حرقة القلب وش يهديها؟

part29

-الفصل التاسع والعشرون-
سيف: عزام استهدي بالله شنو تطلق انت توك مابديت عشان تطلق !
عزام بكسره: سيف والله ماقدر اوصف لك كميه الخذلان يعني شلون ترضى اني اكلم بنات وتمسك غترتي وهي واقفه معاهم تطقطق بجوالها زين حتى لو ماتعرفني انا ولد ليش تجي؟
سيف يحط يده ع ظهره: عزام ابيك تهدأ عشان صحتك واقعد تفاهم معاها
عزام: مابي اشوف وجهها ولا اكلمها
سيف: عزام اسمع لي تفاهم معاها
عزام: مافي تبرير سيففف مافي تبريرر واقفه مع ولد وغير المكياج والشعر يعني شقولك !!
سيف: تفاهم معاها يمكن تبي احتواء انت اصلا تكلمها كل يوم؟ ولامتى ماطقت برأسك
عزام بقهر: محد بيفهمني وقعد يكح مسكه سيف بخوف: شفيكك؟؟
عزام وهو يكح: اهئ زقا اهئ ير اهئ دخان
التفت سيف وهو يشوف البنت تدخن: البنت اللي حذانا تدخن
عزام قام وهو مختنق: امش نطلع والتفت للبنت اللي يقصدها سيف وانصدم راح لها وسحب الفيب من يدها : انتتيي صاحييه؟؟؟
ميار بلا مبالاه: رد الفيب لو سمحت !
عزام: من متى تدخنين؟
ميار: من اليوم شنو بتستفيد اذا عرفت؟
عزام بحده : ميار تراك للحين ع ذمتي خلي عنك الهبل اللي تسوينه !
ميار: اعتقد قلت ماتبيني وبتطلقني؟
عزام: وهاي اللي تبينه طبعا عشان يفضى لك الجو
ميار ببرود :اي ابي يفضى لي الجو
التفت عزام لسيف اللي واقف عند الباب على جواله: سيف انا برجع البيت انت روح كمل محاضراتك
سيف: عندنا محاضره مع دكتور إسماعيل زين !
عزام: مابحضر
سيف: براحتك وعطاه المفتاح وطلع من الكليه عزام : يلا اشوف راويني طولك
ميار: شنو تبي ؟
عزام: حركي معاي خلصي !!
ميار: مابي
عزام يتلفت حوله: انتي تبين اجرك قدام خلق الله صح ؟؟
ميار ببرود: سوي اللي تبي
عزام مسكها من معصمها بقوه وسحبها لين المواقف: تفضلي شرفي
ميار : لا طبعا مب طالعه
عزام: خلي العناد عنك وركبي
طلعت غصبا عنها وطلع وراها وسكر الباب ومشى لين وقف قدام بيت : تفضلي انزلي
ميار : شنو اللي انزلي وين موديني انت ؟
عزام باستخفاف: هه اللي الاصل يكون بيتنا
نزل عزام وفتح لها الباب ودخلوا الصاله ميار اقعدت بالكرسي اما عزام قط شماغه ع الكرسي وقعد حذاها وتكتف: يلا برري لي؟
ميار باستهزاء: انا وحده وصخه واحب الفت الشباب لي واكثر شيء عاد احبه لما اوقف مع ولد واخذ رقمه عشان اسولف معاه يمكن نحب بعض
عزام بعصبيه: ميار اتركي عنك الهبل انا للحين ماسك اعصابي وماسويت لك اي شيء !!
ميار مسكت يده: شنو بتسوي يعني بتمد يدك مد ايدك؟ تبي تطلقني عادي طلق؟ سوي اللي تبي اناا تعبتت منك راكب براسك اني انا ليش واقفه مع ولد ترى الإنسان يطيح مره ويتعلم ليش العتاب والصراخ،  غيران !؟ قولي انا اغار عليك واحطك بعيوني اما انك تسحبني قدام الناس بالجامعه وتضرب خلق الله وتبيني ابرر لك انت برر لي !!
عزام رافع حواجبه: يعني قصدك انا الغلطان؟؟
ميار: تتهتمني بأني رخيصه واني اكلم شباب بحجه انك تغار زين شذنب عرضي اللي طعنته انا صج حبيت واحد وصار بيننا اللي صار ووثقت فيك وقلتلك بس مو معناته اني دايم ببقى كذا ! اذا انت مو متقبلني طلقني قبل لانسوي العرس !
