حرقة القلب وش يهديها؟

part22

-الفصل الثاني والعشرون-
سعود : خذ واخلص
وقف صقر التسجيل الصوتي وأرسله له وحذف المقطع ورجع الجوال ل سعود: انت شنو ماعندك برنامج الpix
سعود: شنو هذا؟
صقر بترقيع: خلاص مب مهم ومشى
سعود يكلم مشعل: هذا مو صاحي ترى !
كانوا متجمعين تحت بالصاله ...
رعد: بكره عقب ماتخلصون من الدوام بنزور تركي وراكان اللي يبي يروح يجهز عمره
فيصل: راكان سجل جامعه؟
رعد: سجلته ووقفت قيد لين يقوم بالسلامه
صقر: عاد يلا الدفعه الكبيره الحين هالله هالله بالدرجات ياشباب
سيف قام: انا راجع البيت
مشاري: عسى ماشر ؟
سيف: لا بس بقعد مع بنت اخوي شوي
فهد بحزن: سيف واللي يسلمك جيبها معك بكره
سيف: ابشر وقام ..
مشاري: بسألكم الحين هو متزوج غصب؟
فهد: لا كنت بتقدم ل مرت خالد عشان اداري ولد اعز ربعي بس سيف قالي انه هو أولى بمرت اخوه
مشاري منسدح ع مشعل: اهخ الله يرحمك خالد
       ............... عند سيف ............
دخل البيت ولقاها قاعده بالكرسي سرحانه قعد حذاها: الحلو ب شنو يفكر؟
التفتت له نوره وبحزن: خالد مات وماودعني
ضمها سيف وهو زعلان عليها : الله يرحمه ادعي له وطقها ع الخفيف بعدين ترى اغار يعني ماصار لي اسبوعين متزوجك وتقولين خالد
نوره تمسح دموعها وبضحكه: هههه خلاص اسفه
سيف مبوز : مارضيت
باسته ع خده: خلاص سيفوه والله اسفه
سيف ماسك قلبه: ياويلي انا بس شلون مارضى
نزلت راسها بإحراج وتفرك يدها
سيف ضحك ع شكلها وقام: وين النتفه فجوره
نوره تأشر عليها: اف ازعجتني هالفجر
سيف راح يشيلها ويلعب معاها
          ...... اليوم الثاني في الجامعه .....
صقر قاعد ف المطاعم ومركب سماعه ويسمع التسجيل الصوتي اللي سجله عند سعود جاه رعد وقعد حذاه: انت وينك صار لي ساعه ادورك
صقر مندمج مع المحادثه ماسمع رعد
رعد: ياهوهه
وصقر مايسمع مد يده رعد سحب السماعه: شدعوه اصمخ ماتسمع !
صقر بعصبيه: يخيي روحح خربتت كلل شييي
رعد بصدمه: انت تكلمني؟!
صقر بنفس الاسلوب: ايه روح مب فاضي لك
قام رعد من الطاوله والتفت ل صقر: تمام ياصقر
وطلب له قهوه وقعد ب طاوله بروحه بعيد عن صقر كان يتأمل كوب القهوه ومصدوم من صقر
مانتبه إلا ل بنتين عند طاولته رفع رأسه ورفع حاجبه بمعنى نعم؟
البنتين يتهامسون انتي قولي لا انتي ..
رعد بقله صبر: خلصوني؟
رهف بحرج: الدكتور طلب كل 5 طلاب يسوون برزنتيشن مع بعض وانا ورفيجتي ربى نبي نسوي معاك البرزنتيشن
رعد: انا حاجز لي اثنين من ربعي ماله داعي
رهف : بلييز رعد خلنا معاكم
رعد يشرب قهوته: يصير خير
رهف:انزين ممكن رقم جوالك؟
رعد يحط الكوب ويلتفت للدريشه اللي حذاه: شتبين فيه؟
رهف : عشان نتناقش عن البرزنتيشن
رعد: اعتقد قلت يصير خير ماقلت موافق؟
رهف: اف خلاص بكره رد لي خبر
رعد بنفس وضعيته: زين
راحوا وماهي إلا ثواني وجاء صقر قعد عند رعد : اوه شهالتطورات شيسوون البنات عندك؟
رعد التفت ل صقر وقام من مكانه وطلع برا المطاعم طلع زقارته وتسند ع الجدار يدخن
...: لو سمحت !
