نيران حره

البارت 22

خليني اعلــه بالـك طيف لــو عــادت ايامـي يعــــود
او خليني اويه دمك شوك من شوكي البلايه احدود

لـ عريان السيد خلف

_________________________
حره:  جمدت بمكاني ورجلي ما اكدر احركهن من صوت الرمي  من الحادث لليوم اخاف منه ادري هاذا الشي مو طبيعي بس بين يوم وليله بنيه بحياتي ما شايفه السلاح ولا سامعه صوت رمي واول مره بحياتي واتصوب واوصل للموت  وصارت عندي رهبه منه مجرد ما اشوف سلاح لو اسمع صوت اخاف وما اسيطر  على نفسي  للحظه سمعتهم يكولون محمد ابن عمي رمى نزلت جوه صوتي ما يطلع من الخوفه كعدت بلمطبخ اشرب ماي واجر نفس ودخل محمد  واني الخوفه بعدهي بيه  ستلمته رزايل وغلط وما حسيت بروحي

حره:  انت شبيك ما تكلي تخبلت ترمى بلجو ما تخاف تجي طلقه بواحد  لو بطفل  لو ارواح الناس لعبه بين ايديكم يا متخلفين فرحانيت ترمون وحزنانين ترمون  ما تخافون الله انتم وين عايشن ما تكلي دقيقه وكلهه التمت على صوت صياحي ومحمد ضل مفتح عيونه من الصدمه وامي تسكت بيه وحسين اجه حظني ويسكت بيه
حره:   عبالك السلاح لعبه والله فرحان لازم ارمي والناس تموت بسببه عادي ويجي واحد ويكول عندي عقل لو اخاف الله خليت وطلعت اركض بخوف لبيتنه  وحسين وحسن ابوي اجو وراي
وصلت للبيت والرجفه بعدهي بيه 
حسين:  لا تخافين حبيبتي ماكو شي عده لا تخربين فرحتنا
حره:  حسين والله لحد هسه كلبي يوجعني  من الخوف ما اجه بالي غيركم كلت صار بيكم شي لو طلقه تجي بيكم  شيصير بيه
حسن  :  ولا يهمج عمري وهاذا محمد طايح حظه نبهت اني وربيع وجدي وكلنه رمي ماكو بس هوه حمار يولي
حره:  اسفه خربت فرحتكم لا تخافون مابيه شي روحو كملو حفلتكم لا تخافون عليه
ضليت اتوسل بيهم يعوفوني ويرحون كوه اقتنعو وراحو كمت بدلت هدومي ورتبت كم شغله بلبيت وجهزت افراش كلت خاف يجون خطار بس دمعتي وخوفي ورجفتي ما بطلن كعدت بلمطبخ اشرب عصير واندك الباب اجه ابوي وامي ومحمد وجدو تفاجئت بي
حره:  تفضلو فتحت بابا الاستقبال صاح عليه جدو
حجي ريسان:  تعاي بويه شجرالج
حره:  لا تخاف جدو مابيه شي واسفه واعتذر على كلامي بس ما سيطرت على روحي واعصابي من الخوف ما عرفت شنو حجيت
محمد:  انا اسف نبهوني ما ارمي بس هاي عادتنه واني متعود ارمي بكل عرس اعتذر منج
حره:  محمد الله شاهد انت مثل حسن وحسين بس والله غلط ارواح العالم مو لعبه شتكول لربك بعدين فرحان خوش افرح بس بفرحك تأذي غيرك وهاذا رصاص حي يعني يموت بلمكان واذا ما يموت ف وجعه ينهش الكلب والروح قبل الجسد واسال مجرب
محمد: كلامج صح خويه وانشاءلله ما تتكرر
حجؤ ريسان:  كررها حتى املص اذانك البيت رادت تموت من الخوف  بسبتك
محمد:  جدي على بختك راح اعرس وانت تهين بيه صدك جذب
حره:  هههه هسه سوسو لو تدري بيك هيج قبلت بيك
محمد:  وداعتج كاتله روحهه عليه
حره: غير يستقر
