نيران حره

البارت الحادي عشر

‏يلشعرك مليل حل حلال الخل
وطول واهسك للواهسه مخيل

عريان السيد خلف
ــــــــــــــــــــــــــــــــــــــــــــــــ

حره:  صافنه واباوع من جام السياره على المناظر الحلوه والبساتين والنخل وجمالهن الى ان وكفت سياره يم بيت جبير وباب البيت واكفين عالم هوااي شباب وكبار وكفنا نزلت وانا شفت حسن واكف شوي مسافه عن سياره وانا احس ما شفت احد غيره نسيت العالم نسيت الولد الي واكفين اريد بس اوصل واحضنه ركضت كبل حضنته وانا ابجي هوه يبوس بشعري ويكول مشتاقتلج
حره:  فدوه لكلبك انا  اكثر والله شلون صحتك
حسن:  الحمد الله صحتي زينه وطاك كلبي عليكم 
حره:  امي وين مشتاقتلها
حسن:  جوه يم نسوان امي تعاي سلمي على عمي وجدو وبعدني دخلي
حره:  مشيت وياه وهوه لامني تحت جناحه دخلنه جوه للديوان ( استقبال)  لكيت حسين كاعد يسلم على جدو واسمع صوت حسن يكل لجدو هاي الحلوه الي خبصتنا بيها
  اباوع لعيونه وسبحان  احس اجتمع بيهن القوه والحب  والحنان  كلهن سوه فتحلي ايده وحضنته وبست ايده وهوه باس راس كدام انظار الكل هاذا شي زادني فخر وعزه سلمت على عمي و عمي يكل لبابا هاي بنتك تجديد نسل لعائله حجي ريسان وجدو كاله هاي احلى احفادي كلهم جان يصيح واحد من الشباب الي موجودين  صاح من ولدك وبناتك لو بس ولدك كله جدو ثنيهم وكلهه خربت ضحك والي فهمته هاذا ابن عمتي الي كال هيج وبعدين جدو صاح روحي جدي سلمي على امج. عماتج طلعت واني كلبي يدك سريع مشتاقه لامي اريد احضنها اريد اشمها واشبع منها دخلت واول ما دخلت اجاني صوتهه لحنون وهيه صيح هلا بنيتي وركضت حضنتها وشميتها وضلت تبجي ابتعد وامسح دموعها يمه شسالفه تفرحين تبحين تزعلين تبجين هسه مو هل يمج مابيه شي
ريحانه:  يمه طك كلبي عليج شلون صحتج ليش هيج ضعفناه ما تاكلين ادري بيج

حره:  يمه مابيه شي حمد الله صحتي زينه
دجله:  تعاي بعد عمتج هاي امج ما تنطيه مجال نشوفج اني عمتج دجله وهاي عمتج هيام

حره:   سلمت عليهن وسلمت وعرفتني على بنات كلهن حبابات وسلمت على بيبي وكعدت تنعى كل ساعه صاحت هلا بيج نورت بعد بيبتج وروحها احس من تحجي هيج انترس طاقه ايجابه وكلبي ينشرح كعده ولمه حلوه بين الاحباب تشرح الكلب وره شوي صار الغده رحت للمطبخ حتى اساعدهم المشكله البيت جبير تيهت مدري منين طلعت بره للساحه المطبخ منين ما ادري بعدني اريد ارجع سمعت صوت باب الاستقبال انفتح وطلع شاب  مرتب وحلو الصراحه تلفونه على اذنه يخابر  ما عرف شلون اجت عيني بعيني هوه تلعثم حتى ما عرف شنو يحجي اني ركضت دخلت جوه لكيت بت عمتي نور تمشي صحت عليهه نووور

