حرقة القلب وش يهديها؟

part34 end

-الفصل الرابع والثلاثون والأخير-
مريم دزته: لاتتقولل حبيبتيي لاتقوولل
مشعل عصب لانه تأكد انه مشاري سوى لها شيء: شقالك هالنذل؟؟؟
مريم وهي تصيح وتضرب ع صدره: ليشش ليشش مشعلل تسوي جيي؟؟
مشعل:مريم شصاير فهميني؟
مريم طاحت ع الارض تصيح : تحبب ولدد لييه !!!
مشعل انصدم ماتوقع توصل ف مشاري الحقاره لهالدرجه وقف متصنم بمكانه شافته مريم : مو عارف تبرر قول اي شيء قول انه كذب قوول !!!
مشعل حضنها بقوه وطاحت دموعه ع خده ماتوقع حقاره مشاري لدرجه يهدم حياته بالرغم انه ماخذ اخته مو شخص غريب ! فجأه طاح ع الارض مريم وقفت دموعها وراحت تضرب خده: مشعل مشعلل مشعلل خافت واتصلت للأسعاف وجاو خذوه للمستشفى واتصلت مريم ل مشاري تصيح انه مشعل بالمستشفى  ...
                    ....... في العماره .......
بعد ماسكر الاتصال طالع الشباب
صقر: شفيه وجههك مصفوق؟
مشاري: شباب انا غلطت؟
فهد باستغراب : ب شنو؟
مشاري قالهم اللي سواه وشنو صار ل مشعل
راكان بجنون: انتت تستهبلل مب صاحيي ؟؟؟
فهد: لا وتسأل بعد غلطتت !!
مشاري : مادريت انه بيصير كذا
رعد: بدال لا تفكر ب مشعل وحياته كان رحمت اختك !
صقر: لا حول ولاقوه إلا بالله
رعد: انا بروح ازوره
مشاري: واللي سواه فيكم؟
رعد: احنا مو جمال نحقد وطالما تاب الولد وربي غفر له احنا بنغفر له
فهد: صادق كلنا رايحين معك
رعد : تروح الحين تقول لاختك انها مزحه ولاتهدم بيت الرجال الولد عقل خلاص اعقل انتت
مشاري بقهر: طييب
                  ...... اليوم الثاني ......
راحوا المستشفى يزورون مشعل وانصدم بجيتهم ..
رعد: احنا مو قاطعين معروف
مشعل: تسلمون والله ماتوقعت جيتكم
صقر: احنا سامحناك واتمنى انك ماترجع لأول
تذكر مريم ونزلت دموعه : انتهى كل شيء
رعد : مانتهى رح يصلح غلطه
مشعل: انت تعرف اتكلم عن شنو؟
رعد ابتسم: اي بيتك مارح يخترب
مشعل ابتسم وبعينه دموع: مادري شلون اشكركم والله غلطت بحقكم وايد وبالأخير أثبتوا لي انكم صج ناس الواحد يندم انه يخسرهم
بعد دقايق راحوا ودخلت زوجته حضنته وهي تصيح: الحمدلله على السلامه خوفتني عليك
حضنها مشعل: الله يسلمك ،بسم الله عليك
مريم وهي تدمع: والله اسف ع اللي صار امس
مسح دموعها : حبيبتي انتي ومعليه ادري مشاري كارهني بس والله اني احبك ولا اشوف غيرك
مريم رجعت تحضنه : اموت علييك
.. بعد مرور شهرين تزوج فهد وملك صقر ع روان ..
رعد قاعد بالصاله: والله الجماعه كلها بتتزوج شخبارك راكان؟
راكان: انا مالي بصداع الرأس
رعد: هههههه غاسل يدك
صقر: وانن حضرتك متى ناوي تعرس؟
رعد: والله شكلي بقرر اتزوج عشان يصير عرسي معاك بيوم واحد
صقر: اي تكفى ياليت
رعد: خذلك تحمس ذا
راكان: لا خلك رعود معاي
طلع نواف الغرفه بينام ودخل صقر ووراه رعد ..
