حرقة القلب وش يهديها؟

part26

-الفصل السادس والعشرون-
ماحس إلا بكف ع وجهه : والله ياوليد ان تعرضت لنواف مره ثانيه ان كسرتك تكسير
وليد بصدمه : رعد !!
رعد: اي رعد كلامي واضح وسحب نواف ومشى برا الكليه ووصلها للتربية شاف فهد قدامه
رعد: فهود
التفت له: هلا رعد
رعد: انا عندي بعد عشر دقايق محضاره خل نواف معاك
فهد: ابشر
طلع رعد وترك نواف مع فهد ..
فهد: اي تعال سمعت انك رجعت البيت؟
نواف: لا بس القهوه انكتت ع ثوبي ورحت اغير
فهد: احسبك تعبان
نواف: لا والله
فهد : وش ذا التجمع؟
نواف: امشي خل نشوف
فهد: يلا
وراحوا يشوفون التجمع اللي حوله الطلاب لقى عزام طايح ع الأرض دخل بينهم وضرب خده: عزام .. عزام .. عزام ومايرد صرخ فهد: جيبوا ماييي مدت له وحده ماي وخذاه يصبه ع وجهه ماقام فهد: نواففف دق ع الاسعاف بسرععه
فيصل مسك نواف: لا تدق دقيت التفت نواف يشوف من اللي همس له وابتسم له بس مارد له فيصل الابتسامه وجات الإسعاف وخذته وراحوا معاه فهد وفيصل ونواف للمستشفى  ...
بعد ماوصلوا المستشفى وودوه للغرفه ..
فهد يتصل لرعد: افف ماييررد
فيصل: تدق ع من انت؟
فهد: رعد
فيصل: مب لازم ان شاء الله مافيه شي ونرجع
فهد: عشان يعصب علينا شلون رحتوا ومحد قال
فيصل قعد بالكرسي: كيفك
مد نواف جواله ل فهد: دق جرب
اتصل له ورد رعد: ها شنو بعد مصيبه يديده؟
فهد: انا فهد
رعد: امر زين؟
فهد: عزام بالمستشفى طاح وخذته الاسعاف
رعد: اي مستشفى؟
فهد: ال###
رعد: الحين اطلع من المحاضره واجي
وسكر الجوال ....
طلع الدكتور راح تجمعوا حوله: ها دكتور بشر؟
الدكتور: ماتخافوش بس كان عنده نوبه قلبيه وسيطرنا على الوضع
فهد: الحمدلله مو شيء خطير يعني؟
الدكتور: لأ ماتخافوش
فيصل: متى بيطلع؟
الدكتور: حشوف المغرب كده نتأكد انه كويس
نواف: يصير نشوفه؟
الدكتور: اه يصير
دخلوا الغرفه عنده وهو يبتسم لهم ....
فهد: شدعوه يارجال طيرت قلوبنا !
عزام وهو يضحك: ههههه بسم الله على قلوبكم
نواف: خفنا صار لك شيء
عزام: فديت اللي خايف علي
فيصل قاعد ع الكرسي ويسمع لهم لين جاء رعد ومعاه صقر ودخلوا ..
رعد: عسى ماشر عزام؟؟
فهد: قال الدكتور جاته نوبه قلبيه
صقر يغمز له : من اللي خذا قلبك وتعبك؟
عزام يبتسم: اهخ ياصقر انا ضايع بالحب
فهد يضربه: استح ع وجههك كلنا عزاب
صقر : هههههه ماصدق اجيب له طاري الحب
فهد: اي علطول ضاعت علومه
عزام: انا بشوفكم ل تزوجتوا شبتسوون
فهد: احم انا مالي شغل صقر ها
صقر: لا فهد لاتنكر انت
عزام: اي اي اطلعوا منها
رن جوال رعد ورد : الو ... ياهلا عبدالله ... غرفة 36 ... جاي مع الاهل؟ ... خلاص تمام ... دق علي ل وصلت ... ابشر ... سلام
عزام: منو جاي؟؟
رعد: ابد اخوك واهلك
عزام: ايه زين
بعد السوالف دقايق الا ينفتح الباب وتدخل بنت تحضن عزام: قالوا لي تعبت بسم الله عليك شصاير ؟؟
عبدالله دخل : يالمطفوقه شوي شوي عليه التفت وانصدم انه ربع عزام موجدين
صقر يتفادى الموقف: يلا عزام احنا نستأذن
التفتت روان وانصدمت انهم موجدين وتصنمت من الفشله طلعوا الشباب وقعدوا بالممر ...