نور:  هاا حبي
حره:  اكلج انا تيهت المطبخ وين
نور:  ههههه صراحه حقج البيت الجبير يتيهه تعاي ويا عمري انا ادليج
ححره:  اخذتني سوتلي جوله كامله للبيت وحتى طلعتني الحديقه تخبلل وكلششش جبيره ولكيت نفس الولد واكف هناك هوه شافنه عبر من يمنه كال سلام عليكم ردينا السلام وراح ضلينه احنه نفتر ونسولف سألتها كلت الها هاذا منو الولد
نور:  هاذا ربيع ابن خالتي دجله
حره:  اهاا  الله يحفظه امشينا نرجع نساعد البنات عيب
نور:  يلا امشي عود العصر نطلع البنات كلنه نكعد هنا نسولف
حره:  ماشي
كملنه غده وسوالف وضحك ما تنمل وساعدت البنات ب الاماعين وبالكوه ما قبلن  اخير شي عطت بيهن
حره:  ادري شنو انا خطار وهيج ما تخلوني اساعدكم
عبير:  حبيبتي البيت بيتج صدك جذب بس انت بعدج توج جيتي من سفر اكيد تعبانه ارتاحي وبعدين وين يروح الشغل وراج وارج 
حره:  كملنه الاماعين وطلعنه للحديقه بس البنات اني وجوري ورهف وعبير بنات عمي ونور وغصون كلنه التمينه وسوالف وضحك اخير شي جدو عاط كال تعالو كلكم اجتمعو يمنه رحنا سوينه چاي وكعدنا بالدوانيا تفاجئت من جدو هيج سوه فسألت نور
حره:  نور يعني عادي تلتمون كلكم شباب وبنات بمكان واحد اني الي سامعه العراق بلد محافظ وتحديدا الجنوب والعشائر
نور:   صح محافظين بس جدو من النوع الي يحب يجتمعون ولده وبناته واحفاده كلهم يمه يكول من تجتمعون احس عمري يطول
حره:  عمري جدو الله يحفظه
نور:   امين بس لو تشوفين جدو من اجه خالو احمد خطيه اول مره اشوفه يبجي سوده عليه كلبه تعلعل من فراك خالي
حره:  الحمد الله اجتمعو ب الاخير المهم باعي انا ما اعرف احد شسوي
نور:  ولا يهمج انا اعرفج بيهم كلهم بس سؤال واحد هوه مو سؤال سؤالين في سؤال واحد
حره:  هههههه هاي شلون ضبطت وياج بلا 
نور:  كلشي يضبط مالج دخل المهم شعرج ليش هلكد طويل وشعجب ما محجبه وعطرج يا نوع موتيني من جيتي لحد هسه  بخشمي يخبلل
حره:  لا هاذا غش هاي ثلاث اسئله بس راح اجاوبج شعري طويل لام استخدم زيت الارگان صار سنين ومن صرت لحد هسه ما كاصه منه فقط الاطراف يعني مهتمه بي والحجاب من اقتنع بي اتحجب وعطري لو تموتين ما انطيج اسمه

نور:  يا خبيثه خوش يا خبر بفلوس باجر ابلاش  امشي نفوت يلا البنات كلهه راحت واحنه نسولف

حره:  دخلنه انا ونور وماشاءلله كلهه مجتمعه كعدنا على صفحه دحست روحي يم نور توني كعدت وصاح عليه جدو

شيخ ريـــسان:   تعاي جدي تعاي حذاي ( بصفي اويمي)  

حره:  نظرات الكل توجهت اليه وانا ياكاع نشكي وبلعيني  باوعت النور الثوله دفعتني تهمس اليه روحي جدو ما شايفج روحي 
رحت كعدت يم جدو حظني تحت جناحه ما اجذب اذا اكلكم من دفو والحنان الي حسيت بيهن غفيت اله شويه وباوعت الشباب شي يباوع صفح شي ما عاجبه شي يباوع ويستغفر عبالك يمه شيطان  بس ربيع باوعلي بنظره عجزت افسرهه وره شويه كمنه جهزنه العشا وصبينا لزلم بحد ونسوان بحد فـ من كملنه اجو الولد ينكلون جوري صاحت عليه ترسي هاي صلاحيات ماي وديهه الهم ترستهن وطلعت وكفت بالحوش اريد واحد يوخذهن ماكو طاحت ايدي ردت ارجع للمطبخ طلع ربيع  والجكاره بحكله من الديوان شافني واكفه سألني

ربيع:  خير محتاجه شي

حره:   هاذا الماي!!
ربيع:   انطيني اياه شكراا
حره:  اخذه من ايدي وباللغلط ايدي طخت بأيده توتر اول مره هيج يصير وضلين صافنه احس جسمي كله خدر فزيت من دخان الجكاره خنكني ضليت اكحح
ربيع: اسم الله  بيج شي احجي
حره:  يعني نرفزني انا مختنكه ويكلي احجي  انطاني ماي شوي راحت الخنكه عطت بي ادري اني مختنكه تكلي احجي شلون بلا فهمني
ربيع:  صوتج يول لا تعيطين وانتبهي انتي بالعراق مو بتركيا ياريت تلتزمين حدودج وتعرفين شلون تحجين وتتعاملين بهدوء واسلوب
حره:  عافني وراح دخلت جوه عصبيه وفايره راح اطك حتى عشا ما اكلت عدل ساعدت البنات كملنه شغلنه راسلت بابا كلت اله يلا بابا خل نروح تعبانين نروخ انام وحياه هم مو زين عليهه تعبت هوااي اليوم دقايق واجه حسن صاح يلا امشو للبيت سلمنه وطلعنه نتمشى للبيت لان مسافه عن بيت جدو متحمسه اريد اشوف بيتنه لجديد وغرفتي وحسين مرته كالهم بابا بيتهم بصف بيتنا وحسن هم بس بيته مقفول لمن يزوج ينتقل  بابا حساب لكلشي حساب  لازمه بيد بابا ونتمشى وامي تحجي على ابوي اتگله ايي اجت بنتك بعد ريحانه بيش كيلو الفرحه الي احسهه وانا وعائلتي كلهه نتمشى والدنيا ما سايعتنه من الفرح  وصلنه  يم باب البيت جان اشوف....................

يتبعع

شنو تتوقعون راح يصير بالبارت الجاي نااا🔥

بقلمي
نـــــرجـــس الماجدي