حرقة القلب وش يهديها؟

part32

-الفصل الثاني والثلاثون-
........ في مكان ثاني .......
وليد عطاها فستان كحلي متدرج وعليه فصوص لؤلؤ ومجوهرات لؤلؤ وأمرها تلبسهم ورح يدخل عندها المغرب توقع ع العقد قعدت ع السرير منهاره ماتبي تتزوجه ولا تبي تقعد معاه دخل عليها بعد ماسمع صوتها : انتي مالبستي للحين؟
الجوري وهي تصيح ووجهها احمر: مابي مابي
وليد راص ع اسنانه : والله ان مالبستي ياويلك ساعه ويجي الملاك انا بطلع وبرجع الاقيك لبستي وطلع وقعدت زعلانه مو عارفه شتسوي اضطرت ترضخ للأمر الواقع ولبست الفستان وراحت فتحت الادرج تدور المكياج اللي قالها عليه ولقت جوالها ركضت قفلت الباب وخذت الجوال متردده إذا تتصل ل رعد وتعلمه ولا لا ...
بعد تفكير اتصلت عليه وجاها صوته ..
رعد: هلا الجوري
الجوري وهي تصيح: رعد تكفى ساعدني
رعد باستغراب: عسى ماشر شفيك؟
الجوري بين دموعها: اهئ وليد
رعد باستغراب: شفييه؟؟؟
الجوري: غاصبني اتزوجه وبعد ساعه بيجي الملاك وبيخليني املك عليه غصب وقالي انه هو اللي ذبح فيصل وهددني ماعلم احد ولا بيذبحك ويحرق عمارتكم ورجعت تصيح
رعد بقهر: ايا النذذلل اسمعيني طرشيلي اللوكيشن الحيين وانا جاييك
الجوري: لا تكفى رعد لاتضيع عمرك
رعد بقهر: اصص مالك دخل طرشي اللوكيشن انتي
فجأه طق الباب عليها بالقو: هاا خلصتيي؟؟
الجوري بخوف: رعدد اا برسلك وبسكر الجوال لانه بيأخذه
رعد : طييب وسكر رسلت له وخشت الجوال وفتحت الباب ..
وليد: شنو سنه تجهزين انتي؟؟
الجوري: مابيك يخي
وليد عض خدها: السالفه مب برضاك حبيبتي
الجوري كشرت بقرف وابتعدت عنه ابتسم : غسلي وجههك من دموع التماسيح هذي وحطي مكياج ابي مرتي تصير حلوه والملاك دق علي قالي انه بالطريق وطلع اما هي قعدت ع الارض بقهر وقامت غسلت وجهها وحطت مكياج ولبست عقد اللؤلؤ اللي جابه ولبست الكعب الابيض وطلع شكلها ناار شافت نفسها بالمرايا وانقهرت انه رح يشوفها بهالمنظر قعدت ع السرير بخوف تنتظر نهايتها او شنو اللي بيصير ....
               ........ بعد نص ساعه ........
كان قاعد مع الملاك يتقهوى
الملاك: زين لازم شهود على الزواج؟
وليد: بعطيك المبلغ اللي تبيه بس تم الزواج ع خير
الملاك:ابي 50 الف
وليد:تبشر توصل لك على حسابك اليوم
الملاك: خلاص يلا تفضل وقع وبعدين عط البنت توقع مد يده وليد ووقع واخذ الكتاب ودخل عندها الغرفه وابتسم لها: يلا وقعي
كانت ترتجف وتدري انها رح تنهي حياتها الحين
وليد: شفيك متوتره يلا؟
خذت القلم ويدها ترجف وهو مبتسم بس قطعهم رنه جرس البيت استغرب وليد وناظرها انا بروح اشوف من ع الباب وانتي وقعي وبعدين اجي اخذ الكتاب ارده للملاك
نزلت راسها بحزن: تمام
طلع وليد للصاله وفتح الباب انصدم ب رعد ف وجهه ومعه 3 من الشرطه وليد : ررعدد !!!
