تعبنا و ناسنا يتعبون
يحبون الحجي المنكول
وعلى الموزينه يتونسون
~~~
ماشوف الا ايد انحطت ع حلكي كتمت صوتي
و الايد الثانيه جتفت ايدي من وره
دفع نزلتني جوه الدرج سريع مكان اضلم بعيد ع غرف الضباط
انشمرت بالكاع نزلت عليه خنك من ركبتي
تصك بسنونها و تحجي :حطيتي سالفتي بحلك سنان
بحلك الضابط
من يكول لرجلي و كتلتي تصير حلال تفرحين مو
اليوم ادفنج اموتج
تخنك بركبتي ويه كل كلمه و تصك سنوها متهستره
- تريد تفضحيني ؟ لج موتي عزرائيل ياخذج و يخلصني منج
اني فاتحه عيني ولازمه ايدها اريد اوخرها ماكدر
فوكاي و تخنك بيه قوتي مو مثلها
رجلي ترفس منا ومنا
صرت اطلع بالروح
لما صارو ناس داير مدايرنا يجرون بيها
صراخ و عياط يصيحون الضباط
هيه مجلبه بركبتي
من جروها ياخذوها صارت تبجي و تصرخ : عوفوني هيه دمرتني ضيعتني يارب اموت الله ياخذني و يريحني
اخذوني للطبيبه فحصتني نطتني حبوب للقصبات الهوائيه ركبتي تاذت من الخنك
طببوني عالضابط لكيت سنان هم كاعد
الضابط كال : تكدرين تحجين ؟
صوتي مبحوح كتله : اي
أنت تقرأ
ولاده متعسره
Storie d'amoreعينه تجدح من العصبيه : تعاي احسنلج نزلت من الرصيف عالشارع العالم صرت بنص السيارات اركض بيناتهن ادور تكسي اركض منه اني واسمع عياطه : رجعي داكلج