رعد: خير؟
...: ريحه الزقاره تأذيني
رعد: وأنتي شحقه جايه عندي تتنفسينها
...: تراها مضره
رعد : أضر عمري شعليك انتي؟
طلع صقر ووصل عند رعد يلهث: ر .. عدد اخيرا لقيتك وشفيك؟
رعد يطالع صقر قط الزقاره ع الارض وداسها
...: انت رعد ال ... !!
رعد التفت لها: ليش؟
...: لا بس ماتوقعتك مغرور
رعد: ايه زين توكلي وتركها مع صقر وراح لأقرب كليه يقعد فيها مع نفسه ..
      ......... في المدرسه  ........
فيصل: حمد
حمد : همم؟
فيصل: للحين متضايق؟
حمد: يعني اقرب شخص لي شلون مااتضايق؟
فيصل حط يده ع كتفه: اليوم بنزوره وان شاء الله يكون بخير
حمد: اهخ ان شاء الله
مشاري:شباب مليت بطلع
فيصل: اعقل تراك وصلت 12
سيف: استخف حضرته
مشاري: ابي مشعل
سيف: شفتوا قلتلكم انه مستخف
عزام: انا اقول انطموا بركز بالدرس
فيصل: انا اقول انت و سيف اصلا شجابكم صفنا
عزام بتحلطم: رعود قال لاتتفرقون ولا من يبي ازعاجكم
فيصل: والله ابتلشنا دام جي
عزام: قصدك احنا مبتلشين فيكم
حمد: لا حشى ماقلنا شيء
الاستاذ: انتوا اللي ورا اللي مو عاجبته الحصه يطلع برا
مشاري يطالعهم: اطلع؟
فيصل يسحبه: والله ارنك بوحده
مشاري: طيب طيب
       .......... نهايه الدوام ........
فيصل ماسك مشاري ودزه ع مشعل: ابثرنا فيك
مشعل: عشان تدرون انه مانقدر بدون بعض
فيصل: بروحكم تلوعون الجبد خلني ساكت
مشاري: الا غيران منا
فيصل يلف: نواف وين؟؟
فهد: قالي بيروح الحمامات
فيصل: اي صوب بشوفه؟
فهد : دش القسم اللي بالوسط تحصله
راح فيصل الحمامات واقف برا ينتظر ...
سلطان: هلا بفيصل هلا
فيصل كشر: شنو تبي؟
سلطان بخبث فتح يده: ما اشتقت لي
فيصل بقرف نزل يده: وخر بالله مو ناقصك
سلطان التفت وغمز لرفيجه طلع رفيجه من الحمام وسكره وبقى سلطان مع فيصل
فيصل: خل عنك حركات اليهال واعقل
سلطان يقرب منه: انا اشتقت لك
فيصل تجاهله وتسند ع الطوفه ينطر نواف
سلطان وقف حذاه: شلونك ويغمز له
فيصل واقف ومتجاهل مسك سلطان يد فيصل وسمعوا صوت أحد يزوع بالحمام فيصل ترك سلطان وطق الباب : نوافف افتح  .. نوافف
فتح نواف الباب وحالته مدهوره دخل فيصل معاه وسكر الباب وترك سلطان المصدوم من الموقف ..
فيصل يربت ع ظهره بالخفيف : تعبانه؟
نواف يبتسم بتعب: لا معليك بخير
فيصل يهمس: قولي الصج فيك شي؟
نواف: فيصل امشي نطلع لحد يشك
فيصل: يخي طز أهم شي انتي بخير
نواف: ايه ايه بخير
طلعوا من الحمام وراحوا للشله
عزام يشوف الساعه : لا كان تأخرتوا أكثر
فيصل: نواف كان تعبان
عزام: سلامته زين يلا خل نمشي
فيصل: يلا وتوزعوا ع السيارات ورجعوا العماره
                     ........   العصر  .........
