حرقة القلب وش يهديها؟

part28

-الفصل الثامن والعشرون-
....... العصر .......
فيصل لابس البشت وراكان يبخره
راكان: حي الله بالمعرس الجديد
فيصل يبتسم: عقبالك ها
راكان: لا شكرا توه امي تحن علي تزوج اقولها مابي
فيصل: هههه سنه الحياة
رعد: فيصل بتروح بروحك ولاشلون؟
فيصل:والله شتنصح؟
رعد: شنظامك انت؟
فيصل: انا كلمت اهلها وقلتلهم اني مستعجل وابي الرد بنفس اليوم قالوا لي تعال المغرب وتبشر بالرد
رعد: خلاص انا بجي معك
فيصل : يامرحبا بك
فهد: زين يلا تعطر مابقى شي على المغرب
صقر: والله وكبرنا يافيصل وين نواف بس يشوف الكشخه هذي
فيصل: ههههه للاسف نواف طلع
راكان: افا حسافه بس
              ........ بيت ساره .........
دخلت ام ساره الغرفه : بنات طالعين؟
ساره: اي يمه شوي ونطلع اجيب لجوجو فستان
ام محمد قعدت ع السرير: شلونك بنيتي الجوري؟
الجوري: بخير خالتي شلونك انتي؟
ام محمد: انا بخير علميني الجامعه وياك زينه؟
الجوري: اي الحمدلله
ام محمد تمسك يدها: حبيبتي انا بكلمك بموضوع
الجوري باستغراب: سمي خالتي؟
ام محمد: تقدم لك واحد وابيك تستخيرين اذا موافقه ولالا
الجوري : موافقه
ام محمد: وشهوله العجله خل اقولك مواصفاته تستخيرين تفكرين شوي
الجوري : لا خالتي انا موافقه مابي افكر
ام محمد: انا بخليك الحين وبرجع اخذ شورك
طلعت ام محمد وساره مسكتها: شفيك انتي؟؟
الجوري: ابي اقهر فيصل
ساره: زين مو على حساب حياتك !!!
الجوري: بعدين افسخ الخطوبه
ساره: شنو الوضع لعبه ؟
الجوري: ساره تكفين خليني ف حالي وامشي نطلع قبل لايجي الليل
ساره: يارب صبرني عليها زينن
لبسوا عبايتهم والشيله وطلعوا للمول يشترون فستان للجوري ....
ساره: هالفستان بيطلع موت علييك
الجوري: مابي وايد ضيق
ساره: انتي مااشتقتي تشوفين جسمك عدل كله ضاغط وملابس واسعه
الجوري: مادري خلاص جيبي اي شيء
خذت ساره الفستان عباره عن فستان اسود ضيق وعليه زخرفه فضيه وخذت لها كعب فضي وبعد ساعه طلعوا راحوا ل الفندق دخلوا الشقه .....
الجوري باستغراب: اي زين ليش جايين هني؟
ساره: الحفل بهالفندق
الجوري: انتي حاجزه غرفه يعني ؟
ساره: اي عشان نتجهز هني ونطلع
الجوري: اها
ساره: يلا روحي البسي الفستان والكعب اشوفه
خذت الجوري الفستان ولبسته وفتحت شعرها اللي يوصل ل نهايه رقبتها ولبست الكعب طلعت ل ساره ...
ساره بانبهار: واووو لالا الصراحة اليوم بتشلعين قلبه وحضنتها واييدد تهبلييننن
الجوري: قلب منو؟؟
ساره: اقصد قلبي انا
الجوري بحزن : مالي خلق اروح
ساره تسحبها للتسريحه: جبجب يلا بعدل لك شعرك واسوي ميك اب عشان اتجهز انا
الجوري قعدت: زين يلا
خلت شعرها كيرلي وحطت لها مكياج خفيف
جاء لساره اتصال وطلعت الصاله ردت ورجعت
لابسه عبايتها سمعي الجوري حطي هالروج انا بس بطلع شوي اخوي تحت وبرجع لاتخافين ها
الجوري: يعني شنو بتخليني هني بروحي !!!
