حرقة القلب وش يهديها؟

part33

-الفصل الثالث والثلاثون-
فهد يفرك يده: ابي اتزوج اختك
رعد باستغراب: ليه يعني؟وشلون دريت بها؟
فهد: رعد ماودي اقولك وتصير مشكله بس انا ابيها على سنه الله ورسوله
رعد: انت تكلمها؟
فهد: لا والله مااكلمها ولا تكلمني ولو تبي جوالي تشوف تأكد بعد
رعد تكتف : زين قولي السالفه بالتفاصيل وان خشيت علي شيء واحد بنتزاعل
فهد تنهد: اوعدني ماتعصب ولا تسوي لها شيء؟
رعد: ابشر وعد
فهد تنهد براحه وبدأ يحكي له عن بدايه تعرفهم إلى نهايه علاقتهم ..
رعد: من دشيت الجامعه ماعاد كلمتها؟
فهد: من يوم كنت بحادي عشر وانا ماكلمها ولا ادري شيء عنها بس والله اني احبها وشاريها
رعد: وليش ماقلت لي من قبل عن هالموضوع؟
فهد: خفت تسوي فيها او فيني شيء
رعد : باجر انا اكلم ابوي واسمع منها
فهد تنهد براحه: يعني عادي اتزوجها
رعد: مارح امنعك طالما شاريها وتحبها وانا اعرف من يكون فهد ولا ماعطيتك ياها
فهد حضنه بفرح: والله ماتقصر يارعد
رعد رد الحضن له: تبشر باللي توده يا فهد
                ....... اليوم الثاني .......
نواف قاعد بالطاوله يشرب قهوته وسرحان فاجئه صوت انثوي من وراه: الجوري؟
التفتت وبصدمه: جواهر؟؟؟
جواهر ضمتها وصاحت: اخيرراا شفتتكك
الجوري ابتعدت عنها: والله وحشتيني جوجوو
جواهر تمسح دموعها وقعدت جدامها: شكيت اني مشبهه بعدين ليش لابسه ثوب انتي؟
الجوري: سالفه طويله يبي لها قعده
جواهر: يبي لها اكلم الماس ونوره وساره ونجتمع كلنا ماتوقعت بشوفك ب يوم
الجوري: اي حددوا موعد وانا اشوفكم ماوراي شيء
جواهر: لازم تعلميني شسالفه هالشكل
فهد وقف بصدمه عند الطاوله: نوواف !!
نواف توتر مايعرف شلون يرقع: اا هلا؟
فهد بنفس الصدمه: شتسوي مع بنت !! والتفت للبنت وانصدم انها هي نفسها جواهر
نواف بترقيع: لا بس اكلمها عن الجامعه
فهد يطالع جواهر وبحزن: هه كنت جاي اخطبك اليوم ماتوقعتك كذا ومع رفيجي بعد
جواهر تطالعه وبراسها ميه علامه استفهام وتطالع صديقتها الجوري منتظره تتكلم بس ابتعد فهد وكان يمشي بدون وعي ودعم ب صقر : احول انتت؟؟
فهد : السموحه
صقر: فهد !!
فهد ناظره: هذا انت !
رعد باستغراب: فهد فيك شيء؟
فهد بحزن: مادري شقولك
همس له رعد بأذنه: مو اليوم بتأخذ حبيبة القلب وش مزعلك؟
فهد نزل راسه بحزن: كسرتني
رعد باستغراب: شلون؟؟
فهد ناظر صقر :بعدين اعلمك
شاف رعد نواف قاعد بروحه والتفت ل صقر: روح لنواف شوي ونجيك
صقر: اي اي ماتبوني ادري وراح
قعد رعد وحذاه فهد: فهد شصاير مو امس مستانس وتقولي ابيها؟
فهد يمسح دمعته اللي طاحت: خانتني
رعد بصدمه: لاتستهبل !!!
فهد بقهر: مع نواف بعد
رعد ارتاح: وين شفتها؟
فهد: توي قبل دقايق
رعد مو عارف شلون يقوله انهم بنات ومايبي يفضح نواف: فهد
فهد: ادري اختك وماترضى عليها هالكلام بس شسوي يارعد !
