حرقة القلب وش يهديها؟

part24

-الفصل الرابع والعشرون-
عزام: قلتلك لاتردين عليه كلامي واضح فاهمه؟
ميار: ان شاء الله
5 دقايق الا يرن جوال عزام ويرد ..
عزام: ياهلا
سطام : معليك امر كلم اختك تقول لأختي تطلع
عزام: اي ان شاء الله الحين اكلمها
وسكر الخط يطالعها: يلا حضرتك شرفي رجعي بيتكم
ميار : ماعرف شلون اشكرك
عزام: انك تطلعين برا تسوين خير فيني
ميار بحزن: لاتأخذ نظره عني خايسه والله الحب اعماني ولا انا مستحيل اسوي كذا
عزام بعصبيه وراص ع اسنانه: اخوك براا طلعيي لاافصل علييك
ميار: ان شاء الله ان شاء الله
       ..... وطلعت رجعت بيتهم .....
سطام بالصاله: انتي لين هالوقت برا شتسوين؟
ميار: امي سامحه لي مالك دخل
سطام: محد مضيعك غيرها والله
ميار: الا قول انك مقهور بس
سطام: مره ثانيه اشحني جوالك تفشليني مع خلق الله ولد جيرانا يتصل لي عنك
ميار: انت تكبر المواضيع بروح غرفتي ابرك
سطام: ايه روحي روحي انا بعلمك عقب
وهي رايحه بتطلع فوق لقت رساله من سرور " انا اراويك بعطيك مهله لين يوم الخميس ان ماحددتي متى نتقابل صورك بتنتشر وتوصل لأهلك"
تجمعت دموعها بعينها خايفه ماتعرف شتسوي شافها سطام باستغراب: ميار شفيك؟
ميار انتبهت له ومسحت دموعها: لا ولاشيء وطلعت غرفتها انهارت ومو عارفه شتسوي !
     ......... عند عزام ........
رجع الصاله وباله مب معاه ..
روان: طلعت تشوف من طق الباب ماعاد رجعت
عزام: ولد جيرانا يسولف معاي
روان : وليش ماتكلمت افرض اني طلعت الحوش
عزام بنظره: عشان احش رجولك
روان: وع منكم يالريايل
عزام التفت لأمه: يما بكلمك بموضوع؟
ام عبدالله: عسى ماشر وليدي شفيك؟
عزام: ابي اتزوج
ام عبدالله: الساعة المباركة بس بعدك صغير
عزام: لاني صغير ولاشيء والبيت وكل شيء موجود
ام عبدالله: خلاص ولايهمك ادور لك احلى وحده
عزام: مايحتاج تدورين البنت موجوده
روان: اوهه طلعع يحببب من ورانا
عزام بنظره: اكرميني بسكوتك ست روان !
ام عبدالله تطق بنتها: اسكتي اسمع هرجه ومن هي اللي خذت قلبك؟
عزام: بنت حامد ميار
روان بصدمه: مياااررر
عزام طالعها ورافع حاجب: ايه شفيها؟
روان : انت متأكد ولا جنيت؟
عزام: ليش شايفتني رايق الاعبك؟
روان: امبيه لاا ابداً دور غيرها
ام عبدالله بتدخل : خلك من هذي الخبله والنعم في ميار بنت أجوديه تبيها اخطبها لك
عزام: ايه ابيها يمه
روان: خلصوا البشر
عزام: اكرميني بسكوتك قلت ويما ابي بكره اخطبها وبعدها بيومين الملكه علطول
ام عبدالله: وشهوله العجله ياوليدي؟
عزام قام: هذا كلامي كلمي امها بكره وانا بخطبها بكره مستعجل مو مستعجل مو شغل احد
ام عبدالله: اللي تبيه يا عزام
طلع عزام ووقف عند نهايه الدرج ومحد منتبه له
روان: يما ولدك هذا مهبول ولا وشو؟
ام عبدالله: ماتعرفين تسدين حلجك هو يبيها خلاص