ساره: مارح اطول اخوي تحت اكلمه وارجع
الجوري: زين لاتتأخرين
ساره: اي صح امي تقول انتي موافقه اكيد؟
الجوري: ياربي اي اي موافقه
ساره : يلا باي باخذ المفتاح معاي عشان ل رجعت
الجوري: تمام
طلعت ساره وقفلت الباب دخلت الجوري الغرفه واتصلت ع فيصل ....
فيصل: هلا؟
الجوري: اهلين
فيصل: شلونك؟
الجوري: مارح اطولها بقولك عن شيء
فيصل: قولي؟
الجوري: تقدم لي واحد ووافقت عليه
فيصل بلا مبالاه: يعني شنو؟
الجوري: يعني مارح تأخذني !
فيصل: الجوري انا اسف قلتلك وانا اليوم خطبت وبعد شوي جاي اشوفها واقعد معاها شوي واطلع
الجوري تمسك نفسها: يعني انت عادي عندك !!
فيصل: اسمعي كلميني عقب الحفل لايخترب مكياجك الحين
الجوري: اكرهك يافيصل
سكر فيصل بوجهها وزعل على الكلمه بس سكت
قعدت تتنفس ببطئ تحاول ماتخرب مكياجها قامت وتشوف نفسها بانبهار قعدت تحط لها الروج وسمعت باب الشقه انفتح وانقفل عرفت انه ساره رجعت حست بأحد يدخل الغرفه بس مالتفتت بعد ماخلصت تحط الروج: ساره تحسين هاللون احلى ولا اغيره؟
فجأه حست بأحد حاوط يدينه ع خصرها وهمس لها : كل الالوان عليك حلوه
شافت المرايا وبصدمه: فييصلل !!!
فيصل ابتسم : عيون فيصل؟
الجوري تحاول تبعد عنه: وخر عني وشنو جابك؟
فيصل يزيد يشد ع خصرها: خطبتك ووافقتي وجيت اشوف حلالي
الجوري: شلون ومتى؟؟
فيصل ابتسم: اسف جرحتك وعورت قلبك بس كنت مكلم رفيجتك ع الخطه هذي كامله وكلمت ابو ساره الظهر اني بتقدم لك وقالي بيسألك قلت له اني مستعجل وابي الرد اليوم وبس قالوا لي وافقت
الجوري بصدمه: يعني انت اللي خطبتني؟؟
فيصل يبوس خدها: وانا اقدر اخليك لغيري؟؟
انحرجت الجوري وماعرفت شتسوي : يعني مافي حفل ولا شنو؟
فيصل ابتعد عنها: لا مافي وغمز لها الكشخه هذي كلها لي
الجوري بحرج: فييصلل ترى خطوبه بعدها
فيصل يضحك: ههههه ياعمري ادري تطمني ماني مسوي شيء بس انا الصراحة منفتن ماتوقعتك بهالجمال والله
الجوري: يعني شنو شلون كنت !!
فيصل : اول مره اشوفك ك بنت ويغمز لها والله وطلع عندك جسم خاشته تحت الثوب كله
الجوري ووجهها احمر: فيصلل
فيصل : ههههه محد رح يوخرك عني اليوم ها مافي بنام ولا بروح الغرفه ولاشيء
الجوري تعض يدها من الحرج وفيصل يضحك عليها حاوط ع خصرها وحط راسه ع كتفها وابتسم: انا لازم اعجل الملكه اخليها بكره اخاف اتهور على هالجمال !
الجوري غطت على وجهها بحرج: فييصلل خلااص عادد تعرفني استحيي !
فيصل : والله المشكله اني اموت على اللي يستحون ويمسك وجهها شوفي شلون الجمال !!
الجوري حطت يدها فوق يده اللي ع خصرها : فيصل
فيصل: لبيه ياقلب وروح فيصل؟
الجوري ترفع راسها تتأمله من المرايا: شكلك اليوم واييد غير
فيصل يغمز لها : حلو صح؟
الجوري تبتسم: وايييد حلوو وريحه العطر والبخور احلى
فيصل: كله عشان هالزين اللي قدامي وحضنها بالقو وهمس بأذنها: احبك
انحرجت من قربه : اعشقك
فيصل : تسمحين لي ابوسك؟؟
الجوري: كل يوم تبوس والحين تستأذن؟
فيصل يبتسم بخبث: يعني عادي؟
الجوري وهي تفكر: اممم
وماحست الا بشفايفه ع شفايفها وخر عنها وابتسم : ريقك عسل
الجوري قلب وجهها احمر ومو عارفه شتسوي من الإحراج ماتوقعت انه فيصل جريء لهالدرجه  ...