صقر واقف عند مكتب رعد : رعد
رعد يلبس ساعته ويعدل شماغه
صقر: ممكن ماتحقرني؟
رعد يتعطر وجاء بيطلع مسك يده صقر: انا اكلمك
رعد رفع حاجبه: وشنو تبي حضرتك؟
صقر: ليش تحقرني؟
رعد: شنو نسيت شصار اليوم الظهر؟
صقر :شنو صار؟
رعد: خل التغابي ينفعك واترك يدي
صقر: رعد اقعد بتفاهم معاك
رعد نزل يده: انا مستعجل ونزل للصاله لقاهم متجمعين: شباب نص ساعه ونتحرك تجهزوا
......... ف شقه فيصل ونواف .........
فيصل:نواف يلا قوم طالعين
نواف: مابي اطلع
فيصل قعد ع سريره: فيك شيء؟
نواف: لا
فيصل عدل نفسه وتعطر ورجع عنده: يلا ماودك تقومين؟
نواف: تعبان مابي اطلع
فيصل مسك وجهه : شنو يعورك؟
نواف ويهه صار احمر : ولاشيء
فيصل بخوف: انا راكان اعز ماعلى قلبي وبالمستشفى والحين انتي وتعبانه امانه علميني شنو متعبك؟
نواف غطا وجهه باللحاف: معليك خلاص بخير
فيصل: بخير زين قومي تجهزي
نواف برجا: تكفى فصول مابي اروح
فيصل: في شيء زاعجك؟
نواف: لا بس تعبانه
فيصل: ممكن اعرف شنو فيك؟
نواف بحرج: خلاص اللي يصير بالبنات كل شهر
فيصل يفكر: شنو هو
نواف بحرج: افف فيصللل افهم
فيصل بضحكه: اهااا لا خلاص قعدي كيفك تبين شيء حار اسويه لك؟
نواف مغطي وجهه: لاا
فيصل باس راسها: يلا انا طالع تبين شيء علطول اتصلي حاضر لك
ابتسم له: لا شكراً
طلع فيصل وقعد بالصاله ينتظر التجمع توزعوا على السيارات رعد: كاملين ؟
الشباب: ايه
رعد بأستغراب: ماشفت نواف؟
فيصل بتذكر: ايه نواف قال تعبان مايقدر يجي
رعد: رايحين المستشفى خل يجي يتعالج هناك
فيصل: خلاص خله تعبان يوم ثاني يجي
رعد: انا بروح اشوفه
فيصل: لا عادي انا بنزل عنك
رعد بحزم: انثبر بروح واجي
دخل رعد عليها الغرفه شاف الاضواء خافته ومتلحفه بالبطانيه قرب لها : الجوري
رفعت راسها تشوف من :رعد !!
رعد: كلنا بالسيارة ليش مانزلتي؟
الجوري: تعبانه
رعد يمسك جبهتها: جسمك حار اوديك الطبيب؟
الجوري: لا شكراً بصير زينه؟
رعد: شنو فيك تبين بندول؟
الجوري: لا شربت
رعد: خلاص يلا قومي معانا
الجوري قامت بتعب مامداها توقف الا وطاحت اغمى عليها رعد مسكها وبخوف يضرب خدها: الجوري الجوري جاب لها ماء وغسل وجهها لين وعت
رعد: بسم الله عليك لازم اخذك الطبيب
مسكت يده وهي مو حاسه بنفسها: لا تكفى مابي
رعد حملها وحطها ع السرير :شنو فيك لاتخرعيني عليك؟
الجوري نزلت راسها بحرج : فيني الدوره
رعد انحرج : اها سلامتك بس يعني مايمدي اخليك بروحك بالبيت
الجوري: لاعادي
رعد: خلاص عيل بستعجلهم عشان نرجع بدري
الجوري : إن شاء الله
رعد: اذا تبين شيء كلميني !
