يوصلنهَ السِرة ويتأجل المُوت
يمّ أرگابنه وتعمَى السچَاچين .
•~•~•~•
تجيت روحي عالحايط امشي ع كيفي بتعب
احس الكاع تفتر بيه
مادري وين رايحه امشي بلا هدف
عيني صارت تغمض شويه شويه
صوت العياط صار صدى
رجلي كامت ماتمشي اطرافي نملت
وكعت ع ركباتي و راسي عالحايط
عيني رمشت ع كيف مره ثنين تلاثه
و رحت بالنوم فقدت الوعي
اخر صدى صوت سمعته ركعة الباب وصوت ركض وطبطبه الاحذيه بكل مكان
غبت عالوعي مادري شكد
فتحت عيني عالسكف و ريحة الادويه
ارمش عيني بتعب لفت راسي شفت روحي بالمستشفى
نايمه بالفراش جتفي لحد صدري مشدشد
وممرضه واكفه
مديت ايدي الثانيه الزم الشاش الممرضه انتبهت
جتي عليه : لالا دير بالج الشاش اذا تحرك تروحين الشغل كله
حجيت بصوت مبحوح : شجابني لهنا ؟
المررضه : لتفكرين بشي المهم ترتاحين
- بس راسي يفتر والكاع مو ثابته عبالك
الممرضه : هههه ماكو شي بس تأثير العمليه عادي
- شنو الصار ؟
الممرضه : جابوج غركانه بدمج خيطنا الجرح 3 خياطات
تأذيتي شويه ضليتي تلوبين بنومج لان بلا بنج
أنت تقرأ
ولاده متعسره
Romansaعينه تجدح من العصبيه : تعاي احسنلج نزلت من الرصيف عالشارع العالم صرت بنص السيارات اركض بيناتهن ادور تكسي اركض منه اني واسمع عياطه : رجعي داكلج
