الملاك الاسود

بارت ٨

انمر.دخلت
المركز شبه فارغ
بس الحارس برة
اني شجابني هنا
مو جنت مطمور
بالبصرة... هواي احسلي.

وصلت للزنزانه
تصير ورة مكتبي
هيج زغيرة  مؤقته..
واشوفها...
جانت نايمه...
مخليه ايديها جوه خدها
ونايمه...
تخبلت....
بسيطه عادل اذا ما خليت
الخره يطلع من عيونك ما اتسمه انمر.

طلعت المفاتيح...
افتح الباب .. بس طخيته
فزت...

كعدتت وهيه خايفه...
بجت بلا اي مقدمات ...
شني من بنيه هاي..

فتحت الباب...
دخلت.

انمر. اسم الله.. شبيج بوية ما تكليلي.

تباوعلي بتركيز
يمكن تذكرت.. .
رفعت ايدها بتجاهي..

تقدمت..  لزمت ايدها
ودنكت عليها .

ملاك. جنت نايمه
الليل كله ما كدرت اغمض عيون
افز فورا بلا سبب. 
سمعت صوت مفاتيح حسبت روحي اتوهم..
فتحت عيني واشوف
شخص يريد يفتح الباب
تخبلت ..
حسيت رجفه بكل جسمي.

تقرب وما اعرف شنو يحجي...
ه...هاذ.. .. نفسه...

انمر. جانت ساكته ودموع ناشفه على خدها من باوعتلي سكتت...
ورجع حنجها يرجف..
حضنتني.!
اي حضنتني تريد تدخل بكلبي
ترجف وتبجي وتناشغ...
اول شي فكرت بي..
اول ندم حسيته.. اني شلون عفتها
والله ما عبالي هيج .... 
ولا قاصد اخليها تخاف هيجج..

اريد احجي
بس احس لساني نقعد
رفعت ايدي مسحت كصتي. 

انمر. اءء... م..ملاك.

نزلت ايدي
لزمتها من زندها
اريد ابعدها عني.

رجعت دخلت اضافرها بضهري
أكثر وأكثر.

ملاك. هئ هئ.

انمر. بس باعيلي لحضه  خلنفتهم..
لزمتها ووخرتها غصب وهيه تبجي
شعرها نازل على خدها.. دموعها
عبالك داخلات سباق..
عيونها حمر رموشها أكدر احسبهن
حساب...
لشفه حمره دمم..
بس اريد اعرف هاي الفرخه شني.

انمر. اءء..

ملاك. ليش رحت..
اا ...انت.. انت كلتلي هسه اجي..

انمر. ..
اباوع عليها
وما اعرف شنو لخلاني ما أكدر احجي
اريد احجي بس ما أكدر ... بس ابلعم
واسمعلها....
اني اعرف روحي مصخم وهيه تزيدها عليه.

انمر. ا...

وخرت ايدي بعدتت عني  ودارت وجها .

حسيت روحي نتلت...

انمر. ا... صار عندي شغل..  بعدين اني
ما كتلج هسه اجي  لا تجذبين.

باوعت عليه ع اساس معصبه.
ملاك. اني مو جذابه
وانت كلت هيج اني متأكده.

انمر. هاي بعد ضلت يمج
اني اعرف روحي شحاجي
ما منتضرج تكليلي.

رادتت تحجي
وسكتت وهيه عاكده
حواجبها. 
شعرها لنازل على عيونها
عصبني ..
اريد اوخره... اريد ازيحه شوية
بس شوية.

استغفر الله اني شمسلت.

وكفت
انمر. كومي يلا..

دارت وجها  .

انمر.مو احجي وياج،

ملاك....

انمر. يعني تضلين هنا.

ملاك. ..

انمر. خوش.
رجعت خطوات
بطيئة...
اول خطوه.

ملاك. وعيونها مدمعه.
لا لا.

انمر. ديلا كومي.

سندتت ايدها بالكاع
وكامت.

طلعت و طلعت وراها
وسديت الباب.

وكفت كدامها.

انمر. شسوولج...احد سوالج شي
مم ؟ احجي لا تخافين
اشوفج صور وكوليلي ياهو بيهم.

ملاك. بلعت ريكي..

انمر. زين هذاك المطي
الخلاج هنا سوالج شي بعد.

ملاك. هزت رأسها بمعنى لا.

انمر. متأكده.

ملاك...م... ما سوالي شي.

انمر. عوجت حلكي
ما مصدك..
اصلا ما اعرف اذا فهمت قصدي بهلسؤال او لا.

طلعت ..

ملاك. ع..  عمو.

شني!!!

انمر. شنييي؟

ملاك . ا...اني جوعانه.

انمر. احطلج عيوني بصحن..
بس عمو لا تكوليها بعد فدوة روحلج.

ملاك  . شنو.

انمر. دنكت عليها  احجي بتركيز.
عمو... بعد لا تكوليلي.. 
اسمي انمر .. خوشش.

ملاك . ا... انمر..

انمر. فدوة لهلحلك.
اي انمر.

ملاك. شنو يعني انمر.
انمر.والعباس علمي علمج.
ملاك. سكتت.
رحت جبتلها
اكل ...
وما قبلت تضل كوه رضت.
كعدتت تاكل.
انمر. تمام اكلي براحتج.
ردتت اطلع. 
ملاك بخوف. وين.
انمر. برة من تخلصين ك...
ملاك.لا تطلع... ما اريد ابقه وحدي.
تحجي وبس اكلها بز تبجي.
انمر.تمام تمام هيني كاعد هنا
اكلي.
رجعت كعدتت
تاكل ..
مبينه جوعانه ، جريت نفس استغفر الله ..
طلعت جكارة..
وكفت كدام الشباك ادخن ..
دك الموبايل . 
رفعته .
انمر. ها حسن.
حسن. انمر وينك ترا عالكه هنا تدري لو متدري.
انمر .اي ادري  ومن اخلص شغلي عود اجي خوش.. ولحد يدك علي لان ما اجاوب.
حسن. انمر ..
انمر. بغضب. حسن كتلك كافي..
سديت الموبايل.
درت وجهي وشفتها واكفه وراي.
خرعتني.
انمر . هاا .
ملاك. شبعت.
انمر. بالعافيه.
ملاك. ...
انمر.....
ملاك. الله يعافيك.
انمر. بعد وكت.
ملاك ..
انمر. لحضه بس انتي مو كلتي عندج عم واحد.
ملاك .اي .
انمر. زين ما تعرفين اي شي عنه اسمه
رقمه وين عايشة اي شي.
ملاك. اسمه عمو علي.
انمر. ايي؟
ملاك.صفنت...
انمر.......
ملاك.و....امم.
انمر. صبرك يا رب.
ملاك.بالبصرةة.
انمر. بالبصرة؟؟
ملاك.اي
انمر. زين. ...  تمام رحم الله والديج.
جريت نفس .. هسه وين ترحييين.
ملاك. وين؟
انمر. والعباس ما ادري .

ضحكت.

احتركو لخلفوج اي والله.