محمد:  هسه انا اترخص واسفه مره ثانيه خوفتج عود بعدين اعلمح على سلاح حتى ما تخافين منه
حره:  سمعت جدو ضربه جدو بلعوجيه ويكله لا بارك الله بيك وهوه طلع يضحك جدو كال ل ابوي وامي روحو اريد اكعد احجي وياهه  على انفراد
حجي ريسان:  باعي جدي اني مقدر خوفج ورهبتج بس جدي زينه البنيه اخلاقها وصراحه ما توقعتج هيج توكفين وتصيحين بلبيت على ولد عمج ورغم هاذا جبته وخليته يعتذر منج
حره:  جدو والله مو بيدي حسيت اعصابي تلفت وما ادري بروحي من حجيت
حجي ريسان: جدي ساعه شيطان ومضت وتفهمنه وضعج بس اني احجي على جايات هسه هاي الج حق بيها من الرهبه ولخوف بدر منج هاذا تصرف لكن مره ثانيه ما اريد اسمعج عنج اله كل طيب لاتخلين نظرت العالم عنج تخرب ويجبون طاريج لويكولون ماعدهه تربيه اريدهه كلهه تمدح وتحلف براسج وانتي مرفوعه الراس
ماشي يجدي
حره:  صار جدو كعدنه نسولف شويه ونحجي ونصايحه الوقت ما حسيت بي وياه وره شويه اجه يوسف اخذه بلسياره واني وامي فرشنا البيت واجن خالاتي وبناتهن ونسوان خوالي ونور وغصون اجن يمي  كالن بالنه ضل يميج كضيناها سوالف وضحك ما حسينا بلوقت
ثاني يوم بلسبعه صبح امي تكعد بينه يلا ما يلا ركض سوينا ريوك وطلعنا انا ونور وغصون بسيارتي وامي كالت تكمل ريوك ويرحون لبيت جدي كلهم رحنه اني ونور وعبير وحده من خالاتهه ويانه اني اسوق خالتهه صافنه عليه وصلنه للصالون وبلشو بلعروس وماشاءلله طلعت  تجنن وي البدله والتاج النازك طلعت واو واني ونور جمالنه اكيد ما يحتاج نوصفه شعري الطويل الاسود وفستاني الاحمر ورسمه عين تجنن طلعت بيرفكت كملنه ورجعنا وصلنا عبير وخالتهه للبيت واحنه لبيت جدو نروح لزفه نزلنه انا ونور من سياره هوسه العالم والجهال كلهه  كاشخه والهلاهل والشباب كلهه رسمي واكفين بره طاحت عيني على ربيع هيبته وجماله يجنن وساعه اكول لان احبه احسه مختلف عن كل الشباب  دخلنه اني ونور وعمتي شافته كامت تهلهل وكلهه كامت تباوع عليه حسيت روحي بيه شي وكلهه تسأل شلون صرتي وثانيه تكول عبالي بيج جني والثاله تكول عبالي بيج صرع من الخوفه وحجي اشكال الوان ما اجاوهن اكتفي اكلهن زينه وهاي هيه كملنه كلشي وصعدنه بلسيارات بس صدمتني امي كالت  ابوج يكول خل واحد من لولد يسوق سيارتج لان ماكو مجال بلسيارات  وهم خاف كرايب للعروس هواي  ما اجه بالي غيره دزيلته رساله وكتله تعال يم الباب  اجه انا كلت لامي راح اطيهه الربيع كالت تمام كل البنات صعدن وما كفت سيارت انا ونور ضلينه لان كلهه صايره فرق واحزاب سمعت صوت ورانه  يكول
ربيع:  امشن صعدن بلسياره لو ترحن مشي
حره:  نروح بسيارتي خل اسوق اني حباب
ربيع:  حتى كلهه تحجي عليه
حره:  ليش
نور:  هسه خل نصعد راحت لزفه واحنه هنا
حره صعدنا بلسياره هدوء عكس لسيارت الباقيه دك وركص  حاجته نور كلهه خل نطلع من بيت عروس وشغلي الي تردينه  مشينه بهدوء هيه مسافه مو بعيده عنه  كسر الهدوء ربيع وسألني
ربيع:  شلون صرتي هسه
