انشمرت حيل صرت اتكلب اندفعت ليغاد كلش
جسمي تكسر عضامي عاطن بيه
ماركزت بالالم رفعت عيني باتجاهه
لمحت سياره سوده مضلله لافت اللوفه وطارت وراه
اخر جمله كالها الي صارت ترن باذني
من كالي انتي بالكلب ماتخلصين مني لاخر يوم بعمري
عطت بشهكه : سنااااااااان
قريب ال5 دقايق ايدي لازمه الكاع ابجي
فاتو ثنين لابسين ملابس رياضيه متوجهين ع ملعب ليغاد من مكاني
سمعو صوتي جوي سريع شافوني يسئلوني: سلامات بيج شي ؟
واحد كاله لليمه : متكسره عبالك شو منو شامرها هنا
همه ويحجون فاتت سياره بيها عائله رجال جبير صاح
الشباب كلوله : لو تجي تساعدنا عمو لكيناها بالكاع مندري سالفتها
نزل الرجال ومرته : كومي بنتي كومي
سندوني عليهم صعدوني للسياره
هنا دك موبايلي مرت الرجال يمي وره : من وين انتي
بس فهمينا وين اهلج ؟
اني لازمه راسي ابجي روحي دتطلع
مدت ايدها بجيوبي تدور الموبايل طلعته فتحت الخط : الله يساعدكم هذا موبايل بتكم ؟
احنه ومارين لكيناها عالترابي الجانبي من الخط السريع ..
اي محمد القاسم
هياتها يمنه بالسياره
مادري متحجي شي بس تبجي مدنعرف ناخذ منها كلمه
اذا ابوها تعال اخذها الله يخليك منريد نتورط بمشكله
ماشي هسه ندزلك الموقع
أنت تقرأ
ولاده متعسره
Romanceعينه تجدح من العصبيه : تعاي احسنلج نزلت من الرصيف عالشارع العالم صرت بنص السيارات اركض بيناتهن ادور تكسي اركض منه اني واسمع عياطه : رجعي داكلج