رعد : والله تصدق صقر قررت اتزوج
صقر بفرح:احلففف
رعد ابتسم: بسك لا تتشقق بس
صقر: منو بتاخذ ها !
رعد يطالع نواف الي يسوي نفسه مشغول بالجوال ويسمعهم : بنت خالتي
صقر كشر :لا تقول دانه !
رعد: بفكر بمر ابوي الليل واكلمه بالموضوع
صقر: وبتملك علطول؟
رعد: اي بملك علطول والعرس اخليه بعد أسبوعين معاك
صقر: بس مو كنه بتستعجل البنت؟
رعد: لاعادي بوفر لها كل شيء ماله داعي التأخير
صقر: اللي تشوفه
رعد يرفع جواله اللي يتصل: اقول صقر روح استلم الغدا المطعم تحت
صقر غمز له: ابشر يامعرس
رعد: هههه انت محد يقولك شيء وطلع صقر اما رعد قعد ع جواله يطقطق فجأه يسمع صوت: بتتزوج؟
التفت لها وابتسم: ايه
طالعته بابتسامه مكسوره : مبروك
رعد: فيك شيء؟
نزلت دموعها: رعد بتم بروحي مع راكان هني؟
رعد : اي عادي العماره كلها فداك !
الجوري ودموعها ع خدها: انا تعبت من بعد مامات فيصل وانا طول الوقت ساكته مااتكلم كان املي الوحيد واللي مصبرني انت والحين بتتزوج وانا وين بروح؟
رعد قام وقعد عندها بالسرير : بحجز لك شقه بروحك واوفر لك سياره وكل شيء تبينه وخلاص اطلعي وعيشي حياتك ك بنت
الجوري نزلت راسها وتصيح: مارح تفهمني يا رعد عالعموم الله يوفقك وشكراً على كل شيء قدمته لي
رفع راسها ومسح دموعها : الجوري ماحب اشوف دموعك
الجوري : لاعادي تعودت انها تطيح فقدت هلي بعدين اخوي بعدين فيصل وكان املي انت والحين خلاص مالي احد عادي اصلا رجعت يتيمه من جديد ماقدر يتحمل وحضنها بالقو وهمس بأذنها: اسف والله ولك اللي تبينه امري
ابتعدت عنه: مابي شيء عيش حياتك وموفق بزواجك
دخل صقر : رعد نواف يلا انزلوا تغدوا
رعد: تمام جايين والتفتت لها غسلي وجههك وتعالي تغدي
الجوري: مالي نفس بنام
رعد بحنيه: يلا عشاني لاترديني
قامت وحزن الدنيا كله فيها غسلت وجهها ونزلت مع رعد يتغدون  ...
                     ....... العشاء .......
رعد قاعد مع امه وابوه : يما يبا بكلمكم بموضوع
ام رعد: قوله؟
ابو رعد: سم؟
رعد : ابي اتزوج
ام رعد بفرحه: والله يافرحتي فيك الحين ادور لك احسن البنات
ابو رعد بنفس الفرحه : والله وكبرت ياوليدي الساعة المباركه
رعد ابتسم: لا يمه البنت موجوده
ام رعد: من هي ؟
رعد : ####
ام رعد: من هذي من بنته؟
رعد: بنت ### بس يمه هي يتيمه
ام رعد: لايمه مستحيل تتزوجها شبيقولون رعد يتزوج وحده يتيمه
رعد: يمه انا غيرها مب ماخذ
ابو رعد: بس مايصير يارعد انت البكر نبي نفرح فيك عدل تاخذ يتيمه
رعد : وليه ماتوا اهلها برضاها؟
ام رعد: رعد انت فاهمني
رعد: يمه كلامي واضح انا بتواصل مع اقاربها وبخطبها منهم وبعقد بعد الخطوبه بيومين والعرس بعد أسبوعين
ام رعد: وشهوله العجله ياوليدي زين؟؟
رعد: ابي مع رفيجي صقر اعرس
ابو رعد: الله يهداك خلاص اللي تبيه
رعد ابتسم بنصر : مشكورين
ام رعد: وين بتنام؟
رعد: بنام اليوم هني وبكره الصبح بحرك الجامعه
ابو رعد: موفق الله يكتب لك الخير وين ماتروح
رعد: امين يبا قام وراح لغرفته تنهد براحه وشاف الساعه 8 تردد يتصل ولالا بس اتصل : هلا ... معك رعد ال .... الشرف لي .... والله عمي ودي اخطب ### منكم ... الشرف لي ... لاعادي مافي مشكله ... بس عمي اذا وافقت ابي علطول املك ... اي ... ماتقصر تسلم ... السموحه اتصلت بهالوقت ... تسلم ... يلا عن اذنك ... سلام سكر وتنهد ينتظر الخبر وغمض عيونه ونام ....
