ولاده متعسره

الجزء الثالث

حبايبي لتنسون تعليقاتكم و التصويت ضروريين

وصلت غاد للشارع العام انتظر تكسي

سمعت صوت ورايه انداريت شفته جاي من شارعهم باتجاهي
يمشي سريع ياشرلي بايد و الثانيه لازم بيها شي ماعرفت شنو

عينه تجدح من العصبيه :  تعالي

نزلت من الرصيف عالشارع العالم
صرت بنص السيارات اركض بيناتهن ادور تكسي
شافني اركض منه اسمع عياطه :  رجعي داكلج
وهورنات السيارات تضرب من كل جهه

عبرت عالجهه الثانيه سايد الرجعه

ماطور فات سريع الا شويه يدعمني دمي نشف

اني واركض صار بوجهي تكسي يم فرع
صعدت بي قفلت الباب
كتله : اطلع بسرعه مستعجله بسرعه . منا منا بالفرع يلله

كرار عبر الجزره الوسطيه متجه علينا
التكسي لحك فات بالفرع وطلعنا

انداريت شفته واكف يتلفت

وصلت للشقه طبيت للحمام اغسل وجهي
اني واغسل دك موبايلي رغد ام يوسف
مجاوبت كتبتلي واتس : فايته بسيارتي شفتج صاعده تركضين صاير شي ؟

كتبتلها : من اشوفج احجيلج

هنا سمعت صوت تركع الباب مال شقه

فزيت صرت بالهول اباوع عالباب اشوف الخيال منها
كرار يضرب بايده و يركع برجله
شافني مافتحت كام يصيح