الجوري ابتسمت: تمام
وطلع من عندها ونزل بيركب السياره بس مسكه فيصل رعد: امر فيصل؟
فيصل: شقالك؟
رعد: قال تعبان مابيقدر يمشي قلت له خلاص ساعه وراجعين
فيصل : ايه تمام وراح للسياره وتحركوا للمستشفى كالعاده يطمنون ع راكان وتركي
سعود قاعد مع مشعل ب زاويه: يخي ابثرونا كل يوم زياره زياره من 7 شهور واحنا نزورهم
مشعل: بعد يعني شنو تبي تفضح نفسك انك حرقت الكوخ خلك ساكت
سعود: معك حق بس ابي ارجع البيت مليت
مشعل: بدال لاتفكر فيهم فكر شلون تقط رعد بمصيبه ونفتك من ذياب وشلته يكون احسن
سعود: والله يامشعل رعد صعب وانت تعرفه
مشعل: الله يعينك ماخلص كلامه الا ورن جواله وراح بعيد ومانتبهوا للي كان ورا الستاره وسمع كل كلامهم وسجله ...
جاء الدكتور يركض ووراه الطاقم : اطلعوا بسرعه حاله طارئه
طلعوا كلهم من الغرفه واعصابهم على قلبهم بعد ساعتين خرج الدكتور تجمعوا عليه
الدكتور: ممكن واحد بس
رعد تقدم: خير يادكتور عسى ماشر؟
الدكتور: شو بقولك الولد تحسنت حالته وهلق بدنا نحطه بغرفه عاديه مو بالعنايه المركزه ونعطيه هيك شي يومين ويصحصح ويقوم بالسلامة
رعد : من الولد؟
الدكتور: تركي ال ....
رعد بفرح: الحمدلله الله يبشرك بالخير وراكان؟
الدكتور: على نفس حاله ماتغير شي
رعد: الله يشافيه يارب
الدكتور :امين يارب
رعد : يلا شباب راجعين البيت
فيصل : زين شنو قال الدكتور؟
رعد: تركي تحسنت حالته وبيشلونه من العنايه المركزه وراكان حالته بعدها مااستقرت
فيصل بحزن : ياقلبي عليه متى يتشافى
رعد: ان شاء الله قريب
ركبوا السيارات وكان التوزيع كالتالي :
السيارة الأولى :
رعد- صقر - فيصل- حمد -فهد
السيارة الثانيه:
سيف -عزام-مشعل-مشاري-سعود
كانوا يمشون ووقفوا عند اشاره نزل رعد القزاز يكلم سيف : انا بروح مشوار سريع وانتوا ارجعوا البيت
سيف: ولايهمك انا بحطهم وارجع بيتي
رعد: تمام
وقف رعد قدام كوفي والتفت : منو يبي اجيب له شيء؟
فيصل: جيب لي مشروب حار
رعد: اي زين مثل شنو؟
فيصل: قهوه اي شيء ع ذوقك
رعد: ابشر والباقي؟
صقر: انا ابي لاتيه
نزل رعد جاب له لاتيه حار وجاب لفيصل نفس الشيء وصقر وعطاهم ورجع للعماره ...
طلع رعد عند شقه فيصل ونواف ودخل ومعاه كوب اللاتيه انصدم لما شاف فيصل قاعد ع طرف سرير نواف وحاط له حذا الطاوله اللاتيه
نواف: هلا ب رعد
رعد مد ل نواف اللاتيه: هاك اشربه
نواف يطالع الكوب اللي عطاه فيصل: لا شكراً فيصل جاب لي
والتفت رعد ل فيصل: ليش ماقلت انه حق نواف؟
فيصل: ماكنت ادري انك جايب له بعد
رعد يطالع نواف: بتم ماد يدي؟
نواف خذاه منه وابتسم: مشكور
رعد: اذا تبون شيء كلموني وطلع من الغرفه
فيصل التفت لها: شسمك؟
نواف: تستهبل؟
فيصل: لا والله من صجي
نواف: الجوري
فيصل: زين رعد يدري انك بنت؟
نواف بتوتر : ها  اا لاا محد يدري
فيصل بشك: صج !!
