حرقة القلب وش يهديها؟

part16

-الفصل السادس عشر-
قام نواف وراح يتمشى ووصل عند النافورة وقعد قربها وحس بجواله يرن استغرب من الرقم ورد ....:
....: الجوري؟
الجوري بصوتها الطبيعي: من معاي؟
راشد: أنا راشد
الجوري باستغراب: منو راشد؟
راشد بقهر: يعني شنو نسيتيني من كثر أحبابك
الجوري: طيب شنو تبي الحين؟
راشد: ليه تركتيني ؟
الجوري : وتسألني ليش؟
.. ماحست إلا بجسم ضربته ودخلت بالنافوره ...
الجوري بصرخه: منو ذا اللي مايشوف
وقفت تطالع الي طايح جمبها بصدمه :راشد
راشد بشك: الجوري؟
الجوري ابعدت ونطت من النافوره بتهرب بس مسكها: انتي الجوري ورفع جواله يسمع لانه الخط للحين مفتوح وأنصدم : انتي مو نواف؟
الجوري بعدت عنه: يخي شنو تبيي؟؟
راشد : ليش تركتيني ؟
الجوري: ماقدر أقول السبب
راشد: شنو يمنعك؟
الجوري : راشد هدني
راشد طلع من النافوره وسحبها ع جنب : ليش متحوله ولد؟
الجوري: مايخصك
راشد: مبلا يخصني تستهبلين انتي ولا شنو؟
الجوري: مابيني وبينك أي علاقه شاللي تبيه؟
راشد: كان بيننا حب وهدمتيه
الجوري: قلتها بلسانك كان اترك يدي
راشد قرب منها ولزقها ع النخله اللي وراها وقعد يمسك شعرها : شنو سويتي فيه؟
الجوري تحاول تدفه: ابعد عنيي
راشد: تعرفين اني احب الطويل ليه قصيتيه؟
الجوري تدفع: أبعدد عني قلتت
ماحس إلا بيد تسحبه وتطيحه ع الأرض
رعد بعصبيه:أنت شتسوي للولد؟؟
راشد يقوم وينفض عنه الغبار: هه أي ولد ؟
رعد طالعها ولف له: شقصدك؟
راشد : لا سلامتك
رعد بحده: تالله ياراشد إن شفتك قربت منه أو سويت له شيء بطلعك برا العماره ولاني أعرفك
راشد طالعها من فوق لتحت:ولايهمك الي تبيه
مشى راشد وبقى رعد مع نواف ...
رعد: شصاير؟
نواف:ولاشيء
رعد: قلتلك وشصاير
نواف: ممكن تكلمني بصيغه ولد وتنسى إني بنت
رعد:طيب قولي اقصد قول؟
نواف مشى بيروح بس مسك يده رعد: أنا أتكلم !!
نواف: خلاص رعد سالفه صارت بيني وبينه
رعد: يعني ماتبي تقول؟
نواف:لا
رعد ببرود: تمام وأنا مو مسؤول عن أي شيء يصير لك
نواف: يكون أحسن تتركني بحالي
رعد: تمام
ورجعوا للشله ....
فيصل: وشفيك نواف ملابسك مبلوله وعليها تراب
نواف: طحت بالنافوره
فيصل: روح بدل ملابسك زين
نواف: ايه رايح الحين
خالد قاعد بحضن فهد
فهد: حضرتك مو ناوي ترجع لزوجتك
خالد: لا مو ناوي
فهد: حفظنا وجههك ماتروح إلا يوم بالأسبوع
خالد: انا لو ودي مااشوفها ابد بس مضطر عشان هاليوم أروح عند اهلها
فهد: عيل ليش متزوجها؟
خالد: عشان حضرتك ولانسيت
فهد:بس يعني ع الأقل راعيها بالحمل يكفي أنه الولد اللي ببطنها منك
خالد : ماهب ولدي ولد زنا ماعرفه
فهد يصفق: ياسلام معترف أنه اللي صار زنا
خالد: واللي يرحم والديك أنت ومحاضرتك ماتعرف تقعد معاي الا تسولف عنها لوعت جبدي
ماخلص كلامه إلا ومتصله له بنت من الي يسولف معاهم ورد عليها وكان يتغزل بعدين فهد تضايق وسحب الجوال من يده ..