عزام حس بتأنيب الضمير وحضنها وهي ردت الحضن ابتعد عنها لفت وجهها تمسح دموعها مسك وجهها وباس عيونها: اسف انا ماقصدت انك كذا بس كنت متنرفز يتغزلون فيني وتاخذ رقمي وانتي بينهم ماسويتي اي شيء
ميار : عزام انا كنت اتكلم بالجوال وانت شفت اني مشغوله فيه !
عزام: شنهو اللي شاغلك لدرجه انك ماترفعين راسك
طلعت جوالها ومدت له محادثه: تفضل شوف
عزام وهو يقرأ بعد ماخلص حضنها بقوه: والله اسف ياميار اسف
ميار وخرت عنه: حصل خير وفصخت عبايتها
عزام يطالعها بصدمه: انتي تروحين جي؟
ميار كانت لابسه لجنز ضيق مبرز جسمها وقميص قصير يبين بطنها : ترى لابسه عبايه ومتغطيه
عزام قرب منها: يقولون لك مايجتمعون بنت وولد الا ثالثهم الشيطان وانا اقولك انا ابليس بحد ذاته
ميار: لاا عزام اعقل خلاص شهرين ونتزوج
عزام: زين انتي تلبسين جي قدامي ليش !!
ميار: عادي زوجي
عزام يغمز لها : زين حتى انا عادي زوجتي
ميار : يعني شنو تبيني احضر العرس وانا كرشتي لجدام طالعه
عزام: هههههه خلاص خلاص طيب
         ........ العصر ف بيت سيف .......
سيف قاعد ع جواله ونوره حاطه راسها ع صدره
سيف: نوره حبيبتي
نوره: لبيه
سيف: من زمان ماطلعنا مع بعض ودي اطلع معاك وناخذ فجر وخالد
نوره: لا تكفى بيصدعون لي راسي هالاثنين مو ناقصه قعده البيت حلوه
سيف مسك يدها:ماتبين زين بروحنا؟
قطع حديثهم دخول فجر : ماما انا ابي دونات
نوره تطالع سيف: مو قلت لك؟
سيف: ههههه تمام حبيبي الحين اوصي لك
فجر : ماما
نوره: ها ياماما؟
فجر: انتي تحبين بابا سيف اكثر ولا بابا خالد؟
انصقعوا من السؤال ووجهه سيف تغير نوره تتدارك الموقف : فجور حبيبتي شوفي خالد يبي دونات ولا مايبي
فجر بفرح: هييه باكل دوناتت والتفتت طيب ماما بابا سيف مره طيب انا ماعرف بابا خالد
سيف قام: انا رايح الحمام
بعد مادخل الحمام مسكت نوره فجر: ماما حبيبتي مايصير نقول هذا الكلام عيب بعدين بابا سيف يزعل ومايجيب لك دونات
فجر بوزت: طيب وطلعت
نوره: اهخ انا ماصدقت استانس تخرب علي هذي
صدق انها على ابوها طينه وحده
     ......... في العماره ........
عزام: شباب ودي اعزمكم ف بيتنا
صقر: لا ماله داعي تكلف على نفسك
عزام: لا كلافه ولاشيء
راكان :اقول صقر لاتسوي حدود لاصفقك
عزام بضحكه: هههه خله محترم شتبي انت؟
راكان: اهااا قصدك انا قليل ادب صح؟
عزام : هههههه لا محشوم يارجال
راكان: اي احسب
فيصل: شوف الوقت الي يناسبك وحاضرين
عزام يغمز له: لا عاد معرسنا موجود لا خلاص اخليها اليوم
فيصل يضرب راسه: ههههه الله يخلف عليك
عزام: انتوا ماتنعطون وجه كل واحد لسانه اطول من الثاني ولا شتقول يارعد؟
رعد: انا اقول خلهم يولون ولاعاد تعزمهم
عزام يعدل ثوبه: احمم هاي الرأي السنع
فهد: تلايط بس عطيناك وجهه
طلع رعد زقارته وولعها بيدخن
فيصل: بالله رعد قط لي حبه
رعد: وشهوله تضر صدرك؟
فيصل: حبه ماتضر
رعد رمى له حبه مع الولاعه: مو مسؤول عنك ها
فيصل: معليك بامان ولعها وبدأ يدخن
راكان: لاتخترب علينا انت الثاني
رعد بنص العين: قصدك انا خربان؟
راكان: لا حشى لك الحشيمه
رعد: ايه ايه رقع
طلع نواف من المطبخ: شباب مسوي لكم اليوم عشاء ماذقتوه بحياتكم
فهد: الععببب نواف يطبخ ماعرفتك ياشيفف
نواف بغرور : اي حبيبي شقالوا لك
فيصل بغيره: حبيب راسك
فهد يضرب فيصل: تراك مخطوب اترك نواف لنا يعني مرتك ونواف ماينفع
فيصل يبعد الزقاره : توكل لاطفيها عليك الحين
فهد: متوحش والله
نواف مصدوم من فيصل وماحس نفسه الا يركض وخذا الزقاره وحطها ع كتفه ويطفيها بقهر قام رعد وخر نواف عن فيصل : انت شفيك؟
نواف تجمعت الدموع بعينه وطلع لغرفته فوق وقعد يصيح بقهر ....