روان : يما البنت ماتصلح له يخي في بنات احلى واخلاق وكل شيء ليشش هي
ام عبد الله: خلي عنك العياره البنت محترمه ومتربيه احسن تربيه ومايحصل نفسها
روان : اهخخ بسس محد فاهمني وقامت بتروح غرفتها لقت عزام واقف عند الدرج تجاهلته ومشت وراحت غرفتها لحقها عزام ودخل الغرفه
روان: بسم الله شتبي انت؟
عزام سكر الباب: ابي اكلمك
روان قعدت ع سريرها : شتبي؟
عزام رافع حواجبه: ليش ماتبين اتزوجها؟
روان: هي كانت رفيجتي المقربه بس تركتني بسبه سفله
عزام سحب كرسي المكتب وقعد: شلون يعني؟
روان: ميار حبت واحد وتركتني انا وربعي عشانه وانت شلون تأخذ وحده تحب واحد ؟
عزام: بس هذا اللي تعرفينه؟
روان: ايه بعد شنو تبي اكثر من جي؟
عزام: زين بطلب منك طلب
روان : شتبي؟
عزام: عطيني رقمها
روان فتحت عينها: ننعمممم
عزام : صوتي مب واضح اعيد مره ثانيه؟
روان: لا انت جنيت رسمي عزاموو
عزام: احترمي عمرك
روان: شتبي ف رقمها
عزام: رح تعطيني ولا شلون ؟
روان مدت له جوالها وفيه رقمها: كنت ادري انك انسان مب صاحي من يوم قلت بتتزوجها
عزام بعد ماخذ الرقم : علاقتكم شلون؟
روان: ماكلمها ولاتكلمني
عزام قام : تمام يلا باي وطلع من الغرفه
روان: صج مب صاحي عاساس انها بتقبلك الله يعطيه العقل ... وصكت الضوء ونامت ...
           ......... في اليوم الثاني  .........
نوره: على وين حبيبي؟
سيف يعدل غترته: رفيجي بيخطب وبروح معاه
نوره : يعني بتخليني مع هالمجانين
ضحك سيف وباس راسها: هههه مارح اطول
جات فجر تركض حضن امها : ماما ثوفي خلودي مايثمع الكلام
نوره تمسكها: ياماما خالد صغير مايتكلم خليه ينام
فجر بعناد: لاا ابي العبب معاه
نوره تمسك راسها : ياربيي منكمم
التفت لها سيف وابتسم: ليه ليه هالعصبيه؟ ونزل لمستوى فجر: فجوري بابا اذا تميتي مؤدبه وتسمعين الكلام بجيب لك حلاوه وشبس طيب؟
فجر بفرحه: تييب انا بسير مره شطوره
سيف باس خدها: ايوه انتي شطوره
وطالع نوره: شفتي شلون؟
نوره: انت تقدر لهم انا ماقدر
سيف: هههههه خلاص مابطول ولايهمك العشاء اكون بالبيت
نوره: بنطر أنا بشوف
سيف باس راسها: يلا حبيبتي ديري بالك
نوره: ان شاء الله يروحي
              .......... عند عزام .........
ام عبدالله: يلا روان بنطلع
روان: لحظهه يماا الكعب مو ملاقيته
ام عبدالله: البسي اي شيء
عزام واقف عند باب غرفته ورسل لها رساله " إن رفضتي ياويلك وبتندمين " ونزل عند هله: ها يلا جهزتوا؟
ام عبدالله: ايه جاهزين
عبدالله: الا اقول عزام من من ربعك بيجون؟
عزام: سيف ورعد وصقر وفيصل
ام عبدالله: يلا بنتأخر
عزام : عبدالله انت وصلهم وانا بنطر ربعي
عبدالله: لا بنروح سويه ننطرهم
شوي الا اتصل جواله : هلا ... وصلت .. خلاص جايك ... ابشر .. سلام
عزام: يلا مشينا
طلعوا للسياره وعزام وعبدالله يسلمون على ربعهم ..
