نيران حره

البارت العشرون

حتـى الــور مرات هم عده وجـــــهين
مره بعـــرس تلكــاه  

مره على ميـتين
_________________________

حره: نصدمت واني اشوف الشاب الي تعاركت وياه بالمستشفى شيسوي هنا وره ساعه من الضحك والسوالف والجاي والكهوه وانا كاعده على نار اريد اعرف هاذا منو وشعده هنا وره تقريبا شوي كلهه راحت طشت بقى بس على اساس العريس وجدو وابوي صاح عليه ابوي كال تعالي شوفي لولد ويشوفج بس شرط بوجودنه
دخلت وياه كلت سلام عليكم. رفعت راسي ونصدمت من شفته هوه نفسه العريس بقيت جامده بمكاني حسيت جسمي نشل من صدمه انا وياه بلمستسفى وتعاركنه لا اسلوب حلو لا اخلاق لا احترام وفوكاهه يكولون ابن شيوخ فزيت من صفنتي صوت جدو وهوه ينادي بأسمي

شيخ ريــسان:  بنيتي حره هاذا لولد وانا مو كدامه اكول اهله والنعم منهم صاحبين واجب وكفاتهم ما تنعد
حره:  اعتقد احنا متقابلين سابقاا
حامد:  بس جانت عركه مو لقاء
حره:  اممممم عن اذنكم
طلعت وانا اغلي نار شنو قصده بهاي الحركه عود جاي ياخذ ثاره ويستعبدني نجوم السما اقربله وره شوي طلع دخلت لديوان
حره:  جدو من رخصتك انت وبابا بس انا ما موافقه لو اموت ما اوفق على هاذا المتخلف وماعنده اخلاق
شيخ ريــسان:  خيرج جدي شصاير
احمد:  شصاير بنتي على كيفج
حره:  بابا هاذا مره اجه للمستشفى جده جان مريض بوقتهه كلب المستشفى كلاب. يعامل الناس كلهه عبالك عبيد عنده وكلهه ما تفتهم وهوه اليفتهم واخلاقه. واسلوبه سز حتى تعاركت وياه لحد هسه اذكر كلمته يكلي زعطوطه وتردون واني اعرف ليش اجه يخطبني شاف روحه نهان ونذل مني وكدام العالم يريد يطلع حقه مني وينتقم مني بس نجوم السما اقربله
شيخ ريسان:  ليش ما كلتي من زمان جان طيحنه حظه الج
حره:  لا جدو ما يتسوجب وبعدين انا كلت لان جده مريض تفهمت موقفه بس هسه انا متأكده سوه هيج حتى ينتقم مني
شيخ ريسان:  يخسى يوصل لشعره منج وانا موجود هاي هيه جدي دام ما مرتاحه يجرالج نكلهم ماكو نصيب وهاي هيه

حره:  ركضت بست ايد جدو وراسه
فدوه لكلبك جدو ربي يحفظك ويطول عمرك
شيخ ريسان:  بعد جدج وكلبه جم حفيده عندي انا
احمد:  الله يحفظك بويه وتعذر من الشيخ هم خاف ياخذ على خاطره
شيخ ريسان:  لا تره حتى الشيخ واضح علي جاي غصبا عليه وما مرتاح للشغله انا احجي وياه اهم شي حفيدتي مرتاحه والزواج قسمه ونصيب وانشاءلله خير
احمد:  انشاءلله بويه يلا ام حسن يلا بويه حره امشونه نروخ تأخر الوقت
حره:  ودعناهم وطلعنه واحس مرتاحه لان جدو قبل وما غصبني نمت نومه عميقه ثاني يوم كعدت صبح مرتاحه سويت ريوك تريكت ولبست بنطرون اسود وقميص احمر ومكياج بسيط وجنطه وحذاء دوم احب البسهن اسود وكعدت ساعه اتوسل ينطوني سياره ماكو اخر شي رضيت بالامر الواقع. بابا وصلني للمستشفى
احمد:  ديري بالج بابا واني ارجع عليج وانتبهي لجرحج واي شي يصير اتصلي عليه ماشي بابا
