ولاده متعسره

الجزء الثالث عشر

هسة آنـي خل أفترض
أيامي تنساهن
ماعندي يمَك صور
بالصدفة تلگاهن؟

•~•~•~•

كعد كدامي سكت شويه كال : اي جنه بعلاقه من جانت محكومه هنا

هزيت راسي

يحجي كلمتين ويسكت
كال : تردين تسمعين القصه كلها انتي؟

- مو المفروض اعرف ؟

- تيمار نزوه وعبرت

- احساسي يكلي العكس و جيتها لهنا تاكد كلامي
لتخليني اعرف بطريقتي

- احجيلج عادي بس موضوع قديم هذا واني جنت تعبان اخذت قرار بلا وعي

- الي هوه شنو ؟؟

سكت بعينه خوف من رد فعلي كال : خليتها تنزل الطفل

نهزيت من حجاها
تعابري ثكلت
- اممم يعني جانت حامل ؟

- تيمار

- كمل

- جنت مطلك و مشتت بافكاري وصارت كدامي
حبتني حسب كلامها بس اني ماجنت بوضع اتقبل وحده و احبها

- ممم

- حملت بلا ماعرف

- مممم

سكت متردد يحجي
جر نفس كمل : تعصبت عليها تعاركنا عفتها
وحته نرجع شرطت عليها تنزل الطفل

مسحت وجهي بتوتر : ممم

- نزلته و ..
نهيت كلشي