نيران حره

البارت الثالث عشر

سألوني؟؟
هل تحبها؟
اجبتهم؟
احببتها لدرجه يعجز لساني عن وصف حبها''
ــــــــــــــــــــــــــــــــــــــــــــــــــ
حره: نصدمت صدمه عمري عجزت حتى احجي واني اشوف ربيــع ابن عمتي صعد وياي بالمصعد فتحت عيوني مصدومه

ربيع: السلام لله
حره: عفواا وعليكم السلام
ربيع: لا تستغربين تره شغلي هنا
حره: شنو؟؟ شنو شغلك هنا
ربيع: مثل شغلج يا حضره الدكتوره
حره: ممكن بلا استهزاء اني ما جنت اعرف انت دكتور هنا عفته ومشيت وصلت لغرفه المدير دكيت الباب سمحلي بالدخول
حره: سلام عليكم استاذ كاظم
كاظم: اهلا بنتي تفضلي
حره: شكرا جزيلا انا حره حفيده الشيخ ريسان
كاظم: والنعم منج بنتي شلونج حجي ريسان
حره: الحمد الله
كاظم: سلمي علي هواي هسه ندخل بالشغل
حره: تمام استاذ
بلش يشرحلي نظام المستشفى وشنو طبيعه القوانين وهاي الشغلات وختمها كال تفضلي اوصلج الغرفتج طلعنه نتمشى انا وياه ودلاني للغرفه
كاظم: هاي غرفتج واي وقت تبلشبن براحتج واي شي تحتاجي انا موجود
حره: تمام استاذ طلع الاستاذ وي طلعته انفتح باب الغرفه الي مقابيل غرفتي وطلع ربيع شلون حظ حتى هنا لاحكني شون بلا سديت باب غرفتي وبديت ارتب بيها وحتى اباشر بعملي وره شوي تجت ممرضه سلمتني ملفاتي المرضه الي موجدين بالردهات حتى اباشر بيهم
بديت اشوف المرضى واحد والضحكه شاكه حلكي من الفرحه كملت ردهه والمرضى وطلعت لغرفتي دقايق كاعد اشتغل بالملفات اندك باب الغرفه عبالي دعاء الممرضه ويانه كلت اتفضل

ربيع: اكدر ادخل اذ ما مشغوله
حره: تفاجئت بي كلته تفضل
ربيع: شكراا تفضلي جبت الج كهوه ياي
حره: شنو المناسبه؟
ربيع: الصراحه حتاريت لا الاسلوب الحلو ينفع ولا العكس ينفع شسوي وياج على العموم اعتبريها كهوه اعتذار صلح بدايه جديده براحتج

حره: اذا اعتذار ف اعتذارك مقبول لان راسي يوجعني وانا احب الكهوه شكراا الك واذا على صلح لو بدايه جديده انا ماعدي كل مشكله وياك دكتور ربيع

ربيع: حلو يعني بعد ماكو مشاكل لا اضايقج ولا اتنرفزيني بكلامج

حره: استغفر الله تمام اتفقنا حضره الدكتور
ربيع: هههه تمام اعوفج تكملين شغلج ونسيت اكلج مبروك ووربي يوفقج بوظيفتج بنت الخال واي شي تحتاجين انا موجود

حره: شكراا الك متقصر
ربيع: مع السلامه
حره : مع السلامه
ودعته وراح حسيت بشعور غريب لاول مره رغم ما جمنه موقف حلو وكل لقائنا كان مشاكل بس شعور الامان وكلبي يدك حيل طول ما هوه موجود شعور كلش حلو بنفس الوقت خايفه يطلع احساسي صدك واني ما اريد اوكع اريد واكمل مسريتي وضيفتي بكل سلام بدون مشاكل بعد كم ساعه كملت شغلي ورجعت للبيت بدلت وغسلت كعدت اشرب كهوه اجه حسن وضعه مو طبيعي سالته؟
حره: حسون شبيك؟
حسن: مابيه شي
حره: شلون مابيك شي وضعك مو طبيعي من اجينه لحد هسه انت مو تمام وين صوتك يرن البيت رن وضحك وشقاك بيك شي فهمني يجوز اكدر اساعدك
حسن: صعب حره صعب
حره: انت دائما جنت تكول الصعب مو مستحيل شغير رأيك وصرت متشائم
حسن: باعي اذا اسولفلج اساعديني؟