عبدالله يطق راسها: عاجبك فشلتينا
عزام بضحكه: هههه والله صج مطفوقه داخله ماتشوف قدامها والتفت لعبدالله بعدين انت ترى رعد قال دق عليه لوصلت شحقه تدرعم
عبدالله: نسيتت ماذكرت كلامه
عزام: اجل هم بعد انت مثل اختك
روان: هيه شتقصد
عزام: حبيبه قلبي انتي روحي جيبي لي ماي
روان : ابششرر
عبدالله: انت هيه شتطلع البنت ماتشوفني موجود
عزام يضربه: انا ابي من روان
مدت لسانها: موتت قهرر وطلعت
عبدالله: شفيك انت صاحي؟
عزام: ياخبل بكلمك بموضوع مابيها موجوده
عبدالله: روعتني قلت استخف زين وش تبي؟
                   ....... في الممر ........
رعد: يلا شباب بنرجع العماره
فهد: زين واللي بالجامعة؟؟
رعد: كلمت راكان ياخذهم
فيصل بملل: طالت يلا نرجع؟
فهد: انت شسالفتك مخيس
فيصل عطاه نظره: مو شغلك !
صقر: لااا مايصير جي
رعد: يلا انا بروح السياره تعالوا
صقر : بجيب لي قهوه واجي
رعد: ماحلا لك تتقهوى الا الحين ؟
صقر: اسكت تو شريت قهوتي قلت امش بسرعه بنروح المستشفى خليتها بالطاوله
رعد: زين زين روح اشتر ولا تطول
صقر : ابشر وراحوا للسياره وراح صقر يشتري وهو راجع دعم ببنت ..
البنت : شنو احول انت ماتشوف؟؟
صقر: حتى اسلوب مافي
البنت: فوق ما انك غلطان تتكلم عن اسلوبي
صقر: ترى عطيتك وجهه توكلي لاتتمادين
رفعت راسها البنت وانصدمت منه: اا انتت من؟
صقر رافع حاجب: لا والله تبين تتعرفين بعد؟
استوعبت ع نفسها: لا من قال طز فيك
صقر: حمدلله والشكر
طلع عبدالله من الغرفه شاف صقر راح له : ياهلا ب صقر وسلم عليه
صقر: اهلين فيك
عبدالله: غريبه مارحت؟
صقر: لا بس قلت بشتري قهوه واحرك
عبدالله: ايه بالعافيه
صقر: يلا عن اذنك
مشى شوي صقر الا يسمع عبدالله: يالخبله انتي شتسوين وراه !
روان: اشتري ماي بعد شنو هو جاء قدامي
عبدالله: فضحتينا زين ماشافك امشي امشي
صقر ابتسم لكلامهم وطلع ركب السياره  .....
رعد: شعندك تتبوسم ترى شاري قهوه مو مقابل حبيبتك ؟
صقر : هههه لا بس القهوه طعمها وايد حلو اليوم
رعد: شالجديد ايس موكا نفس اللي كل مره !؟
صقر: لا طعمها غير فيه نكهه حلوه
فهد: الا استخف الولد قول
صقر: هههههه علامكم الواحد مايبتسم؟
رعد: لا ابتسم نتفاهم بالشقه
صقر: أعوذ بالله مايتمنون لي الخير
التفت صقر ل فيصل: فيصل تجرب؟
فيصل: لا مشكور
صقر: ترى وضعك مو عاجبني
فيصل: مافيني الا كل خير شنو مو عاجبك؟
صقر: لا يمكن غلطان
فيصل: يمكن
نواف حط راسه ع كتف فيصل بس فيصل ابعد جسمه عنه استغرب نواف وابتعد وماعلق  لين ماوصلوا للعماره ...
              ...... في المستشفى ......