رعد نزل راسه: انا مادري شلون اقولك بس ابد ماخانتك ولا تحب نواف ولاشيء
فهد: بس انا شفتها معاه رعد ويضحكون وحضنها !!
رعد : فهد والله ثم والله ماتخونك انا ماقدر اقولك السبب بس ماتخونك
فهد: مافي تبرير اصلا ! وتنهد ماعدت ابيها
رعد ضرب الطاوله بقهر: نواف بنت !
فهد التفت له بصدمه : نعم؟
رعد تنهد : الأصل ما اقول لأحد بس ماقدرت اسكت واشوفك تغلط ع اختي !
فهد لازال تحت الصدمه: اشلون؟؟!!
رعد: مب مهم شلون وليش والتساؤلات ماقدر اصرح اكثر من كذا
فهد : رعد تتكلم من صجك انت؟
رعد: تشوفني فاضي امازحك؟
فهد: زيين شلون كلنناا شبباابب !!!
رعد : صارت لها ظروف ورح تطلع قريب
فهد: انا مو قادر استوعب كنت احضنه وامزح معه وكل شيء عادي بالاخير تطلع بنت !!
رعد: اتمنى تكتم السر وماتعلم احد
فهد: معقوله محد يدري؟
رعد: انا وفيصل اللي ندري وتنهد بحزن كانت مخطوبه ل فيصل
فهد حس نفسه داخ : لا اشلون !! رعد !!
رعد: خلاص فهد لا تكثر أسأله
فهد: شلون بعامله طبيعي الحين؟
رعد: عادي كلمه بس لاتقرب وتحتك
فهد : رعد انا دخت من كلامك ابي برجع البيت
رعد: براحتك يامعرس الليله
فهد ابتسم وخذا المفتاح من رعد ومشى للعماره ومنصدم انه نواف بنت ..
تنهد رعد وقام لطاوله صقر ونواف
صقر: لا بدري عليك
رعد يطالع ساعته: ماوراك محاضره انت؟
صقر: تطرد مع وجههك؟
رعد: لا حشى رفيج عمري انت
صقر قام وطالعه بنص عين: لا واضح
التفت ل الجوري : انا اسف
الجوري: ليه؟
رعد: قلت لفهد انك بنت
الجوري بصدمه: ليييه مجنون انتت ؟؟
رعد : ياخي فهد بيتزوج !
الجوري: واناا شدخلنيي؟؟؟
رعد: بيتزوج اختي وقال انه شافها معاك قبل شوي وقال أنها تخونه معاك وماعاد يبي يتقدم لها يخي مارضى اختي تطلع بهالصوره انها مع ولد !!
الجوري باستغراب: من اختك؟
رعد: جواهر
الجوري بصدمه: جواهرر اختتك !!!؟
رعد: اي
الجوري : زين له مادورت عذر ثاني اي شيء !
رعد :ماكان في بالي أي شيء
تنهدت : الله يسامحك الحين شلون بشوفه
رعد: معليك انتي حاولي تعدين الوضع ولاتحتكين معاه وايد
الجوري : وهقتني والله
رعد: اسف والله
الجوري: مسموح ل خاطر جواهر
رعد: يعني شنو انا مالي خاطر؟
الجوري : امم مبلا
رعد: اي عبالي وقام انا برجع البيت انام ترجعين؟
الجوري: اي
                     ....... العشاء .......
قعد رعد مع فهد واخوه يوسف يسولفون مع ابو رعد ..
رعد: يبا
ابو رعد: سم ياوليدي؟
رعد ابتسم: رفيجي فهد ال ..... يبي يتقدم ل اختي جواهر
ابتسم ابو رعد ل فهد: والله الساعة المباركه يافهد
فهد: ساعتك ابرك
ابو رعد: انا اعرفك من عيلةٍ زينه وناس معروفة محد يردك
فهد: تسلم عمي
رعد: عاد بخته ب جواهر وبخت جواهر فيه
فهد بحرج: مشكور
رعد يهمس له: اي اي سوي عمرك تستحي
فرص فهد رعد ورعد يضحك عليه ..