                ...... بعد مرور يومين ......
كانوا متجمعين بالصاله ..
رعد: شباب احس الجو يبي له روحه للبر
صقر: اقدم واحنا وراك
راكان: اي والله يبي لها شبه نار وجمر
رعد التفتت ل نواف: ها نواف شرايك؟
نواف: اللي تبونه 
رعد: خلاص شباب قوموا نجهز مابقى شيء ع المغرب خل نتحرك من بدري
مشاري: انا حاجز تذكره مسافر لندن باقي ساعه ع الموعد
رعد: من متى حجزت؟
مشاري: صار لي اسبوع
رعد: وليه ماتكلمت؟
مشاري قام : مب مهم المهم مع السلامه وطلع خذا شطنته وسلم عليهم وراح المطار
                  ......... في البر .........
كانوا يلعبون مباراه كره طائره ونواف كان قاعد صوب الحطب يدفا مع سيف جاء نواف اتصال ودخل الخيمه وانتبه لوجود رعد ورد : الو ... هلا خالتي ... لا فاضيه ... اي؟ ... تقدم لي؟ ... اي موافقه ... مو مستعجله بس ابي اطلع من المكان اللي انا فيه ... لاعادي خالتي ... قوليله البنت موافقه ... لا مابي أسال عن شيء ... اي عادي عندي ... ان شاء الله ... يلا على خير ... باي سكرت وسمعت صوته من وراها: انخطبتي؟
طالعته بنظره حزن: ايه
رعد : ليه وافقتي علطول بدون لا تسألين عن الولد ماتدرين يمكن شين يمكن يأذيك؟
الجوري: ماهمني ابي اطلع من هالمكان
رعد: ليه في حد مضايقك؟
الجوري: لا بس تعبت نفسيتي مااحس اقدر امارس حياتي مافي احد اقدر أسند عليه اقدر اتكلم اعبر عشت بالصمت وايد تعبني الصمت !
رعد: ورضيتي باللي تقدم لك علطول هل واثقه انه بيصير لك كل ذي؟
الجوري : مو مهم تعلمت اكون بروحي
رعد تنهد : براحتك وقام تاركها طلعت من الخيمه وقعدت ورا تفكر شلون بترجع نفسها القديمه وكانت واثقه انه رعد يحبها لكن انصدمت يوم سمعته قال بيتزوج وردة فعله البارده اتجاه خطبتها فتأكدت انه مايبيها ولا يفكر فيها قعدت بحزن تفكر بأهلها بأخوها ب فيصل ب رعد اللي كلهم تخلوا عنها ومابقى لها أحد ..
بعد مرور اسبوعين جاء وقت عرس رعد وصقر
رعد يبتسم ل صقر وهو يبخر له ثوبه : ماتخليت عنك لآخر لحظه شفت حتى عرسنا مع بعض
صقر ابتسم: الله يخليك لي ولا يحرمني منك
رعد بابتسامة: امين
طلعوا بسياراتهم ورعد سلم راكان مفتاح البيت ووصاه انه هو المسؤول عن البيت بعده
دخلوا للقاعه وكانوا قاعدين يرقصون بالسيف
             ....... في قاعه الحريم .......
