حرقة القلب وش يهديها؟

part25

-الفصل الخامس والعشرون-
..... اليوم الثاني الصباح .....
كانوا متجمعين الشله ف المطاعم على طاوله وحده وبعد دقايق قاموا بعضهم عندهم محاضرات وبقى صقر ونواف ورعد وفيصل ..
صقر: رعد
رعد يشرب قهوته: شتبي؟
صقر: بس يرحم جدك رابع قهوه
رعد: مو شغلك
جات بنت متلثمه للطاوله وتكلم فيصل: وينك؟
فيصل: ماصار لي نص ساعه جاي
جوان بدلع وتمايع: لاخلاص عادي تعال اكلمك
قام فيصل معاها وبعد دقايق رجع للطاوله
صقر يغمز له: امداك تضبط لك؟
فيصل بضحكة: هههه لا بس امس دقت علي تقول بكلمك بموضوع واخر شي ماعندها سالفه
رعد يطالع نواف وحركاته ووشلون منقهر من فيصل والبنت اللي جات ..
فيصل يطالع ساعته: يلا أستأذنكم عندي محاضره
صقر : اذنك معاك
التفت فيصل لنواف اللي واضحه الغيرة بعينه : نواف
نواف خذ قهوته وقام متجاهل فيصل: انا بعد رايح
لحقه فيصل ومسكه: شفيك؟
الجوري: ولاشيء اترك يدي
فيصل بابتسامه: تغارين علي؟
الجوري : لا اترك يدي
فيصل: يعمري انا
الجوري: فيصل خلاص روح محاضرتك
فيصل: مب هاين علي اخليك وانتي كذا بس لأني متأخر اذا خلصت بجيك
الجوري: يصير خير وراح عنها فيصل ..
طلعت من المطاعم بتروح للكليه الثانيه انتبهت ل رعد اللي متسند ع المبنى ويدخن تنرفزت وراحت عند رعد وخذت الزقاره من يده وقطتها بالأرض وداست عليها وجات بتروح حست بعظامها انخلعت من قوه مسكه اليد صرخت: اايييي يديييي
رعد تركها: مره ثانيه لاتدخلين بشيء مايخصك
طالعته والدموع بعينها : لأنها تضرك ماتنفعك
رعد صد عنها : وانتي شنو هامك يعني؟
الجوري: لاولاشيء وجت بتمشي وقفها صوته
رعد: تعالي شوي
وقفت بمكانها قرب منها مسح دموعها : متى تبدأ محاضرتك؟
الجوري: بعد عشر دقايق
رعد: بأي مبنى؟
الجوري: تربيه
رعد: يلا امشي بجي معك
           ...... بريك الساعه المشتركه .......
تجمعوا الشله وقعدوا يسولفون ..
سيف: ماقلت لي عزام
عزام: عن شنو؟
سيف:خطبت بيوم وليله شهالحب المستعجل
عزام: انا يوم خطبتها ماخطبتها لأني احبها بس كنت بنقذها من موقف صار لها بس بالملكه يوم قعدت معاها جذبتني
سيف: زين متى العرس؟
عزام: بعد 3 شهور جي كل ماطال
سيف يغمز له: كل ماطال ها بشوفك بعدين
عزام يطقه ع كتفه: تراني مب خفيف 
وطلع جواله كتب لها رساله" قولي لحبيبك بتقابلينه العشاء " وسكر جواله
راكان قاعد مع فهد: بشنو الحلو سرحان؟
فهد: اشتقت لخالد
راكان بحزن : ادعي له
فهد يغير الموضوع : شرايكم نحجز استراحة ولا شاليه؟
صقر: خلها الاسبوع الجاي
راكان: اي احس مو وقته الحين
بعد قعده سوالف ...
عزام: يلا شباب انا رايح المحاضره
مشاري: جاي معاك
دخلوا المحاضره رفع عزام جواله لقى مسج من ميار" بقابلك العشاء" استغرب بعدين تذكر كلامه وابتسم وسكر جواله ولاهي يفكر فيها ...
                .......... المغرب ..........
فيصل: زعلانه مني؟
الجوري: لا مالي شغل كيفك اصلا
فيصل: عيني بعينك
الجوري صدت عنه: اي كيفك
فيصل: ههههه فديت اللي يغارون علي
الجوري:من قال اغار ؟
فيصل: امم مادري بس العيون تفضح
الجوري: ماتشوف عدل
فيصل: تطمني بس كانت تكلمني عن البرزنتيشن
الجوري: تمام انا بنزل عند الشباب تحت
                 ..........  بالصاله  ..........
