حرقة القلب وش يهديها؟

part31

-الفصل الواحد والثلاثون-
...... في غرفه فيصل ونواف ......
طلعت ثوب خطوبتهم من الكبت اللي عليه اثار روجها وتحضنه وتبكي ب قهر رعد يشوفها بحزن ويمسح دموعه عشان لاتضعف اذا شافته قامت وخذت الابجوره رمتها ع الارض بقهر وتبكي : اهخخخ فييصلل ليه خليتني ليهه لييه رجعتني يتيمه لييه انا ماعندي احدد ليه تركتنيي قام رعد اللي دموعه ماوقفت بسبه كلامها وحضنها بقوه وهي تحاول تضرب بصدره وتصيح ابيي فيصلل تكفى ابيي فيصل ورعد حاضنها بقوه وتارك دموعه تسيل ع خده لين بعد دقايق حس بهدوء وثقل عليه ابتعد عنها شافها نامت شالها وحطها ع السرير ولحفها ومسح ع وجهها بحزن فتح باب البلكونه وطلع زقايره وقعد يدخن ويدخن وخلص 3 بكوت زقاير من حرقه صدره ع رفيجه وعلى الجوري
  ...... في غرفه راكان .....
صقر : راكان تكفى فيصل مايرضى يشوفك بهالحال طيعني ونام
راكان وهو يضرب يده اللي تنزف بالجدار: اهخخ ليه ليه مارحتت معاه ليه خليته يروح بروحه كان محد أذآه اهخخخ اهخخخخ
صقر يمسك راكان ويسحبه للسرير: راكان تكفى اقعد تعال
راكان يوخر عنه: اترككننييي اغلى شخص بحياتي  مات وبطريقه شنيعه شلون تبي اسكتتت شلون تبيني اقعد ساكتت فهمننيييي !!
صقر نزل راسه بحزن ويمسح دموعه بكم ثوبه خذ كوب ماي صقر ورشه ع وجهه راكان وشربه ماي بالغصب لين هدأ : نام وريح شوي
انسدح راكان ع السرير ولازال مقهور ع موتته أعز اصحابه ومن كثر مابذل طاقه ونزلت دموعه تعب ونام شافه صقر ارتاح وانسدح بالسرير اللي حذاه ونام وراه ...
........ عند فهد ........
منهار ويصرخ: ليييه خالد وبعدها تركي والحين فيصل ليهه ليهه؟؟
مشاري وهو يدمع: فهد كلنا حزنانين بس شنسوي هذا المكتوب
فهد : ابي زقايرر ايي شييءء اهدي انا مااتحمل
قام حمد وحضنه : فهد لاتضر نفسك احنا موجودين معاك
فهد يتنهد بقهر: اهخخخ خلونيي بروحي وراحوا
مشاري: فهد احنا معاك ماتركناك
  ........ في اليوم الثاني .......
قامت من النوم لقت شخص نايم بسرير فيصل
الجوري بفرح حضنته: فيصلل انتت مامتت صح !
قام رعد وهو عاقد حواجبه شافت وجهه وحست كأنه احد كب عليها ماي بارد وانه هذا واقع مو حلم نزلت دموعها مره ثانيه : فييصلل وينك فيصل تعالل ليه تتركنيي ماعندي اهلل
رعد يتنهد بحزن ع حالها وع حال ربعه و ع حال نفسه اللي مو قادر يحزن ويضطر يمثل انه قوي عشان ربعه مايضعفون قام وسحبها لحضنه وقعد يهديها وهي مو راضيه دخلت بحاله جنون طلع حبه المهدئ وحطها بحلجها وشربها ماي وبعد دقايق هدت ونامت بحضنه شالها وحطها ع سريرها وحط يده ع راسها ويقرأ عليها الأذكار
..... في مكان بعيد عنهم .....
رمى عليهم عشر الالاف وطلع اخذهم سعد وقعد يحسبهم وبقهر : 10الالاف !!