حره:  بسته بخده صار يا احلى بابا بالدنيا نزلت وبوجهي لغرفتي والدكتورات فرحانات لان رجعت لدوام بس اني عيوني ادور على محبوبهه الي طاك كلبي علي حتة اشوفه معقوله مت يدري بيه اليوم داومت رحت لغرفتي. وباشرت بدوامي ورتيني وي المرضى والمشكله اكو مرضى يتفاعلون وياك ويساعدونك واكو بيهم عناد وفضول وما يردون يبقون بالمستشفى تعبت نزلت شوي بالحديقه وانا كاعده نمدت ايدي وكلاص كهوه وعرفته من الشامه الناعمه الي تزين اصبعه ابهامه
حره:  شكرا والله بوقتهه
ربيع:  عفوا بس السلام لله تره
حره:  هههه اسفه والله شلونك ربيع
ربيع: الحمد الله نورت المستشفى
حره:  بوجودك تسلم
ربيع:  يي شلونه جرح شلون صرتي
حره: افف تره جرحي طاب وراح وانتم بعدكم معلكين بي
ربيع:  تره طلقه هيه مو هينه وعود هاي انتي دكتوره وهيج تحجين الناس العاديه شتكول بلا
حره:  شوف انا وياك بس انا عندي نظريه اذا شي بقيت الح عليه واريده ما يصير اذا اهمله يصير زين ف جرحي كذالك اريد انساه واهمله وانتم تذكروني حتى على كولت محمد شلون اتخطى
ربيع:  يعني تكابرين
حره:  خل نكول هيج بس تره جديات صرت زينه والله المهم اكلك تجي باجر للخطوبه غير
ربيع:  يي
حره:  امممم وكرار اخوك يجي مو
ربيع:  تره كلنه نجي ليش حددتي كرار
حره:  شوف بما ان انت صرت صديقي وتجمعنه نفس المهنه اريد كرار بشغله بس ما راح اكلك بيها تعرف اسرار اخويه ههههه
ربيع:  ااخخ يلساني كومي خلصت الاستراحه
حره:  اوووي صاير ما يتشاقه اصلا صوجي اشاقيك وانا عود فرحانه متحمسه لدوام حتى اشوفك صوجي بالله وره شوي صارت عندي لحظه ادراك على جفصتي وربيع ضا مصدوم والابتسامه شاكه حلكه
ربيع:  شنو
حره:  قصدي يعني اشاقيك واسولف وياك لان اقاربي ومتعوده عليك. عندي ميانه وياك هنا بلمستشفى
ربيع:  شلون وي جفصاتج الي تشعل كلبي وروحي سوه
حره:  لا جد صاير مليق انا رايحه اكمل شغلي يلا باي دكتور ربيع
ربيع:  في حفظ الرحمن
حره:  ركضت المستسفى وهفي على وجهي شهلجفصه يربي ما اضمن روحي بعد جفصه جفصتين وابعرها واكله احبك حتى يسوني دوشك رزايل طردت الافكار من راسي وكملت وي المرضى كملت واتصلت على بابا يجي ياخذني اجه بابا ومريت بطريقي على محل مكياجات شتريت كم شغله لباجر
وصلنه للبيت لكيت امي وحياه كاعدات يسولفن بدلت ملابسي وكعدت يمهن شوي سولف وجاي كعك كمنه بلشنه بالعشه شوي ودخل حسن
حسن:  السلام عليكم يا قوم ولو زعلان منكم بس يلا السلام لله
ريحانه:  وليش زعلان اسم الله
حره:  زوجو وهوه يرضى عليكم
حسن:  اموت على اليفتهم ويعجبني عقلك ابو الحر
حره:  عيععع شنو هاذا الاسم
حياه:  لا حسن خويه على بختك خل اجيب. واطلع الاربعين نوب سوي العرس عفيه
حسن:  شنو جاا كولي عنست اذا على هاذا الحجي
حره:  تره شهر شيقدم وشيأخر