فيصل يطالعها ويضحك ع شكلها ووجهها المصدوم: انتي قلتي عاديي !!
الجوري ولازال وجهها احمر: بس مااتفقنا كذاا !!
فيصل يبتسم لها: عادي حلالي ومد يده لها
الجوري تطالعه: على وين اول؟
فيصل: نطلع من الغرفه لانه مابي اتهور
الجوري مدت يدها له : لا تتهور
ضحك فيصل عليها وطلع معاها للصاله اللي بالشقه وانصدمت بالكيك اللي على الطاوله وباقه الورد وورود منثوره تقدم فيصل ومد لها الورد : انا مادري شلون ورد يمسك ورد
خذت الباقه منه وابتسمت: انت الورد والله
قعد فيصل وقعدت حذاه وسحب يدها ولبسها الخاتم ومد لها خاتم تلبسه ولبسته بعد ماخلصوا باس يدها وجبهتها: الله يخليك لي ويتتم لنا على خير ولايحرمني منك
سندت راسها ع صدره وخذت يدينه واشبكتها بيدها: امين ولا منك وحس بقطره ع يده
فيصل: جوجو
الجوري: لا رد
فيصل: ليه تبكين؟
الجوري: كنت اتمنى امي او ابوي او حتى اخوي يكونون معاي بهاللحظه
فيصل شدها له وحضنها: انا معاك بصير لك امك وابوك واخوك وزوجك انا حبيتك يالجوري وشاريك ولا ارضى احد يزعلك او حتى يجرحك
حضنته بقوه وابتعدت عنه تمسح دموعها : احبك
فيصل يبتسم : اموت عليك
الجوري تضحك فيصل: شفيك تضحكين؟
الجوري تأشر ع ثوبه فيصل وقف يشوف ع وشو تأشر لقى روجها طبع بثوبه ابتسم: فداك الثوب وراعيه والله بس البلشه اذا طلعت برا شسوي
الجوري تبتسم: تبي اغسله لك؟
فيصل: لا طبعا بحتفظ بهالثوب ذكرى انا وين القى بصمتك ع ثيابي
الجوري انحرجت وتغير الموضوع: شخبارك؟
فيصل ضحك عليها: هههه مو كذا يغيرون الا قولي لي وين تبين تنامين هنا ولا بالعماره؟
الجوري:بنام هنا
فيصل غمز لها: تراني معاك ها
الجوري: يعني شنو مارح تروح !
فيصل رافع حاجب : ليش مو عاجبك؟
الجوري : لا بس مايصييرر
فيصل :ليش مايصير؟
الجوري: لما نملك عاديي
فيصل ابتسم: اي زين انا مابنام جنبك
الجوري: اصلا انا ماجبت لي ملابس خلاص نرجع العماره
سحبها فيصل للغرفه وفتح الدولاب وطلع لها لبس : الملابس موجوده
الجوري بصدمه: من وين هذا !!
فيصل: متفق مع رفيجتك ع كل شيء قلتلك
الجوري: انا اراويها هذييي
فيصل باس خدها : عيني بعينك اذا مو مستانسه
الجوري خذت اللبس من يده كان عباره عن بجامه حرير طويله لونها ابيض وراحت الحمام لبست وغسلت المكياج وحطت مرطب وطلعت
اما فيصل خذه له بجامه ولبسها بالغرفه وانسدح ع السرير ينتظرها تجي دخلت الغرفه وعينه مافارقتها ابد منذهل ومنبهر لأنه اول مره يشوفها بشخصيه ولبس ودلع وشكل بنت قعدت بالكرسي
فيصل: اقول تعالي هنا مخاصمتني انتي؟
الجوري: السرير لا
فيصل يضحك: ههههه والله مو مسويلك شيء
قامت وانسدحت ع الجهه الثانيه : بشووفف !