روان: يمه شوفي ذاك المزيون
ام عبدالله: اعقلي لايسمعونك اخوانك
روان: يمه صج اول مره ادري عنده ربع حلوين
ام عبدالله: الثقل زين يابنيه
روان: اهخ يمههه خذاا قلبيي
ماخلصت كلمتها الا ع فتحه عزام للباب ورافع حاجبه: من اللي خذا قلبك؟
ام عبدالله: هذي نهايه الهبال حقك
روان: انت اللي خذيت قلبي وروحي
عزام طلع : لا واضح
طلع عبدالله وساق ووصلوا للبيت ...
           ... بعد التراحيب ...
ام سطام: ميار روحي جيبي القهوه
ميار: حاضر راحت تجيب ولقت رساله بجوالها من رقم غريب واستغربت وخافت لانها ماتعرف من هذا وشنو يبي سكرت الجوال وخذت نفس وجابت القهوه وضيفتهم وقعدت جمب روان
روان تطالعها بنظرات ومتجاهلتها
ميار: امم روان ابي اكلمك شوي
روان: شتبين؟
ميار: روان والله آسفه كنت غبيه مادري كيف صدقته وقلبي جرني له وماكنت حاسه بأحد
روان: وانا شنو ذنبي تبيعيني عشانه؟
ميار: والله ماكنت واعيه على نفسي صدقيني
روان: اممم تركتوا بعض؟
ميار: ايه
روان: ليش؟
ميار: لأنه انسان حقير ويبي يضيعني
روان: ماسمعتي نصايحي
ميار: والله ياروان اللي تبينه مني بعطيك بس سامحيني والله اسفه
روان: انا مضطره اسامحك عشان اخوي بس
ميار باستغراب ومو فاهمه: شدخل اخوك؟
روان: ولاشيء بتفهمين بعدين
ميار خافت انه قالها عنها شيء بس سكتت ..
      ........ ف مجلس الرجال .......
عزام: يا ابو سطام ودي اكلمك بموضوع
ابو سطام: سم ياعزام؟
عزام: سم الله عدوك، والله ودي اخطب بنتك
ابو سطام: والنعم واتشرف بنسبكم بس مثل ماتعرف رأي البنت بالأول
عزام: ايه اكيد لازم
ابو سطام: اتشرف فيك
عزام: بس ودي منك طلب
ابو سطام باستغراب: امر
عزام: ان كان فيه نصيب انا ابي الملكه بعد يومين
ابو سطام: وشهوله العجله دام ماوراك شيء؟
عزام: والله اني مسافر وابيها تكون معاي ف مضطر اقدم الوقت
ابو سطام: والله اللي تبيه بس مثل ماقلتلك شور البنت ورضاها اول
عزام: ايه طبعا وان شاءالله كل خير
سطام يطالع عزام: اوه ماعرفتك
عزام : هههه علامك؟
سطام يغمز له: مخاويك امس ليش ماعلمتني؟
عزام " لو تدري ليه بأخذها ذبحتها": عشان اصدمك ببيتكم
سطام: الله يسامحك
عزام: سطام خلها توافق طالبك
سطام: ياويلي ماخذه قلبك
عزام: انطم بالله
سطام بضحكه: ههههه ابشر خلاص
... بعد نقاشات وحوارات ...
عزام: يلا ياعم نستأذنكم
ابو سطام: أذنك معاك
وطلعوا ورجع عزام بيته والباقي للعماره ...
دخل ابو سطام الصاله وقعد
سطام: ميار وين رايحه؟
ميار: صاعده غرفتي
ابو سطام: تعالي اكلمك
ميار قعدت بخوف: سم يبا؟
ابو سطام: تقدم لك واحد
ميار: مرفوض
سطام: ليش ان شاء الله يحصل لك مثله
ميار تناظره: مابي اتزوج بعدي صغيره
ابو سطام: ماودك تعرفين من هو؟
ميار بملل: من؟
ابو سطام: عزام ولد سليمان ال .....