حره:  الحمد الله مابيه شي بس من الخوف صرت ما اعرف شحجي
نور:  هوه انتي غير لعبتي لعب بمحمد
حره:  ما اعرف شحجيت بس يستاهل هاذا اسمه طيش واستهانه ب ارواح الناس تخيلي اجت طلقه بطفل راح يسامح روحه محمد لو القانون يسكت اله اكيد لا
ربيع:  اعرف اني السبب بحالتج البارحه بس على كولتج محمد يستاهل واني نبهت عليه وجدي همين بس هوه روحه بهلسلاح هاذا  لمن يجيب لنفسه مصيبه يلا يرتاح
حره:  لا انت مالك دخل لا تلوم نفسك وبعدين الموضوع راح وانتهى خلونه هسه بفرحتنه  وشوي وصلنه لبيت لعروس
والهلال والاغاني مستمره طلعو العروس طلعت من تحت جناح عمي ونوح وعمي عيونه تلال بلدموع  صعدو بلسيارت بقت مره خال عبير وبتهه  كالت امي خل يصعدن وياكم ردت اصعد بلوره سبقتني نور صعدت بلسدر ونور ومره خال عبير وبتهه وره  اشوف بتهه من الجامه تلقي نظرات الربيع اني هنا اشتعل وانطفي شغلت الديجي. وهلاهل نور هرجت السياره  هرج  ومحمد  وره شويه البنيه كالت الربيع احسهه تتنغوص بلكلام
_ ممكن تعلي التبريد بلا زحمن
نور:  تره الجو زين بارد
_ عفوا انتي شلج علاقه سيارتج هيه واني ما اعرف
حره:  عزيزتي التبريد هاي اعلى شي والسيارع بارده
_ انتي شكو الثانيه ليكون سيارتج هم
حره:  والله خاف اكلج سيارتي وتجذبيني عاى العموم مو سيارتي والتبريد هاذا اعلى شي عجبج تكملين طريق  اهلا واسهلا ما عجبج هسه  نزلج ونأجرج تكسي شتكولين هيه سكتت ما حجيت همس ربيع
ربيع:  يول على كيفج وي لبنيه
حره:  ما شفتهه شلون تتموع بلكلام وتباوع عليك  بلمرايه 
ربيع: خل تمتع نظرها وين المشكله
حره:  ربيع لا تخبلني سوق احسلك
ربيع:  ليش تغارين
حره:  يمه ليش اغار عليك بس اني ما  احب هاي تصرفات
ربيع:  اهاا هيج
حره:  يي
وصلنا للقاعه وبلشت مراسيم الحفله  ودخوليه العرسان ما شاءلله تجنن  وحسن طالع يجنن بلرسمي وره شوي اجت يمي نور همست بأذني
نور:  يلا صار وقت التنفيذ
حره: تحركنا اني ونوره بهمه وحماس حتى انفذ الي اتفقنا عليه والي هوه ركصه الدبكه وكامن ويانه جوري وغصون ورهف وبينه صديقه عبير واستلمت راس الدبكه اني  وركصنا ركص وكفنا القاعه على تك رجل وره شوي بدت رقصه لسومو العرسان حسن شلون صبر بدون ما يضحك ما اعرف كملو الركص وكصو الكيك وبديت فقره العشا واني ونور والبنات نركض منا ومنا عماتي كضنها هلاهل نفتر على المعازيم ياهو عنده نقص ب الاكل شي لان عرس حفيد الشيخ لازم كلشي على اتم وجهه لان على كوله بيبي ناس تاكل وجوهنه  كملنه العشا والتعب يقره الف اخير شي اجت الزفه اجه جدو كوم العروس هوه وحسن واحنه هلاهل وجكليت وراهم  صعدو العالم كلهه بسيارات  واحنه هم رجعنا ربيع  وحسن وعبير كبل لبيتهم نزلنه نور والمره وبتهه الي اجن ويانه ووتوجهنا لبيتنا سياره هدوء لا اني حجيت ولا هوه تمنت بيتنه يكون بعد ابعد من هيج حتى ابقى يمه احس بأمان وراحه مو طبيعيه وياه احب كلامه وحتى شقاه برزانه وهدوء كسر الصمت ربيع
