حرقة القلب وش يهديها؟

part23

-الفصل الثالث والعشرون-
قعدوا بالمستشفى ساعه وبعد مواساة الناس اللي ماره لهم قام رعد وطلب دكتور غرفه راكان وجاه الدكتور: امرني؟
رعد: دكتور راكان كيف حاله تحسن؟
الدكتور: النبض عنده الحمدلله بدأ يستقر وبس ننتظر نتأكد من الثبات عشان ننقله غرفه ثانيه
رعد بحزن : إن شاء الله خير تسمح لي اشوفه؟
عزام مسك رعد: بدخل معاك
الدكتور لبسهم ملابس واقيه ودخلهم  ...
رعد قرب من راكان وهمس له: راكان عشان خاطري وخاطر فيصل قوم وقعد يكرر كلامه
عزام بحزن: مافي استجابه
ابتعد عنه رعد : يلا مشينا
مانتبه الا بيد مسكت يده والتفت بصدمه: راكانن
فتح عينه راكان وقعد يصارخ: لااا سعودد خالدد اناا جاييك لا تموتتت خاللددد سعودد وقففف لااا
ورعد وعزام واقفين بصدمه يسمعونه لين جاوا الدكاتره وطلعوهم من الغرفه رعد طلع السياره مع عزام وللحين مصدومين من كلام راكان ووشلون رح يقولون للشباب عن موت تركي ...
رجعوا البيت ع الساعه 6 وكلهم قاعدين يتجهزون للدوامات ..
فيصل: عسى ماشر وين كنت؟
رعد يطالع عزام: بالمستشفى
فيصل: ها طمني وشصار؟
رعد بحزن: تركي عطاك عمره
طاح الكوب من يد حمد وانكسر ودخل الزجاج برجله بس مااهتم للألم كثر ما أنه الخبر حزنه
رعد راح لحمد وشاله ع الكرسي وطلع الزجاج وغسل له رجله وحط له الشاش واللزقه وحضنه: حمد هاي أمر الله
حمد وهو يدمع: ليش هو ليشش
رعد : هاي المكتوب يا حمد
حمد: من لي غيره بهالدنيا، شلون برجع الكويت بروحي ؟
رعد: انا معاك كل شيء تبيه تأمر ومن عيوني
حمد يمسح دموعه : ماتقصر بس بعد تركي عزيز علي وغالي
رعد: الله يرحمه يارب
سيف من سمع الخبر طلع وراح عند زوجته ...
نوره باستغراب: سيف شنو جابك هالوقت !!
سيف وعينه حمره ومتلثم دخل ومارد عليها وقعد بالكرسي يدمع
نوره راحت له وحضنته: سيف حبيبي صاير لك شيء؟
سيف يغطي ع وجهه بالغتره: رفيجي مات
نوره بحزن: لا حول ولا قوة الا بالله الله يرحمه ومسكت يده وقعدت تصبره وتهديه
...... بعد اسبوع من العزاء .....
رعد فالمستشفى عند راكان ..
رعد: ها راكان اطلع لك ورقه خروج؟
راكان: ايه خلاص الحمدلله
راح رعد وطلع له ورقه خروج وطلع مع رعد السياره : تبي تتمشى شوي وارجعك ؟
راكان: ايه ياليت خل اسولف معاك شوي
رعد: ولايهمك
راكان: اقولك شصار على خالد؟
رعد التفت له وبحزن: مات
راكان بصدمه: خالدد ماتت !!
رعد: ايه
راكان: متتى !!
رعد: ف نفس اليوم اللي احترق الكوخ فيه
راكان: الله ياخذه هالسعود ومن بعد؟؟
رعد: تركي قعد معاك 6 شهور بالعنايه وقبل اسبوع توفى
راكان بحزن: لاحول ولا قوة الا بالله
رعد بأستغراب: ليه تتكلم عن سعود؟
راكان : سعود هو السبب في كل اللي صار
رعد: شلون يعني؟
راكان: كنت بالغرفة منخش اسمعه متصل لواحد ويقوله الحين بشغل الكبريت ويوم طلعت اكتشفت انه كات بترول واشعل المكان وهرب
رعد بصدمه: سعود !!!
