية... احجي نسمعك. 

أبتسمت.
انمر. خوية.  اني وكلكم تعرفون جبت هاي لبنيه للبيت وكلت بت صاحبي .... اني..
بصراحه.. جذبت بهاي النقطه.
لبنيه اجت للمركز رحنه بتفتيش لبيت
عمتها جانت مشوفتها  الضيم..
وتضربها وحابستها بغرفه ... جبتها للمركز
ضلت ليله ومحد اجه من اهلها  عرفتهم ميتين.. جبتها هنا للبيت وحجيتلكم السالفه الجذب.. حدما الكه احد من اهلها..
عمها من البصرة.. رحتله.. وسمعته ابد مو حلوة... يشرب ويكبسل... ما كدرت اعوفها بصراحه بمجرد ما طلبتها وافق.. عقدتت عليها... اليوم واجيت وهلكعده كدامكم.

سكتو
لحضات.

انمر.واني اعتذر منكم جميعا ومن جدي
لان ما اخذت شوركم ولا خليتكم بعلم عن شي.

يعقوب. ابني الي سويته غلط.. لبنيه منعرف عنها شي.

انمر. جدي اهلها ميتن.

يعقوب. واذا ابني واذا.. عمها شنو سمعته محلوة .. زين تروح تزوجها  وسمعتنه احنه وناسنه من تسأل منين المره شنكول.
احنه متعودين ناخذ منه وبينه..
شسويت ابني مستوعب  روحك .

انمر.جدي مستوعب كلش زين
وبهذاك الوقت ومن شفت الوضع
عن عمها ... حلفت ما اعوفها
هناك.

كاضم بنتر. هه  اي وبنتي هيه لطايحه
بيها .. لك انت شنو .. محمد احجيي .

محمد. باوعلي نص عين.
انمر هسه هاي هم سالفه.

انمر.بوية خلي نفسكم مكاني هيه شنيه
علي احجي شي..

علي. والله يا خوية.. زواجك شي طبيعي
مو حقكك بألنهاية..  بس .. لبنيه على كولت الحجي متعرف عنها شي. والناس اذا دورت وعرفت عمها أو عائلتها..
هلشي راجع عليك حبيبي سمعتك هاي
سمعتنه همين.

انمر. انتم بس كولي هاي هيه ..
ومتمهني الناس شعليه بيها.

كاضم. هه هوه انت غير  زوجت
ومشيت وافقنه هسه او رفضنه اكو فرق
عندك.

انمر. جدي احجي شي.

يعقوب. لازم يصير عرس الناس كلها تعرف بي.
وعقاب الك على الي سويته انمر ..
طلاك من سحر ماكو.

انمر.شنيي؟؟

كاضم. بوية لا .. ما اخلي بنتي تتعذب هيج.

يعقوب. سحر حفيدتي .. مستحيل تتعذب وانه عايش.. ترجع لبيتها واذا تريد تكعد ببيت العائلة وين متريد و وين مترتاح.. وابنها بنصنه انمر راح يرجع مثل قبل
وراح يتعلم شلون يعدل بين زوجاته
الاثنين. لان هوه اختار هاذ الشي بالنهاية.

انمر بأنفعال. ولكم انتم شبيكم
كتلكم   ليش تزوجت  ولشنو
قابل انه بطران ..

يعقوب. ابني اسبابك ما واضحه.

محمد. انمر .
أشرله يسكت.

خالد. هاي هيه نحلت.

كريم. مرخصتكم.
مرخصتك جدي.

كام وراح وراه احمد ومصطفى
اخوان سحر.
كاضم. مرخصتكم.. بنتي باجر ترجع
لبيتها معززة مكرمه.
طلع.
كلهم طشو.

يعقوب. وكف.
وكفنه ويا.

يعقوب. الخميس الجاي
راح يصير العرس كدام الوادم
كول لمرتك هلحجي وبما انو هيه
غريبة علمها على حياتنه وتقاليدنه
فهمت ابني.

انمر بملل. صار جدي.

عافنه وراح.
انمر. ضغطتت على ايدي.

محمد. هسه وكتها انمر استغفر الله.

علي. اسبابك ماصخه.

انمر.اي اي ضلو
دا اكلكم  بس خلو نفسكم بمكاني
بعدين بوية اني اريد اطلك سحر.

محمد.اش اش... بعدين هاذ الموضوع مو هسه انمر مو بصالحك تحجي هسه بعدين اذا طلعت حامل  كطنه شيلها من اذنك.

انمر. مو حامل مو حامل
باجر من صبح والله اروح اسويلها الفحص الحيوانه. بت الكلب.

محمد خزرة. شنيي.

محمد. اروح انطمر نثولت من وراك
نفس النسخه اكول  احسن يطلع
اخيس.

انمر .رحم الله والديك بوية.

علي. على راسي .

محمد.عافهم وطلع.

يتبع...