ولاده متعسره

الجزء الحادي عشر

عيش بيدَك ، موت بيدَك
طيح صدفَة ، وشوف چم إيد ألتريدَك
غَطي حِزنك ،نام ويه هَمك
شوف ياهو يدور ألبيك ويضُمك
شوف ياهو ألينفض الدِنيا ويعرفك
هَذا يسوى يعيش يَمك
هَذا يسوى يجيس شَعرك
هَذا يسوى يموت بيدَك
هَذا كُل روحه تريدَك

انتظر تصويتكم و تعليقاتكم الحلوه🔥

•••••••

القاضي استجوبني و استجوب الشهود
الجلسه كلها اني ع اعصابي

المحامي مالتي لعب ع وتر الاوقات الجنت اشتغل بيها و اوقات شغل سيف
وانو جياته للبيت جانت قليله و ماياكل ويشرب يمي هوايه
و اله اعداء شغل و نزوات ثبت كلامه بمستندات
وانو شقتنا جانو يجوها هوايه ممكن نقلو العدوه اله عن طريق اللمس
باعتبار نوع السم الي مات بي ينتقل عن طريق الاكل او اللمس او برذاذ الهوا
القاضي قرر يأجل الجلسه شهر لما المحامي يجمع ادله ع كلامه و يثبت دفاعه
رفع الجلسه وطلعنا

احنه وماشين للسياره نسولف عالجلسه عرفت منه سنان حاجي وياه وناطيه كم نقطه يترافع بيها باعتبارها نقاط وارده وممكن تغير مسار القضيه
ف القاضي يأجل الجلسه لعدم كفايه الادله

طول الطريق افكر سنان دور وره قضيتي مصدك ببرائتي يعني ؟
ساعدني بخطواته هوايه