راكان: اييه سعود لاتظنه بريء
رعد: خلاص ابيك تقول هالكلام بكره عند الضابط
راكان: بتبلغ عليه؟
رعد: طبعا عيل شنو تبيني انتظر ؟
راكان: صح معاك حق
.... بعد ماوصلوا العماره ...
رعد: خلك بالسياره انا بنزل ولاتصلت لك قفل الموتر ودش
راكان بابتسامة: تمام
دخل رعد وقعد بالصاله ....
صقر: هلا ب رعد
فيصل: رعود تكفى بزور راكان اليوم
رعد: مب وقته
فيصل: متى يعني وقته ان شاء الله؟
رعد: بعدين المهم اني جايب لكم مفاجأة
عزام: طلعه؟
رعد: لا
سيف: انا مافيني شده افكر
اتصل رعد ع راكان : خلاص الحين تشوفونها
وانفتح الباب ودخل راكان وهو يبتسم
فيصل بصرخه: راااككااااانننننن وركض حضنه
راكان يحضنه وهو يضحك: كل هالشوق والمحبه لي كل يوم بغيب دام كذا
فيصل وخر عنه وطق رأسه:لو تقول كذا بخليك ترجع المستشفى من جديد
راكان: لا واللي يخليك
وراح يسلم ع الباقي وكلهم مستقبلينه بحراره
لين وصل عند سعود تجاهله ولاكأنه موجود واستغربوا بس محد علق  ....
راكان قعد عند فيصل
فيصل: ركون خلاص اليوم نام عندي بالغرفة
نواف: ليش يعني انا مو عاجبك؟
فيصل بضحكه: هههه لا حشى بس اشتقت له
نواف بتمثيل زعل: لالا ادري ماتبيني
راكان باس نواف ع خده: انت اللي ماتبيني؟
نواف وجهه صار احمر ويطالع ب فيصل اللي ملامحه تغيرت : اا لا اا حياك
راكان: ههههه اموت باللي استحوا
التفت رعد ل سعود وهو متكتف: سعود
سعود بتوتر واستغراب: اا هلا
رعد رافع حواجبه: شلونك عساك بخير؟
سعود: اا ايه ايه الحمدلله
رعد: شفيك مختبص
سعود: اا لا بس مستغرب
رعد غمز له: بعدين تفهمها والتفت ل صقر : شباب حنا طالعين
فهد: على وين؟
رعد: مشوار ورادين
سيف: بحفظ الله وانا راجع بيتي
عزام: انا بعرف انت ماتنثبر اكلمك شوي
فهد: تعرف عنتر مايقدر ع فراق عبله
ضحكوا كلهم : هههههههه
سيف قام: ايه ايه ضحكوا بشوفكم لتزوجتوا
عزام: انا مالي شغل ها
حمد: ولا انا
فهد: ايه الحين كل واحد بيسحب عمره
              ........ في الليل ........
... في المخفر ...
الضابط: ثبت عليك ياسعود بن رامي ال ..... عدت تهم وبالتالي سيتم إحالتك للسجن لمده لاتقل عن 25 سنه
سعود والدموع بعينه ويطالع رعد: رعد تكفى والله ماعاد اعيدها اسففف
صقر بحرقه : اسفك يرجع خالد لمرته وبنته ؟ اسفك يرجع تركي من قبره؟ اسفك يرجع ال6 شهور اللي ضاعت من عمر راكان؟ اسفك يرجع فرحه ابو خالد يوم درا عن ولده؟ ومسكه من قميصه بقهر قولييي اسفففف شننووو تسوويي !!