كان الكل مصدوم من نواف ...
راكان: اقول قوم روح شوف شسالفته !
فيصل ولازال تحت الصدمه ويشوف ملابسه اللي اثر الزقاير عليها: شسويت
فهد: اكيد قايله شيء مايندرى عنك
قام فيصل ووقف عند الدرج مصدوم بمكانه راح له رعد وهمس له بأذنه : الجوري ماتحب الزقاير ولا اللي يدخن ف يمكن انقهرت روح راضيها
فيصل يطالع رعد منصدم وانقهر:زين ليه تعطيني دام تدري انها ماتحبه؟
رعد عاقد حواجبه: انت طلبتك ومارديتك !
فيصل بقهر: ايه زين خلاص مالك علاقه فيها
رعد تكتف وببرود: تطمن انا ماحبها ولا ابيها ولو كنت ابيها كان عندي 3 سنين اقدر اتزوجها فيها وكنت اقدر اوخرها عنك واخليها لي فلا تغتر وايد وبالاخير احنا ربع واتمنى لك الخير قبل نفسي فلا تخليها تفرقنا عن بعض ومشى تارك فيصل بصدمته اللي استوعب بعدين وراح للغرفه
دخل شافها ضامه المخده وتصيح تنهد وسكر الباب وقعد ع طرف السرير: الجوري
الجوري متجاهلته وضامه المخده سحب يدها وشل المخده وسحبها لحضنه وضمها : والله اسف ياقلبي ماكنت ادري انها تضايقك
بعدت عنه ودموعها ع خدها:ليه تدخن طيب؟
فيصل: قلت اجرب بس
الجوري حطت راسها ع فخذه وتصيح تنهد فيصل بضيق وقعد يمسح ع راسها: والله احبك ومارضى اشوفك جي تعرفيني ماحب ازعلك
ورفع رأسها ومسح دموعها وباس خدها :تكفين والله اسف ماعاد اعيدها
الجوري بحزن: اخوي دخل غيبوبه بسبه الزقاير اثرت على صدره وكان بين الحياه والموت
فيصل مسك يدها وباسها: انا معاك وبعوضك عن الدنيا كلها وكل اللي فقدتيهم بس لا شوف دموعك تنزل طلبتك ياروح فيصل
ابتسمت مابين غصتها :احبك
فيصل باس شفايفها: اموت عليك
الجوري بصدمه وحرج: فييصللل !!!
فيصل يسوي نفسه بريء: عيووننييي
الجوري تغطي وجهها : اف منك لاتسوي جي
فيصل: ههههه انا لا خلاص بعجل ع الملكه
الجوري: فيصل لاتحرجني خلاص
    ...... في الليل ف بيت عزام .....