عبدالله واقف برا يطقطق بجواله دخلت ميار المستشفى تسأل عن رقم غرفه عزام ومحد فهمها كلمت الامن ومافهم عليها وقعدت تتحلطم بصوت عالي " شهالمستشفى محد يدري عن الثاني " التفتت ل شخص يضحك شافت اخو عزام وصدت عنه ورجعت تسأل الريسبشن  اتصل عبدالله على عزام وهو يضحك ..
عزام: وش فيك؟
عبدالله: لا بس مرتك دارت المستشفى كلها تسأل عن غرفتك وشايفتني واقف ومو ناويه تسألني
عزام وهو يضحك: ههههههه لا بالله شهرتني
ميار وققت قدامه: لو سمحت
عبدالله وهو يكتم ضحكته: هلا؟
ميار تفرك يدينها ببعض: وين غرفه عزام؟
عبدالله يأشر بيده: هذيك 36
ميار: شكرا وراحت
عزام: ههههه هذي هي
عبدالله: هههههه شكلها استسلمت وجات تسأل يلا هذا هي جايتك
عزام: ههههه يلا باي اشوفها
عبدالله: سلام وسكر صج هبله هالبنت
             .......... في العماره .........
دخل فيصل الغرفه وانسدح ع السرير وتلحف
الجوري: مارح تغير ملابسك؟
فيصل طالعها بنظره ومارد عليها
الجوري قعدت بطرف سريره: فيصل فيك شيء؟
فيصل يطالع الجوري اللي بسريره: روحي سريرك
الجوري مسكت يده: ممكن افهم شصاير لك؟
ابعد يدها وقام راح الحمام تسبح ولبس ملابسه وطلع لقاها بنفس المكان ماتحركت
الجوري: فيصل !!
تجاهلها واخذ عطره وتعطر وسكر الليت وانسدح ع سريره بينام
الجوري قامت: زين اكلمك انا؟
فيصل: وانا مابي وصد عنها وغمض عينه
انقهرت وقامت غيرت ملابسها ونزلت للشباب تحت يتغدون ...
رعد: وين فيصل؟
نواف: يبي ينام قال
صقر: شفتوا قلت لكم مو على بعضه اليوم
راكان: ليه شصار؟
صقر : تذكر يوم راح الحمام يشوف نواف؟
راكان: ايه شفيه؟
صقر : بس من رجع من الحمام وهو مو ع بعضه
رعد : مرده بيرضى
راكان التفتت لنواف : ليش شصار لك معاه؟
نواف : هيه انا مالي دخل ماصار شي بس رجعت البيت مع رعد مادري اذا صار شيء
فهد : والله غريب
راكان : رعد انا بنام عند اهلي هاليومين ف شويات وبقوم اجهز بس مر فيصل قولي شفيه
رعد بتغابي: تمام ولايهمك
      ........ غرفه عزام .......
دخلت ميار: مساء الخير
عزام وهو يبتسم يتذكر كلام اخوه: مساء النور
ميار مدت له ورد: الحمدلله على السلامه
عزام : شلون ورد يجيب ورد
ميار استحت لانه روان موجوده وام عزام
عزام باس خدها وهمس لها: فديت اللي لف المستشفى كلها عشان يدور غرفتي وضحك
وميار فتحت عينها يوم عرفت انه عبدالله قاله ومات ضحك ع شكلها
ميار بوزت: اصلا يحصل لك نفسي
عزام: ايه صدقتي وين بحصل مثلك ورجع يضحك
روان: انت هيه صار لك ساعه تتضحك شسالفتك
عزام وهو يمسك نفسه: اهخخ لا ماعليك
ام عبدالله: انا بطلع ادق ع اختي واجيكم
عزام: خذي راحتك يما ، وطلعت امه
روان: عزام بقولك ؟
عزام: هلا؟
روان: رفيجك اللي قال استأذن شسمه؟
عزام رافع حواجبه: وانتي شتبين فيه؟
روان: يخي قول اول
عزام: صقر ليه؟
روان وجهها قلب احمر : لا ولاشيء
عزام عدل قعدته: فكيني وقولي شتبين منه؟
روان بحرج: يوم طلعت اجيب لك الماي دعمني بالغلط وصرخت عليه ماكنت ادري انه رفيجك
عزام : انا مادري القاها من اختي ولا مرتي كل وحده اغبى من الثانيه، وشنو شسوى لك؟
روان: بس قال حمدلله والشكر وراح
عزام: وهو صادق هبله
روان: بس تراه جميل ماهقيت ربعك حلوين
عزام يطالعها بنص عين: اعقلي اعقلي تراه اكبر منك
روان: يعني كم عمره؟
عزام: ماني قايل
ميار تبتسم لها: مزيون؟
روان: حددهه
ميار: بشوففه
روان: اغار عليه افف
عزام وهو يطالعهم بصدمه: هييه انتي وياها اعقلوا عشان ماانزل الحين امردغكم !
