نيران حره

البارت العاشر

يا أني وهَلي وصبري وجَريب الناس ياعُمري اليجي وعُمري العزيز الفات .

لـ عريان السيد خلف⁩

ـــــــــــــــــــــــــــــــــــــــــــــــــــ
حـــــره: واكفه واطكطك اصابعي خوف وتوتر. قلق منتظره اسمي حتى اصعد ع الستيج بعد مناقشه بحث التخرج والنجاح الي حققت بي درجه امتياز ومن صدمتي ذاك اليوم طلعت اركض ركض وصلت الحسن بس اصرخ واشهك من الفرحه احساس حلو ان تعيش وتتتعب وتشوف ثمره جهدك وتعبك تحققت كدامك وكل هاذا الفرحه بس احس روحي ناقصه فرحتي بدون امي وابوي وحسن فزيت على صوت اسمي واني متوتره صعدت على الستيج بكل فخر وعزه نفس وقوه سلموني الشهاده وايضا شهاده تقديريه لححصولي على تقدير امتياز وكملنه الحفله بس اني وحسين ورجعنا. هنا اكون ختمت مرحلتي الدراسيه وصرت دكتوره رسمي.

حسين: وربي فرحتي ما تنوصف وما مصدك زغيرتنه صارت دكتوره نفتخر بيها
حره: عمري انت والله اني ما مصدكه اريد ارجع للعراق بسرعه اريد افرح ابوي. امي
حسين: انشاءلله الاسبوع جاي طيارتنه جهزي نفسج
حره: انشاءلله. وره شوي نزل حسين اخذنه عشا من بره وحلويات وكيكه بمناسبه تخرجي وكلت من ارجع للعراق هناك اسوي حفله وجلسه تصوير يم ابوي. امي احسن
ـــــــــــــــــــــــــــــــــــــــــــــــ

حسن: كاعد واسمع صوت تلفون امي يدك وامي بالحمام رحت شفت منو طلعت مره عمي حميد ترددت اجاوب واكلهه امي بالحمام لو اغلس وما اجاوب بعدين ما اعرف اكو فد شي جذبني حتى اجاوب وفتحت خط وجان اسمع صوتهه يي هيه صوتهه نفسه صوتهه بعد بأذني
حسن: امي بالحمام دقايق. اخليهه تتصل عليج

عبير: اسفه عبالي عمه بس امي اليوم فلاونزه ومريضه وانا كاعد اطبخ وما اعرف البهارات ودزيت صوروهتهن لعمه حتى تعلمني عليهم وبابا خطيه يجي يريد غدا ومستعجله واتصلت كلش اسفه
حسن: لا ما كو داعي تتأسفين هسه امي تطلع واجيهه الكم اتساعدج ارتاحي
عبير: ما اعرف شكلك نقذتي مشكور
حسن: بخدمه الحلوين احنه
عبير: عفواا شنو
حسن: هاا لا ماكو شي اكول بخدمتكم بكل وقت
عبير: تسلم يلا من رخصتك
حسن: سدت التلفون وكعدت اسب بنفسي وبالساني الي ما اسيطر عليه وفاضحني. يم الناس وابقى اجفص هواي
طلعت امي من الحمام خطيه سولفت الهه كالت وديني رحت بدلت وحطيت عطر وطلعنه اني وامي متوجهين الهم وصلت امي ورجعت للبيت و انا كلبي مفحم شوك وحب واحجي وي نفسي انا اكوم واكعد ما احب ولا اوكع ولا اطيح بخرابيط الحب تالي اوكع وكعه ما ادري وين راح توديني مشكله هيه ان هيه سمعت عنهه ما تريد تزوج ومشكله خاف بيت عمي يحسبون حساب ان تربيتنه تختلف عنهم والثقافات تختلف بس ارجع واكول ما يهم صح انا تربيت بتركيا بس نولدت وعشت طفولتي هنا وابوي طول عمره يحاول يربينه تربيه عراقيه زينه واصول وعادات وتقاليد عراقيه تنهدت واخذت حسره خليتهه وي الوكت اتصلت على حره سولفنه شوي انا وياهه وره ساعتين ونص امي اتصلت بيه كالت تعال اخذني ادري شنو دريول عدكم انا شنو غسلت وجهي وطلعت تمشيت الهم وصلت دكيت الباب واجاني صوتهه الي بكل مره يوكف حواسي وما اعرف حتى اجاوب
حسن: انا حسن
عبير: اهلا واسهلا تفضل ليش بالباب
حسن: لا ماكو مشكله بس منتظر امي لان مستعجل عندي شغل والله
عبير: دقيقه هسه اصيح الهه
حسن: راحت وشوي واجت امي وصلتهه ورحنه انا ويوسف علمود اشتري سياره الي وسياره ثانيه لحره ابوي كال مفاجئه الهه من تجي بمناسبه تخرجهه هديه مني انا وابوي وامي شتريت سيارات وحده اني صعدت بيهه ومالت حره خليت يوسف يسوقهه وصلت للبيت بسيارتي وصفيت سياره ثاينه على صفحه
وصلت للبيت بدلت وغسلت وهيج مشت الايام الى ان اجه اليوم المنتظر يوم رجوع تؤمي وحبيبي وحره من السفر بعد غياب طويل
ــــــــــــــــــــــــــــــــــــــــــــــــــ
حره: واكفه بالمطار وسارحه وافكر بوضعي ومستقبلي الي جاي يا تره راح اتأقلم ب العراق بلد جديد عالم جديده واقع جديد ثقافه افكار....... اختلاف جبير بين عراق وتركيا وصعب تتكدر تتأقلم على شي انت ما متعود عليه بس ارجع واكول لخاطر بابا اضحي حتى بروحي وانشاءلله اكد اتأقام فزيت على صوت بجي اسيا صديقتي ما قبلت الي تودعني بالمطار هيه وخطيبها( حذيفه) اخير كدرت تقتنع وتقنع امها بي وخطبو قبل كم يوم بس بيناتهم بين عوائلهم وانا بس وجانو كلش حلوين ولايكين البعض بشكل مو طبيعي
حره: عمري انتي شبيج ليش هلبجي هاذا وبعدين احنه هم فتره ونجي قابل بعد محد يشوف الثاني