عبدالله : نواف كم عمرك؟
نواف: داخل على ال19
عبدالله بأستغراب: ماشاءالله عليك أملط تقول خكري
نواف بطل عينه من الصدمه: الخكري اخوك
عزام شهق من الصدمة: هئ انا شدخلني الحين؟
نواف: السموحة نسيت انك اخوه
فهد يشرب قهوته: صادق والله عبدالله
نواف: تلايط انت الثاني
قام صقر : بالله عزام وين الحمام؟
عزام : لطلعت امش ع يسارك بتحصله
عبدالله: مشاري راح الحمام
عزام: اجل اسمع امش بتحصل خيمه قدامك دش هناك بتلقى فيها حمام ع جنب
صقر: تمام وطلع دخل الحمام وهو خارج كان يسمع اصوات بس ماهتم جا بيطلع لقى الباب مقفول واستغرب حاول يفتح حاول ماقدر فجأه يسمع صوت انثوي التفت لقى بنت منسدحه وتتكلم بالجوال تصنم بمكانه ويطالعها .. كانت لابسه لجنز اسود ضيق وبلوزه بيضه قصيره تبرز جسمها وفوقها جاكيت اسود طويل ..
نزل راسه صقر وتنحنح التفتت ع صوت وانصدمت سكرت الجاكيت : بسم الله انت من متى هني وشتسوي !!
صقر: دشيت الحمام وجيت اطلع لقيت الباب مقفول انتظرتك تخلصين اتصالك
روان بتوتر : ايه مادريت انه حد بيدخل هنا قفلت لانه اخوي قال محد بيجي هنا
صقر يحك شعره: لاعادي ممكن تفتحين الباب؟
الا يسمعون صوت باب الخيمه ينطق عزام: روان
روان تجمعت بعيونها الدموع وتطالع صقر : شسوي !!
صقر : انا بدخل الحمام وانتي فتحي له
روان: طيب
راح صقر وفتحت الباب ل عزام ...
عزام يلهث: افف تعبت
روان بتوتر: شفيك؟!
عزام: اسمعي انا قلت لرفيجي صقر يدش الخيمه يروح الحمام نسيت انك قاعده هني
روان : لا معليك محد جا عندي والباب مقفول
عزام: ايه اشوى اخترعت اجل اكيد راح لمشاري يلا انتبهي لنفسك ها وصكي الباب المكان كله شباب
روان: تمام طلع وقفلت الباب ودقت ع صقر بالحمام طلع صقر : اف حر وشاف غرشه ماي خذاها وشربها: السموحه عطشان
روان بطلت عيونها مصدومه:ترى شربت منها !!
صقر : سئر المسلم طاهر شنو المشكله؟
روان تفرك يدينها بحرج من كلامه ووجوده ..
صقر رافع حاجب: زين ممكن تفتحين الباب ولا عاجبتك القعده معاي؟
روان بحرج: لا من قال بس عشان اخوي عزام يروح ومدت المفتاح له
صقر بابتسامه راح لها وخذ المفتاح من يدها: مايمدون المفتاح للغريب خاصه اذا كان ولد عشان مايلمسون ايدينه
روان وجهها صار احمر : شرايك تطلع؟
صقر ضحك وفتح الباب: ههههه ابشري وراح للحمامات الثانيه يعدل نفسه وسمع صوت غريب من الحمام طق الباب : في احد؟؟
والصوت لازال يتكرر طق الباب بقلق: في احدد؟؟
... بتعب:اهئ اي .. يه
صقر بخوف: افتح البابب
انفتح الباب الحمام وانصدم من المنظر اللي قدامه ...
كان قاعد ع الارض وايدينه ع المرحاض يرجع وحوله دم وثوبه ممتلي دم دخل صقر ويربت ع ظهره: مشاري وشفيك وانا اخوك؟
مشاري يرجع دم ويكح خذا صقر غرشه الماي اللي خذاها من روان وعطا مشاري يشرب : طمني وش صاير لك فجأه ؟
مشاري وهو حاس بثقل : ص .. قر .. تع .. با .. ن
صقر خاف عليه وحمل مشاري وغسل وجهه وجا بيطلعه حس أنه مشاري صار ثقيل التفت لقاه مغمي عليه ضرب خده: مشاري .. مشاري ركض للمجلس وهو يلهث: شبابب .. مشاريي .. مشاري
رعد باستغراب: شفيه؟؟
صقر يحاول يتنفس: طا .. ااح
طلعوا يشوفون شسالفه لقوا مشاري طايح ع الارض ..
رعد : دقواا ع الاسعافف بسرعهه !!
اتصل عزام وهو خايف على مشاري ...
فهد بحزن: والله انه تدهورت حالته من بعد هالمشعل باين أنصدم منه وايد
راكان : اي والله يابعد عمري مشاري
رعد يضرب خده: مشاري مشاري .. حط راسه ع صدره يسمع النبض ..
