ولاده متعسره

الجزء الثامن

لم يفوتني القطار وحده
بل فاتتني المحطه و ضلني الطريق
و خانني رفاق السفر

- شبيك غير افتهم

- سيف مات موته فجائيه انعرض ع الطب الشرعي
والتقرير يكول
مات مسموم وبدو يحققون منو جان بحياته ومنو غادرها
اذا درو بزواجكم السري و وصلوج تاكليها
طلعي من العراق باسرع مايكون
اني لو ما داخل بيتكم و شايفج من اهل الله جان هم شكيت بيج ..
بسرعه ماكو وكتتت

سديت وياه منا ركضت ع اقرب مكتب سفر اسئل ع الدول الماتريد فيزه
كلي ماليزيا اقرب شي سعر التذكره ...
كتله مو مهم السعر احجزلي بسرعه مستعجله

يدك بالحاسبه و يباوعني كال : طيارتج باجر ساعة 11 بليل

- ماكو حجز اقرب ؟

- الموسم صيفي مزدحم يصير

ثاني يوم محضره الجنط وكاعده احجي ويه هبه تبجي تكلي

- ضروري تسافرين ؟ يجوز ماكو شي

- طيارتي بعد 7 ساعات اروح من وكت علمود اجراءات الكاونتر و التفتيش

- كلبي مقبوض مامرتاحه لتسافرين خليج يمي

- ماعوفج حبيبتي فتره مؤقته و نرجع سوه

احنه ونحجي اندكت الباب

رحت فتحت ثنين من الاسايش