الملاك الاسود

بارت ١٠

وصلت وتلكاني.

حسن. وينك!!

تجاهلته
ودخلت للديوان .

كاضم. شرف المعرس.

انمر. السلام عليكم جميعا.

ردو.
وعليكم السلام.

الشيخ يعقوب.  خيرك ابني سولفلنه.

انمر. جدي السالفه وما بيها...
امبارحه رجعت من الشغل وردتت انطمر زلمه تعبان.. كعدتت صبح لكيت المره
بت عمي المحروسه رايحه لهلها..
والباقي تعرفه.

كاضم بغضب. بتي اجتني ب٦ صبح
وجها ازرك ملابسها ملخه من الضرب
تحلف وما تكدر تتحرك منا لهنا.. انت علمنو تضحك بعد عمك.

انمر.هه لاه لاه عمي حشاك اني اضحك عليك .. تؤتؤ..
حجيت الي صار واذا ما مصدك
وما مقتنع وشايفني  جاي اتغشمر وياك. 
المن حركتو الجهاز على راسي
وجبتوني من نص شغلي علمود سوالف بتك الما تخلص ...
هاي مو اول مره وسوالفها هاي
شبعان من عدها ولحد هليوم
ساكت ومتحمل  لخاطرك ولخاطر
اخوانها ليسمعون هسه...
والا صدكني اني بأيدي اخليها يم بابك
  لو رايد اكتلها  على كلشي ..
جان كل يوم تلكه وجها ازرك مو بس هلمره..
بس خلينا نسكت هسه ..
لان مو وكته.

محمد بحزم.انمر.

يعقوب. اتركه يحجي.

انمر. هاي هيه جدي هاذ العندي.

كاضم. سكت وهوه يزفر بغضب.

يعقوب. كاضم.

كاضم. بوية يعني بنتي هيه ضربت نفسها واجتني تبجي.

يعقوب. احنه مكلنه هيج ابني ..
احنه عائلة واني ليش قررت ازوجكم
سوة لان اريد نبقه متماسكين وتبقه
رابطه  بيناتنه ، وحته مشاكلنه تنحل
لان احنه بالاخير  عائلة .. سوء تفاهم
يصير  .. والي يريد الصلح ...

انمر. مرخصتك جدي اقاطعك
اني جدا اسف..
بس الصلح الي تحجي عنه
الي يصير ثاني يوم ..
اني ما راضي بي..

كاضم. شني عود.

انمر.مثل ما سمعت .

محمد. ابني لا تتسرع.

انمر.بوية ما متسرع هاذ قراري.

يعقوب. براحتك ابني براحتك.

انمر. رحم الله والديك جدي.

سكت الكل..
مده  دقايق..

وكلمن نصرف لبيته..

الجد يعقوب
وولدة الاربعه ..
محمد وعنده ٣ اولاد  انمر و حسن عمره
٢٢ يدرس صيدله وعلي الجبير مزوج بت خالته وعنده طفلين. 
واثنين بنات عبير ٢٠ و
رقيه ١٨ سنه .
كاضم وعنده بنيه وحده الي هيه سحر
و٣ ولد  كريم واحمد ومصطفى .
ايمن. وعنده ٢ ولد و اثنين بنات.
خالد وعنده ٤ بنات و٣ ولد.
وكل هاي العائلة ..
تسكن بقصر بنص مزرعه جبيرة
وقريب منها بيوت زغيرة لكل ابن هوه وعائلته..
يتجمعون كل يوم وبكل المناسبات
وبكل الكعدات الي ما تخلص.

طبعا اني انمر..
ما عرفتكم عن نفسي.
عمري ٣٣ سنه خلصت شغل ومشاكل
وتمسلت الله وكيلكم..
سنتين واصير ٣٥ وبعد ٥ سنوات واصير ٤٠ سنه ششفت من حياتي.
المهم.
مزوج سحورة جان عمرها ١٩ سنه
ومثل مسمعتو جدي وعائلته الجميله
متعودين يزوجون ببعضهم وبأغلب المرات جان يجي واحد من الولد
يحجي وي جدي ومثلا يكله اني رايد بت عمي. بت خالي هيج ..
اني الوحيد الي ما حبيت لا بت عم ولا بت خال..
خبصوني بسحر بس طلعت حجايه مني هيج كلمه بعدني ما ناطقها.   
كضيت ابوي وكتله اريد از...
بعدني ما مكمل الجمله
وطب.
محمد.ايباخخخ هاي بت عمك سحرر. 
سحرر!!!
هاا سحرر. 
اي سحر..  لا ما اريدها 
حدما صرت أشوفها بالحلم كدما
لزكوها بيه..
خطبتها شهرين وزوجنه
وعايشين مثل هاي الناس
بس بمشاكل تافهه مضاعفه عشر مرات
هيه مدللة وتتنعوص هواي ولسانها مترتين واني ما توالمني هيج نماذج
بالحسين .
هيج ما لكيت لتعجبني وعلي..
لهذه السبب ضليت على سحورة
.. وماكو فروخخ أسباب عائليه ما احب اشارك خصوصياتي وصارلنه ٣ سنين مزوجين لان من صرت ٣٠ سنه  تكهربت
طلع شيب براسي  كلت لازم ازوج ما بيها مجال
وشكرا جزيلا.

رجعت للبيت ..
شمرت روحي بالفراش
غمضت عيوني ونطمرت.

....

ملاك. عافني وراح
لا لا .. ما ابجي
ما ابجي لزمت دموعي
واحس روحي اريد اموت
اخاف احس جسمي كله يرجف
ما أريده يروح ... ما اريد اضل وحدي
خلي يرجعني.. وين..وين اروح ليش اني
عندي بيت ما اريد ارجع لهذيج الغرفه
ولا نفس المنطقه ولا الناس كلشي غريب عليه احس روحي بعالم ثاني .....
دموعي نزلت بله اي مقدمات
وما كدرت اكله يضل ... يصيح عليه
ويرزلني كل شوي...
شلون هيج يسوي شلون ينطي كلبه
اصلا اني ما قصدي  بس ... ..
مستحيل ابجي مره ثانيه.

دخلت المره.
كريمه. شبيج يمه ليش تبجين.

ملاك. رفعت راسي اباوع عليها وما نطقت حرف.

كريمه. تقربت لزمتني من جتفي.

فزيت ووخرت عنها.

كريمه. اسم الله يمه شبيج ..

ابتعدتت عنها ووكفت..

باوعت بالمكان.

ملاك. ا...اريد م...مي.

كريمه. بعيوني يا يمه كايمه.

راحت ..

وكفت اتنفس بصعوبه
مستحيل اضل هنا اني
مستحيل..
طلعت ..
بالطارمه فارغه
ركضت برة..
اركض واركض
بأي لحضه اوكع
على وجهي ...

فجأة..