حسن:  عيني شهر هاي اسمي انت تجيبن منا خل يطلع الاربعين ها خل يزحف ها سنونه ها خل يمشي شوي ها خل يكبر منا لمن زط بط تحبلن مره ثانيه وعلى هاي الرنه شوكت ازوج عيني
حياه:  هههه حافظ سوالف نسوان كلهن
حره:  هههه يعجبج
حسن:  اكلج صدك حياه شنو ماعدكم بيت يوميه جايه تتعشين يمنه انتي ورجلج
حياه: عزاا عود انا ازامط بيك اكو حسن اخوي ما يقبل عليه ويحسبني مثل حره وهسه بس يشوفني يركض يجيب كباب. فواكه مع الاسف خيبت ظني بيك
حسن:  لا تبجين خويه يلا شنسوي ابقى هنا. والله بجيتيني
حره: هههههه كملنه العشا وي مناكر حسن وحياه حسن هوه الي يضحكنه بعز حزنه وضوجتنه اجو ابو وحسين صبينا عشا وتعشينه وسوالف وضحك وي سوالف ابوي القديمات يحجي عن زمن قبل منا لمن تعبنا وكلمن راح لغرفته وحسين. وحياه لبيتهم حطيت راسي على المخده وانا افكر شلون احاجي كرار وافكر بخطتي اذا تنجح لو لا اتكلت على رب العالمين ونمت نومه عميقه
حرره:  كعدت الصبح على هوسه نفتح باب غرفتي ودخلن عليه الجيش نور  وغصون وعبير وجوري ورهف
هاي شكو شكو شصاير  ولجن
نور:  هاي شني صايره كسوله اكو وحده بيوم خطوبه ابن عمهه شيال همهه نايمه لساعه ب تسعه حره:  ولجن عبالي صاير شي زين هسه شنو المطلوب مني ست نور واذا خطوبه ابن عمي وثانيا خطوبه العصر مو من صباحيات
جوري:  ولج. كومي يكولون انتي شاطر بالمكياج والتسريحات كومي راوينه شطارتج
حره:  اكو جيتجن ما خاليه تمام بس عدي شرط
عبير:  واحنه جاهزي
حره: تكومن تسولي ريوك ملوكي يجنن على ما اسبح ونوب نبلش  بلمكياج شلون شتريت مكياج جديد يموتت كلهن طفرن مره وحده ركضن للمطبخ اني ركضت سبحت وطلعت لكيتهن مسويات صدك ريوك ملوكي اكلجن شو محد هنا
نور:  كلهه بيت جدي واني وصيت امي توديلنه صينه غده احنه البنات الشابات هنا نبقى
حره:  صايره خوش تفكرين ما عرفتج
نور:  جاا شلون هسه كملي حتى نبلش مكياج وتسريحات ما نلحك
حره: كملت اكل على السريع وبلشنه بلمكياجات وحده وره الثانيه ونور شاطره بتسريح الشعر اني شعري طويل قررت اسرحه واسوي حركه بسيطه بي تلوك وي فستاني وره شوي اندك الباب طلعت باوعت بلعين السحريه طله كرار شايل صينيه اكل اجت بالي فكره ركضت يم البنات
حره:  رهف ركضي فتحي الباب انا رايحه للحمام راحت رهف وره شوي اجت بيدهه صينيه وخدودهه حمر وعيونهه تلمع وصافنه  كامت عليهه  جوري
جوري:  هيلاووو وين صافنه عيني راح اطيح صينيه
رهف:  ماكو شي هيج صافنه يلا بناتوخل نتغده حتى نكمل ما ضل وكت
حره:  رحت يمهه وهمست بأذنهه شكو شصار
رهف:  سلمت علي واول مره بشرتي تلامس بشرته حسيت الدنيا وكفت اريد ابقى بس اني وياه وهوه هم ابتسم من شافني شنو رأيج هم يجي يوم يحبني مثل ما احبه
حره:  اكيدد عمري واذا رب العالمين قاسمكم البعض ف ما يفرقكم بس الموت اسم الله يلا هسه تعاي نكمل وسلمي امرج لله
رهف:  ونعم بلله.