ابو رعد: إن شاء الله اكلم البنت وبعدها نعلن خطوبه رسميه ان وافقت
فهد: ماعليك امر عمي اذا علطول املك عليها
رعد ابتسم: مستعجل ليه؟
فهد فرص رعد مره ثانيه ورعد رجع يضحك
ابو رعد: خلها بالسهاله وكل شيء ب شور البنيه
فهد: اي يلا على خير
بعد سوالف قام فهد: يلا عمي استأذن
رعد: وين وين تستأذن انا برقد هني
فهد فاتح عيونه: يعني شنو انا وين اطير؟
رعد ضحك وعطاه المفتاح: هاك ارجع بروحك
فهد: يعني مارح ترجع؟!
رعد غمز له: بنام هني عشان اضبط لك الوضع
فهد ابتسم: اي دام كذا خلاص وسلم عليهم وطلع
اما رعد قعد يتناقش مع ابوه ويوسف عن فهد ورعد طلب من ابوه انه هو اللي رح يكلم جواهر
طلع رعد وطق الباب ودخل جواهر اركضت حضنته : رععددد اشتتقتلكك
رعد باس راسها : وانا بعد ياروح اخوك
جواهر: وينك طولت الغيبه
رعد قعد ع سريرها: اسمعيني جوجو عندي لك موضوع
جواهر: لبيه؟
رعد: في واحد تقدم لك
جواهر تذكرت فهد وبحزن: لا مابي اتزوج
رعد : انزين خليني اكمل لك؟
جواهر: مابي ماافكر بالزواج
رعد: تقدم لك فهد رفيجي
جواهر بصدمه: فهد؟؟
رعد:اي اللي تحبينه
جواهر ازدادت صدمتها: شعرفك؟
رعد ابتسم لها: قالي كل شيء وضرب راسها اجل داخله مدرستي بالغلط
جواهر وجهها صار احمر: والله بالغلط
رعد: لا زين طحتي ب فهد ولا لو غيره سوا فيك مصايب وذبحتك
جواهر: لا اصلا ماتواصلنا مع بعض
رعد: اي ادري ولا كان تعشينا فيك
جواهر: هههه ماينمزح معك انت
رعد بأبتسامه : وين شرايك؟
جواهر: بس هو مايحبني شلون ؟
رعد: قصدك شافك مع الجوري؟
جواهر بصدمه: انت شلون تعرف كل شيء؟؟؟
رعد غمز لها : اخوك ماينخش عليه شيء
جواهر: اي على الجوري
رعد: فهمته الوضع وطاير فرح الحين ينتظر موافقه حضره الأميرة
جواهر بحرج تفرك يدها: موافقه
رعد ضحك: ههههه ابو الخفه بس شنسوي مجنون طاح ع مجنونه
جواهر: شقصدك ها !
رعد: لا سلامتك بس اقولك الولد مستعجل يبي الملكه الاسبوع الجاي
جواهر : مايصير جي سريع سريع
رعد: بعد كل هالحلا وتبينه يصبر؟
جواهر بحرج:رعد خلاصص لاتحرجنيي
رعد: هههه اليوم انا راقد هني عشان طيور الحب وبكره ابيك تكلمين ابوي انك موافقه عشان نكلم فهود وتجهزين عمرك
جواهر بتفكير: ليش مانخلي الملكه وبعدها بيومين يكون العرس؟
رعد وهو يضحك: شفتي تلوميني اذا قلت خفيفه
جواهر: اففف منك ماله دخلل
رعد: اقول يادلوعه رعد انا ابي لك عرس فخم مافي احد بالدوحه سوى مثله
جواهر حضنته: حبيبي انت
رعد حضنها: تبشرين بي
.... بعد مرور شهرين وتمت ملكه والعرس بعد اسبوعين ...