فهد: الو
المياسه:من معاي؟
فهد:الرجال متزوج ولاعاد اشوفك داقه عهالرقم
وسكر بوجهها خالد قام من حضن فهد: ياحمار أنت خلني أتسلى
فهد: متزوج انت تسلى مع مرتك
خالد:بايعه شرفها ش ابي فيها
فيصل من أول قاط أذنه وتدخل:ماباعته ولاشيء أنت الي اجبرتها وهذاهي متورطه مثلك
خالد: أنت وراك متحلف علي
فيصل: والله ياخالد تقعد تتحلطم وتنسى ان الغلطة غلطتك
خالد تربع: فهمني يافصول وش غلطتي بالله؟
فيصل:جريت البنت والمسكينه وثقت فيك بالأخير هاللي صار
خالد يتكتف: وهي هبله تثق بأي حد
فيصل: مو انت غرقتها حب وجذب صدقتك
خالد: خلاص فكني من هالطاري
فيصل: ادريبك ماتحب الصراحه وقام راح لراكان
نواف كان راجع للشله ومانتبه للخشب الي تحت رجله وطاح على رأسه ونزف دم تجمعوا عليه جاء فيصل شاله وحطه ع الكرسي ..
فيصل بخوف: شفيها جبهتك تنزف
نواف بألم:طحت عليها
فيصل بصراخ: ررععددد
رعد حاط رجل ع رجل وعلى جواله: شتبي؟
فيصل:تعاللل شوف نوافف ينزفف
رعد تجاهله وبعد دقيقه: تصرف
فيصل استغرب رده:رعدد
رعد : خذ ثلج من المطبخ
فيصل قام وجاب ثلج وماعرف شلون يسوي وينادي رعد ورعد متجاهل جاء صقر خذا الثلج وحطه ب فاين وحطه ع جبهته لين وقف الدم وحط له لزقه ورجعوا كل واحد مكانه  ...
فيصل: نواف صار شيء بينك وبين رعد؟
نواف بتوتر: اا لا
فيصل بشك:أكيد؟
نواف: ايه
.. في الليل ..
        ......... في بيت أهل نورة  .........
عند الرجال ..
صالح يتصل: والله مشتاق لك
...: أكثر يبعد روحي انت
صالح:شرايك نرجع البيت الحين ماقدر اتحمل بدونك
... بدلع:صلوحح احنا عند الناس شفيك
صالح: ماهمني خليهم كلهم يدرون اني احبك واموت فيك
... بخجل: اف منك باي وسكرت
شاف الجوال صالح وقعد يضحك على حيائها
خالد التفت له بتعجب: من تكلم انت وتتبوسم له؟
صالح يتسند: مرتي حبيبة قلبي
خالد:ماشاءالله كل هالحب وانت ماصار لك الا شهرين متزوج
صالح: كنت اكلمها ع الجوال وتقدمت لها وبس محد مالي عيني غيرها
خالد:تقزرها كنت ولا؟
صالح: لاعيب اللي يلعب ببنات الناس ترد بخواته
خالد بتسليك :ايه صح
نبيل: الا شلونك انت ياخالد
خالد بتسليك: بخير
نبيل: شلون نوره مع الحمل؟
خالد بنرفزه: هي الحامل أسألها
صالح: شدعوه ماتعرف عن مرتك اكثر شي المره تبيه انك تهتم فيها ب وقت الحمل
خالد بقلبه"والله صارلي فوق الشهرين مادري عنها":لا معليك مهتم بس يعني اسرار ماحب اتكلم عنها فهمت
نبيل يغمز له: اوه يالاسرار ماعرفتك
خالد ابتسم بتسليك : بطلع الحوش اتمشى
صالح: ايه خذ راحتك
طلع الحوش وقعد على كرسي بالحوش ماسك ورده قطفها من الزرع وفجأه سمع صوت رفع رأسه واندهش كان قدامه بنت لابسه فستان منفوش بني لين تحت ركبتها بشوي
وحاطه ميك اب برز جمالها وريحه عطرها ماليه المكان قعد ف مكانه مصدوم من الجمال وانتبه بعدين انه البنت جايه عنده نزل راسه ...
... بدهشه: خالد !
رفع رأسه بصدمه: نوره !!