حره:  كملنه مكياج وتسريحات ماشاءلله طلعنه نجنن كلنه
جوري:  عمي شني حفدات الشيخ كيك لو مو كيك
نور:  عمي نخبلل غير
حره:  الله على ثقه ههههه زين.هسه شلون نروح عيوني  واحنه سته بنات
جوري:  امممم سياره سالار جبيره اخابره يجينه شتكولن
حره: لحظه بس نتأكد وين نروح يم بيت جدو لو نطلع وي السيارت للقاعه
نور:  اوكفن اخابر امي اتأكد
حره:  خابرت نوره على عمتي وكالت همه فد شوي ويطلعون للقاعه احنه البنات نطلع كبلهم  للقاعه وخابرنه سالار واجه علينه
صعدنه بالسياره هوه ضل صافن
سالار:  اكلجن انت منو طلعتن صبح مو هيج شغيرجن من دهر فرجن
رهف:  اسم الله اصلا نخبل وين تلكه احسن واحلى من هيج خوات
حره:  ضلو يتنكرون اخير شي شغلنه اغنيه وكمنا نهوس ونصفك الى ان وصلنه دخلنه بس احنه كال سالار رتبن باقي الامور والباقين راحو لبيت لعروس يجيبونهه وجيون ولولد هم جاين كلهن بقو بس زلم لكبار يجيون وي سيارت الباقيه دخلنه للقاعه كملنه تريب الكيك وكم شغله وره شوي شغلنه اغينه بحدنه نركص ومتونسين وره شوي اجو العرسان والنسوان نترست القاعه وره شوي كالوراح يجي السيد والعريس يعقدون عقدو وماشاءلله محمد والعروس كلش لايكين البعض  طلعو العريس والشيخ وره ربع ساعه كالو العريس يريد يدخل  لبسهه الذهب وجمالهم جان طاغي على المكان ماشاءلله وبيبي تمشي وتقره قران ومعوذات على العرسان وعلينه ههههه وره شوي كالو لابس مستور ولد عم العريس مسويله مفاجئه اشتغلت اغينه خياي زلمه ومو حجي وكلهه لولد دخلت تركص وتهوس وحتى حسن وحسين وياهم وربيع هم دخل ويركص برزانه طالع يجنن وي الزي الرسمي الي لابسه تلكاهم محمد نزل من الكوشه يركص وفرحان وحرفيا جانت تجنن يوم من العمري المغرب كلش رجعنا واحنه طالعين صعدنه بسياره سالار طلع ربيع من القاعه متوجهه لسياره مالتنه مد راسه من الجامه اني جنت كاعده يم جامه توتر كلت هسه البنات يشكن بيه
ربيع:  شلونكم بنات انشاءلله ما تعبتو
نور:  رجيله طاحن من الركص
ربيع:  الله يقويجن زين سؤال يا جميلات هاذا المن طلع اسوار من ايده باوعت الايدي سواري ماكو
حره:  احمم الي هاذا حط عينه بعيني وفتح ايده والاسوار ابطنها توتر مديت ايدي اخذته بسرعه وهوه ودعنه وراح رجعت للبيت تعبانه وره شوي وصلو امي ابوي كبل حطينه راسنا ونمنا ثاني يوم كعدت متأخره وكوه اسحل بروحي سحل وصلني بابا للمستشفى وبديت بروتيني اليومي وي المرضى رجعت لغرفتي حتى ارتاح شوي اندك باب الغرفه مالتي
حره:  تفضل
_ السلام عليكم
حره:  وعليكم....