ربيع:  تعبتي هوايي مو
حره:  اخر فرحتنه يستاهل التعب
ربيع:  ممكن اخذ من وقتج دقايق
حره: يي ممكن تفضل
ربيع:  انتي تعرفيني كلش زين اني شنو واخلاقي شنو عمري كله لا مشيت بطريق غلط ولا يغضب رب العالمين لو يغضب اهلي مني ماشي بدرب رب العالمين واهل البيت وماعندي سوالف مو حلوه اني اعترف اتاذيتي بسسبي هواي واني لحد هاي ساعه منتدم على الي صار وياج بسببي ما اعرف شلون اكولهه الج المفروض افرشلج ورد احمر وانحني كدامج  بس اني طبعي يختلف هواي لذالك يا بنت الناس اني حبيتج من كل كلبي دخلتي بكلبي وروحي وعقلي اعرف ما تبادلين نفس الشعور بس اهم شي اني احبج وربي ورسوله يشهد عليه وهاي اني كدامج وامام الله اريد اتقدملج على سنه الله ورسوله اذا انتي موافقه ف من باجر امي عدكم واذا ما موافقه لقرار يرجعلج وتأكدي راح ابقى احبج لاخر نفس بيه واحطج بين عيوني واضمج بروحي من كل اذى وعيونج الي ساحلات كلبي اخليهن ما يشوفن حزن اذا الله قدرني طول ما اني عايش تبقين معززه لاخر عمرج
حره:  كل هل كلام واني ما نطيت رد فعل مصدومه لا ياربي يعني اعترفلي وتقدملي بوقت واحد يربي
ربيع:  عوفي الخجل مو كلبي مشتغل نار جاوبيني موافقه لو لا
حره:  هزيت راسي ب ايي
ربيع:  اخيرااا انشاءلله من باجر امي يمكم  يلا هسه دخلي جوه وديري بالج على روحج
حره:  ها بدينه من هسه تره ابطل هههه
ربيع:  من خوفي عليج يا عيني لو بيدي اضمج بروحي ما اخلي احد يوصلج
حره:  تصبح على خير
انطاني المفتاح ودعني
دخلت للبيت الفرحه ما سايعتني
سبحت بدلت واني وجهي يضحك حتى التعب نسيته ما كعدت اله على صوت امي
ريحانه:  يلا امي كومي كعدي اني رايحه لبيت اخوج عينج على طباخ
حره:  حاضر يا احلى ام بلدنيا كلهه
ريحانه:  يمه عساج دوم فرحانه شنو سر هلفرح وعيونج راح تنكلب قلوب حب
حره:  ههه لا والله بس مدري كعدت نشيطه روحي لا تتاخرين
راحت امي واني بدلت وسويت الي ريوك وعيني على طباخ شوي رن تلفوني ربيع المتصل ارتبكت وتوترت رديت
_ السلام عليكم
_وعليكم السلام شلونك؟
_ والله هسه صرت زين
_دومك انشاءلله
_ انشاءلله امي وخالتي وبيبتي بليل يجنكم
_ هلا بيهم ينورون
_ما اوصيج بعد
_ ولا يهمك  يلا اني راح اكمل طبخ
_ في حفظ الرحمن
_ باي
حره:  سديته منه واني فراشات تتحرك بطني وره شوي اجت امي وكملنه شغل انا وياهه تغدينا وسويت كيكه العصر وجاي وابوي خابر كال اني اجيب عشا وياي وصدك جاب لفات كباب تعشينا ولميت البيت وحطيت بخور  وره دقايق اندك الباب عماتي وبيبي واني لزمني مغص مو طبيعي  دخلو سويت عصير وكيك سوالف وضحك حتى ابوي ويانه متونس وره شوي عمتي فتحت الموضوع
دجله:  خويه ابو حسين اني جايتك بطلب وما اريدك تفشلني  
احمد:  عد عيناج اذا اكدر عليه من عيوني
دجله:  بعد كلبي يا خويه اريد اخطب حره لربيع
احمد:  شنووو

يتبععععع
شنو توقعاتكم؟

احبكممم🫶🏻