نوره ابتسمت: غريب جيت ماتوقعت أشوفك
خالد للحين منصدم : انتي ليه طالعه بهالشكل
نوره باستغراب : مو حلو؟
خالد سمع صوت باب ينفتح سحبها ل ورا الحوش :شلون تطلعين الحوش وتدرين انه في رجاجيل
نوره: امي قالت انادي اخوي
خالد: شدعوه ماعندكم جوالات تطلعين جي ،ماتدرين من ممكن يشوفك ؟
نوره بحزن: وإذا حد شافني شنو فيها
خالد بعصبيه: شنو اللي شنو فيها تستهبلين؟
نوره بنفس النبره: إذا ريلي مب مهتم فيني ومايدري عني مافيها شيء ع الأقل اسمع كلام حلو من اي حد
خالد نزل راسه بعصبيه وجا بيمد يده عليها نوره غمضت من الخوف ماحست الا بصوت قوي لفت لقته ضرب يده ع الجدار وتنزف دم
نوره بخوف مسكت يده: تعال داخل الفها لك
خالد سحب يده : مايحتاج
نوره رجعت مسكته: خلودي قلبي بلييز تعال الفها
خالد: شنو قلتي؟؟
نوره: قلت تعال الفها
خالد: لا اللي قبلها
نوره باستغراب: بليز؟
خالد :لاا قبل بليز
نوره :خلودي؟
خالد بأبتسامه: وشنو بعدها؟
نوره نزلت راسها بحرج: مو قصدي اسفه
خالد: قولي شنو قلتي
نوره بنفس الإحراج: قلبي
خالد حضنها بقوه : والله انتي اللي خذيتي قلبي اليوم يفداك خلودي وطوايفه
بعد مافكها نوره بحرج: برجع عند البنات
خالد مسك يدها: امم والله افكر نرجع البيت الحين
نوره : لا بلييز ابي اقعد معاهم شويي
خالد همس بأذنها : والمشتاق شيسوي؟
نوره مستغربه من شخصيته ومنحرجه:بعديين
خالد ضحك: ههههه فديت الي مستحي
        ...... بعد مارجعوا البيت ......
خالد قاعد ع السرير يتأملها وهي تمسح مكياجها وتمشط شعرها شافها تحاول تفتح السحاب وماقدرت قام وفتح لها ياه وقرب منها وباس رقبتها وهمس لها: محلوه حييل
نزلت راسها نوره ووجهها احمر خذت ملابسها وراحت للحمام تبدل ملابسها بعد ماخلصت طلعت حصلت خالد مو موجود بالغرفه تعطرت وحطت روج خفيف ونزلت تدوره وسمعت صوته من الصاله يتكلم بالجوال ....
خالد: والله يافهد مادري شسوي
فهد: خلاص هي مرتك بالحلال
خالد: تعرف من زمان ماشفتها وماكنت مهتم بس احسني من اليوم ماقدر افارقها
فهد: والله وسوت فيك عجايب
خالد: بالله توكل
فهد بمزح: اقول خالد معزوم عندنا بكره ع غدا
خالد: لا شكراً بقعد بالبيت
فهد بمزح: اوه والله وسوتها فيك
خالد: ياكلب خلاص جاي بكره عشان اعلمك
فهد بضحكه: هههههه خلك خلك ماله داعي تجي
خالد: والله شوف مابي اقعد معاها وبعدين احبها زياده ف بجي عندكم أسبوع
فهد:لا خلك ببيتكم مب مرحب بالمتزوجين
خالد : بكيفك هو انجلع وسكر الجوال
راحت للمطبخ وهي منصدمه من اللي سمعته خذت كوب ماي تشرب وسمعت صوته من وراها بس مالتفتت قرب منها وسحب الكوب وشرب من نفس المكان الي شربت لين تبقى ربع الكوب  انحرجت منه ونزلت راسها رفع راسها وابتسم : وشفيك؟
نوره بتوتر: لا اا لا ولا ااا شيي
خالد صب الماي الباقي فوق وجهها : صحصحي جاء بيروح بس شاف وجهها كيف مصدوم ماقدر يتحمل فصخ قميصه وهي شافته رجعت ورا مسكها وهي تحاول تبعد: تطمني مو مسوي شيء وخذا قميصه ومسح وجهها من الماي وامتسح روجها ع قميصه طالعها ولف بسرعه: بروح انام
طلع غرفته ورما قميصه بالكرسي وانسدح بينام مايبي يشوفها ولا يفكر فيها وهي لحقته ونامت
   ......... ظهر اليوم الثاني .......
فهد: من صجك جيت انت !