كانت الميك اب ارتست تحط لها المكياج وتعيده لانه دموعها تخرب المكياج: ممكن ماتعيطي يابت المكياج هيخترب والبتاع ماتتوتريش رفعت جوالها واتصلت على رعد وعيونها تدمع : الو
رعد باستغراب: شفيك تصيحين؟
الجوري وهي تدمع: اليوم عرسي ومابي اتزوج
رعد : وانا شنو اسوي يعني؟
الجوري بحزن: مادري سوي أي شيء
رعد: الجوري اسمعيني انا اليوم بعد عرسي مابي اخرب فرحتي وازعل مرتي اني اكلم بنت ف الله يوفقك وان شاء الله مااكون ضايقتك بيوم
سكرت الخط بوجهه من القهر وقامت غسلت وجهها من دموعها اللي مارضت توقف ماتوقعت انه بيخذلها حست الدنيا كلها قفلت بوجهها طلعت من الحمام وتنهدت وارضخت للامر الواقع وقعدت ع الكرسي وخلت الميك اب ارتست تعيد المكياج بعد ماخلصت دخلت ام العريس : ماشاء الله شنو هالجمال يالجوري اخاف على ولدي يصير له شي
ابتسمت بتسليك وبداخلها حزن : شكرا
ضمتها : انتي نفس بنيتي لاتخافين ولا تتوترين صدقيني ولدي مارح يقصر معاك وهو كان يحن علي مايبي الا انتي
دخلوا جواهر وساره: ياهلا بالعروسه ياهلا
ابتسمت بتسليك : اهلين فيكم
ام العريس: بنات خلوكم معاها ونسوها انا بروح اشوف المعازيم قعدوا وغيروا جوها لين هدت وبعد ساعه قالوا لها تنزل للقاعه ...
دخلت القاعه وكل الانظار كانت عليها ويمدحونها
ام العريس همست للجوري: المعرس مارح يدخل
تنهدت الجوري: تمام
وقاموا البنات يرقصون ويسلمون عليها ويباركون لها كانت الجوري تتأمل القاعه همست لها ام العريس: يلا روحي غرفه التصوير
الجوري مسكتها: تكفين مابي اتصور
ام العريس بصدمه: لازم هذا اهم يوم
قامت الجوري ودخلت لغرفه التصوير وعينها ف الارض قعدت ع الكرسي ودخل زوجها وابتسم لما شافها باس راسها وقعد حذاها وكانت ام العريس واقفه مع المصوره بدت المصوره تصور بس الجوري كانت رافضه ترفع راسها بعد معاناه قام زوجها : انا بروح السيارة طلعوها لي وطلع
لبستها امه العبايه بمساعده جواهر ورفيجتها ساره ووصلوها لين الباب وركبت السياره وهي متوتره وخايفه مشت السياره ولازالت منزله راسها ..
...: لو تشدين حيلك شوي راسك طاح بالارض
التفتت له باستغراب وبصدمه: رععدد !!
رعد ابتسم: بسم الله وش فيك اي رعد ؟
الجوري بقهر: انت شنو تبي حتى بليله عرسي توصلني مو قلت لي مو فاضي وعندك عرس ولاتكلميني !!