فيصل سحب يدها وشبكها بيده: عادي اخلي الملكه بعد اسبوعين؟
الجوري: أي عادي
فيصل: مارح يكون في عرس
الجوري: لا مابي عرس
فيصل: يمديك تجهزين؟
الجوري: اي عادي
فيصل : امم انزين والتفت لها وعينه بعينها اذا ملكت عليك واصلا مارح نسوي عرس خلاص مارح ترجعين للعماره وبحجز لنا بيت بنسكن فيه
الجوري: اي اكيد مابرجع خلاص تزوجت
فيصل ابتسم : اهخ متى يجي ذاك اليوم بس !
الجوري ترد الإبتسامه: قريب ان شاء الله
فيصل: يلا ننام؟
الجوري : اي بس وخر عني
فيصل بضحكه: ليه؟
الجوري: فيصلل !!
فيصل: هههه طيب طيب وابتعد عنها
الجوري : روح طرف السرير يلا !
فيصل ابتعد: جي ارتحتي
الجوري: خلاص اي
فيصل : يلا نامي الحين
الجوري : دقيقه في شيء بخدك
فيصل بأستغراب : شنو؟
باسته ع خده: بوستي وابتسمت
فيصل ابتسم: والله فديت هالبوسسهه انااا
الجوري: يلا خلاص نام صج               
                ........ اليوم الثاني ........
قامت من النوم غسلت وجهها وحطت مرطب وقعدت تقعد فيصل: فصول يلا قوم
قام فيصل من النوم: صباح الخير
الجوري: صباح النور
قام فيصل غسل وجهه ورجع: يلا نفطر برا وبنرجع للعماره
الجوري: بس انا ماعندي ملابس
فيصل ابتسم : ف الكبت اخذي
الجوري: اقصد ملابس رجاليه
فيصل: اي فيه
الجوري: اممم زين ضاغط؟
فيصل: حق شنو؟
الجوري : حق الجسم
فيصل: شيسوي؟
الجوري : يضغط الجسم
فيصل: اها وانا اقول هالجسم الحلو كله شلون اختفى تحت الثوب اثاريه بالضاغط
الجوري بحرج: جبب وخذت الملابس ولقت الضاغط موجود تسبحت عشان الكيرلي يروح ونشفت شعرها ولبست وطلعت ربطت شعرها وغطته ب الكاب: يلا مشينا؟
فيصل يتعطر : يلا
نزلوا من الشقه بعد مافضوها وعطا الريسبشن المفتاح وركبوا السياره وراحوا يفطرون ورجعوا للعماره ع الظهر .....
دخلوا وكانوا الشباب قاعدين وبيتغدون ...
صقر: حي الله بمعرسنا
فيصل يبتسم: الله يحييك
فهد: الحين فيصل راح يخطب نواف معاه ليش؟
نواف: انا كنت ببيت رفيجي ودقيت عليه يمرني
فهد: اهاا كنت بقولك لاتنشب له
فيصل حضن نواف من ورا: خله ينشب لي انت شعليك انا احب نشبته !
فهد يكلم الشباب: اقولكم لو نواف بنت فيصل اول واحد بيتزوجه
نواف وجهه صار احمر والباقي يضحكون ...
راكان: هذا وهو توه رايح يشوف خطيبته ولازق بنواف مادري شلون بيتزوج هذا
فيصل يطالع نواف ويضحك
رعد: شباب يلا نتغدا
تجمعوا يتغدون بعد ماخلصوا قام رعد يغسل يده ونواف قام يغسل حذاه رعد تلفت وسحبه للغرفه اللي بالصاله ومحد يدري عنها ...
الجوري: رعد شفيك !!
رعد: ليش كنتي تصيحين امس؟
الجوري: خلاص سالفه وعدت
رعد : اهااا حلو
الجوري: شفيك؟
رعد: تحبينه؟
الجوري: من؟
رعد: فيصل !
الجوري : اي احبه
رعد يشوف الخاتم اللي بيدها: انخطبتوا امس؟
الجوري: اي مخطوبين ليش تتسائل وايد !
رعد : ولاشيء موفقين
الجوري حست فيه شيء: رعد قول شفيك؟
رعد طلع زقايره وبيدخن خذتها منه :لاتدخن !