سيف: بتروح عزام؟
عزام: اي بمرها لازم
سيف: خلاص علمني شبيصير
عزام: ان شاءالله وألتفت شباب انا بطلع
وطلع يأخذ ميار من بيتها ....
راكان: حصلت استراحه حلوه
صقر: بأي منطقه؟
راكان: شوي بعيده بالشحانيه
حمد: شدعوه
فيصل: اهم شي نغير الجو مو مهم المكان
صقر: صادق
رعد: خلاص احجزها ركون بحول لك الفلوس
راكان: خلها ع حسابي هالمره
رعد: لا حشى خل فلوسك لك
راكان: والله لو تحول بنتزاعل رعد
رعد: الله يهديك لاتحلف
صقر: الله ليت يتهاوشون علي جي
ضحكوا الشباب عليه: ههههههه
رعد: ولايهمك تعال اتهاوش معاك
صقر : لا يرحم والديك صار لك اسبوع مو ع بعضك وتتهاوش معاي
رعد: مو انت تبي كذا؟
صقر: لا خلاص توبه
                 ....... في السياره .......
عزام: ها كلمتي حبيبك؟
ميار: كلمته بس مارد علي
عزام التفت لها : شلون يعني !!
ميار: بسم الله شفيك ومدت له جوالها ع رقم عزام
طالعها بنظره وابتسم: روعتي قلبي
ميار: قالي تمام انتظرك
عزام: اسمعي ابيك تدقين عليه الحين ها
ميار : ليه؟
عزام: اسمعي الخطه اللي بتصير #########
ميار: امم اخاف يسوي لي شيء
عزام: سويتيها مره ماتفرق معك
ميار تجمعت الدموع بعينها من كلامه وصدت تطالع الطريق انتبه عزام لسكوتها: المهم اتفقنا؟
التفت لها: ميار؟
ميار: لارد
عزام وقف عشان الاشاره ولف وجهها له وانصدم لما شاف دموعها مسحها بيده: شفيك تبكين؟
ميار توخر يده وتشهق: اهئ لييه ترخص منيي ليه تأخذني اذا رح تشوفني بهالنظره اهئ اهئ
عزام حس بالذنب ووقف عند كوفي وفتح عليها الباب وجاب لها قهوه وورد ومده لها وباس راسها: والله اسف ماقصدت أضايقك او ازعلك اصلا لو مااعزك ماخذيتك
ميار تمسح دموعها : طيب
عزام : بعدك زعلانه؟
ميار ابتسمت له: لا
عزام: يجعلني الابتسامه خلاص اركب السياره؟
ميار: ايه
           ..... وصلوا لفنادق اللؤلؤه  .....
عزام قاعد بالشقه معاها : اسمعي عبايتك لاتنزلينها عشان مانتزاعل تمام؟
ميار: تمام
عزام: ولا يقرب منك ولا يمسك ابد تمام؟
ميار: تمام
عزام : انا بكون معاك ولاتخافين
ميار تتنهد: ان شاء الله
دقايق وجاها اتصال من سرور وتوترت ....
عزام: ردي لاتخافين وحطي سبيكر اسمع معك
ميار ردت: الو؟
سرور: يالبى الصوت الواحشني
ميار: شنو تبي؟
سرور: يلا انا باللؤلؤه ياحلو انتي وين ؟
تتنهد وتناظر عزام: انا بالفندق
سرور بابتسامة: في حد معاك؟
ميار: لا حجزته عشان ناخذ راحتنا مع بعض
سرور: فديتك والله فاهمتني اي فندق؟
ميار : فندق ###
سرور: شقه رقم كم؟
ميار : 119
سرور : خلاص جاييك
ميار: سلام وسكرت
عزام بقهر: اهخخ ودييي اقطعه وانتفه
ميار مسكت يده: هدي عمرك لاتخرب شيء
عزام: اهخ بس يلا انا بكون تحت بالاستقبال بنتظره يجي
ميار : تمام
عزام باس خدها: انتبهي مثل ماوصيتك ترى في رجال غيره بيدخلون والله ازعل منك بعدين
ميار: لا حبيبي مارح اشل العبايه ابد
عزام: كفو يلا بنزل
وتركها ونزل للاستقبال يسولف مع الامن شوي الا دخل واحد كاشخ ويكلم الاستقبال: لو سمحت غرفه ١١٩ اي طابق؟
موظف الاستقبال:الطابق العاشر
سرور: تمام
موظف الاستقبال: الاسم ؟
سرور: سرور ال .....