رعد : زوجك دق علي قال سيارته اختربت واوصلك للبيت
الجوري بصدمه: يعني شنو عادي عنده اطلع مع رجال غريبب؟؟
رعد: مادري
مشى ووقف قدام بيت التفتت له: هذا مو بيتك؟
رعد: أجرته لواحد ومن حسن الحظ طلع زوجك
تنهدت ونزلت من السياره ونزل وراها رعد فتح الباب طالعته باستغراب: الحين شتبي تدخل معاي؟
رعد: افتح لك الباب بس
الجوري دخلت: تقدر تروح لزوجتك الحين
رعد ابتسم : تمام
دخلت الجوري وقعدت بالصاله بعد دقيقتين سمعت باب البيت ينفتح وتوترت لانها ما سألت عنه ولا حتى تعرف اسمه ولا اي شيء عنه كانت منزله راسها وتفرك يدها حط لها ورد بيدها وكان داخل الورد خاتم الماس وباس راسها وقعد حذاها وبطل الخاتم ولبسها وباس يدها توترت منه وسحبت يدها علطول رفع راسها له وابتسم
الجوري بصدمه ونرفزه: رععدد !! خلاص شجايبك
رعد بضحكه: ههههه صدق غبيه انا زوجك !!
الجوري بصدمه: انت زوجي؟؟
رعد وهو يضحك: ايه انا
الجوري دمعت :شلون؟؟
رعد مسح دموعها: لالالاا خليني اتأمل الجمال لاتخربين المكياج
الجوري حضنته : ماتوقعتك ابد بتتزوجني
رعد حضنها اقوى وتنهد: مارح اخليك يتيمه مرتين انا ببقى معاك مثل ماوعدتك قبل
الجوري تنهدت بفرح : ليه ماقلت لي انك خطبتني كنت اظن انك وسكتت
رعد بابتسامة: شنو تظنين؟
الجوري:حسبتك خلاص كرهتني
رعد ابتسم ومسك يدها: انا من اول يوم شفتك فيه حبيتك وكنت اتمنى معجزه تصير وتكونين بنت ولما دريت انك بنت كان مو الوقت المناسب اني اتقدم لك حاولت اسوي كل شي عشانك بس انصدمت بعدين باعتراف فيصل لك ف ابتعدت عنك وقررت انساك ومااهتم لين ماتوفى فيصل ماقدرت اخليك وحبيتك اكثر من كل مره بس كنت خايف ترفضيني لانك تعلقتي فيه والحمدلله هذاني اليوم نصيبك وماسك يدينك
دمعت الجوري وحضنته : اسفه والله
همس بأذنها: احبك
الجوري : اموت فيك
رعد وخر عنها: ماودك نغير ملابسنا ونتعشا؟
الجوري ابتسمت: يلا ؟
رعد: خلاص روحي غيري وانا بنتظرك هنا
راحت للغرفه بس ماعرفت تفتح سحاب الفستان وتوهقت ماعرفت شتسوي قعدت بالسرير استغرب تأخرها رعد وفتح الباب  انصدم انها ب فستانها: ليه مابدلتي؟؟
احمر وجهها وسكتت فهم رعد وابتسم وابعد شعرها اللي واصل لين نص ظهرها وفتح السحاب وباس رقبتها : تبين اكمل؟
الجوري ووجهها احمر: رعدد خلاص انا بكمل
رعد : هههه ياعمري اللي استحت وطلع انتظرها تخلص غيرت ملابسها ولبست ملابس النوم وغسلت وجهها من المكياج وحطت كريم للبشره خفيف ومرطب وخلت شعرها مفتوح وحطت عليه عضاضه بالنص وفتحت الباب توترت من لبسها القصير شافها رعد صفر وابتسم: لا لالاا انا ماصدق الصراحة وقرب منها ومرر يدينه على خصرها هالجسم كله مخفيه ثوب وباس شفايفها والخخخ ..
             ...... في فله ثانيه ........
صقر حاضنها من ورا: اخيرا صرتي نصيبي
روان مسكت يده : ماتوقعت اني باخذك بيوم
صقر باس خدها: ياعمري والله من يوم شفتك بالمستشفى مارضيتي تطلعين من مخي
روان بحياء: ههه عمري انت
ابتعد عنها وسحب الكرسي : يلا تفضلي نتعشا
               .... في العماره ....
كان قاعد بروحه مو عارف شيسوي من الملل ماتخيل انه ربعه كلهم بيتزوجون راكان :ياربي حتى نواف محد مشاري راح محد اقدر اقزرها عليه طلع من العماره وقفلها وراح ل بيت أهله
             ..... بعد مرور 5 سنوات .....