خالد رافع حاجبه: تعزم وتسحب عزيمتك
فهد: امزح معك مو من صجي انا
فيصل: وشفيكم انتوا ؟
خالد: ألا أقول ابي اقولكم موضوع محيرني
فهد تسند: أكيد ماغير هالنوره
خالد: كل تبن وأسمع
فيصل: قول؟
خالد : ماصرت أعرف اكرهها ولا أحبها مشاعري تلخبطت خاصة أني صرت اطول بعدين أشوفها
فيصل:انت اصلا ليش تكرهها؟
خالد بتفكير: يمكن لأني تزوجتها غصب
فهد:لا منت بمغصوب ولاشيء ضريتها تاخذها
خالد:فهد انطم انت
فيصل:والله ياخالد البنت ماسوت لك اي شيء عشان تكرهها وتجفاها وأهلها مستانسين فيك وانه مناسبينك ومايدرون عن الصج أصلا
خالد صرخ: يوهه تعبتتت
نواف كان قاعد يسمعهم مل وقام راح لشقه رعد وطق الباب فتح صقر الباب:حي الله نورت شقتي
نواف بحرج:الله يحييك بنورك
صقر يلعب بشعر نواف: شلونك
رعد كان توه طالع من الحمام ماخذ شور رابط الفوطه ع خصره قعد ينادي صقر وحصله عند باب الشقه : صار لي ساعه اناديك شنو ماتسمع !
صقر التفت له: امر شنو تبي
رعد:بطلع الليل مطعم ع البحر تخاويني؟
صقر:أفا عليك معاك معاك وألتفت لنواف وانت معزوم معانا وشرايك
رعد فتح الباب يشوف صقر يكلم من انصدم لما حصله واقف عند الباب التقت عينه بعين نواف ونواف نزل راسه منحرج من لبس رعد
رعد ببرود: ليه واقف عند الباب؟
نواف بتوتر: ااا لا بس بس اا كنت بكلمك
رعد تكتف :وحضرتك شتبي؟
نواف: ابي اروح المستشفى
رعد طالعه من فوق لتحت وعطاه ظهره: الشباب بالفله وايد روح مع اللي تبي مو شغلي
تجمعت بعيونه دموع ولف بيروح بس مسكه صقر باستغراب: نواف انت تبكي؟
رعد التفت يشوف شاللي صار
نواف يهز راسه بمعنى لا والدموع تطيح من عينه
رعد سوا نفسه مو مهتم إلا لما شاف صقر يحضن نواف شبت النار وسطه سحب صقر من حضن نواف بالقو لدرجه ان صقر ضرب ظهره بالجدار وحضن نواف وهمس : مره ثانيه لاتتحدين لانه مابي منك شيء أصلا إلا لمصلحتك لأنك بنت بين شباب ! ووخر عنه والتفت لصقر اللي ماسك ظهره
صقر بألم:اههخ ياحمار كسرت ظهري
رعد راح له باس راسه:بالغلط مانتبهت
صقر:أعوذ بالله منك والتفت لنواف انا بوديك معاي المستشفى كسر ظهري
رعد بضحكه: ههههه خلاص انا أخذكم بكره الليل خلكم جاهزين
نواف طلع من الاحراج والموقف اللي صار وراح غرفته ...
                   ..... في الغداء .....
سيف: خلود بتقعد عندنا اليوم
خالد: ليش مب عاجبك
سيف: شدعوه أسال
خالد: اي لين عقب الاختبارات
رعد: متزوج انت ع الورق ولا شلون؟
خالد ماسك اعصابه: انا مرتاح هني
رعد: براحتك
                  ...... في الليل ......
طلعوا رعد وصقر ونواف لمطعم جمب البحر 
صقر : رعد يلا اسمعك
رعد وهو يشرب العصير ويتأمل البحر: خلها ع ربك منت بمستفيد
صقر: افا مو رفيقك انا
رعد يتنهد بنفس الوضعيه: والله صقر مارح تفهم
ماحس إلا بكوب العصير ينسحب من يده والتفت لقى دانه بنت خالته تشرب فتح عينه مصدوم
دانه وهي تشرب: طعمه حلو بأي نكهه رعودي؟
رعد مسك أعصابه وبحزم: وش جابك هنا؟
دانه تحط العصير بالطاوله: اتمشى مع رفيجتي
رعد بنفس النبره: توكلي من هنا المكان كله رجال
دانه مسكت يده وباستها : دامي معاك مابيصير لي شيء
قام نواف وسحب يد رعد منها : لو سمحتي هذا مكان عام احترمي نفسك وروحي
دانه تطالعه بصدمه وتلتفت على رعد: شفيه هذا رفيجك يطردني؟
رعد بعصبية : والله يادانه ان مارحتي مابيحصل خير
دانه خافت بس تسوي نفسها قويه: زين رعد بس بوسه ووالله بروح
نواف بعصبيه: صج ماتستحين روحي وخلي النفس عليك طيبه
رعد يطالع نواف ويبتسم ولف ع دانه بمعنى يلا؟
راحت دانه وهي منقهره من تدخل نواف وانه رعد ماعطاها وجهه ،وقام رعد من الطاوله ورايح للبحر ولحقوه صقر ونواف صقر دخل مع رعد البحر اما نواف قاعد بالرمل يطالعهم ...