رعد عاقد حواجبه: اي رعد بشحمه ودمه ياسفله
الشرطي بسام: جانا بلاغ انك ب خلوه مع بنت
وليد بتوتر: لا هذي زوجتي
الشرطي : طلع الاثبات
وليد بلع ريقه: اا هو اليوم ملكتنا
الشرطي: إثباتك؟
وليد يطالع الملاك: الحين اجيبه ومشى وليد للغرفه ووراه رعد اللي مانتبه له دخل عليها : ها وقعتي؟؟
الجوري منزله راسها بحزن: مابي وليد مابي
وليد بعصبيه مسك يدها : وقعيي ياهبله بسرعهه
جات بتوقع سحب رعد الورقه وشقها تحت نظراتهم المصدومه : امشي قدامي والله مايردني عنك إلا الإعدام
وليد بعصبيه : انت شتبيي تخرب حياتيي؟؟
رعد مسكه ودزه برا ونادى الشرطه واقبضوا عليه اما الملاك خذا الكتاب وطلع ...
رعد يكلم الشرطه: انا بطلع البنت لبيتها وانتوا خذوه المخفر وجايكم بعد ساعه
بسام: خذ راحتك بانتظارك
رعد ابتسم له: تسلم وطلعوا الشرطه مع وليد اما رعد دخل الغرفه بدون لا يناظرها: يلا طلعي انا بنزل السياره
الجوري وقفت ناظرت نفسها بمعنى شلون بتطلع جي !! بس سكتت ولحقته وركبت السياره ورا
رعد : انا كم مره بعلمك اني مب دريول وانه تطلعين قدام مب ورا والتفت يشوفها وانصدم من منظرها وبلع ريقه لانه اول مره يشوفها بهالجمال وقعد مصنم يشوفها لفت وجهها الي امتلأ دموع :يعني اطلع قدام بهالمنظر؟
رعد وهو مختبص: ها اي لا اي مايصير تطلعين
الجوري: زين وين بتروح؟
رعد : للعماره
الجوري بصدمه: بنزل جيي؟؟
رعد نفس اللي توه استوعب التفت عليها : انتي ليش لابسه جي اصلا ببيته؟؟؟
الجوري بحزن: يخي اجبرني وهددني
رعد بقهر :الله ياخذه وين ثوبك زين؟
الجوري: خذاه وليد مدري وين وداه
رعد تنهد: زين اسمعي بمر اجيب لك ثوب جديد وبنزلك فلتي تلبسينه وترجعين تمام؟
الجوري : تمام
راح اشترى لها ثوب ومد لها : شكراً
رعد: يلا رايح ع بيتي الحين
الجوري بحرج: ماعندي مشد
رعد بأستغراب: ل شنو ذي؟
الجوري بحرج: يخفي المعالم الانثويه
رعد بغباء: اها وانا اقول من وين طلع لك هالجسم الحين اخبر مسطحه
الجوري ووجهها احمر :رعدد خلاصص
ابتسم: خلاص الحين امر اجيبه بس ماعرف شكله انا
الجوري: خلاص بنزل انا اجيبه
طالعها: شنو قالوا لك مينون انزلك بهالشكل؟؟
الجوري استوعبت انها كاشخه: ايه صح
رعد وقف عند المول: انا بتصرف ونزل سأل العامله عن المشد وجابت له ورجع للسياره عطاها: ها شلون اعرف ولاا؟
الجوري بحرج: اي
وقف عند باب الفله وفتحها وقالها تنزل ودخل ينتظرها بالصاله بدلت ولبست الثوب وغسلت وجهها من المكياج وطلعت له : خلصت
رعد: والله محد بيصدق انه ذاك الجمال كله يصير جي
الجوري بحرج: شقصدك يعني؟؟
رعد قام وابتسم: لا ولاشيء
وطلع وصلها للفيلا وقالها لاتطلع الغرفه الا اذا هو رجع وركبوا معاه صقر وراكان وراحوا للمخفر ...
فهد: ياهلا نورر المكان
ابتسم نواف: منور بوجودك
عزام يضربه ع ظهره: يارجال وينك مختفي؟
نواف: كنت مع رفيجي
حمد بغباء:رعد قال مع اهلك
نواف بحزن: ماعندي اهل هلي توفوا
عزام: الله يرحمهم
رن جوال مشاري ورد ...
مشاري: هلا يبا
ابو مشاري : مرحبا بك
مشاري: سم؟
ابو مشاري : نسيت اعلمك على الساعه تسع جايين خطاب لأختك
مشاري بصدمه: وانت توك تتذكر تقولي؟
ابو مشاري: معليه نسيت
مشاري: شلون تنسى موضوع جي !!
