ولاده متعسره

الجزء السابع

أمام الأنثى لا تتحدث عن أنثى أخرى
إما ستبكي .. او تكرهك

ركع الميز : غصبن عليج تسمعين وتسكتين

كمت داروح

عتني من ايدي راد يكسرها

- شجاك اليوم تخبلت ؟

رجعني شمر عالكرسي : عبالج نسيت حجايتج السخيفه
لحد هسه صابر عليج تيمار

- و شنو الجابرك ؟

- وست لحسن ممجبوره عود ؟
خاف نسيتي نفسج ؟

شال اصبعه ياشر عليه من فوك ليجوه : الكساج و كبرج منو ؟
اني السويتج ولج
من بنت الكوفي الكل تأشر عليها تحجي بسمعتها سويت وحده الكل تاشر صوبها تحلم تصير بجمالها
كعدتج بشقه تحلمين تمرين بشارعها
و المستشفيات و علاج اختج المريضه ....

- كلمه زايده و حتصير محلوه دير بالك سيف

- دست عالجرح ؟ كلت اذكرج لا ناسيه ومصدكه روحج

- اي شي نطيتنيا اخذت اضعافه مني
عيادتك جانو يمروها ثنين تلاثه بفضلي صارت مواعيدك بالحجز ماملحك عالتجميل
محد ضربك ع ايدك و كالك شيل بنت الكوفي من جوه الكاع وحطها ع ريش نعام
حاسبها بالورقه و القلم تعرف خسائرها ماتجي شي يم ربحها
مو علينا دروبكم دكتور

- ههه بس شيلي جناحات الملائكه من ع جتفج لا يفوتن بعيني