ولاده متعسره

الجزء الرابع عشر

إن طالت مدةُ الألم يباتُ جزءاً لا يتجزأُ من الانسان نفسه 🖤.

•|•|•|•|•

خلص جكارته كام سحبني من ايدي : يله عيني عود تفكر ماعندج خيار ثاني اصلا

احنه وطالعين من غرفته سمعنا صوت بنهايه المرر يم باب السجن اليطلع عالبره
باوعنا سنان يتجادل ويه اللواء و الضباط بيناتهم يردون يسكتو صاير نار

هيثم همس باذني : نسيت اكلج .. حبيب الكلب متهم بقتل عشيقته السابقه

انداريت عليه الصدمه ماكلتني : مو مو هو مستحيل مايسويها 

قاطعني : هششش

سحبني وداني للعنبر دفعني عالباب : انتظري مني خبر اليوم

يوميتها انتظرت اي خبر عن سنان راح ويه الدوريه لمركز التحقيق و مارجع

حطيت بنطروني بحظني اخيطه بطانه بنهايته حته اضم بي الموبايل كبل لا ياخذني هيثم
اخيط ودموعي تنزل
اكلني الرعب
خايفه ع نفسي على اختي
خايفه ع سنان و خايفه منه

الفجر امدده بفراشي البنات نايمات
انفتحت باب العنبر ع كيف
دنيا ضلمه ماشفت احد بس حسيته هيثم
كمت رحت يم الباب سحبتها منه اشرلي براسه يله

رجعت اخذت جنطتي و رحت وياه
احنه وماشين بالممر كلي : حجيتي شي للبنات ؟