الملاك الاسود

بارت ٦١

فتحت عيني ..
كاعدة كدام المراية..
عفت الحمره بأهمال على الميز..
اسمع صوت الهوسه جوه..

عبير. طالعه تخبلينننننن.

مريم. نياله لانمر اليوم.

عبير. ولج همه صارلهم اربع اشهر مزوجين.

حجيت واني اباوع على المراية.
ملاك. اليوم رح نرجع عرسان.

عبير. اهخخ ان شاء الله الايام الجايه كلها هيج حلوه.

باوعتلها
ابتسمت صفح.
ملاك. اكيد.

دخلت الغرفه.
فرح. اييي يلا بنات وصل الشيخ..
كلهم وصلو.

نزلت الطرحه على راسي.
طلعنه الغرفه..

نزلت الدرج.

لمياء. تقربت زاحت الغطه عن راسي.
يمااااي اروح فدوة لهلوجهه.. يمه لا يحسدوج..
لبستني كلاده بعين زركه.
ابتسمت.

****

انمر طلكها لسحر نفضح كل جذبها
واعترفت لابوها انو انمر مضربها..
ضلت عداوة بس .. محد مهتم ..
بس .. بنفس الوقت .. جان محتار بأهله
اخته الي خرجت عن السيطره... ابوه ومرضه الي يزيد يوم عن يوم .
( بسبب الدوة الي جانت ملاك تخلي بالاكل ).
الجد وتسلطه وغرورة وقضيه المصنع الي نفتحت من جديد.
علي وغيرته من انمر الي ترجع بعد كل مشكله ومصيبه..
وحسن الي من يوم ما عرف موعد العرس وهوه ما داخل البيت ..
وبالرغم من كلشي .. انمر جان مصر
يسوي العرس ..

***
دخلوني للديوانيه الي كد ملعب كلها زلم وشيوخ كاعدين عمامهم خوالهم أقارب اصدقاء بعيد وقريب الناس مثل النمل ...
كعدتت لابسه الحجاب والقفطان الابيض
بنقوشات ذهبيه ولؤلؤ، رفضت اروح لأي صالون رتبت نفسي بنفسي.. مشطتت شعري ضفرته وفتحتها بتموجات خفيفه وتاج الوحيد الي بشعري.
كعدتت..
العب بأصبعي.. واشوفه
كعد يمي..
باوعت واشوف .. ايده ..الي تفر بالسبحه..

*

انمر. مرن شهرين صحيح ..
الموعد جان يتأخر بكل مره..
مشاكل .. ضغط.. تعب... احس راسي
يريد ينفجر .. كلشي فجأه وبوقت واحد ..
اريد اعرف السبب ...
على ابوي... علي .. حسن .. الي ما اعرف شبيهم ..
على الشغل لو سحر .. ومصايبها..
ما مصدك طلكتها وخلصت.. ٣ سنوات
ما متوقع بحياتي ازوج مره ثانيه .. تعوضني ترجع لحياه لايامي... ملاك ..
ملاك الحلو الوحيد بيومي الوحيدة لتزيح عني همي بس بشوفتها بس وجودها كافي .. ما اعرف شنو سويت زين بحياتي
حته ربي يجازيني بهيج بشر.. علاجي..
هيه دواي وراحتي.. بالرغم من عمرها
وزغرها بالرغم من عقلها وبرائتها هيه متعرف.. هيه اماني بهاي الدنيه.
خايف .. اخسرها.. والي يخوفني أكثر
انو كل هاي الكلمات لشخص اعرفه من أشهر ...
معقولة.. ؟
ميهم.. بس خليني اشوفها بنهاية كل يوم
وهاي هيه.