موظف الاستقبال: تمام تفضل
راح سرور ركب المصعد وعزام يطالع الامن: ودي اقوم الحين اربيه
فايز: اهدأ لاتخرب كل شيء
فواز: انا طالع وراه اذا وصل الغرفه اتصلت لك واطلع انت وشادي
فايز: ابشر
                .......  شقه ١١٩ .......
دخل الغرفه ويطالعها: ياهلا بالزين كله
ميار تبتسم: هلا فيك ياروحي
قعد ع السرير : زين ليه لابسه عبايتك ظنيت بحصلك تنتظريني بالسرير
ميار: لا بس لاني طالبه من مطعم نتعشا شوي وبعدين عشان تحلا لنا القعده
سرور بابتسامة خبث: يعني نتدلع شوي
ميار تبتسم: افا عليك أدلعك من عندي غيرك
سرور وقف قرب منها : زين وين الحضن والبوسه؟
ميار بتوتر: اا دقيقه شفت شنطتي؟
سرور مسك يدها وسحبها لحضنه وقرب بيبوس شفايفها بس هي التفتت
سرور : وشفيك خايفه؟
ميار : ها لا عادي
مسك وجهها وثبته بيبوسها بس قطع عليه صوت طق باب الشقه : منو هذا؟
ميار تنهدت براحه: ممكن الديلفري وصل
سرور : بروح افتح خلك بالغرفة ها
ميار قعدت بالكرسي: تمام
فتح الباب سرور وانصدم ب 3 ضباط قدامه
فواز: وصل لنا بلاغ عن هالشقه ومضطرين ندخل للتفتيش
سرور بارتباك: ها بلاغ عن شنو اكيد مضيعين؟
فواز طلع ورقه وحطها بوجهه سرور: اعتقد انك تعرف تقرأ وهذا عندك البلاغ
سرور بتهرب: اا زين انا طالب من مطعم بس بطلع استلم الطلب
فواز: انثبر داخل والتفت ل فايز وشادي وعزام تفضلوا فتشوا الشقه ودخل فواز وسكر الباب بالقفل بحيث مايقدر يطلع او يهرب
دخل عزام لغرفه النوم ولقاها قاعده بالكرسي راح لها: سوى لك شيء؟؟
ميار : بعدين يا عزام بالسياره نتفاهم مو قدام ربعك
عزام: يخي بس طمنيني ماصار شيء صح؟
ميار : لا ماصار شيء
عزام: اهخ اشوى عشان ماادفنه الحين
فايز معطيهم ظهره : عزام طلع مرتك
عزام : تغشي الحين !
غطت ميار ع وجهها : طيب
عزام: يلا
وطلعوا للصاله اللي فيها فواز وسرور ...
فايز: من هذي اللي ب غرفه النوم؟
سرور بإرتباك: اا اخت اقصد زوجتي زوجتي
فايز: عطيني إثبات عقد الزواج
سرور: اا موجود بالسيارة
فايز : يلا بنجي معاك للسيارة
سرور: اا قصدي بالبيت يعني اكيد مابطلع فيه بكل مكان
فواز بعصبيه: يعني انت تتلاعب ولا شلون؟
سرور : لا بس اا
فواز: ماعندك رد ؟
سرور استسلم: لا
فواز طالع فايز وشادي: قيدوا يدينه واخذوه على المخفر والتفت لعزام وانت جيبها بموترك ورانا
عزام: ابشر ويطالع سرور بنظرات حاده
.......... في العماره ...........