ميار بصدمه : ولد جيرانا؟؟
ابو سطام: ايه
ميار لازالت تحت الصدمه وفتحت جوالها قرت الرساله وعرفت انه هو اللي رسلها
ابو سطام: انا طالع غرفتي بكره اجي اخذ رأيك
ميار وللحين مبلمه: ايه تمام
بعد ماطلعوا ابوها وامها ..
سطام متكتف: رح توافقين غصبا عنك
ميار: نعم شتبي انت؟
سطام: لاتحسبين اني ماادري عن حركاتك وتصرفاتك وان ماوفقتي على الولد رح يكون تفاهمي مب معاك مع امي وابوي
ميار خافت: شتقصد؟
سطام : امس ادري انك ماكنتي عند روان بس سكت عنك والباقي بستر عليه وانتي بكيفك
طلعت ميار غرفتها ومنقهره من اخوها وتهديد عزام وردت على الرساله "مارح اوافق" ثواني وجاها رد" ان ماوافقتي انتي الخسرانة وغمزه"
سكرت الجوال وانقهرت وغطت راسها تحاول تطرد الافكار وتنام وتفكر انه اليوم الاحد والخميس سرور بيفضحها وهي مو عارفه شتسوي ولا تعرف تتصرف ..
                 ....... بعد يومين ......
بعد ماوقعوا على الملكه والتبريكات بكل مكان ..
عزام يهمس ل سطام: ابي اشوفها
سطام يخزه: مستعجل لهالدرجه
عزام عطاه نظره: ترى تعتبر مرتي شرعاً
سطام: هههه تمام وقام يشوف اخته وكلمها وكانت رافضه وجبرها انها تروح المجلس وعزام بيجي لها ..
سطام راح ل عزام: يلا تعال اوديك
ودخلوا للمجلس وكانت لابسه فستان ابيض قصير ومكياج خفيف بارز جمالها
عزام طالع سطام: مو ناوي تطلع؟
سطام بضحكه: هههه لابشوف الأجواء الرومنسيه على الطبيعه وكذا
عزام: اقول اطلع لا شوتك الحين
طلع سطام وهو يضحك على عزام
ميار : ليش تجبرني على الزواج؟
عزام متكتف ورافع حواجبه: ليش لايكون حبيب القلب بعده ماخذ قلبك؟
ميار بنرفزه: لا طبعا بس انا مابيي
عزام بغرور: اصلا احمدي ربك اني فكرت اخذك وقرب منها : وبعدين هالملابس ماتلبسينها إلا بغرفه النوم ماتطلعين فيها قدام الناس
ميار: مو كيفك عاجبتني
عزام: اهاا انتي شكلك احتاج اعيد اربيك من جديد واقص لك لسانك
ميار :مالك دخل فيني وصل لها مسج ورفعت جوالها تقرأ بس يد عزام كانت أسرع منها وقرأ الرساله محتواها " متى اشوفك؟"
عزام بعصبيه وراص ع اسنانه: انتي ليكون لابسه كذا عشان تقابلين هالنذل؟؟
ميار خافت منه: لا والله ابدا ولا كنت ابي اشوفه
مد لها الجوال: افتحيه الحين قداميي
فتحت الجوال وهي ترجف وقرأ الرساله وفارت أعصابه : بكره امرك العصر تطلعين معاي
ميار بربكه: ليه؟
عزام رمى جوالها وانشرخت شاشتها الاماميه: لاتسألين ليه وانا الغلطان اللي جاي اشوف خشتك وان شفتك لابسه مثل هاللبس مره ثانيه رجلك كسرتها سامعه؟؟
ميار : لا طبعا
عزام بعصبيه : نعم شنو قلتي؟؟
ميار بخوف: خلاص طيبب
عزام: توكلي قدامي شوفي اذا في حد من اهلك
طلعت ميار ومالقت حد ورجعت كلمته يطلع طلع ورجع للمجلس وهو متنرفز منها ..
سيف: عزام وشفيه وجههك قالب؟
عزام: هذي البنت رح تجنني
سيف: ليه عسى ماشر؟
عزام قام: بعدين اقولك برجع البيت
سلم ع سطام وابوه والجماعه وطلع للبيت ولحقوه ربعه لبيوتهم ..