حره:  انت شجابك هنا؟؟
حامد:  هههه لا تخافين ما اسويلج شي بس عندي كم سؤال اريد جواب عليهن وامشي منا
حره:  رجاءاا اطلع منا هاذا مكان شغل وناس مرضى وانا ماعندي اي كلام وياك فـ احسن الك تروح منا لا هسه اخابر جدو وهوه يشوف شغله وياك
حامد:  باعي خشمج لعالي اكسره  الج مو الشيخ حامد الي ينرفض ويسكت
حره:  شوف كونك انت مثل ما تكول شيخ احفظ ما تبقى من كرامتك وميشختك وروح منا اني لو اموت وعلاج هوه زواجي منك ف افضل الموت تعرف ليش لان انت شخص جاهل متكبر فاهم كلشي بلمگلوب الحياه الدين الميشخيه  هم فلذلك خليني محترمتك واكول شخص اكبر مني وشيخ همين احتراما لقرابه وافضال وافعال جدك وابوك وي جدو خليك رجال واحترم الاخرين
حامد:  بعصبيه بحياتي محد حاجي وياي بهاي الطريقه باعي دام انتي رفضتي همزين طلعت منج وياريت مرن ثانيه وثالثه من يجي جدي يطلبج خل يطلع الرفض منج
حره:  تعرف اشفق عليك اني كلتلك اني كلمتي وحده ما اثنيهه ما اقبل بيك لو على جثتي ياريت هسه تبعد عن طريقي وتنسى بيوم عرفت وحده اسمها حره
حامد: ب استهزاء  خوش يلدكتوره
حره:  قبل ما تطلع اخذهه نصيحه مني بعمره التكبر والتعالي والتجاوز والاستهزاء ب الاخرين وتجاوز على النساء رجوله بلعكس مثل هيج اشخاص يكونو ذكور لا غير ياريت تحاول تغير لو شي بسيط منك حتى الناس تحبك وما تنفر منك حتى تحكم عشريتك الي تكول عليههه بحب واحترام مو خوف واستغلال وفهمك كفايه
حامد:  هههه عود انشاءلله
حره:  حجه هلكمتين. طلع حتى الكلام والنصيحه ما تجي وي هيج بشر مقرفين كعدت راسي مسطور وكلبي نارر  رحت الهي، روحي بالمرضى وره شوي اتصل بابا طلعت اله صعدت بلسياره سلمت على بابا وضلينه نسولف على يومنه وهم سولفت اله على حامد حرف بحرف ما احب اضم شي على بابا وهوه من النوع المتفهم وكلش راقي بتفكيره
وصلنه للبيت تلكتنه امي بوجهه البشوش الي يسحب التعب كله دخلت سبحت وبدلت اكلت لكمه على طاير ونمت شوي كعدت على هزاز تلفوني تفاجئت من ربيع مراسلني
_ السلام عليكم
_ عليكم السلام
_ شلونج
_ لحمد الله خير اكو شي
_ لا ماكو شي بس سؤال
_ جواب
_ منو هاذا الي طلع من غرفتج
_ ليش هلسؤال؟
_ بعصبيه لا تجاوبين على سؤال بسؤال ثاني
_ العفو منك اني مو زغيرونه ادور وراي وتراقب منو شفت ومنو جان يمي رجاءا اني واعيه وهلتطفل ما مقبول منك
_ تسمين خوفي واطمئناني عليج تطفل لا تنسين انتي بت خالي وعرضي والي يمسج يمسني ولا تنسين انتي بالعراق يعني  امان ماكو انتي فهمج كفايه
_ اسفه وباجر اشوفك واسولفلك كلشي بس بشرط
_ امري
_ تصدكني وما تعصب وما تجيب طاري لاي احد
_ تم
_ تمام لعد اشوفك باجر واعتذر مره ثانيه
_ ولا يهمج تمونين
_ مع السلامه
_ في حفظ الرحمن

حره:  نهيت محادثتي وي ربيع ورحت ساعدت امي بلعشا واحنه كاعد نتعشه اندك الباب قوي ركضو ابوي وحسن فتحو طلع يوسف
يوسف:  ركضي خويه حره جدي دايخ ضغطه مدري سكره وما يقبل يروح لمستشفى