مسك رعد صقر وسحبه : صقر احنا بالمخفر اهدأ
صقر تراجع ل ورا وقعد بالكرسي وقابض ع يده من القهر: والله ان سامحته يا رعد ماعاد اصير رفيجك ولا اماشيك
رعد رافع حواجبه : يعني شنو ماتعرفني ؟
الضابط: آخر قرار هل تتنازل يا رعد ال ....؟
رعد: لا
الضابط: خلاص وقع وتقدر تروح
وقع رعد ع القضيه وتجاهل سعود اللي يصرخ يناديه ويستسمح منه
     ....... بعد ماوصلوا العماره ......
صقر : اهخ شكثر قاهرني
فهد: عسى ماشر شصاير؟
صقر بقهر : تعرفونن شاللي صار واحنا بالغابه
ماحس الا بيد تسكر ع حلجه
رعد ببرود: اهدأ ماله داعي
صقر يوخر يده: خلهمم يعرفون حقيقتهه
رعد سحب صقر: خلاص قلتلك !
صقر: اهخ بس وطلع غرفته
........ الشقه الثانيه .........
راكان طق الباب ودخل : هلا
فيصل: يامرحبا بك
نواف: نورت
راكان قعد ع سرير نواف : بنورك
فيصل: ش كنت تسوي مع رعد وصقر؟
راكان انسدح على فخذ نواف ويلعب بشعره: بالمخفر
فيصل يطالع نواف : ليه عسى ماشر؟
راكان غطا ع عينه: نقدم بلاغ
فيصل بنرفزه: راكان قوم من على نواف سريري وسيع
راكان: هههه تغار علي ولا عليه
فيصل: قوم وانت ساكت
قام راكان وراح عند فيصل: ها رضيت الحين؟
فيصل: ايه المهم كمل
وشرح لهم راكان كل شيء صار وخلاهم تحت تأثير الصدمه ...
راكان يدز فيصل : وخر انت بنام
فيصل مبلم للحين ويطالع قدامه
راكان يأشر له: ياهووه
فيصل: ليش يسوي جي؟
راكان: مادري عنه قال في جماعه موصينه بس مارضى يقول من هم
فيصل: الحمدلله لحقتوا قبل لايسوي الافضع
راكان: ايه زين يلا صك الليت بنام
فيصل قام يصك الليت ..
راكان: نواف سريرك اكبر شرايك انام عندك
نواف يبي ينرفز فيصل: ايه حياك يلا
فيصل بعصبيه: عن العبط انت وياه خلاص انثبروا بالسرير وجع
راكان استغرب من عصبيته: شدعوه شفيك حبيبي ؟
فيصل يحاول يهدي نفسه : ارقد ارقد
راكان يأشر ل نواف انه شفيه ويرد نواف بمدري
  ......... بعد مرور سنه ونص .........
رعد: ماتبون طلعه بما انه الاجازه قربت؟
فهد : فاضيين ليش لا؟
رعد: خلاص ان شاء الله اول يوم اجازه نحدد مكان ونطلع
راكان: جداممم
عزام قام: انا أستأذنكم بروح بيت هلي
سيف: يلا وانا معاك راجع بيتي
     .......... في الليل عند عزام .........
متجمعين بالصاله ..
ام عبدالله: ها شلونك يا وليدي مع الجامعه؟
عزام: والله زين يما
روان: ترى ماقمنا نشوفك كله عند ربعك
عزام: شسوي يعني اقابلكم؟
روان: يعني مب عاجبينك؟
طق الجرس ...
عزام: بروح افتح اشوف من
طلع عزام فتح الباب حصل بنت بوجهه دخلت ومسكته وتصيح: تكفى تكفى بيغتضبني
عزام رافع حواجبه مستغرب سكر الباب والتفت لها لابسه ضيق والعبايه مفتوحه والشيله طايحه وشعرها كله يبان : شتقولين؟
ميار تصيح ومازالت ماسكه قميصه: يبي يغتصبني
عزام باستغراب: منهو ذا وانتي من اصلا !