    ........ شقه مشعل ومشاري ........
مشعل: الو قلبي
مريم: هلا حبيبي
مشعل : يافديت هالصوتت
مشاري: تكلم منو؟
مشعل: ياروحي شويات واكلمك
مريم : تمام باي وسكر
مشاري متكتف: من تكلم قلت؟
مشعل: رفيجي
مشاري: ايه ماشاءالله وانواع الغزل هذي
مشعل: مشاري ياحياتي تدري انا مابي غيرك من الدنيا
مشاري: لا واضح صج واضح وطلع من الغرفه متضايق من مشعل ..
تجاهله مشعل ورجع اتصل لمريم ....
         ................ في الليل .................
قام على رنه جواله رد وهو كله نوم: الو؟
...: فيصل؟
فيصل: اي فيصل؟
...: عادي اكلمك بكره بالجامعة؟
فيصل: من انتي؟
...: بكره بشرح لك كل شيء
فيصل وفيه نوم: لعنبو أبليسك متصله بتالي الليل عشان تقولين عادي أكلمك
...: اسفه والله بس خفت ترفض
فيصل: زين زين باي وسكر وقعد يتأفف التفت حذاه لقى سرير نواف فاضي قام غسل وجهه وراح يشوف وينه طلع من الغرفة ولقا اضواء الصاله مفتوحه ونزل يشوف من فيها لقى نواف ضام نفسه ويصيح أستغرب وراح لين عنده وحضنه : عسى ماشر؟
نواف على وضعيته ويصيح
فيصل وخر عنه وسحب يده عن وجهه: قلبي في شيء مضايقك؟
رما نفسه على حضن فيصل ومكمل يصيح استسلم فيصل وحضنه ومنتظره يهدأ ...
بعد دقايق ابتعد عن حضنه ويمسح دموعه وقام مسكه فيصل: شنو مضايقك؟
نواف: ولاشيء
فيصل سحبها لحضنه وصار وجهه بوجهها : لاتخشين عني اعرفك
نزلت رأسها بحرج وفهم ووخر عنها: قولي؟
الجوري: بس مو قادره انام
فيصل: كل هالدموع عشان ماقدرتي تنامين؟
الجوري: صار لي شهر مو قادره انام الليل عشان جي تضايقت وصحت
فيصل: في شيء تفكرين فيه؟
الجوري بتهرب تشوف نفسها بالمنظرة: مو كنه شعري طال لازم اقصه
فيصل قرب منها ومسك شعرها : لاخليه لأنه أكيد بيجي اليوم اللي بتردين لطبيعتك
الجوري بتوتر: ايه بس اا يعني انا الحين امم اا مع شباب ادرس
فيصل حضنها من ورا: عادي اربطيه واحنا الحين بجامعة وحده ومابخلي حد يقربك
ابتسمت :شكرا
رد لها الابتسامه: العفو ويلا نرجع الشقه مادري شمنزلك بآخر الليل
الجوري: هههه خلاص ماعاد بنزل مره ثانيه
فيصل : احسن يلا وطلعوا فوق وماانتبهوا للي كان واقف وسمع كل كلامهم وحركاتهم ....
رجع الغرفة وقعد ع مكتبه ماسك رأسه ...
صقر: ترى قلت لي بتشرب ماي وبترجع شفيك الحين؟
رعد: صقر بنام بكره نكمل
صقر: لاتستهبل خلنا نخلص ع السريع
رعد بعصبيه: صقر قلتلك بكره لاتعاندد
صقر باستغراب: انت متأكد رحت تشرب ماي؟
رعد يتحلف: لا شربت سم
صقر: والله منت بطبيعي
رعد: صك حلجك والليت معاك
قام صقر من الكرسي وسكر الليت وانسدح ع سريره: انا بنطر بكره بشوف ش قصتك

-ليه تغير مود رعد؟
-شنو رح يصير لميار مع عزام؟