راكان: والله الشباب نصهم عرسان الا حنا الكبار صقر ورعد وانا قاعدين بمكاننا
عزام: اي زين تزوجوا حد ماسكم
حمد: ها تكلم المتزوج
سيف: الا غيرانين انتوا منا
صقر: لا يرحم والديك مانفكر اصلا
عزام يغمز ل سيف: الا يبون بس يسوون نفسهم مو هامهم
سيف : ههههه اتفق معك
رن جوال عزام : الوو عبدالله  ... تمام ... متى؟ ... والله؟؟ ... خلاص ان شاء الله  ... بكره اجيكم مع مرتي .... تمام تمام ... قلهم يامرحبا ... تم ... يلا سلام
راكان بلقافه: وش السالفه
عزام: ياشين اللقافه
سيف: شسالفه صج
عزام: لا بس يبتوا طاري الزواج و الله جابه لي
سيف: عبدالله بيتزوج؟؟
عزام: لا وين هالشايب يتزوج حطه مع صقر ورعد وراكان
صقر:اقول لاتغلط علينا ها
حمد: من بيتزوج؟
عزام: ابد باجر جاي واحد يخطب اختي ف يخبرني بعدين اصلا شدخلكم انتوا !
سيف: لا ياشيخ لاعاد تسولف
عزام: اي الشرهه علي صادق
بعد قعده سوالف طلعوا صقر وراكان لغرفهم ...
دخل رعد الغرفه لقى صقر حاط رأسه ع المكتب : اقول صقر عندي لك خبر !
صقر: لا رد
رعد باستغراب قرب منه: صقر فيك شيء؟
رفع راسه صقر كان كله دموع رعد حضنه : صقر وشصايرلك وانا اخوك؟
صقر ابتعد وبحزن: بتتزوج
رعد: من؟؟
صقر: اللي احبها
رعد بأستغراب: وليه ماتقدمت لها من اول؟
صقر: ماكنت ادري
رعد: من قالك انها بتتزوج؟
صقر تنهد ومسح دموعه: انا حبيت اخت عزام
رعد بصدمه : عزام سليمان ال ..... ؟؟؟
صقر: اي اي رفيجنا
رعد مسح دموع صقر ع دخله نواف : ولايهمك مايصير خاطرك إلا طيب بكره نكلمه انا وانت ولو تبي الحين كلمته
صقر: شلون وفي واحد بيتقدم لها بكره !
رعد: انت كلمه وبتشوف عزام مابيردك والتفت ل نواف الي واقف عند الباب بتردد : دش عادي
رعد: ها صقر وش قلت؟
تنهد صقر: اللي تشوفه
رعد: تبي نكلمه متى؟
صقر : الحين
رعد: تمام يلا أدق عليه
ثواني إلا جاء عزام ودخل : يامرحبا
رعد ابتسم: حياك
عزام: والله الابتسامه وراها شيء
رعد ضحك: هههه انثبر وانت ساكت
عزام قعد: يلا قولوا شمهبب؟
رعد يطالع صقر : رفيجي طالب القرب منكم
عزام بصدمه : ههه ها من ؟؟
صقر : انا ابي اتزوج من عندكم
عزام: بس اختي بكره جاي لها خطيب
رعد بتدخل: تهقى بيكون احسن من صقر يعني؟
عزام: لا والله ماظنتي بس بعد صقر رجال والنعم فيه واعرفه
رعد : فكر بالموضوع عشان نجي رسمي
عزام: والله شوف انا بكره رايح بيت اهلي نشوف اللي جاي يخطب وبكلمها عليه وعلى صقر وهي تختار انا مارح اجبرها على خيار
صقر: لا عادي بعدين هي حره باختيارها
عزام: اي صحيح
رعد: يلا عيل الوعد بكره
عزام يضحك: هههههه والله مدري من اللي مساع يقول مابي اتزوج ومدري شنو
صقر يضحك معاه: الحياه حدتني وانا اخوك
عزام: لا واضح هههههه
            ..... المغرب اليوم الثاني .....
جاو الخطاب لأهل عبدالله وتفاهموا وبعد مرور ساعتين راحوا قام عزام:انا بكلمها الحين
عبدالله: ليه مستعجل؟
عزام: صقر بعد يبيها
عبدالله: صقر ولد ال ....؟؟
عزام: اي
عبدالله: وين تحصل لها نفس صقر بس
عزام: الخيار لها وهي كيفها
عبدالله: براحتك
عزام طق باب الغرفه ودخل : هلا رواني
روان بنص عين: شعندك زايرنا لا وتدلعني بعد !