سالم: النصاب قال مليون
ناصر: لو انه سامعين كلام فيصل بالاخير تراه اخونا من لحمنا ودمنا
سالم: اسكت انت مسوي احين يهمك من يومك ماتدري عنه الحين بيهمك
ناصر: انتوا قتلتوه !! ماتت فيصل تفهمون شنو يعني مات ع يد اخوانه عشان فلوس !
سعد : عاساس انت ماتبي فلوس يعني
ناصر: اذا طلبنا من فيصل كان بيعطينا تراه طيب
سالم مايبين انه ندم: خلاص انت مالك من العشر الالاف شيء
ناصر: خذوها لكم انا بريء من ذبح فيصل
سعد: ايه خفت الحين ها
ناصر: ماني خايف بس هذا يبقى اخوي
سالم: خلك ساكت لا احرقك نفسه
ناصر: احترم نفسك ولا ترى ابلغ عليك
سالم بصدمه: تبلغ علي؟؟
ناصر: الزم حدودك عشان نكون بخير
....... بعد مرور اسبوع .......
راكان ماسك الملعقه ويقلب بالعيش ..
رعد: متى ناوي تأكل راكان؟
قام راكان: الحمدلله
رعد بحزم: اقعد
راكان ووجهه ذابل: شبعان
رعد: راكان الاعمار بيد الله وكلنا رايحين هالطريق لاتعذب عمرك اقعد اكل شوف شكثر نحفت
راكان: مالي خاطر يدش بمعدتي شيء
قام رعد وقعده وقعد يأكله بيده ...
بعد ماخلصوا عشاء ...
رعد: بكره شباب رح نداوم بالجامعه
فهد بحزن: ترى عندنا عزاء !
رعد: الجامعه مارح تسمح بالغياب غبنا اسبوع والاصل 3 ايام اللي يبي ينطرد من الجامعه يغيب وكل واحد وكيفه
نواف وهو يدمع: انت شنو ماتحس !! كلنا زعلانين وانت تقول نروح الجامعه وطلع لغرفته يكمل بكاء وانهيار
تنهد رعد : شباب انا ادري انه كلكم زعلانين بس مايصير نزعل وايد فيصل مارح يرضى يشوفنا بهالحال غيروا شوي من جوكم لاتضيقون ع عمركم
راكان: يعني انت ماتعز فيصل؟
رعد:فيصل اقرب لي منكم كلكم ويعز علي بس العزا له مده ومايصير نزعل اكثر وتجاهلهم وراح لغرفه نواف طرق الباب ودخل كانت حاضنه ثوب فيصل يوم ذكرى خطوبتهم ..
الجوري وهي تصيح: اطللعع برااا انت ماتحب فيصلل انتت ماتهتم لحزننا اهم شيء نفسك  !!
رعد تنهد وقعد ع مستواها: الجوري اسمعيني
الجوري: انت تغارر من فيصلل ماتحبهه
رعد يتمالك نفسه ومسك يدها وضغط عليها بالقو: ترى فيصل اغلا من كل الموجدين بالفله عندي واحبه بس ترى هو مايرضى اذا كان حي يشوفنا بهالحاله !
الجوري ودموعها تطيح: لييه تركنيي ليهه؟
رعد يزيد ع ضغطه يده: اسمعيني زين فيصل راح ل ربه واحنا رح نحقق بقضيته ونشوف شصار له وشنو السبب بس انتي امسحي هالدموع وحاولي تهدين وبكره لرجعتي من الجامعه بغير لك الغرفه عشان لاتتضايقين
الجوري تحضن الثوب: لا ابي فيصل
رعد تنهد: اهخخ منك بس بكره بتطلعين من الغرفه ولازم تروحين الجامعه تغيرين جو شوي فيصل مايحب يشوفك بهالحاله !