ابو مشاري: اقول البس ثوبك وتكشخ وتعال
مشاري بقهر: ماقدر اجي اليوم ابد مو فاضي
ابو مشاري: لاتخليني اقطع عنك المصروف
مشاري: يبا شنو بتذلني؟ خلهم يجون يوم ثاني رفيجي متوفي وانت تقولي خطاب جايين لا وتوك تعلمني يعني مصخره صج
ابو مشاري: تكلمني انت جي؟؟
مشاري بقهر: محشوم بس يعني صج مايصير
ابو مشاري بعصبيه: دلعتك وايد الظاهر ع العموم ان ماجيت لا انت ولدي ولا اعرفك وسكر الخط رفع جواله بقهر : والله مصخره افف
فهد باستغراب :شفيك مشاري؟
مشاري قام وبعصبيه: جايين خطاب لاختي بعد ساعتين وحضرته توه يعلمني وان ماجيت قال بيتبرا مني عاد الله والرجال آخر شي شبه جعفر
حمد وهو يضحك عليه: هههه ماعليك قوم البس لا يفصل عليك
مشاري خذا المخده ورماها ع وجهه: تضحك انت ووجهك ها
حمد : هههههههه لالا محشوم
                    ....... في المخفر ........
وليد بقهر : اي انا ذبحت اخوها واللي كانت بتتزوجه
صقر: هه ويقولها ببجاحه؟
راكان مد للضابط فلاش: تفضل وشوف بعينك الجريمه
فتح الضابط الفيديو وسألهم اذا يعرفون الاشخاص وقاله راكان من هم واستدعوا اخوان فيصل الثلاثه واعرفوا منهم الحقائق ..
راكان: تبيعون اخوكم عشان فلوس يالنذليين؟؟
ناصر: انا مالي شغل استسمحت منه
رعد : اذا فيصل بيسامحك احنا مارح نسامح والتفت للضابط تكفى حكم إعدام قتلوا الولد ولك مليون لو تبي بس إعدام !!
بعد مشاورات ونقاشات طويله طلع الحكم واللي كان عباره عن إعدام ماعدا ناصر كان سجن مؤبد
وليد يطالع رعد بقهر: سفله انت
رعد بسخريه: مارح ارد عليك لأنك رح تموت بعد شوي وقدام عيني هذا يكفي
طلعوا من المخفر بعد ماعرفوا الاحكام وقالهم انه بكره رح يكون الإعدام والحين كلهم بالسجن ...
               ....... بيت ابو مشاري .......
دخل مشاري البيت وهو منفس ..
ابو مشاري: انت ماتجي الا بالتهديد
مشاري: يبا تقولي بيوم وليله وتبيني اجهز !!
ابو مشاري: تقدم ابوك على كل شيء فاهم !
مشاري: طيب وقعد يطقطق ع جواله لين جاء ابو مشاري اتصال : مشاري قم افتح الباب
قام مشاري خذا عطره وتأفف وفتح الباب : يامرحبا فيكم
سلم ع ابو الولد والولد ومشى قدامهم: تفضلوا
دخلوا المجلس قام مشاري يقهوي ابو الولد والتفتت يعطي الولد وبصدمه : مششعلل !!!!
مشعل بنفس الصدمه: مشاريي !!
ابو مشاري باستغراب: تعرفون بعض؟
مشاري طالع مشعل بقهر: كان رفيجي
ابو مشعل ابتسم: حلو يعني في تعارف
خذ مشعل القهوه من يد مشاري تحت نظرات مشاري اللي شوي وتخترقه .. بعد السوالف والضيافه
ابو مشعل: والله يا ابو مشاري ودي اخطب ولدي مشعل ل بنتك مريم
ابو مشاري: تشرفنا بك والله خوش عيله بس بالاول والاخير ناخذ رأي البنت مثل م انت عارف
ابو مشعل: لا ابد اخذ راحتك وطبعا هاي حقها
ابو مشاري: والنعم فيك
بعد سوالف قام ابو مشعل مع مشعل: يلا نستأذن
طلعوا ولحق مشاري مشعل : انت شجايببك؟؟
مشعل : مادريت انه بيتكم ولا ماطبيته
مشاري بسخريه: هه وتتشمت بعد مانتشرف فيك اصلا
مشعل:اسمع مشاري انا صج غلطت بحقك واصلا علاقتي وياك مبنيه كانت على غلط ومافيها شي والواحد يصحح غلطه
مشاري بقهر عطاه كف: صحح غلطك مب باختي
مشعل مسكه من ياقه ثوبه: انا حبيتتهاا مو بيديي لاتحرمني خلاص انسى اللي بيننا لاتهدم حياتي لو ادري انها اختك اصلا ماطبيت بيتكم
مشاري : من متى تعرفها؟؟؟
مشعل: مو مهم متى وشلون المهم اني طلبتها ع سنه الله ورسوله
مشاري: هه بعدين تقزرها عليها وتقطها
مشعل: ماحب الاعب انا !
