نيران حره

البارت الرابع

اکو ناس
اطيوفهم تگعد ابراسك
مثل خرخاشه ابحجل

سعيد الشريفي

ـــــــــــــــــــــــــــــــــــــــــــــــــــ
بعد مده من زمن...

حره  :  واكفه بنص القاعه بفستاني الچويتي الي راهم وي بياضي  وشعري ومكياجي الخفيف الي الحمد الله ما ضيع جمالي وبرز ملامحي اكثر  وگبالي اجمل واغرب قصه حب انتهت بزواج وسعاده وادعي من كل كلبي ربي يسعدهم ويتمم الهم على خير واني واكفه وصافنه على حسين اخوي الي اليوم طالع اجمل عريس بلدنيا فززني حسن من سحلني وياه  حتى يسلم عليهم لان حسن بطبعه يسحتي يسلم علينه حتى بالاعياد والمناسبات يستحي  رحنه سلمنه على حسين ومرته الي طالعه گمر  يعني فعلا لايكين البعض.
حره:  حبيبي حسوني الف مبروك يروح اختك وانشاءلله انشوف جهالك حواليك عمري.

حسين:  بعد عمري يا احلى واحن اخت بلدنيا يوم الج وافرح بيج. 
حره:  حسين احلام العصر عوفهه اليوم عرسك صحصح هههه

حسين:  بطلي افكارج واني ابطل احلامي 

حره:  ضحكت وسلمت على زوجته كلشش حبابه وحلوه
حمد الله كمل العرس  ب احسن ما يكون وزفينه حسين وعروسته للفندق ورجعنه للبيت  نمت على وجهي من التعب.
ـــــــــــــــــــــــــــــــــــــــــــــــــ

حسين:  شعور وانت ماخذ الشخص الي تحبه والي تحلم تكمل حياتك وياه ما ينوصف وخصوصا بعد تعب ومعناه. ورفض دام اشهر حتى وافقو شفتهه وهيه لابسه الابيض وعيونهه الحلوه الي سرسحت كلبي وياهه  ما ابالغ اذا اكلكم عيوني دمعت لان اني جنت الصلب الي ما اثق بشي اسمه حب بس من شفت عيونهه ونزاكتهه  تراجعت 

زفونا للفندق وعشنا اجمل. احلى ليله بالعمر وثاني يوم مباشرا سافرنا لغير محافظه(  ازمير) وضلينه اسبوع كامل احلى ايام واحلى سفره جانت بحياتي
كاعدين اني وحبيبتي وزوجتي وعمري وكل دنيتي

حياه:  حسين شلون حبيتني يعني اقصد شنو شي الواو بيه خلاك تحبني وتتمسك بيه لدرجه 3 مرات رفضو اهلي وبقيت متمسك بيه

حسين:   شوفي احنه العراقين  طبعنا اذا حبينا نتمسك بالشخص الي نحبه لحد الموت واني حبيتج من كل كلبي وطلبت من رب العالمين واهل البيت والحمد الله  هسه احنه سوه صح لو لا 

حياه:  عمري انت صح بس انت ما جاوبتني عاى سؤالي؟؟
حسين:   سواد عيونج ورمشت عينج الي طيرت كلبي وعقلي  وكمت ما اشوف دربي من وراهن صوتج الي احتل كلبي واتربع بي  
رغم شايف بنات بكد شعر راسي بس بحياتي ما صفنت بعيون شخص مثل ما هسه صافن بعيونج ما اشبع منهن  .

حياه:  عمري انشاءلله نبقى طول العمر سوه ويصير عدنا جهال يشبهونك 

حسين:  امين...  كومي نتمشى شوي  تعبت من الكعده 
ـــــــــــــــــــــــــــــــــــــــــــــــ
العــــراق