نيران حره

البارت الثاني عشر

بگينه اعله الجبل رماية اسهام ونزلت غيرنه اتلم الغنايم .

لـ سمير صبيح

ـــــــــــــــــــــــــــــــــــــــــــــــــــ
ربيع:  كعدت  صبح على صوت امي وهيه تصيح علينه تريدنه نكعد انا واخواني اليوم معزومين بيت جدي لان حسين ابن خالي وزوجته واخته جاين من السفر كعدت  سبحت وبدلت ونزلت صبحت على امي وكعدت الاشتر  وكرار بلكوه  يلا يكعدون  تريكنا وهمه كالبيت وجوهم ما تكصهه السيف  امي عاطت بيهم

دجله:   ادري نومكم نوم مطايه ما تكعدون لمن تشلون حالي واتعبوني ثاني مره اذب عليكم سطل ماي احسن ما اتعب روحي

كرار:  عيوني انت ام ربيع لا تعصبين مو زين على ضغط واهم شي صحتج نبع الحنان انتي

دجله:  نجب واسكت وكوم البس شي بي خير وهاذا البنطلون الي لابسه كصير  جدك هسه يغسلك غسل

كرار:  هوه احنه ما نرتاح من رزايل هناك جدي وبته هنا

كفخت كرارا براسه وراح هوه مثل الورد لبس وطلعنا متوجهين لبيت جدي
وصلنا ومن بعد السلام والسوالف والضحك طلعنا بره نشوف الطباخ ونشرب جكاير بعيد عن جدو ومر وقت مو كلش طويل واحنه نفتر منا ومنا وشفنا من بعيد سياره تعلن وصلولهم وكفت سياره وجهه حسن ضحك وردت روحه وجان ينفتح باب السياره وتنزل منه بنيه اظلمهه اذا اكول بس حلوه وهيه تركض وشعرهه الي جنه ليل يلعب بي الهوه وضحكتهه ودموعهه الي تنزل من خضار عيونهه شل كلبي شل  حسيت حواسي كلهه وكفت الوقت كله وكلبي حسيت راح يطلع من مكانه فزيت على صوت كرارا هوه يكلي.
كرارا:  ندري البينه حلوه. بس خزيتنه  سد حلكلك
ربيع:  نجب ولك لا اكتلك

دخلنه وسلمت على جدو برزانه وثكل صراحه عجبني تصرفهه وبس مشكله ما لابسه حجاب ولد يباوعاون عليهه من فوك ليجوه  راحت جوه كعدنا وسوالف وي حسين تعرفنا عليه وره شوي اتصل عليه صديقي وطلعت ارد وجان اشوف بت خالي نفسهه طالعه واكفه باب الصاله ( الهول) وصفنت عليهه ردت احاجيهه خاف محتاجه شي بس جمدت بمكاني ونوب هيه خلت ورجعت جوه ركض ضليت اسولف وي صديقي وهاذا صديقي من يسولف لزكه يلطش فد مره وضلين اسولف وياه واتمشه وما اشوف روحي اله وصلت للحديقه وره شوي جان احس احد وراي وعطرهه كفخني بخشمي يوكف رجليه ويشعل كلبي شعل نداريت وجان اشوفهه هيه ونور سلمت عليهن ورحت للاستقبال بس ردت وحدهه منهن تسال شي حتى اشبع شوفهه منهه ثنيهن رد السلام بثكل وسكتن بس سمعتهه تسأل عليه رجعنا للاستقبال تغدينه وكملنه وضلينه للعصر جدو كضاها سوالف وي حسين يسولف على تركيا والاوضاع شنو جان يسوي هناك وجدو ندمج وياا من الفرحه فجأه جدو صاح على البنات يجن يكعدون يمنه  دخلت وكلبي دك وي دخلتهه علينه بشعرهه الطويل وعيونهه الخجوله وهدوئها ونزاكتها حسيتها مختلفه رغم بطبيعه دراستي وشغلي هسه شايف بنات بكد شعر راسي بس هاي مدري حركت شي داخلي كعدت يم نور بيعد وجدو صاح عليهه تقدمت كعدت يمه وحضنها وباس راسها وهيه ندمجت وي الوضع شوي بعد وتنام كضوها سوالف وضحك وانا كل شويه اباوع عليهه وره شوي كامو كلمن يشوفله شغله وصار المغرب وجدو راح يصلي بغرفته كلت اشرب جكاره قبل لا يجي بقو الولد ينكلون العشا فجأه صاح يوسف اجه جدو انا كبل طفرت طلعت بره وي طلعت صادفتهه واكفهه ولازمه الماي بيدهه ف كلت الهه محتاجه شي كالت الماي محد اخذه حطيت الجكاره بحلكي وكاعد اخذه منهه الماي ايدهه طخت بأيدي ما اعرف شصار الي دخان جكاره اختنكت منه ف اجيت اساعدهه وهيه عاطت وفرفحتني الادب سز طلعت مو بس حلوه ولسان هم خليت وطبيت وانا عصبي فرت منهه شلون تحجي هيج وياي كملنه عشا وره شوي طلعو واحنه هم طلعنه وراهم وصلت للبيت كبل نمت من وجع راسي