قعد بالكرسي: انا ماعرف الف وادور
روان: قول وترتني؟
عزام: اسمعي تقدم لك عريس
روان : ومن يكون؟
عزام: شوفي تقدموا لك اثنين وانتي اختاري اللي تبين ويناسبك
روان : اي زين؟
عزام: تقدم لك سامر ال ..... مواصفاته ####
روان: اي والثاني؟
عزام: رفيجي صقر ال .....
ابتسمت لما تذكرته: اي شنو مواصفاته؟
عزام: والله شوفي انا مارح اعزز لك ب صقر لانه رفيجي بس والله انه خوش رجال ومواصفاته ##### وصدقيني مارح تندمين
روان: امم مادري بفكر
عزام : لا اخذي راحتك فكري وعلميني
روان: تمام
قام عزام : انا برجع عند ربعي وبعدين متى مافكرتي دقي علي وكلمي امي
روان: ان شاءالله
               ..... في العماره .....
فهد: يعني شنو خلاص من صجك؟
حمد: اي ابوي دق علي الصبح قالي
راكان: بنفتقدك مااصدق انك مسافر بكره
حمد: لازم ارجع ديرتي الكويت
صقر: توصل بالسلامة بس والله بنشتاق لك
حمد: يا بعد عمري انتوا صج اني استمعت معاكم وايد وكل واحد له معزه بقلبي ماانساها
نواف: خلاص مابتجي قطر عندنا؟
حمد:اجيكم يومين زياره اذا تبون
رعد: طبعا حياك مابنقول لا
مشاري: انا بعد بسافر
راكان: ع وين انت بعد؟
مشاري: بروح لندن اي مكان
رعد: كل هاي عشان مشعل؟
مشاري: لا خلاص نسيت مشعل
صقر: واضح
قام مشاري مقهور ورجع غرفته
                 ...... في اليوم الثاني .....
كانوا متجمعين بالمطار يودعون حمد وزعلانين عليه ويوصونه ماينساهم استغل مشاري الفرصه وطلب سياره اوبر وراح لشقه مشعل ...
طق الباب وفتح مشعل تأفف: شتبي؟
مشاري عقد حواجبه: بيت اختي وابي اشوفها
مشعل دخله لانه مايقدر يقول شيء : تفضل
مشاري حط رجل ع رجل: شنو مارح تضيفني؟
مشعل: مريوومم
مريم: عيوني؟
مشعل: اخوك جاي عندنا
جات مريم ودخلت شافت مشاري وسلمت عليه: ها شلونك عساك بخير؟
مشاري: اي بخير انتي شلونك مع مشعل؟
مريم: الحمدلله مدلعني اخر دلع
مشعل يطالعه بمعنى اخلص !
مشاري طالع مشعل: ابي اختي ع انفراد لو سمحت
مشعل: عادي انا زوجها انا وهي واحد
مريم: اي مشاري عادي خليه
مشاري رص ع اسنانه : قلت ابيها ع انفراد خلاص
قام مشعل ورمى مشاري بنظرات وراح للغرفه ..
مشاري قام يتأكد اذا راح ولالا وقعد ع الكرسي : اسمعي مريم
مريم: شفيك؟
مشاري: تحبينه؟
مريم: اي اكيد زوجي
مشاري : تبين اصدمك بشيء عنه؟
مريم باستغراب: شفيه مشعل؟
مشاري: يحب اولاد يعني هو مثلي
مريم بصدمه: مستحييل
مشاري:والله ماامزح
مريم: لا ماصدق
مد لها مشاري جواله: هاك شوفي بعينك
خذت جوال مشاري وانصدمت بالصور اللي تجمع مشاري ومشعل وغير المحادثات دمعت عيونها : الحين شسوي؟؟
مشاري:اخلعيه
مريم قعدت تصيح:خلاص اطلع الحين وانا بشوف
مشاري: فكري زين وانا معاك طبعا وباس جبهتها وطلع من الشقه وهو حاس بالانتصار
نزل مشعل لما سمع صياحها وتكسير شافها تبكي حضنها: مريوم حبيبتي شفيك؟

-هل رح تقبل روان ب صقر؟
-شنو بتسوي مريم ل مشعل؟