الجوري: مابي اروح مابي
رعد: انا مابكلمك الحين بس فكري صياحك ودموعك وهاي كله مارح يفيد مارح ترجعه هو مايبي منك الا تدعين له مو تحرقين قلبك عليه وشوفي وجههك شلون ذبل لاتأذين عمرك وايد وقام للباب انا بتركك الحين واشوفك بكره وطلع دخل غرفته وحط راسه ع المكتب وقعد يصيح دخل عليه صقر وانصدم لما شافه وحضنه من ورا : رعد؟
رفع راسه رعد وطاحت عينه بعين صقر اللي كلها حمره ودموع مسك صقر وجهه وبحزن: شفيك؟
رعد ودموعه تنزل ع خده: ليش يحسبوني بدون إحساس؟ مايدرون إني فقدت أغلى شخص بس اكابر عشان اقويهم ليش مايحسون فيني؟
حضنه صقر بقوه: رعد انا حاس فيك انا فاهمك خلك منهم هم للحين مصدومين ولاتنسى شلون كان منظر فيصل عند الباب اكيد صعب يتخطون
رعد وهو يشد ع صقر: تعبت ياصقر تعبت
صقر نزلت دموعه لأنه لاول مره يشوف اخوه اللي ماجابته امه بهالضعف : رعد انا معاك لاتخاف
رعد: حتى انا مابي اروح الجامعه مابي اطلع استانس اشوف الناس شلون بركز بالمحاضره اصلا !! ليش هم يحسبون انهم بروحهم زعلانين؟
صقر ابتعد ومسح دموع رعد: هم يبونك تعبر نفسهم بس انت لاتهتم خلك جي قويهم ثبتهم وانا معاك صدقني رعد ولايمكن اتخلى عنك
تنهد رعد بحزن وقام انسدح ع سريره وغمض عينه بألم ويتذكر مواقفه مع فيصل ...
      ........ صباح اليوم الثاني .......
رعد: صقر
صقر: لبيه؟
رعد: وصل الشباب انا ساعه واجي
صقر: تبشر
ونزل تحت صقر يجمع الشباب بعد محاولات طلعوا السياره  ...
صقر: اسمعوني زين ترى كلنا زعلانين على فيصل ورعد امس لقيته يصيح بقهر لانه انتوا تحسبونه بدون إحساس ومايحس عيب انه دايم يحاول يوفر لكم كل اللي تبونه بالاخير تجحدونه عشان موت فيصل ترى فيصل راح لربه خلاص احنا بس ندعي له ليش تضيقون ع خاطر غيركم بمجرد انكم زعلانين ع شخص ثاني !!
راكان: صقر احنا ماقصدنا نزعل رعد بس كلمات تطلع بدون قصد من حرقتنا
صقر: انزين ش ذنب رعد يتحمل حرقتكم؟؟
فهد بحزن: صادق صقر
راكان: نروح البحر اليوم نسوي له مفاجأه نستسمح منه شرايكم شباب؟
نواف : انا مو رايح
صقر:ليه؟
نواف: ماقدر استانس
فهد: نواف بتم متضايق لين متى؟
نواف بحزن: مادري
فهد حضنه: خلك قوي لاتبين لاحد ضعفك
تنهد نواف : ان شاء الله
فهد : يلا عيل كلنا رايحين اليوم
صقر: خلاص تمام
    ...... ف الجامعه بعد ماوصلوا ......
يطالعها من بعيد ومبتسم لين ماراحوا الشله من عندها راح من وراها غطا على عيونها وشالها ركض لسيارته ومشى ...
الجوري بصدمه: وليييدد شتسويي !!!
وليد بخبث: مو شغلك
الجوري تضرب الكرسي: وققفف ولا ببطل الباب وانزل
وليد: انا براويك شلون تتحديني
الجوري تصارخ عليه بس مافي فايده لين وقف قدام فله نزل وسحبها معاه غصب لداخل ...
وليد وهو متكتف: اسمعيني هالبيت مو طالعه منه ورح تعيشين معاي غصب
الجوري : مو على كيفك !!
وليد بضحكه: ههههه لا عيل بكيفك انتي؟
الجوري: انت اللي ذبحت فيصل؟
وليد بخبث قرب منها ولزقها بالطوفه: اي انا ذبحت اخوك نواف وفيصل الحين
نزلت دموعها بصدمه: ليه طيب؟ شسووا لك؟
وليد : والله كيفي ابيك حلالي ومنعوني منك وانا محد يعترض طريقي
ضربت صدره بقوه : انتت حقييرر حقيرر
طاح من الالم وهي راحت تفتح باب البيت بتطلع بس كان مسكر كل الأبواب قام وليد وهو ماسك صدره وسحبها ع الكرسي وطلع فوقها : انتي تحسبين اني بعدي لك هالحركات؟؟
الجوري بخوف: وخخر عنني انت مجرمم !