راكان : انا باجر برجع من الجامعه بروح بيت هلي
فيصل: بتنام هناك؟
راكان: والله مادري ماظنتي
قام رعد بعد مارن جواله وطلع السطح : ياهلا ... ليش السؤال؟  .... تمام ... قلت تمام ... باي
سكر الجوال وانتبه لظل التفت لقى نواف قاعد بالكرسي ويطالع السماء قعد حذاه ع الأرض : شنو تفكرين فيه؟
الجوري: اسفه رعد
رعد ابتسم : ليه تعتذرين؟
الجوري: لأني تدخلت بحياتك
رعد: قصدك على الزقاره؟
الجوري:ايه
رعد: لاعادي كنت متنرفز وقتها
الجوري: رعد تسمح لي اقولك شيء؟
رعد: قولي؟
قطعهم اتصال من عزام ل رعد : الو .. وينك؟ .. بالمخفر شتسوي .. خلاص تمام .. بتجي العماره؟ .. خلاص تمام ... يلا مع السلامه
نزل من السطح لقى فيصل بوجهه
ابتسم فيصل: هلا رعد شلونك
رعد ببرود: بخير ونزل لغرفته ..
فيصل طلع شاف نواف وراح له: شتسوين هنا؟
الجوري: بس قلت اغير جو اتأمل السماء
فيصل بابتسامه يأشر بيده: هذي انتي
الجوري: شنو؟
فيصل : القمر لأنك احلى قمر
الجوري بإحراج: انا بنزل تحت
فيصل: ههههه يا جعلني اللي يستحوونن
الجوري ووجهها احمر : خلاص فصولل
فيصل يمسك قلبه: ماقدر على كذا انا !!
نزلت الجوري متجاهلته وهو يضحك عليها ...
      .... صبح اليوم الثاني  بالجامعة ....
سيف: عزام ماودك تأكل؟
عزام: لاتكفى مصدع مابي شيء
فيصل: تعبان انت؟
عزام: شوي
فيصل: ماتشوف شر
عزام: الشر مايجيك
نواف: بروح اطلب لي كوفي
رعد : اطلب لي معاك
نواف: اي نوع تبي؟
رعد بابتسامه: ع ذوقك
راح نواف يطلب وتجمعوا عليه 5 شباب قرب وليد من نواف: هلا شالاخبار؟
نواف يحاول مايظهر خوفه: شنو تبي؟
وليد بابتسامه: لا بس اشتقت لك
نواف ياخذ طلبه ويوخر عنهم مسكه من يده وانكتت القهوه ع ثوب نواف ..
نواف بقهر: انتت شتبي الحيين؟؟؟
وليد يأشر ع الحمامات البعيده: هناك نتفاهم
نواف يوخر يده: اذلف عني
وليد شد يده ع معصم نواف: منو يذلف؟
نواف: اهخ وخخررر عنيي
سلطان: وليد المحاضره دقيقتين وتبدأ
وليد يشوف ساعته: حسافه ولا كان ربيته من جديد
نواف يبعد عنه: اتركنني بروح
وليد ينظاره باستحقار ودفه ع الارض بالقو وانكتت القهوه فوقه وتركه وراح مع شلته ..
نواف قاعد على الارض ويناظر كوب القهوه اللي انكت عليه ومنقهر من ضعف حيلته قام ومشى لين طاوله الشباب حط القهوه الثانيه قدام رعد وركض للحمام ..
راكان بأستغراب : شصاير له؟؟
رعد يقلب ف القهوه: والله مادري
راكان : انا بروح اشوفه
فيصل مسك راكان: لا اقعد انا بروح
وراح فيصل للحمام ويطق بالابواب محد يرد ويصرخ نواف نواف ومايرد عليه وانتظر بالحمام شوي الا يسمع احد يشهق ويصيح طق فيصل الباب : نواف .. نواف .. افتح انا فيصل
بعد محاولات فتح الباب وانصدم فيصل من ملامحه كانت القهوه منكته ع ثوبه وشعره ووجهه الاحمر من البكاء مسكها بقهر: شفيك؟
هزت راسها: ولاشيء
فيصل : في احد سوى لك شيء؟؟
وخرت عنه غسلت وجهها : برجع البيت
فيصل:  زين ممكن افهم شصاير؟
صدت عنه غطت وجهها ورجعت لنوبه البكاء
دخل رعد الحمام وشافها بهالمنظر وحضنها بالقو : شصاير لك يابنت علميني؟
نواف وخر عنه: ولا شيء
رعد انتبه لفيصل والتفت: شصار؟
فيصل بقهر: مادري مارضى يقول لي
نواف: برجع البيت
رعد فصخ شماغه وحطه ع راس نواف :لا تشله والتفت لفيصل انا برجعه البيت وبرجع الجامعه
فيصل يطالع نواف بقهر لانه مايرد عليه: طيب
رعد مد يدينه له : يلا؟
مد يده له تحت نظرات فيصل المقهوره طلعوا من الحمام وراح لمواقف السيارات ركب السياره رعد ونواف طلع ورا ..