حره:  جايه جايه دقيقه ركضت لبست بشت وجبت اجهزه السكر وللضغط وابوي وحسن يصيحون بسرعه ركضي من خوفنا وكلبي نارر من الخوف ما اعرف شلون وصلنه ركضت لكيت جدو كاعد وكلهه ملتمه عليه وجهه اصفر  قست ضغطه وسكره لكيت سكره نازل
حره:  بابا سكره جدو كلش نازل امشي نروح لصديليه نجيب علاج اله
حازم:  عمي كتبي بورقه وهسه دقايق يمج
حره:  كتبت علاج ومغذي هم وصدك دقايق حطيت مغذي وعلاج شوي تحسن جدو ورجع وجههه ورد. بست ايده جدو خوفتنا عليك
ريسان:  بعد جدج وروحه مابيه شي بس اليوم ما كلت هلكد حلاه حتى الجاي مر
حره:  ما يصير هيج جدو لازم تنتبهه مره ثانيه
محمد:  لا جدتي بعد ما تفيد ازوج جدي وحده ثانيه ادير بالهه علي
حره:  كلنه ضحكنا وبيبي كامت عليه بلعوجيه  وضحكنا شوي جدو صار احسن كال روحو مابيه شي قست سكره صدك احسن رجعنا لبيتنا مهدود حيلنا من الهبطه حضرت ملابس لباجر نمت بسرعه كعدت الصبح على صوت ابوي كعدت بدلت على سريع وطلعت لكيت امي وابوي وحسن يتريكون تركيت علسريع اني وبابا مرينا على جدو هم اطمنا عليه وقست سكره الحمد الله احسن وتوكلنا لشغلنا وصلني بابا للمستشفى وباشرت بلمرضى دخلت لغرفتي ارتاح انداك الباب
حره:  تفضل
ربيع:  صباح الخيــر
حره:  صباح النور تفضل
ربيع:  اممم تحبين تحجين لا
حره:  هههه اكيد
ربيع:  تردين ننزل للحديقه؟
حره:  لا هنا تمام
ربيع:  يي تفضلي
حره:  هاذا حامد حفيد شيخ صديق جدو وللاسف شخص جاهل مغرور ومكتبر فاهم كلشي مگلوبي واجه مره وي جده مريض وتعاركت وياه لان اسلوبه جان مو حلو فـ متسمحله كرامه بنيه تعاركه وتهينه وقبل فتره اجه خطبني
ربيع:  بعصبيه شنوو؟؟
حره:  اكمل لو لا
ربيع:  كملي
حره:  يي خطبني اني سولفت لجدو سوالفه ورفضتا ف اجه امس يريد يستعرض عضلاته ويعرف سبب رفضه ف نطيته درس بالحياه وعسى ولعد يفيد وياه.
ربيع:  شوفي من هسه اذا اجه مره ثانيه مباشرا تودين عليه
حره:  ربيع شوف علاج الجاهل التجاهل وما يسوه توصخ ايدك ولسانك وياه
ربيع: زين سؤال؟
حره:  جواب
ربيع:  اذا خطبج واحد غيره توافقين
حره:  هههه ليش جايبلي عريس
ربيع:  يربي تضحك واني مشتعل شعل ولج بويه فهمي عليه
حره:  قصدك انا ما افتهم
ربيع:  افاا انتي الفهم كله بس جاوبي رحمه لموتاج
حره:  حسب المواصفات يعني اذا اجه الشخص الي احلم بي ومناسب الي ليش
ربيع: باعي اخذيهه قاعده بعمري ما ردت شي وما حصلته وبعمري ما خليت شي ابالي ما سويته وانشاءلله احقق اخير شي الي مستوطن بالي والي سالب من عيوني النوم
حره:  شنو هوه
ربيع:  بعدين تعرفين بويه هسه خل اروح لشغلي
حره:  الله وياك
ربيع:  في حفظ الرحمن
حره:  دائما الكلام وي ربيع يخلي قلب يدك سريع. واتوتر توتر مو طبيعي وما ينطني حجايه تريح الكلب تنهدت بملل
شيصير يل عايش بكلبي تحس بي طردت الافكار من راسي كملت شغلي اتصل عليه بابا وطلعنه من المستشفى واتصل بابا ب ماما كلهه لا تسوي عشا يجيب من بره وخابر حسين ومرته هم يجون يمنه ابوي يحب كلنه نجتمع سوه يكول تزيد المحبه والكعده العائليه نعمه هواي عالم تتحسر عليهه
اخذنه عشا انا وبابا وصلنه للبيت وي نزلتنه سمعنا صياح حسن..

يتبععععععع

لا تنسون التصويت
احبكمم ♥♥