وليد بهيام: اه اي والله مجرم بحبك
الجوري بقرف: وعع واثق اني بحبك انا ماحب غير فيصل لاتحاول
عطاها كف وبعصبيه: فيصلل ماتتت انسيهه خلاص الحين قدامج اناا وبسس !!!
الجوري : مابييك اناا مابيييك
وليد: مو بكيفك بكره بجيب الملاك وعلطول يعقد علينا وان شفتك رفضتي والله إني لااحرق العماره على الشباب اللي فيها كلهم ومثل ما قلت لك ذبحت نواف  والحين فيصل وانتي بكيفك وطلع لغرفته تاركها مصدومه من كلامه وتصيح
                  ......... الظهر ........  
رعد: وين نواف؟
فهد:عنده محاضره لين الساعه 4 ونص
رعد: يعني هو الحين بالمحاضره؟
فهد: اعتقد
رعد تسند: تمام والتفت شخبارك راكان
ابتسم راكان : بخير انت شلونك؟
رعد بأستغراب: يديم هالابتسامه والصحه
راكان: كل شي لأجل رعود يهون
رعد: شارب شيء؟
راكان: شارب حبك
رعد يطالع ربعه: الولد استخف؟
فهد: ههههه لامعليك يفرغ رومانسيته فيك
رعد: تبي ازوجك؟
راكان كشر: لا يرحم لي والديك
صقر: ههههه وشفيك ؟
راكان: هذا الطاري لا احبه ولا يحبني
مشاري: اي والله صدقت انا معك
عزام: انا معاكم
حمد فاتح عيونه: عرسك بعد اسبوعين يالنصاب
عزام: وانت ماتعرف تخليني اواكب جوهم
صقر: الا هم اللي معطينك ع جوك يا عزام
راكان: رعد شرايك تاخذنا البحر اليوم
رعد: وش اللي طرالك؟
راكان: نغير جو شوي
رعد: ابشر بعد المغرب سرينا كلنا
فهد: كففوو
                 ........... المغرب ...........
وليد رمى عليها ملابس بنات كانت عباره عن " لبس ضيق اسود كت قصير لين الركبه " : البسي
الجوري وهي تقلب اللبس: لا طبعا مارح البسه
وليد تكتف: بتلبسينه ولا اتصرف تصرف ثاني
الجوري: لا طبعا ماتحل لي انت عشان البس جي جدامك تستهبل انت؟؟
وليد: رح اصير زوجك والبسي يلا روحي الغرفه
الجوري بعناد: لا طبعا
قرب منها ومسك معصمها بقوه : ادخليي البسي وسحبها رماها ع الغرفه
الجوري بألم: لاا مارح البسس
وليد: عندك خمس دقايق مالبستي رح يصير شيء مارح يعجبك ابد وقفل الباب ونزل للصاله يتصفح جواله ... بعد مرور عشر دقايق رن جوالها بأسم "رعد" طلع وليد فتح الغرفه وأنبهر من شكلها قرب منها وهي تبتعد لين لزقت بالطوفه مرر يدينه ع خصرها وجسمها بذهول: والله ماتوقعتك جميله كذا
حاولت توخره عنه لكنه مسك يدينها وثبتها وقعد يتحرش فيها قرب بيبوس شفايفها قطعهم رنه جوالها بوز بقهر ردي ع الزفت قولي له انا بقعد ببيت اهلي فتره وخليه سبيكر ردت ..