لين جت الاسعاف وخذته وطلع رعد مع صقر وفهد وراحوا المستشفى والباقي راحوا بالسياره
                ....... ف المستشفى ......
طلع الدكتور وشاف تجمع الشباب عليه: ممكن واحد منكم بس؟
تقدم رعد: سم دكتور؟
الدكتور : هو بس عنده القولون والظاهر انه زعلان وتهيج عليه وتعب
رعد: عنده القولون؟؟ من متى؟؟
الدكتور: سوينا له فحص وبالسستم طالع لنا عنده قولون 
رعد: الله يشفيه يارب ومتى يطلع؟
الدكتور: افضل لو يطلع الفجر او الصبح نقيس الضغط واذا متهيج زياده يحتاج عمليه ولا لا
رعد: ان شاء الله خير
رجع للشباب وشرح لهم الوضع ....
رعد: خلاص ارجعوا انتوا انا بنام عنده
صقر: رجلي ع رجلك
رعد: حياك والتفت ل فيصل انت المسؤول بغيابي وراكان معك
فيصل: لاتوصي حريص تبشر
رعد ابتسم له: تبشر بالجنه
طلعوا الشباب وبقى رعد وصقر دخلوا عند مشاري ورعد يهدي فيه ويحاول يغير موده ...
   ..... بعد مارجعوا العماره .....
فيصل منسدح ع فخذها: جوجو حبيبتي
الجوري تلعب بشعره: عيوني؟
فيصل: شرايك اقدم الملجه؟
الجوري: شكثر يعني؟
فيصل: الاسبوع الجاي
الجوري: وايد قريبب
فيصل سحب يدينها وحطها ع صدره: اغاار يشوفونك ويحضنونك وماقدر اقول شيء ويتغزلون فيك وماقدر اقول شيء ابي نكون ببيت واحد وترجعين لأنوثتك وخلاص كل شيء تبينه من عيوني
الجوري باست عينه: خلاص اللي تشوفه
فيصل ابتسم : وبعد عندي شيء
الجوري: انت تأمر وتتدلل قول؟
فيصل:يوم املك عليك رح تكونين هني ك نواف اليوم الثاني رح تطلعين للشقه تتجهزين وبعدين خلاص اصير زوجك رسمي مو من اول يوم فهمتي ؟
الجوري ابتسمت: تمام حبيبي بس اي يوم؟
فيصل: الخميس املك الجمعه اطلع معاك
الجوري: تمام قلبي
فيصل قام وباس جبهتها: يلا انا بنام الحين والوعد الاسبوع الجاي وغمز لها
   ...... بعد مرور الأيام جاء يوم الثلاثاء .....
كان قاعد بطاوله المطاعم مع فيصل ورعد يتغدون جات وحده ع الطاوله تبتسم بحرج: لو سمحت عادي اكلمك؟
نواف بأستغراب: انا؟
البنت مستحيه: اي
نواف: اي وش تبين؟
البنت مدت له رقم: عادي تكلمني اتصال
نواف خذا الورقه وهو مستغرب: اي زين شتبين؟
البنت بحرج: كلمني انت وراحت
نواف يطالع الورقه ويشوف فيصل اللي منزل راسه ويضحك : عسى ماشر شفيك؟
فيصل وهو يطالع رعد اللي مغطي ع وجهه ويبتسم: لا بس يعني شلون مستحيه ووجهها احمر وبالاخير تطلع معترفه ل بنت
نواف ضرب كتف فيصل: اقول عشان تعرف عندي معجبين وفانزات
رعد وهو يبتسم: لا ماشاءالله واضح المعجبين
نواف وهو رافع عيونه: اي اي تغارون مني
رعد قام : انا رايح لمحاضرتي
فيصل: يلا انا وراك بقوم
نواف: ماشاءالله وتخلوني بروحي !
رعد وهو يبتسم:لا خلي المعجبات معاك احسن
فيصل وهو يضحك: هههههه ايه صح
نواف بوز: مالت عليكم روحوا روحوا 
راحوا فيصل ورعد ع محاضراتهم اما نواف قام راح الحمامات يغسل وهو يغسل يدينه حس بيد تحاوط خصره رفع نواف راسه يشوف من وبصدمه: ولييد !!!

-شنو تعتقدون وليد ممكن يسوي؟