رعد: شنو دريول انا !! قعدي قدام
نزلت بهدوء وطلعت قدام مشى رعد لين نزلوا  للعماره وكانت بتطلع للشقه فوق وقفها صوته: الجوري
الجوري التفتت باستغراب: نعم؟
رعد: تعالي شوي
الجوري : مابي
رعد مسكها من يدها وسحبها للكرسي عنده: يوم اقول تعالي تجين فاهمه !!!
الجوري نزلت دموعها: لييه كلكم عليي انا شنو سويت لكمم مو يعني اني بنت يعني خلاص يحق لكم تفرضون نفسكم علي يعني اذا ماعندي اهل انتوا تستفردون علي لييه شسويت انااا وانهارت
أستغرب رعد من صيغه الجمع وضمها لصدره: اسف ماقصدت
الجوري تمسح دموعها: لاعادي تعودت
رعد: زين عادي اعرف شصار لك؟
الجوري: لا مو مهم عادي اغير ثوبي بس
رعد: قولي ولاتخليني اعصب عليك
الجوري بحزن: ذبح أخوي والحين يطلع حرته فيني شنو سويت له مادري
رعد بأستغراب: منهو ؟
الجوري : وليد
رعد بعصبيه: وش سوى هالنذل لك؟؟
وقالت له شاللي صار لها ...
رعد بقهر : انا اربيه اوريك فيه
الجوري تمسك يده: الله يخليك لا بليز لاتعرض نفسك للخطر
رعد: اي خطر ؟
الجوري بحزن : اذا سوى لك شيء عندك اهل وربع يخافون عليك بس انا عادي ماعندي حد
ماحست الا بكف ع وجهها وطالعته بصدمه استوعب باس خدها : اسف والله بالغلط
الجوري قامت وهي تدمع: قلتلك ماعندي احد
انقهر رعد انه مد يده وراح لها: والله اسف ماقصدت بس انقهرت من كلامك يعني بتقنعيني ماتعزين فيصل؟
الجوري: احبه لأنه اكثر واحد فهمني يوم درا اني بنت ما أذاني ولا سوى لي شيء بالعكس احترمني اكثر ووقف بظهري
رعد يشد ع يدينه من القهر ع كلامها: يعني انا ماسويت لك شيء؟
الجوري تجاهلته وراحت غرفتها تبدل
انقهر رعد وقعد بالصاله ينتظرها وطلع بكت الزقاير وقعد يدخن فجأه اختنق وقعد يكح سمعته الجوري ونزلت تشوفه وانصدمت من منظره مخلص بكتين زقاير ومختنق يكح ركضت عنده طفت الزقاره وتضرب ظهره وجابت له ماي شربته بعد ماهدا التفت شافها تدمع وببرود: ليه تصيحين؟
ضربته ع صدره وهي تدمع: انتت مجرمم حرام علييك ليه كل هالزقاير !!!
رعد يتنهد : اهخ وقام يلا انا بروح السياره ومد لها فاين تمسح دموعها خذت الفاين ورمته بالارض ولحقته للسياره .. بعد ماوصلوا الجامعه
دخل رعد كليه الهندسه والتفت لقاها وراه : مو انتي محاضرتك بالتربيه؟
الجوري : امم عادي تجي معاي؟
رعد رافع حواجبه: ليه ماتقدرين تروحين بروحك؟
الجوري انقهرت: خلاص بروح بروحي مشت بروحها بتطلع للبوابه الا تحصل وليد بوجهها داخل الكليه توترت ووقفت بمكانها من الخوف
وليد مسك وجهها: هلا باللي مستقبلني
نواف: وخر يدك عني
وليد بضحكه: ههههه والله كنت ادورك وجيت لي
نواف جا بيبعد عنه امسكه وليد من يده: لا حبيبي مافي روحه

-شنو رح يسوي وليد في الجوري؟
-هل تعتقدون رعد بيهتم لها للجوري من جديد؟
-شنو مشاعر فيصل اتجاه الجوري؟