الملاك الاسود

بارت ٥٠

انمر.....

يباوعلي ونضراته كلهن
حقد وبرود  وغضب وحزن
ما فهمتهن ..

ملاك وهيه تشهك. ل...لا لا تضربني.

انمر. ليش ...

ملاك نزلن دموعي. والله ما دفعتها.

اني شلون هيج رجعت ..
شلون رجعت هذيج الطفله.. لا
لا  تخلصت منها ...
تخلصت منهااا..
انتِ مو هذيج الطفله .. ولا ملاك
انتِ جيهان.

تقرب خطوه..
رجعت نضربت بالحايط.

انمر ببرود. بس اني شفتج.

ملاك....

خله رجله
على رجلي ...
وهوه يضغط عليها.

انمر. ا..اني. شفتج.

ملاك....
لزمت رجله
واني اتوجع.

لزمني من شعري وكومني.
انمر بصياح. اني شفتج.

ملاك.وهيه تبجي.
والله هيه لزمت ايدي ... و..

ضربني راشدي
حسيت راسي نفصل عن جسمي.

انمر بصياح. هيه لزمت ايدي ... هيه وكعت .. هيه كتلت ابنها موو.

لزمت شفتي
اباوع على الدم.

رجع سحلني.
انمر. وهوه صاك على سنونه.
من احجي وياج .. باوعي بخلقتي.

لزمت ايده
لي مكطعه شعري .

ملاك. تشهك.

انمر. دفعني..
نضربت بالحايط ..
وكعت لان رجليه يرجفن ما أكدر اوكف.

تقرب
وكف يمي ..
جنت مدنكه واشوف
بس رجله..
فجأة
وبدون اي مقدمات..
رفسني ...
صرخه .. صرخه وحده .. بدون صوت
بدون اي صوت ..
رجله دخلت بنص كلبي..
بهذيج اللحضه النفس .. جان
يوجعني... الكلمه ما أكدر انطقها .
رفعت ايدي .. خليتها على كلبي ..
اريد احس نبض..م..ماكو..

لزمت رجله ..
علايضربني بعد..

دنك..
لزمني من شعري..
رفع راسي..
جنت مدنكه عيوني..
اراقب الوجع بكلبي وهوه يروح ويرجع.

انمر بهمس. صدكيني  هاذ قليل بحقج
تستاهلين تتعذبين مثل ما هيه متعذبه هسه بالمستشفى
هاي لجروح  كم يوم وتشفه.

من كال آخر جمله
لجروح كم يوم وتشفه.
لا ارادياً.
ضحكت...
رفعت عيني باوعتله
ونزلن دموعي بنفس اللحضه.

ملاك. ههه.. صحيح ...
لجروح لعلجلد تشفه بسرعه.

انمر.  يباوعلي وهوه صاك على سنونه.

ملاك.ابتسمت.

والمسافه بيني وبينه شبر واحد.

نتر شعري..
وكام..
طلع .. وركع الباب وراه..

كمت مسحت دموعي
مشيت خطوه وحسيت  كرصة بكلبي .
اه.. اخخ..
سجينه تدخل بنص كلبك كون..
بسيطه..
قفلت الباب..
فتحت الجامه ..
كمزت واحس كل عضمه  بجسمي
توجعني...
ردتت اطلع امشي بممر ضيك.
مديت راسي واشوفه واكف
يم السيارة ...
صعدت وشخط السيارة ..
طلعت من باب الخدم ....
بدون حجاب طبعا...
اخذت تكسي .. .