مشاري: لا واضح لعبت لعبتك كلها والحين تقول لي جي !!
مشعل: قلتللكك اصلح غلطيي خلاص !!
مشاري: تقلع تقلع مابي اشوف وجههك
مشعل طالعه من فوق ل تحت: مانت ب شايفني بس لاتخرب حياتي وخل اخذ البنت
مشاري: هه خربت حياتي ماتبيني اخرب حياتك؟
مشعل طلع متجاهل مشاري اللي منقهر منه مشاري دخل عند ابوه : انا مب راضي بالولد
ابو مشاري باستغراب: ليش الولد مافيه عيب؟
مشاري: انا مب راضي وبس !
ابو مشاري: مايمشي عندي هالكلام يا تعطيني سبب يا تكرمني بسكوتك
مشاري : طيب سوي اللي تبي وطلع من البيت للعماره دخل وهو منقهر ..
راكان: وش فيك مشاري ؟
مشاري بقهر: هالننذلل سواها فينيي !!
صقر: اقعد اقعد وقول شفيك؟
قعد مشاري وبقهر: ابوي داق علي جايينا خطاب لأختي تخيلوا من اللي جاي يخطب ؟؟
فهد : من؟
مشاري يضرب الطاوله بقهر: الاستاذ مشعلل
تغيرت وجوههم إلى صدمه واستغراب ..
عزام: ليه وش يبي؟
مشاري : اهخخخ يقولي احبها ولااتحرمني منها وابي اصلح غلطي مالقى الا اختي يصلح غلطه فيها
رعد: مشاري اذا صج يبيها من حب شوف شكثر تم معاك على علاقه وكان يعطيك حقك وزود؟
مشاري: اناا مقهورر انه مالقى إلا اختي يتزوجها !
رعد: انت لأنك باقي تحبه ولازال عندك حب تملك خلاص مشاري اترك هالسوالف ماهي بفايدتك
مشاري قام: افف محد فاهمني
صقر: الله يهديه ويهديك
رعد: ع العموم شباب انا بغير توزيع الغرف لانه الغرف الفاضيه كثرت
فهد: اي بالله
رعد: سيف وعزام مارح تتغيرون بس مشاري رح يكون مع حمد بغرفه وفهد مع راكان بغرفه
نواف: وانا؟
رعد: انت بتكون معاي انا وصقر
نواف : الغرفه صغيره
رعد: لا شقتنا اكبر شقه بالعماره والغرفه واسعه
نواف بتوتر: تمام
توزعوا على غرفهم ودخل نواف بتردد ..
رعد: تبين غرفه لك بروحك؟
نواف: امم مادري
رعد: قولي قبل لايطلع صقر من الحمام
نواف: لا خلاص عادي بقعد هنا
رعد : تمام واسمعي اي شيء يصير لك بلغيني لاعاد تسكتين نفس هالوليد
نواف: شصار عليه؟
رعد: بكره بيعدمونه
نواف بفرح: صددقق !!!