شوي الا يطق الباب قامت طالعته وبترجي: تكفى لايشوفني طلببتكك
عزام وخرها عنه : روحي ورا الشجر هناك
تخبت وفتح الباب : نعم يااخوي؟
...: ماشفت بنت لابسه عبايه وملابس لونها ابيض ماره من هنا او شيء؟
عزام متكتف: شتبي فيها؟
...: لا بس اختي وابي ترجع البيت
عزام رفع حواجبه: ماشفتها وسكر الباب بوجهه وراح للبنت : شسمك  !!
ميار: استر علي تكفى
عزام: اقولك شسمك !؟
ميار: ميار
عزام: من ابوك؟
ميار: أنا جيرانكم بنت حامد
عزام فتح عيونه بصدمه: وشتسوين هني وليش طالعه جي اصلا !!
ميار قاعده ع الارض مسكت طرف بنطلونه: استر علي تكفى استر علي
عزام نزل لمستواها: قولي لي كل شي بالتفاصيل ولا بفضحك
ميار بخوف: لالااا والله اقولك
عزام: قولي؟
ميار: كنت احب واحد اسمه سرور وعلاقتنا كانت حلوه لين يوم تعبت ورحت المستشفى قعدت اسبوع رجعت اكلمه لقيته يكلم بنت ثانيه ويحبها وزعلت واعتذر لي وقال انه تركها وكان يطلب مني اني اصور جسمي له
عزام بمقاطعه: وصورتي له !!؟
ميار منزله راسها: ايه الحب اعماني
عزام : زين؟
ميار: ومع الوقت طلب انه يبي يطلع معاي ولا بيتركني وانا كنت خايفه يتركني ف طلعت معاه مرتين
عزام بمقاطعه: شنو صار يوم طلعتي معاه !!؟
ميار: مو لازم تدري
عزام مسكها من كتفها بعصبيه: قولييي قلتتلكك
ميار من الخوف: اي شي يصير بين الزوجين
عزام بصدمه: يعني اا يعني انتي مو بكر !!
ميار تصيح: ااهئئ لالاا صار من ورا
عزام ولازالت تعابير الصدمه ع وجهه: يعني ما صار ذاك الشيء من جدام !؟
ميار : لا ابداً
عزام : كملي الله ياخذ ابليسك
ميار: وبس طلبت اني بنفصل عنه لاني ندمت وتبت هددني ان ماطلعت معاه وسمعت كلامه بينشر صوري ويعلم هلي
عزام بقهر: ايااا النذللل الخسيسس !! وانتي بقره شلون ترضين تطرشين صورك له !!
ميار تصيح: الحب اعمانييي ماكنت اشوف غيره بالدنيا كنتت احسبه صج بيتزوجني
عزام: الله ياخذ غبائك
ميار: تكفى استر علي تكفى
عزام: عطيني رقم اخوك
ميار تمسكه: لاتعلمه تكفى
عزام بعصبيه: مينون اقوله عطيني خلصي
عطته وهي خايفه يفضحها اتصل ..
عزام: الو معاي سطام؟
سطام: اي انت من؟
عزام: انا عزام ولد جيرانكم
سطام: ايه يامرحبا
عزام: والله ياسطام اختك كانت زايره اختي واختي كلمتني انه شاحنها خلص وماقدرت تتصلك ف قالت لي ابلغك عشان تجي تأخذها
سطام: ايه يلا مسافه الطريق وأجي
عزام: يلا سلام
سطام: مع السلامة وسكر
طالعها عزام بنظره: تغطي عدل انتي وهالخشه
ميار بخوف وتعدل شيلتها: بتستر علي؟
عزام: مالي شغل فيك وسرور ان كلمك مره ثانيه لاتردين عليه مارح يقدر يسوي شيء
ميار بخوف: لالا انت ماتعرفه هذا اكبر مجرم عادي يسويها يفضحني ويكلم اهلي
عزام: قلتلك لاتردين عليه كلامي واضح فاهمه؟

-شنو تعتقدون صار لميار؟
-هل رح يفضح عزام ميار؟