ــــــــــــــــــــــــــــــــــــــــــــــــ
حره:  وصلنه يم باب البيت جان اشوف سياره جنت اتمنى اشتريهه كبال عيني مزينه بشكل يخبللل ويجذب النظر تفاجئت رحت يم  السياره وكلت الهم هاي المن
حسن:  يعني نجحتي وبأمتياز وتخرجتي وصرتي دكتوره وتردين السيد احمد وست ريحانه ما يقدمولج هديه تليق بيج اكيد لا

حره:  من الصدمه ما عرفت شحجي يعني هاي الي اني ما مصدكه  من الفرحه صرت اكمز ركضت حضنت بابا  وماما وتشكرتهم  وسلموني المفتاح بيدي.ودموعي ضلت تنزل من الفرحه دخلنه شوي كعدنا نسولف ماما مسويه كيك وعصير حتى حسين وحياه ما راحو لبيتهم كالو باجر نروح لتمينه مثل ايام قبل والفرحه تارسه كلوبنه دعيت ربي يديم اللمه الحلوه والفرحه وبعدهه كلمن لزم مكان ونام بي ما حسيت على روحي لمن بابا كعدني كال جدج وده عليج يريدج تريكي خل اوديج قبل لا اروح لشغلي تريكت على السريع وبدلت ورحت وصلنه لبيت جدو وفتح الباب ابن عمي يوسف سلم على ابوي ودخلنه جوه سلمت على جدو وبيبي وكعدنه نسولف

حجي ريـــــسان  : شوفي جدي وديت عليج علمود موضوع مهم
عرفت بيج توج مكمله دراسه وصرتي دكتوره ما شاءلله عليج

حره:  تسلم جدي فدوه اروحلك
حجي ريــــسان:  الله يخليج بويه المهم صديقي عنده مستشفى خاص وهوه حاجاني محتاج دكاتره ف كلته عليج كلشش فرح ف كال المستشفى مالتك شوكت ما تريد خل تجي اداوم

حره:  صدك جدو متأكد يعني راح اشتغل اني

حجي ريســان:  يي جدي شسالفه ما تصدكين بيه
حره:  لا جدو بس من فرحتي ما تصدك شكد تعبت حتى وصلت لهاي المرحله حتى اخلي بابا فخور بيه
كمت بوست جدو وسلمت عليه وعلى بيبي ورجعت للبيت فرحانه بشرت امي وفرحت ومن للفرحه والحماس كملت شغل  البيت كله ورتبنه واجه بابا كتله كال صح صديق جدو واقاربه عنده مستشغى اتفقت وي بابا باجر هوه يوديني بسيارتي بس اول يوم لان ما اندل كملنه شغل باقي الشغل وترتيب الجنط  وحضرت ملابسي  ونمت والفرحه على وجهي.
كعدت ثاني يوم بنشاط وفرح لبست بنطلون جينز وقميص اسود وسرحت شعري وحطيت عطر ومكياج خفيف وحذاء رياضي اسود وجنطه سوده ولبست لابكوت ابيض على ايدي تريكت بسرعه ونطلقنه متوجهين للمستشفى وصلنه  وبابا كعد ساعه نصايح وكلام يرفع المعنويات ويحفز الواحد وبعدين  نزل اخذ تكسي للشغله وعاف السياره ( للمعلومه حره تعرف تسوق سياره) وصلت للمستشفى ودخلت برجلي اليمين وسميت بالله دخلت سألن الرسبشن على غرفه المدير وصفلي مكانهه ومشيت متوجهه لغرفه المدير وانا كاعد اصعد بالمصعد نفتح وجان اشوف شي ونصدمت.....

يتبعععععععغ

بقلمي
نرجــس الماجدي