بعد ماطلعوا وغيروا ملابسهم راحوا للمستشفى ..
رعد:صقر انا بنزل مع نواف وانت انتبه للموتر
صقر:ابشر
  .... نزل رعد مع نواف ودخلوا المستشفى ....
خرجت بنت من العيادة ودخل نواف وراه ...
الدكتور:بكره حتطلع النتيجة استنى لبكره وشوف التحاليل بقى
نواف : اي وقت أمر؟
الدكتور:مثل منت عاوز
طلع نواف ومسكه رعد: فيك شيء؟
نواف:قال النتيجة بكره أخذها
رعد : تمام
        .... وطلعوا السيارة وراحوا العماره  ....
               ... في اليوم الثاني العصر ...
سيف: وين رايحين؟
رعد:المستشفى
سيف:ان شاء الله خير
رعد :إن شاء الله والتفت لنواف يلا
... راحوا للمستشفى عند الدكتور ...
نواف:ها طمني دكتور؟
الدكتور: هو انتي جيتي لحالك
نواف بتردد: اا اي لا
الدكتور مسك يدها ويمسح عليها :ماتخافيش في حد معاك؟
نواف سحب يده بخوف: دكتور انا ابي النتيجة
الدكتور جاء وراها :ممكن تطلعي السرير أسوي فحص
نواف: بس أنا خلصت الفحص أمس مع الدكتور أحمد
الدكتور: اه بس هو لازم تفحصي تاني تتأكدي وهتطلع النتيجة علطول
نواف قام وانسدح ع السرير والدكتور خذا جهاز القلب : ممكن ياقمر تفتحي القميص لازم يكون قريب من الصدر
نواف بشك: بس انا قلبي مافيه شيء
الدكتور: بقولك ماتخافي ده انا بقيس ضربات القلب والاشياء الصحية
نواف باستسلام فتح القميص والدكتور يفحص
الدكتور: ممكن تقعدي؟
قعد نواف ع السرير ماحس إلا بيد تمسك صدره نواف ارتجف ماعرف شيسوي: اا دكتور شتسوي
الدكتور: بقيس درجه الألم
نواف جاء بيقوم سحبه الدكتور وطلع فوقه وبدا يتحرش نواف صرخ وحاول يوخر عنه لين قدر وسكر كم زر من قميصه وطلع من الغرفه ركض لحضن رعد وعينه تدمع رعد مستغرب من نواف مسكه ووخره شوي لقاه يدمع وملابسه مبهدله سحبه للحمامات بسرعه وسكر قميصه : شفيك عسى ماشر؟
نواف يصيح ويحضن رعد
رعد بخوف: تكلمي شفيك؟؟شفيها النتيجة؟
نواف يغسل وجهه ويهدي نفسه:ماقال شنو هي
رعد : زين تعالي نشوف
مسك يده: لا الله يخليك مابي اروح
رعد باستغراب : بس روحي شوفي النتيجه وتعالي انا برا منتظرج
نواف يمشي ورا رعد لين وقف عند باب العيادة
رعد: يطالع نواف الي وراه: يلا دشي؟
نواف مسك رعد: طلبتك مابي دش بدالي
رعد باستغراب: خلاص تمام قعدي يا الجوري
نواف شافه بصدمه: اول مره يسمع اسمه بصوته
دخل رعد عند الدكتور ...
الدكتور : يا أهلا وسهلا
رعد: دكتور بس ودي أشوف نتيجة الفحص

-هل علاقه خالد بتتعدل مع مرته؟
-شنو رح يقول الدكتور لرعد؟
-هل رح يقول لنواف رعد عن اللي صار له؟