رعد: انتي وينك؟
الجوري وهي تطالعه : انا ف بيت رفيجتي بقعد عندهم فتره
رعد: وليش ماقلتي لي؟
الجوري تتنهد: كنت بقولك بس مامداني
رعد: في احد جمبك؟
الجوري : لا
رعد: خلاص بمرك الليل بأخذك
وليد يأشر لها لا الجوري: لا بقعد فتره وبرجع
رعد: يلا تمام انتبهي لنفسك
الجوري بحزن: ان شاء الله وسكرت سحب منها الجوال : مارح تأخذين الجوال ابد وهمس لها بكره رح أجيب الملاك وبتملكين علي
الجوري: لاا طبعاا مابيك
وليد: السالفه مو برغبتك
الجوري: بقوله انت مجبرني وانا ماعرفك
سحبها ع السرير وطلع فوقها : ان قلتي كلمه والله لاغتصبك الحين وارميك بالشارع
الجوري بصدمه: انتت شلون قلبك جيي !!!
وليد قام من فوقها : بسوي اللي براسي ومحد له دخل فاهمه !
الجوري: انت شنو ماعندك كرامه ماحبك ماحبك !
وليد: رح تحبيني مع الأيام
الجوري: هه تبيني احب شخص ذبح اخوي وزوجي؟
وليد بعصبيه: انا زوجك مو هو !!
الجوري: مارح تصير زوجي
وليد: اعتقد قلتلك شنو بيصير فيك المهم انا بنام الحين وبكره بدق ع الملاك يجي يملك علينا
الجوري بحزن: مابيك انا !
وليد: مع الايام بتموتين علي ويلا نامي الحين
قامت متجاهلته بتطلع برا وليد: انثبري بالغرفه
الجوري: بنام تحت
وليد: لا طبعا السرير واسع
الجوري باستغراب: يعني وشو تبيني انام جمبك؟
وليد: اي طبعا
الجوري: تحلم بس
قام وسحبها ع السرير: انثبري قلت ان دريت انك طالعه من الغرفه بتشوفين شيء ماعمرك شفتيه
انسدحت بالسرير ودموعها على خدها ...
                     .... في البحر ....
فهد: وين نواف؟
رعد:قال ببيت أهله
فهد: اها
ودخلوا يسبحون ويغيرون جو واعتذروا ل رعد
رعد ابتسم: لاعادي ادري انكم متضايقين وانا فاهمكم مايحتاج تعتذرون
حضنه راكان: اسف والله
رعد: لاتعتذر قلتلك فاهمك
حمد: والله انت قلبك طيب واحنا ضغطنا عليك
رعد: ادري انكم زعلانين بس ان شاء الله الحين اغير لكم الأجواء وأنسيكم الحزن
عزام طب بحضنه : مشكووررر
صقر : اقول وخر عنه ترى مو زوجتك
سيف: شبت الغيره ها صقر
صقر:اي شتبون ف رفيجي
رعد يضحك: هههه بعد عمري انت
    ....... في مكان ثاني .......
مشعل: حبيبتي انا كلمت ابوك وبكره بجيكم
مريم بفرح:بتتقدم لي؟؟
مشعل: اي ماقدر اتحمل بعادك اكثر
مريم: ياعمري انت والله
مشعل: بكره اشوفك ها
مريم بحياء: انتظرك
مشعل:يلا انا بنام بس قلت اخبرك قبل انام
مريم: تصبح ع الخير حبيبي
مشعل بابتسامه: وانتي من اهله وسكر
        ...... اليوم الثاني ......
راكان قاعد مع صقر ورعد : شوف هذا الفيديو
وفتح لهم لابتوبه وقعدوا يشوفونه
رعد بصدمه: هذا فيصل؟
راكان بحزن: ايه؟
رعد بعصبيه وقهر: ومنو هذيلا اللي مسوين فيه جي؟؟
راكان يتنهد: اخوانه
صقر: والله مانسكت امش للمخفر اليوم
رعد: راكان خل الفيد معاك المغرب نتجمع جميع ونروح للمخفر
صقر: وليش راكان سكتت؟
راكان: فيصل كان رافض اقول لاحد بس الحين انا متأكد انهم السبب في موته
رعد: اهخخ انا اراويكم فيهم اجل ذيلا بشر
راكان بحزن: فقدوني اعز مااملك
رعد يربت ع ظهره: حقك بيجي والله ماخليهم
تنهد صقر: اليوم ان شاء الله نبلغ
رعد: اي طبعا مارح اسكت

-هل وليد بيتزوج الجوري؟
-شنو رح يصير بالمخفر؟