ميار : ههههه ياعمري اللي معصب وباست خده
روان : وانا لي الله محد يحبني جفاف الله وكيلك
عزام يضحك عليها : هههههه اكلم صقر الحين
روان: لا اسكت بالله بروحه واضح كارهني
عزام: بعد تلقينه يقول هبله تصارخ ع خلق الله
     ......... في الليل ........
دخل رعد الغرفه ومالقى فيصل التفت للجوري : وين فيصل؟
الجوري: شتبي فيه؟
رعد: مو شغلك وينه اقولك؟
طلع فيصل من البلكونه وهو يناظرهم : هلا رعد؟
رعد: تعال اقعد
قعد فيصل ع المكتب وحذاه رعد: شمضايقك؟
فيصل: مافيني شيء
رعد : فيصل ترى انا بالأخير رفيجك وتهمني سعادتك ومااتمنى لك الشر ب يوم بس قولي شفيك وانا معاك حتى لو انا اللي مزعلك !!
فيصل يتنهد :رعد انت غالي وتعز علي بس ماقدر أقولك والله مااقدر
رعد : انا بس ابيك تعرف اني بوقف معاك حتى لو بوقف معاك ضدي اهم شي عندي بالدنيا رضاك وغرفتي تدلها وانا بسمع لك وتبشر
فيصل نزل راسه ع المكتب حرك رعد شعره وقام : انا بخليك واذا تبي شيء موجود انا
فيصل: الله معك طلع رعد من الغرفه وفيصل ضل على وضعه قامت الجوري تشوفه: فيصل؟
قام فيصل من كرسيه وثبتها ع الباب : من متى؟
الجوري باستغراب: شنو من متى؟
فيصل وهو يرص ع اسنانه منقهر: من متى يدري
الجوري باستغراب: من هوو وشنو اللي من متى
فيصل بعصبيه: رعدد !! من متى يدري انج بنتت ؟!
الجوري خافت منه : من زمان
فيصل ضرب الباب بقوه وألمته يده: ليه ماقلتي لي ليه ماقلتي ليي لييهه !!
الجوري: شنو رح تستفيد؟
فيصل : لأنيي كنتت اسمح له يقرب منكك ويقعد معاكك ويأخذ راحتهه كنت احسبه مايدريي ماخذه بصفاء نييه ليهه تسوين فيني كذا؟؟
الجوري : فيصل ترى رعد ماعمره قرب مني ودايم بيني وبينه حدود !!
فيصل ومازال مقهور : ليه طيب ماعلمتيني؟ حسيتني غبي وسطكم ليه يالجوري ليه ؟؟
الجوري حضنته بقوه وهمست له : انا احبك انت
انصدم فيصل من كلامها ووخرها عنه : شنو قلتي
الجوري مسكت وجهه وابتسمت: احبك فيصل
فيصل حضنها بقوه: وانا اعشقك ياروح فيصل
ابتعد عنها والدنيا مو سايعته من الفرح : ماتوقعت ابد انك تحبيني كنت أحسبك تحبين رعد خاصه بعد موقف اليوم !
الجوري: رعد مجرد صديق ولأنه اول واحد درى اني بنت وكان يكتم هالشيء بس الحين انا مابي اكون إلا معاك انت !
فيصل شبك يده بيدها : وانا اوعدك اني ببقى معاك ومابخلي حد يقرب منك ويضايقك وباس جبهتها ياأغلى من ملكت قلبه
الجوري اسندت راسها ع كتفه : اهخ عساني مافقدك يارب
فيصل شد ع يدينه: امييننن ياقلبي
    ....... في بيت اهل راكان ......
