ضلينه كاعدين
ربع ساعه تقريبا
واجه شيخ.
اني دا ازوج
ومنو.. ابن العائلة الي عيشتني
يتيمه طول عمري .. عيشتني
الفكر والجوع، الشوارع، الاهانه
والضرب خلتني اشوف مناضر
مقرفه وعمري ٩ سنين..
خلتني اكبر واني ببيت ناس
محترمين سله الزبل أكثر مني
خلتني افقد برائتي واني بعمر
طفلة..
خلتني اصير بهلنمرة والوكاحه
والجرأة وصلتني لهيج مرحله
ولهاي الكعده ما راح اسامحكم
طول حياتي... بس مجرد وقت
وراح تبوسون رجلي بسيطةة.
...
تزوجنه..
تزوجت.. للمرة الثانيه هخ.
ولو جنت ما احب فكره الزواج
ولا خالها ببالي ..
بس هلفرخه غيرت كلشي ..
جريت نفس. اشش انجب
تزوجت بس حته تساعدها مو لشي ثاني
تمام.
خلصت..
شمرت بخلقته لفلوس
طلعت..
صعدنه السيارة..
فتحت الموبايل واشوف الف
اتصال من حسن وابوي عمي و..
اهوو بدتت السوالف التعبان حضها.
.....
وصلنه للبيت.
نزلت فتحتلها الباب.
لزمتها من ايدها ودخلت.
الكل جانو متجمعين
طبعا رحت بدون ما اكول لأحد....
العائلة الكريمة كلها موجودة.
هلو ..
جدي .وجدتي لا كملت هاي هيه.
طبعا جدتتي جانت بالنجف تزور اهلها
حته تلحكهم هخهخ لا اشاقه.
اول ما شافته.
سكينه. ولك نمير تعال يمه احبنك..
جلبت بركبتي.
خرب حضي.
انمر. الحمد على سلامتج حجيه بس خليني اتنفس.
وخرت.
سكينه. يا يمه فوك ما احبك
باوعت على هاي الي واكفه يمي.
فزت.
يا يمه ياهي هاي البت.
ملاك.
اشوف الكل يباوعلي ..
ناس ما اعرفها ..
تذكرت ...
جنت بالرابع ابتدائي
وجان لازم اقرة نشيد بالاصطفاف.
تقدمت.
المدرسة. يلا جيهان اقري.
ابتسمت.
مشيت خطوة.
تعثرت بأسلاك السماعه
ووكعت..
جان اكو مناسبه
عيد الطالب. وهواي طلاب جايين
اهاليهم.. تجاهلت هلنقطه.. وكعدتت بغرفه وحدي سديت اذني واني ادرب على النشيد الي حقراه.. من وكعت حسيت
بوشه بأذني.. رفعت راسي اباوع على الطلاب والناس الي جايه...
اشوفهم بعيني يأشرون بأصبعهم عليه
ويضحكون.. شفت مره جبيرة تضحك..
مدرستي... والمديرة عصبت وهيه تحجي ،
المديرة. هسه غير طلعون بنات
يعرفن يمشن..احسن تنفشل كدام المشرفين.
وكفت..
و رجعت وكعت..
احس رجلي ما تحملني
ارجف .. اباوع الهم .. الناس
الي جانت تضحك. سكتت.
واسمعهم يحجون.
.. خطيه يمه .
.. كومي بنتي كومي.
... احد ينزلها.
.... محد جاي من اهلها؟
وكفت..
ركضت وركضت.
طلعت برة المدرسه
اركض بعز الضهر...
ركضت مسافه من المدرسه للبيت
دخلت .والباب فارغ كالعاده
بوجهي للحمام...
فتحت المي كعدتت جواه
واني بملابسي..
ابجي بصوت مكتوم..
ومن هذاك الوقت ما رحت للمدرسه مره ثانيه.
....
انمر.اباوعلها ساكته ومدنكه.
انمر.احم.. اني راح احجيلكم كلشي
على الغده ان شاء الله .
باوعت
انمر. جدي تسمحلي اصعد.
يعقوب. اخذ راحتك ابني.
انمر.ابتسمت. مرخصتكم .
صعدتت وهيه وياي.
ساكته ومدنكه خدودها حمرررر
تبجي؟
وصلنه للغرفه.
دخلت.
باوعتلها
انمر. شبيج بوية.. صار شي .
ملاك ...
انمر. ملاك .. كعدتت ركبه ونص كدامها.
دارت وجها عني.
انمر. شبيج بتي غير افتهم قبل شوي ما بيج شي.
ملاك. درت وجهي عنه ..
بلعت ريكي غمضت عيوني ..
ابتسمت.
دنكت راسي اباوعله.
لزمت ايده الي لازمه ايدي.
ورفعته..وكف.
ابتسمت.
ملاك. ما بيه شي .
انمر. جا ليش تبجين.
ملاك ههه.. بلعت ريكي..
باوعتله.
ملاك.ه...هاي دموع فرح.
عكدتت حاجبي.
انمر ابتسمت. فرح لو حزن .. ما اريد اشوف دموعج بالحالتين .
ملاك. ليش هيه لدموع من تريد تنزل
نكدر نمنعها.
سكتت واني اباوعلها.
انمر.ل..لا بس .. نكدر نتجاهل السبب الي يخليها تنزل.
ممكن.
ملاك. شلون.
انمر ضيكت عيوني واني افكر.
مثلا .. نطلع اغنيه ونضل نركص.
ساكته اباوعله.
عوجت حلكي.
انمر.ها غيرها. اوو.. نصعد السيارة ..
افتح السكف الفوك.. وامشي ٢٠٠
بشارع فارغ.
ملاك....
انمر.غيرها غيرها. مثلا .. اروح اخبث على الناس واضوجهم مثل ما اني ضايج.
ملاك.ابتسمت.
انمر وهوه رافعه اصبعه عليه.
هاها عرفت. هههههههاي.
مثلا. نروح نحط فاره بغرفه رقيه
وتشوفين شيصير.
ملاك.ضحكت.
انمر.لووو... شايفه هاي المره العجوز
لخنكتني هسه ..
بس .. كوليلها ا..
لالا هاي متفهميها.
ملاك.لا افهم احجي.
انمر.تؤ.
ملاك.عبست وجهي.
انمر. المهم.
ما.اريدج تبجين مره ثانيه
واذا صارت تجين تكوليلي
منو.. حته اكسر راسه
خوش.
ملاك. خوش.
انمر.ههه اي عفيه.
دار ضهره.
ورجع وكف يمي.
انمر. والحجاب عليج يكطع يملخخخخ
يفششخخخ.
ضحكت.
انمر. يلا .رايح.
طلع.
لاحضت على روحي
مبتسمه.
خفيت الابتسامه
من وجهي.
خلص خلصصص.
أنت تقرأ
الملاك الاسود
Mystery / Thrillerللكاتبة روميساء : باللهجه العراقيه. ملاحضه/بارتزز هواي بس قصيرات نوعاً ما طولهم150سَـم هيچ شي.😸❣️ الروايه تتلكم عن فتاه خسرت اباها وتركتها والدتها وحيده مع زوجه العم القاسيه... فكيف ستكون حياتها ؟ وهل سوف تنتقم لوفاه والدها؟ هل سوف تتغلب على قلبها...
