الملاك الاسود

بارت ٥٤

ملاك.هه انوب طالعه اتونس واتمشه
شوكت آخر مره طلعت هيج طلعه .
ولا مره اي .
وي ناس تمشي بالشارع براحتها..
مثل كل بنيه .. طالعه و..وي اهلها...
هاذ كله ما عشته.. ولا اعرف أعيشه..

مشينه مسافه بسيطه
وصلنه لمطعم دخلنه.

انمر. ..

ملاك...

سحر. اني اريد مثل كل مره حبيبي.

ملاك.بلعت ريكي
لزمت القائمه..
هاي شنو .. شنو هاي..
احم...
هاي سوالف مال مثقفين يعني مو مثلنه اني وياك.

انمر. وانتِ ملاك.

هاي ..
سبا... س.با... سباكيتي..
ياااا...
صحيح مو على اساس اني ما اعرف اقره.

انمر.
تذكرت هيه متعرف تقره.

ملاك. تقربت منه.
وأشرت على صورة.

انمر. أبتسم.  تمام.

اجه الاكل
وكعدنه ناكل بصمت.
اباوعله.. واباوعلها شلون ياكلون..
يعني اني صحيح ... مو فكر..
بس بنفس الوقت.. ما داخله هيج أماكن ولا اعرف اتعامل وي الناس .. بالعلن.
تعودتت على الليل والمخفه وبالسكوت
بكلشي .

تباوع على ايدي من اتحرك..
احم.

انمر. ليش ما تاكلين.

فزيت باوعتله.
ابتسمت.
ملاك. دا اكُل.

..
سحر عوجت حلكها. حبيبي.

انمر. ..

سحر. شوكت نرجع لبيته .

انمر. عكد حاجبه بخفه.

سحر. مثل مكال جدو.. اذا اريد اكعد بأي بيت يعجبني.

انمر...

سحر. واني اريد نرجع لبيته ولحياتنه القديمه سوة، قبل ما تجي المشاكل
على راسنه.

ملاك. تحجي وتباوعلي.حجيت بعدم اهتمام. 
شقصدج..

انمر. أبتسم صفح.

سحر. واضح شنو قصدي.

ملاك. وضحي اكثر.

سحر. بحقد. انتِ انتِ المشاكل.

عبست وجها بدلع.
ملاك. صدوك؟

انمر. رفع عينه باوعلي.
لا مو صدوك.

ملاك.فتحت عيني
بصدمه.. ما توقعت يريد.
هه.

سحر. شنو. !!!

انمر.
غلس وكمل اكل.

ملاك.
دنكت اكل.

سحر. زفرت بغضب.
وكامت.

انمر. وين.

سحر. بغضب. اعدل مكياجي.

مشت.
...........