الملاك الاسود

بارت ٤٧

فتحت عيني..
وأني اباوع كدامي
اشوف ...اشوف
رقيه. واكفه من بعيد.. بثوب اسود
الناس كلها كاعده يم كبرها تبجي
وهيه واكفه تباوعلي.. مشت بتجاهي
واني ابتعد..

مشيت مسافه...
اباوع وراي واشوفها..

درت وجهي واشوفها كدامي.

رقية. ليش ملاك .. اني شسويتلج
ملاك... لو جيهان..
هههههههههه... ضحكت بصوت عالي.

بلعت ريكي
واني اباوعلها..

ملاك بحركه. ا..اني ... انتم دمرتو حياتي.

رقيه. سكتت  وهيه تباوعلي. 
حياتج راح تتدمر أكثر بعد.
ضحكت.

وختفت فجأة..
حسيت بوهم.. عبالك جنت
اركض بدائرة... روحي توجعني
احس كلبي يحترك.
فزيت على ايد لزمتني..

درت وجهي بخوف واشوفه..

انمر. ملاك.

ملاك. حضنته واني ابجي ..
اني اسفه..
اشهك واحجي .
اني اسفه.. اني اسفه .

انمر اباوع ادور عليها بعيوني
ماكو... اشوفها واكفه من بعيد وحدها..
تقربت ..
فزت وهيه تباوعلي بخوف..
وعيونها حمر...
حضنتني ..
وتعتذر..
عكدتت حاجبي.

وخرتها لزمتها من جتفها.
انمر. على شنو.

اشهك واحس روحي تريد.تطلع من مكانها.

ملاك. لان ..  لان انت .. انت جنت تعبان
واني لحيت  عليك حته تجيبني هنا..
بس ما اريد اضل بعد..هئ.

أبتسم بخفه.
انمر. اني ما ردتت تجين حته ميصير هيج شي.. بس ميخالف ..
مسح دموعي بأيدة ..
لا تخافين ماكو شي شوي و نرجع.

حضنت ايده..
ومشينه للسيارة ..
صعدني ..وانطاني مي..
وكلبي يرجف.

انمر. اجو...
صعدنه السيارات..
رجعنه للبيت
وصلنه الساعه ٢:٣٢م..

اباوع عليها كاعدة..
ان شاء الله تنام هليله.
صوجي  جبتها اني
اكيد راح تخاف.

الكل نزل..
وكلمن لغرفته...

ملاك. نزلت ..
باوعتله يحجي وي ابو..

دخلت ..
صعدتت فوك ....
ذبيت الحجاب..
دخلت الحمام ..
خليت المي ينزل على راسي
غمضت عيوني واحس روحي
بحلم ما اعرف ليش...
تذكرت اليوم وشنو صار....
اخذت الموبايل ... كتبت رساله
لخولة.. اني لازم اخلص كلشي
بأسرع وقت ممكن..

لبست تراك اسود..
نشفت شعري ..
وخليته مفتوح  ما بيه حيل امشطه..
كعدتت على طرف السرير...

.....

انمر. بوية.. محتاجين شي بعد.

محمد. ل..لا ابني روح ارتاح.. بس...