ام راكان:راكان وليدي
راكان: سمي يمه
ام راكان: متى ناوي تفرحني فيك وتتزوج؟
راكان: يمه انا توي بالجامعه لين خلصت افكر
ام راكان: انا ابي مره معاي بالبيت اسولف معاها وانت اكبر عيالي
راكان بتسليك: ان شاء الله ان شاء الله
ابو راكان: يا ام راكان خلي الولد ليه العجله
ام راكان: ودي اشوفه ببيتنا بدال الهياته مع ربعه
ابو راكان: الولد كبير وعاقل
راكان: يمه واللي يرحم لي والديك خلاص سكري الموضوع متى مافكرت قلتلك يمه بتزوج
ام راكان: يارب يجي هاليوم بس
قام ابو راكان: انا طالع بنام
ام راكان : يلا انا جايتك
هيثم : راكان طاففكك
راكان: شنو؟
هيثم: تعرفني احب التصوير وجي
راكان: اي زين؟
طلال: انا بقولك شصار
هيثم: انطم كامرتي هي
راكان: اعقلوا واخلصوا واحد يتكلم
هيثم: انا
طلال: لا انا
راكان: ياصبر الارض
طلال بوز: خلاص قول يابزر
هيثم: كنت اشوف الصور اللي صورتها قبل سنين ولقيت فيديو غريب مادري من وين جاء
راكان بتسليك: انزين؟
هيثم دقيقه الحين بشبك الفيديو على التلفزيون
راكان يرد ع المسجات بجواله : طيب
فتح هيثم الفيديو وراكان متجاهل قاعد ع الجوال لين بدا يسمع صراخ رفع راسه وانصدم من المنظر اللي يشوفه والتفتت ل هيثم : ويين هذاا؟؟؟ ومتتىى صارر؟؟؟
هيثم مستغرب من رده فعله: قبل سنتين ونص كنا مبيتين فالبر وبعدين رجعت اخذ الكاميرا لقيت الكاميرا تصور وشفت ذا
راكان وللحين مصدوم: هيثم عطيني الفيديو الحين وانقله ب فلاش بسرععه
هيثم بأستغراب: شفيك؟؟
راكان بدت دموعه تنزل كل ماتذكر الفيديو حضنوه اخوانه وهم مستغربين
طلال: راكان شفيك؟
راكان بحزن: هذا فيصل رفيجي !
طلال وهيثم بنفس الصدمه: فيييصلل !!!!
راكان: اي عطيني الفيديو بسأله وأبلغ الشرطه
هيثم وهو ينقله بالفلاش: هاك بلغ وانا بشهد بعد
راكان خذا الفلاش : انا بنام وطلع غرفته وكل ماتذكر الفيديو حزن
    ........ صباح اليوم الثاني .......
نواف يقعد فيصل: فيصل قوم يلا دوام
فيصل : مابيي اروحح
نواف: يلا قوم خل عنك الدلع
فيصل بنوم: يخي يرحم ابوك مابي اقوم
تحسس من الكلمه وسكت شوي الا يطق الباب ويدخل رعد : صباح الخير
نواف: صباح النور
رعد: جهزتوا؟
نواف:هالخيشه مو راضي يقوم
رعد بابتسامة: خلاص امش وخله
نواف يتعطر: شكلي بخليه
قرب رعد من نواف ونواف ارتبك : بس اعدل الغتره
نواف بتوتر : اا ايه ا اوك
همس رعد بأذنه: العطر ريحته موتت
نواف ابتسم وهو مرتبك: ا ا شكرا
طلع رعد عند الباب: انتظرك تحت مع الشباب
نزلوا السياره وراحوا ع الجامعة ...
كانوا متجمعين بطاوله المطاعم يفطرون دقايق وجاء فيصل : صباح الخير شباب
رعد: أخيرا فكرت تقوم من نومك
فيصل وهو يطالع نواف : شسوي سهرت امس الليل مانمت الا على ثلاث
صقر: وش عندك سهران؟
حمد: العاشق الولهان
فيصل ضحك: ههههه اهخ من الحب بس
فهد فتح عيونه: انت هيه اي حب !!
