ولاده متعسره

الجزء السادس عشر

مرات اشوفك حلم
مرات اشوفك طيف
يلبيك برد الشتا يلبيك حر الصيف

ركضت بين وحده من العمارات القديمه بيها اعمده عاليه خارجيه
ختلت وره وحده منهم
اتلفت ادور الي ويايه وين راح ؟

انهز رجاج موبايلي فتحته هيثم كاتبلي مسج : تلعبين ويايه مو ؟

داجاوبه ماحسيت غير ايد خلت ع حلكي
و اجفتفت ايديانتي من وره
انسحبت داخل العماره بسرعه مال محترفين

رحت بالنوم بنفس اللحضه شلون تخدرت بهالسرعه ماعرف

فتحت عيني بصعوبه ارمش ع كيفي
صوت رياجيل يمي يسولفون بيناتهم
دخان الجكاير كفخ بخشمي
حركت اصابعي ايدي تتحرك مامشدوده
وعيت اباوع عليهم داير مدايري

كمزت من مكاني صار يم ايدي كلاص كسرته

همه فزو يباوعوني كلهم فاتحين ايدهم : اهدي

اني رافعه الكريزه بوجههم ارجف : منو انتو ؟

- هسه تفهمين كلشي بس ذبي البيدج

- لتتقررررب .. اكتلك والله تتقرب خطوه وحده احطها بكلبك

واحد يباوع عالخ : صيحو راعيها يمعودين يهديها

واحد منهم : خابرته بالطريق
اندار عليه : مانضرج انتي هنا لمصلحتج اهدي

احنه و بهالوكفه دخل واحد وراهم
صاح سلام عليكم
اندار همه و يوخرون عالجانبين
صار بوجهي سنان