اسيا: فدوه تعالو كل فتره من هسه راح اشتاقلج وعينج على نفسج واكلي زين ونشاءلله توصلون بالسلامه. اتصلي عليه من توصلين تمام عمري مو تكطعين بيه
حره: حبيبتي انشاءلله وانتي هم عينج على نفسج وعينج على زوجج ما اوصيج وسلمي على خاله وبوسيهه الي
اسيا: انشاءلله يوصل يروحي
حره: ودعت اسيا الي دموعهه ما نشفن وركبنا طياره لاول مره بحياتي رايحه لمصير مجهول ما اعرف اهم شي عندي اشوف اهلي وهاي هيه اقلعت الطياره. وحياه خايفه كلش اول مره تركب وحسين ناصب عليهه ويضحك عليهه وهيه تضوج وره شوي غفيت بدون ما احس لحد ما كعدني حسين حتى اكل. كالو بعد كم ساعه ونوصل لمطار **** اكلت رجعت نمت وره ساعه تقريبا كعدت شبعانه نوم حسين نايم وحياه نايمه اباوع على الغيوم وجمالهن وصورت هم وره ساعه كالو استعدو راح تهبط الطائره واني اجذب اذا اكول ما خفت كلبي حسيت شوي ويوكف وحياه لازمه حسين من ايده حيل ما تقبل تهده وهوه ميت ضحك علينه هبطت الطياره وهبط كلبي الحمد الله عدت سلامات اول خطوه حطيت رجلي بأرض العراق لاول مره بحياتي كمل حسين امور الجوازات والجنط واتصل بابا كال جاي هوه وعمي واحد من ولد عمو وره تقريبا نص ساعه وصل بابا وانا ما صدكت اشوفه بعد غياب كم شهر ركضت حضنتا بقوه وابجي وهوه يبوس براسي بست ايده وحضنته ماكاعد اشبع منه لحد ما صاح حسين
حسين: ادري شنو مالنه حصه ما نسلم اليوم
احمد: حمد الله على سلامتكم بويه شونكم
حسين: وهوه يحضن ابو الله يسلمك بويه ويخليك خيمه النه الحمد الله
احمد: بعد ابوك وكلبه والف مبروك وليدي ربي يتمم الكم على خير
حسين : الله يحفظك بويه
حياه: وهيه تبوس ايد عمهه شونك عمو شلون صحتك
احمد: الله يلسمج عمو ويكومج بالسلامه سلمو على عمكم وابن عمكم ابو يوسف
حره: حسين سلم على عمو وعلى ابنه اسمه سالار وحياه سلمت من بعيد وصل دور الي سلمت على عمو وبست ايده وسلمت على ابن عمي من بعيد
حره: شلونك عمو شلون صحتك
حازم: الله يحفظ عمو ويخليج نورت الديره برجعتكم
حره: تسلم عمو منوره بأهلهه
احمد: يلا بويه سياره بره امشو
حره: مشيت وانا حاظنه بابا من ايده وحسن وسالار حتارو بالجنط طلعنه لكينه سياره ( ستاركس) حطو الجنط وانطلقنه الى قصر الشيج ريسان

يتبععع

شنو تتوقعون يصير؟؟
لا تنسون التصويت عمري🫶🏻

بقلــــــــــمي:
نـــرجـــــس المــــاجـــــدي