الملاك الاسود

بارت ٦٦

ملاك..
وكفت... افتح بالشباك...
جبت الكرسي  ..
اضرب بالجامه ما تنكسر .. ما تنكسر ..
شمرته بالكاع. 
ورحت للباب..
طلعت الماشه من شعري ...
احاول افتح الباب.
فتحت عيني واني اشوفه ..
نفتح...ضحكت .
ركضت..انزل من الدرج...
اباوع هنا وهنا..
توجهت للباب افتحه مقفول..
بيت زغير صاله ومطبخ..
دخلت المطبخ...
فتحت الجرارة..
طلعت سجينه...
واسمع صوت مفاتيح تفتح الباب.
بلعت ريكي...
كعدتت وره الطاولة بالمطبخ .
الي جان مفتوح للصاله...
سديت حلكي بأيدي..
واني اسمع صوت خطواته..

مديت راسي واشوفه ..
ترك مفتاح الباب على الطبله..
وصعد فوك...
ركضت.. اخذت المفتاح ..
افتح الباب...
واحس على شعري تكطع.

صرخت.

كرار. هههه وين رايحه كحبه.

لزمت ايده ولويتها.
حجيت صاكه على سنوني .
ملاك. لهنا  .و بس.

رفسته برجلي
وكع على الطاولة..
دار وجهه
وبحركه سريعه ...

فتحت الباب.
واركض ...
اركض بشارع فارع اضلم .. والهوه البارد
يكص كص....

وكفت.
سندتت نفس بالحايط
واني الهث..
اشوف سيارة جايه بعيد..
مشيت سانده روحي على الحايط ..
لازمه بطني الي موتتني من الألم.

******************

الساعه ٣:٤٤ص

انمر. وين.وين... وينها ... ..
دورت بكل زاوية ب*** ..وينج ملاك....

صعدتت السيارة..
امشي بالشوراع  مثل التايهه..
لزمت البطل .. شربت...
واني اباوع على الطريق يتغوش كدامي...
وكفت السيارة ..
وكملت مشي واني اتعثر واشرب.. 

**********

ملاك. وين اروح يربي ..
مشيت بتجاه الطريق العام ..
واني اشوف ماكو اي احد ..
ب..باردة... باردة...
جتفت ايدي ... احاول ادفي نفسي .

درت وجهي واشوف شخص واكف ..
ضيكت عيوني احاول اعرفه منو و..

كرار. وهوه يلهث..  كحبه.

بلعت ريكي.
رجعت خطوات ..
ركضت..
وهوه يركض وراي...

احس كلبي وكف
طاقتي خلصت ..
جسمي كله يرجف..
تعثرت ووكعت..

واني اشوفه يتقرب مني...
لزمني من ايدي ..
يريد يسحلني ...
تمسكت بالكاع ..

ملاك.بتعب. ع..عوفني.

*******

انمر.امشي واشوف.. من بعيد ..
بنيه واكعه ..وواحد  يريد يسحلها.

بدون وعي.
انمر.م..ملاك..

احس عقل ماكو براسي...
تقربت واني اشرب...

ملاك...ملاكك..

*****

ملاك. بصياح.عوفني حيوانن .

فجأه واسمع صوت كزازة تتكسر..

انمر. شمرت العرك من ايدي.. نكسر
دنكت لزمت الكزازه...
وتقربت.

كرار. بصياح. تحركي.

ملاك بصياح. ا..انمر... ... انمررر.

عكدتت حاجبي ..
ولحد هاي اللحضه دنكت.. رجعت رفعت راسي..
م..ملاك.

ملاك.وهيه تبجي... انمرر.

ركضت. 
سحلته من شعره... اضرب واضرب مثل لمخبل...
لزمت رأسه بأيدي...
اريد افصله عن جسمه..

كرار صاح بألم. ااااااااااااخ...اهه. .

ملاك. جاثية على ركبتي..
اباوعله وهوه يضربة مثل اللعبه.. صار
ومثل الوحش هجم علي اني خفت منه.
للحضه حسيته مات  ..بلعت ريكي واني اشوفه
يريد يخلع رأسه .. لا لا.

وكفت بصعوبة.

ملاك. ا..انمر.

تقربت. 
لزمت ايده.

ملاك. ا..انمر..

وكف
اول ما شافني..
تركه.. يباوعلي بعيون حمر تلمع... . بشعر مخربط
يلهث وشرايين جسمه اشوفها من بعيد ...
احس بانفاسه الحارة بنص البرد هاذ...

ضحك ..
حضني...
شالني من الكاع...
حاضني يبوس بجتفي وركبتي ..
وهوه يتنفس ... بدون ميحجي شي.

احس روحي اختنكت ..
راح يكسر ضلوعي..

ملاك. ا..انمر.

ملاك. بحديه..  انمر .. كافي.

نزلني..
سندتت جسمي عله جسمه .
لزم وجهي
يبوس بخدي وجبيني..

انمر. اني اسف .. اسف .. سامحيني يا روحي
روحي انتِ ما اعوفج والله .. ان شاء الله اموت
اذا عفتج مرة ثانيه...
نزلت دمعه من عينه...
وهوه يمسح وجهي وعيوني.

لزمت ايده.
بلعت ريكي.
ملاك. ا..انمر..

انمر. .. روحه .. روحه لانمر ... بس كوليلي ..
سوالج شي..

نزلن دمعه من عيني
غمضت.. هزيت راسي بمعنى لا .

نزع سترته..
غطاني...
طلع الموبايل ..
حضني..
اتصل ...
غمضت عيني
وما اعرف شنو حجه اصلا..
اباوع على هاذ القذر ..
يتلوه بمكانه...

رفعني عن الكاع..
خليت راسي على صدرة ..
دخلني السيارة...
وحركها وما اعرف شنو صار...

*****

بمثل هاذ الوقت ...
جان اكو شخص .. ..
يباوع من بعيد  راكن سيارته
بنص الضلام.. 
نزلت دمعه مالحه من عينه ..  ممزوجه بالحقد والغيرة .

عمر.انتِ جيهان مو ملاك....
اني انتضرت  تصيرين الي .. بس ما اضن هليوم يجي .
اني راح أجيبه بنفسي.

***********

ملاك. كعدتت بمستشفى...
ما اعرف شكد مر وقت...
ابتسمت صفح واني اشوف ضوه الشمس
ضاهر من الجامه..

الغرفه فارغه..

فجأه ...

******