قاعدين يلعبون بالحوش ويركضون وكانت حاطه راسها ع كتفه : رعد احس غلا شبهك
رعد: عشان ل شفتيها ماتنسيني
الجوري: بسم الله عليك ماني ناسيتك
قيس: باباا توفف هلا عد ددي(بابا شوف حلا عضت يدي)
رعد باس يده: حافظ عليك حبيبي ونادى حلا
جات مبوزه : ليه عضتيه بابا؟
حلا : هو بدأ ماخلاني العب
رعد: حبيبي حلوي انتي اكبر منه خليه بحاله
حلا : طيب وراحت تلعب
الجوري: الحمدلله على اللي جمعني فيك
رعد: حبيبتي انتي والله  وباس يدها
      .......... الاحداث اللي صارت ..........
-ولدت الجوري من رعد وجابت بنتين وولد
حلا عمرها 5 سنوات
غلا 4 سنوات
قيس 3 سنوات
-اما صقر جابت له روان تؤام ورد ورغد عمرهم 4 سنوات ويحبون يلعبون دايم مع حلا وغلا
- اما عزام جابت له ميار بنت وولدين
ثنيان عمره 6 سنوات
ملاك عمرها 4 سنين
بندر سنتين
-اما فهد جابت له جواهر بنت وولد
راجح 4 سنين
غدير 3 سنين
-اما سيف متزوج من نوره عنده 5 عيال
فجر بنت خالد 10 سنين
خالد ولد سيف 8 سنين
حور 6 سنين
جابر 4 سنين
نوف سنتين
-ختامهم مشعل من مريم ولدين وبنت
عهد 6 سنين
ريان 4 سنين
خليفه سنه
-حمد كان يزورهم بين فتره وفتره
-راكان مارضى يتزوج ولا فكر وصار من اكبر التجار ومشهور عالمياً
-مشاري سافر للندن وضاع بالفساد واتجه لطريق مايرضى لا دينه ولا رسوله
           ............ نرجع للروايه ............
كانوا متجمعين بالعماره كل واحد مع عياله ..
فهد: هههههه الله يالدنيا كنا احنا اللي ننطاق مع بعض والحين هاليهال تارسين المكان
رعد وحلا قاعده بحضنه: هههه شفت شلون
عزام ببراءه: والله وحشني نواف ماعاد درينا عنه خبر طلع مع عرس صقر ورعد ولاعاد له حس
رعد يحاول يخفي غيرته: ايه سافر وتزوج برا
صقر: اوه ماشاءالله الله يكتب له الخير
رعد: اي امين
ملاك تصيح عند عزام : بابا حبيبي شفيك تبكين؟
ملاك وهي تبكي:جبوري مايلعب معاي
عزام: انا مبتلش قبل بسيف والحين طاحوا عيالي على عياله
صقر: هههههه من زود المحبه
سيف: يحصل لك بس ولدي يحب بنتك
عزام: لا تكفى لايحبون بعض نبي نجدد نسل
فهد: ههههههه حرام عليك
سيف: انا اراويك ياعزام
بعد ساعتين من قعده السوالف قاموا وسلموا على بعض كل واحد خذا عياله ورجعوا لبيوتهم ..

ف في الختام " لاتثق في البدايات ف النهاياتُ هي من تكشفُ لنا الحقائقُ المخفية "
الحمدلله انتهيت من كتابه راويتي
" حرقه القلب وش يهديها " من بعدِ ثلاثِ سنين والرواية تحكي الكثيرَ من الحكاياتِ الواقعية وبعض الخيال وأتمنى أن يعتبرُ البعض منها لطالما كتبتها باللهجه العاميه حتى يتعظُ الجميع ويحذر في حياته .
الكاتبة: ميمونه بنت باحباره
حسابي في التويتر أو x :
119joal
"ولاتنسون تعليقكم عن الروايه واكون شاكره لكم♡"