فيصل ضرب كتفه: وانت تصدق أي شيء ويتلفت الا اقول راكان وينه ماشوفه؟
رعد: مارح يداوم قال
فيصل: اها تمام
مشاري: رعد
رعد: لبيه؟
مشاري: اليوم بنروح الاستراحه؟
رعد: اي ان شاء الله لرجعتوا جهزوا اغراضكم ونتحرك علطول عشان مانضيع وقت
صقر: الله زمان عن هالأجواء
سيف: اي والله
فهد يطالعه بنص عين: انت اخر واحد تتكلم كل شوي عند مرتك ماعاد صرنا نشوفك
سيف: اي عيل تبيني اجابل خشتك كافي اني اقوم على وجهه يفتح النفس
فهد: شباب كنه يغلط علي؟
صقر: ايه قوم عليه
فهد يشمر: يلا قدام
والشباب يضحكون عليهم وهم يتهاوشون ....
فيصل يهمس ل نواف: ها شلون السهره امس؟
نواف يرد الهمس: دامها معاك اكيد حلوه
فيصل بصوت عالي: يالبييييههه ماقدر ع كذا
صقر : علامه ذا ؟؟
فيصل وهو يضحك: هههه وانت شتبي خلني
رعد منتبه لحركاتهم مع بعض بس يسوي نفسه ما يهتم ولا شيء يعنيه ..
حمد: انتوا عجبتكم القعده يلا على محاضراتكم
عزام: انا محاضرتي بعد ساعه
حمد: والباقي؟
فهد: خلاص بنروح بنروح ويطالع نواف يلا تفضل قدامي
وقاموا على محاضراتهم وبقى عزام وحمد قاموا يتمشون بكليه الاداب ..
                  ....... بجانب ثاني .......
ريهام: والله المحاضره خطييره
روز: اقولكم بنات في واحد بالمحاضره معاي واييد يجنن كل يوم اقعد اتأمله واحس خذا قلبي
دينا : من هو؟
روز: شوفيه اكوه قاعد بالكراسي اللي قدامنا
ريهام: يويلييي جمييللل
دينا: اي والله يههبل
ريهام: والله طلعتي ذويقه
روز بغرور: شفتوا كيف وتطق ميار اللي تطقطق بجوالها شوفي ذوقي
ميار بتسليك: واييد حلو
روز: بنات خاطري أعترف له
ريهام: قومييي دامه موجود الحين
روز تتعدل : شلون شكلي حلو جي؟
ريهام : ايي
دينا: ميار روحي مع روز
ميار: لاتكفون مافيني شده اقوم
ريهام: انا بروح وبسحب ميار غصب معاي
ميار: مابيي
روز قامت: يلا بنات قاموا معاها وميار تمشي معاهم وتطقطق بجوالها ماتدري عن سالفتهم
وقفوا قدام ولدين كانوا واقفين
التفتوا لهم الولدين : عفوا؟
روز : امم عادي اكلمك شوي ؟
الولد يأشر ع نفسه: انا؟
روز: ايه
الولد : امري؟
روز بدلع تمسك غترته: انا ودي اكلمك بموضوع
الولد : اي زين شنو تبين؟
روز: عادي تعطيني رقمك اقولك؟
الولد وهو يطالع ميار: رقمي؟
روز: اي اذا عادي
الولد يأشر : هذولا ربعك؟
روز: ايه
الولد يأشر ع ميار: وهذي؟
روز بقهر: اي بس انا اكلمك الحين
الولد : اها انتي من؟
روز : انا اسمي روز وانت؟
الولد: شنو ماتعرفين اسمي
روز: مبلا اعرفه عزام
عزام: اي زين وتقدم عزام بقهر سحب الجوال من يد ميار وقطه ع الأرض والتفت لحمد : مشينا
ميار بعصبيه ماتدري من هو ذا: انتت هييه بأي حق تمسك جوالي وتقطه !!

-شنو رده فعل رعد لو درا عن حب فيصل للجوري؟
-وشنو رح تسوي ميار ل عزام؟