نواف: لا محد بس انت
فيصل بغيره: تمام شربي شربي القهوه دفي بطنك
ابتسم نواف: ان شاء الله
              ...... عند رعد وصقر  .......
رعد واقف على البلكونه ويدخن وجاء من وراه صقر مع قهوته يشربها ..
صقر: تراك مكثر هالأيام زقاير شمضايقك ؟
رعد طالعه بنظره وصد عنه : مايخصك
صقر بقهر: رعد خل عنك التغلي واسمعني
رعد متجاهله ويكمل يدخن
صقر من القهر مسك كوب القهوه بالقو وانفجر وانكت على ثوب رعد رعد طالع ثوبه الابيض وماسكه: عاجبك اللي صار الحين؟
صقر بقهر: ماتسمع لي انت !
رعد رمى الزقاره ع الارض ودش يتسبح ويغير ملابسه فجأه يطق عليه صقر بالحمام: رعددد بطل البابب بسرعهه بسرعهه
لف الفوطه ع جسمه وفتح الباب: وشفيك انت !!
التفت لستاره البلكونه مشتعله رشوا المكان ماي لين انطفت صقر: عاجبك الحين كله من ورا زقايرك
رعد ببرود: مانتبهت اني ماطفيتها ورجع الحمام وبعدها بدقايق طلع ولبس ملابسه وانسدح ع السرير : صقر
صقر: نعم
رعد: نعم ف عينك انثبر
صقر: تتغلى علي انا بعد بتغلى
رعد ضربه ع كتفه بمزح: خلاص رضيت تعال
صقر قعد حذاه: صج ولاتقزرها
رعد: صج يلا قول شعندك؟
صقر : بسمعك فويس
رعد: زين يلا
فتح له التسجيل الصوتي ل سعود مع ذياب
رعد باستغراب: هذا سعود !!
صقر: ايه
رعد: وليه هالحركات؟
صقر: والله مادري ماصدقتني يوم قلت لك الحريق وراه حد
رعد: متأكد انه سعود؟؟
صقر: شنو ماتعرف صوته انت !
رعد: خل انطر دليل ثاني واقدم عليه بلاغ
صقر: بس الفويس اكبر دليل !!
رعد: بس بعد نتثبت اكثر خذ لي دليل ثاني
صقر: تمام ولايهمك
رعد: بطلب لي عشا واخمد وراي محاضرات طويله تبي اكل؟
صقر: اطلب لي مثلك
رعد: تمام
....... الساعه 3 الليل  .......
جاء رعد اتصال رعد: الو ؟
...: تعال المستشفى حالا
رعد : اي مستشفى؟
...: مستشفى ال ....
رعد: تمام قام ولبس ثوبه وغترته وخذا مفتاح السياره وكان بيطلع بس وقفه صوت ..
عزام: وين رايح رعد؟
رعد: المستشفى
عزام: في شيء صاير ؟
رعد: لا بس جاني اتصال
عزام: بجي معك
رعد: حياك
واركبوا السياره وراحوا للمستشفى .....
نزل رعد ولقى الدكتور : امر عسى ماشر؟؟
الدكتور بحزن: عظم الله اجركم
رعد بصدمه: نعم من مات؟؟
الدكتور: تركي ال .... توفى قبل ساعه
رعد : تمزح صح؟
الدكتور: انت تأمن بالقضاء والقدر
رعد ابتعد وقعد بالكرسي ماسك راسه عزام راح له وحضنه: شقال يارعد ؟
رعد بحزن: تركي مات
عزام يهز راسه بحزن: لاحول ولا قوة الا بالله
رعد: ان لله وان اليه راجعون
عزام يمسح دمعته اللي طاحت:شلون حمد رح يتقبل الخبر؟
رعد يتنهد بحزن: اهخ مادري وانا اخوك

-شنو رده فعل الشباب على خبر وفاه تركي؟
-وهل راكان بيلحق تركي؟