سحبها رعد من يدها: اعتقد انك صرتي حلال فيصل وفيصل مارح يرضى تقربين مني
الجوري تتنهد: بس الزقاره تزعجني
رعد: وانا ارتاح لها وايييد وايدد لانه الناس دايم تخيب امالك وتروح عنك بس الزقاره لا دايم تريح البال
الجوري : رعد انت تحبني؟
رعد يولع الزقاره: سابقاً اما الحين لا لانك مرت فيصل
الجوري: مو متضايق مني؟
رعد: لا كيفك انتي حره بحياتك مو لازم تحبيني واحبك عادي مو دايم الانسان يربح
الجوري: اسفه
رعد: على؟
الجوري: كل شيء
رعد : ماسويتي شيء عشان تعتذرين وخلاص تقدرين تطلعين برا لانه فيصل بيزعل ان درا انك معاي ولا تزعلينه ترى قلبه طيب
الجوري: تمام والتفت قبل لاتطلع مشكور وطلعت
اما رعد كان مقهور وخلص باكيت الزقاير شوي الا يدخل صقر يكح : رعد بسك الغرفه كلها دخان !!
رعد: ماعتقد الدخان اكثر من اللي بقلبي
صقر قعد جدامه: شفيك ضايق؟
رعد: تزوجت اللي احبها
صقر: ومن متى كنت تحب؟
رعد: لي 3 سنين ونص
صقر: وليه ماتزوجتها بهالمده؟
رعد: لانها صغيره وتبي تكمل دراستها اكيد
صقر: لاحول ولا قوة الا بالله
رعد: تزوجت رفيجي اللي اعزه
صقر: انت تتكلم على فيصل؟
رعد بترقيع: لا واحد ماتعرفه
صقر يربت ع كتفه: ماتدري الخيره شنو يارعد
رعد قام: معليه الله يوفقها وين ماكانت
صقر: احب قوتك ووشلون تعدي المواضيع وهي بخاطرك ودي اصير مثلك
رعد: الشيء اذا ما كان لك ومرتاح مع غيرك اتركه اهم شيء شوفته مرتاح ومستانس
صقر: بس حرقه القلب وش يهديها؟
رعد: تهديها الايام ويعوضك الزمان
صقر: صدقت
رعد: يلا انا شويات واطلع
صقر: ع وين؟
رعد: رايح المخفر مع مشعل راجع الليل
صقر: اجي معاك؟
رعد: تستأذن بعد؟ غصباً عنك هو
صقر: ههههه يلا
             ....... اليوم الثاني ......
ميار قاعده بالمطاعم بروحها وقدامها قهوتها ..
ريهام: هلا ميار
ميار طالعتها وماردت عليها
روز: انتي شفيك من يوم الخميس وانتي جي؟
ميار: روز انتي بالذات انطمي !
دينا: ميار ترى احنا ربعك ونحبك واصلا انتي كنتي غلطانه تهاوشتي معاه
ميار: هه والله انا الغبيه اللي طاوعتكم
روز بقهر: اصلا كافي اني احب الولد وهو التفتت لك ويتأملك ماعطاني وجهه وركز فيك انتي
ميار كتت القهوه ع روز: الولد اللي تقولين عنه ياشاطره زوجي ف احترمي نفسك وقامت تحت آثار صدمه البنات ..
روز بقهر: شفتوا شلون كتت القهوه عليي ؟؟؟
ريهام وهي مصدومه: امبييه حرام اكيد زعل منها
دينا بنفس الصدمه : ايهه شكله صارت سالفه بينهم
روز بعصبيه: انا اكلمكم وانتوا تفكرون فيها !
ريهام: روز كافي انك سويتي مشكله بينها وبين زوجها يعني شنو ناطره تكون رده فعلها ؟
قامت روز بقهر منهم خذت مفتاح سيارتها ورجعت بيتها اما ميار كانت قاعده بروحها ف كليه الاداب طلعت الفيب قعدت تدخن وانتبهت لعزام ورفيجه اللي كانوا طالعين من الحمام واقعدوا بكرسي قريب منها ......

-شنو رح يسوي عزام ل ميار؟