رعد: اي
نواف: تكفى بروحح اشوفهه
رعد : تمام
طلع صقر من الحمام لاف الفوطه ع خصره وينشف شعره وناسي وجود نواف  : اقول رعد
رعد: اسلم؟
صقر: اذكر قلت لي انك كنت تحب
رعد : وشهوله السؤال؟
صقر: والله شوف انا اشك اني بديت احب
رعد: اوه شهالتطور صقور رفيج عمري اللي رجلي ع رجله يحب انت متى مداك تحب اصلا؟
صقر وهو يضحك: ههههه لا تدري بس شلون
رعد: اعترف ها منو؟
صقر : البس واجيك وراح لغرفه التبديل
نواف ووجهه احمر : رعد
رعد : هلا
نواف: اا هو ليش طالع جي؟
رعد توه استوعب: ههههه لا معليك بين شباب نسيت انك موجوده والله
نواف بارتباك:  اها اي ههه
دخل صقر وبصدمه: افف نواف هني !
نواف بحرج: اي
صقر:سوي عمرك ماسمعت شيء
نواف: لا معليك سرك ببير
صقر: الله يستر
              ...... بعد مرور 3 شهور ......
كان عرس مشعل وعزام ف نفس اليوم
مشاري يطالع مشعل بقهر: هه قدرت تسويها
مشعل: مشاري افهم الوضع مب تحدي !
مشاري: لاتسوي نفسك عاقل الحين
مشعل: مشاري خلاص بسك انت وهالتفكير خلاص انسى كل شيء صار !!
مشاري تكتف:شلون تبيني انسى بالله؟
مشعل: تزوج
مشاري: عبالك انا مثلك اروح ادور لي بنت واتزوج
مشعل: زين شالمشكله؟
مشاري : انا حبيتك يا زباله !
مشعل بعصبيه: مشاريي خلااص اعقلل !! اترك السوابق هذيك جدد حياتك !
مشاري: انت شلون اصلا ترضى تتزوج؟
مشعل ابتعد عنه: انا مارح ارد عليك لين يرد لك عقلك
مشاري : انا براويك يامشيعلل
تجاهله مشعل ودخل الغرفه مع حبيبته يتصور وركبوا السياره مسك يدها: اخيرا تزوجتك مريوم
مريم بابتسامه: ماتوقعتك تسويها
مشعل وهو يمشي: والله اسوي اللي تبينه بس اهم شي اخذك ماتروحين لغيري !!
مريم: احبك
مشعل: يازينها منك اموت عليك
                  ......... نروح لعزام ........
دخل البيت وهي وراه : نورتي بيتك
ميار : منور بوجودك
عزام باسها: الحين حلالي ماتقدرين تعترضين علي اي شي اسويه
ميار طيرت عيونها: ليش انت شنو ناوي تسوي ؟
عزام ضحك: ههههه مايخصك
ميار: لا خلاص برجع بيت هلي
عزام يغمز لها: مافي بيت هلي ولا بيت هلك
ميار وجهها صار احمر: عزام اعقل
عزام: ههههه شدعوه استحيتي مدري من كان أجرأ من الثاني
ميار بحرج: افف خلاص
         ..... ف العماره .....
رجعوا من عرس عزام تعبانين ..
راكان: ها شباب شلون العرس؟
فهد: جامد والله يخليك تتحمس تعرس
صقر يغمز له: ها ناوي شكلك؟
فهد: والله متردد وانا اخوك
راكان يصفر: من سعيده الحظ؟
فهد: يا يبا قلنا للحين افكر
حمد التفت لمشاري: سمعت انه مشعل بعد تزوج اليوم
مشاري: ليه تناظرني؟
حمد: اسألك؟
مشاري بملل: اي اي تزوج
صقر: صدفه بنفس اليوم
راكان: شباب انا أستأذنكم تعبان حدي بروح ارقد
نواف: انا بعد رايح
تفرقوا وراحوا للغرف ماعدا فهد طلع ل غرفه رعد وفتح الباب : هلا فهود؟
فهد: ودي اكلمك بموضوع خاص
رعد دخله للغرفه الثانيه وقعد ع الكرسي: اسلم؟
فهد يفرك يدينه: رعد انا ماعرف شلون اصارحك وأبدا معاك
رعد: لاتسوي رسمي وتكلم؟
فهد: انا ابي اخطب
رعد: يامرحبا زين الساعه المباركه ليش متوتر؟
فهد يحرك يده بتوتر : الموضوع مو جي
رعد عاقد حواجبه: عيل ؟؟
فهد: ابي اتزوج اختك جواهر
رعد بصدمه: هاا !!

-هل رح يوافق رعد على فهد؟
-من اللي يحبها صقر؟