ولاده متعسره

الجزء الاول

العمال يدخلون غراضنا للشقه واني بيناتهم اخذ منهم
احط صناديق المطبخ بالمطبخ
صناديق غراضنا اني واختي بغرفتنا
سمعت صوتها بالهول تصيحني : تيمار تيمار

رحت عليها

- هباوي اخلص الي بين ايدي وارجعلج

هبه : اوكفييي

انداريت عليها

كاعده عالكرسي المتحرك و الغطوه العليها واكعه بالكاع ورجلها طالعه

حطيت البيدي بالكاع رحت عليها اغطيها بست راسها : لتضوجين محد شاف

هبه : متعبه التحويله تكدرين وحدج ؟

- شيرادلها هسه يجي كرار ندخل الكراتين جوه و نعدل القنفات و الثلاجه و التلفزيون يصير المكان يخبل

هبه : شايله كلشي وحدج واني مشلوله ع هالكرسي لا فايده ولا زايده

- اشش لتحجين ع نفسج انتي ورده مفتحه
بس الله يفرجها علينا تسوين العمليه و تمشين
و ترجعين تكمزين ع راسي تكعديني من عز نومي

هبه : هههه

بستها عقجت خدودها بايدي : لك فديتةةةة

هنا سمعت صوت كرار عالدرج : سلام عليكم

صحت : تعال كرار

دخل : شني هاي دزني لاند .. اميرات ديزني ياربي

- غلطان القصر الملكي بس نضرك ضعيف

هبه : حبيبج يستهزء بينا تره .. هو لاكيلنا هالشقه و هسه يتنمر عليها