ولاده متعسره

الجزء الرابع

من يتعامل مع الحياة بقلبه
تخدشه التفاصيل الصغيره
الصغيره جدا

- نزوج

- ههههه هذا المشهد شايفته بالافلام القديمه والجديده صار مستهلك كلش

- ما اشاقه وياج صيري جديه بالحجي

- معناها لتحجي شي يضحكني ضيعت وكتي و وكتك استأذن

داكوم كال : علمود اثبتلج مدا العب اذا وافقتي ثاني يوم اعقد عليج

باوعتله بتعجب : شارب شي ؟ شتعرف عني حته تعرض عليه زواج

- ماخليتيني اكمل كلامي بعد ماعرضت عرضي

- اسمعك

- كعدي و اهدي حته تسمعين عدل

كعدت : يله اهم شي ماتكلي حبيتني ماريد اكلب ع بطني من الضحك

- حبيت شكلج و عاجبني اصوغه من اول وجديد

- عفوا ؟؟

- زواج مصلحه انتي محتاجه تزوجين حته تحسنين وضعج واني محتاج وحده اعيد صياغتها و اروج بيها لشغلي

- انت طبيب تجميل ؟

هز راسه اي

ضليت صافنه علي استوعب كلامه جدي لو ديتمهزل

كام يروح كال : المكان هوسه ومرح نعرف نتفاهم هنا بس سيادتج عجوله متنطين مجال الواحد يحجي وياج .. رقمي صار عندج فكري بكلامي
اذا موافقه تعاليلي نتفاهم عالتفاصيل