نيران حره

البارت الخامس

تعال اشمر حجايه وكول مشتاك لتحسسني عندك مالي قيمه لتخليني اتاني وجرحي مفتوح مثل فطر الحياطين القديمه .

مهند العزاوي

ـــــــــــــــــــــــــــــــــــــــــــــــــــ

حره:   شوفي كعدي بهدوء وقنعي امج واذا ما يفيد الكلام طبقي خطه باء سوي انقطاع كامل من الاكل والشرب وكلشي وحطي امج امام الامر الواقع وجبيرها تشيل فكره زواجج من بالهه واذا هم ما يفيد نسوي خطه جيم وهي خلي اقاربج يدخلون  بصفه شخصيه يعني يحاولون يخلون امج تغير رأيهه 

اسيا:   انـشاء الله تضبط لان اذا بقـت على قرارها انتحر واخلص  والله.
حره:   اسيا ولو صديقتي واحبج واكبر مني بس انجبي وهاي فكره الانتحار اذا تجيبن طاريهه   اكص لسانج وانطي للي جاي يخطبج

اسيا:   عود لـيش
حره:  لان چل***  ويريد ياخذ صديقتي مني  .

اسيا:   عمري فدوه لكلبج
حره:  بلا رسميات عيوني  .

حره:  حاولت اطلعهه من جو الكأبه الي هيه بي جبت حلويات وكعدنا ناكل ونسولف ونضحك وشوي اتحسن وضعها وراحت لبيتهم رجعت اني افكر  بكلام بابا لحد هسه ابالي واتردد اسأل  اخاف يضايقون من سؤالي؟

حره:  وراهه بيومين كعدنه نحضر تجهيزات رجعه عرسانع الحلوين من السفر كلش مشتاقه لحسين كملنه تجهيزات انا وماما ورتبنا وجهزنا الغده والحلويات وره ساعه سمعنا صوت سياره اجو العرسان وامي رغم بتركيا بس تحب اطبق العادات العراقيه بكلشي بحيث جابو دجاجه ذبحو على رجلين لعرسان والجگليت والهلاهل امي ما تتوصه بيهه 

حره:   حسين عمري سبع سعادات انشاءلله حمد الله ؏ سلامتكم وربي يرزقكم الذريه الصالحه

حسين بعد اخوج كلبه بوجودج انشاءلله

احمد:  بويه حياه لا تتقدين احنه اهلج انشاءلله اشوف جهالكم وافرح بيهم
حياه:  تسلم عمو ربي يحفظك النه انشاءلله

حره:   كعدنا كلنه على الغده نسولف ونضحك وناكل من جد لمه العائله ما تتعوض خلصنا غده شربنا چاي وراهه راحو حسين وزوجته لبيتهم يصير مقابيل بيتنه يعني عماره مقابيل عماره 
وراهه كلمن راح لغرفته كعدنا العصر  اني وامي وابوي فجأه ابوي صدمنه بخبر سفره المفاجأه سفره عمل ضروريه وسريعه لان اختارو سفير وممثل عن الشركه الي يشتغل بيها

حره:   بابا زين ما يصير ما تسافر
احمد:   بابا هاذا شغلي واذا ما سافرت راح تتأخر ترقيتي بالشركه وهنه يومين يا بنتي لا تخافين

حره:  زين بابا ما يصير كلنه نسافر وياك

حسن:   ادري رايح سفره سياحيه  هاي سفره عمل يا جاهله يا متخلفه يعني يروح وفد كامل مو بس ابوي

حره:   انت شلك دخل اني وبابا وبعدين فتهمنا انت وياه نفس مكان الشغل وخبصتنا خبص

حسن:   ارجع واگول اني مو شخص عادي  اني حسن احمد الـ ريسان يعني مو شويه عيوني

حره:  حسيت من حسن جاب اسم جدو ماما وبابا تلبكو وبابا عيونه صارن حمر حاولت اغير الموضوع

حره:   فهمنا اسكت المهم بابا اخذني عفيه حباب حباب..
احمد:  هههه شنو حباب ولج وفد رايح وياي وين اخليج وبعدين ودوامج يا انسه وهاي سنه تخرج ما اريد اي تهاون بدراستج بابا

حره:   شوف اني راح ادرس واجتهد علمود شغله وحده هي اسافر وي وفد وما اخذ حسن وياي 

حسن:   اووووي فدون اخذيني وياج ميت عليج اني

احمد:   وتالي شون

حره ٠حسن:  سكتنا بابا 
احمد:   المهم  ام حسين حضري جنطتي لان باجر من صبح اطلع

ريحانه:   صار عيوني

حره:   راحو ماما وبابا يحضرون امور السفر البابا اني جهزت العشا وتعشينا سوه ونمنه على وقت لان باجر اني وحسن نوصل بابا للمطار  ..
ـــــــــــــــــــــــــــــــــــــــــــــــــــ

العــــراق 

حميد:   حازم وصلني خبر بس خل اتأكد كلش وقتهه ترجع لابوي عافيته الي خسرها من سنين

حازم:   يا الله شنو خير يا ستار
حميد:   وصلنه خبر من صديقي يشتغل بالمطار كال اكو اسم شخص اسمه احمد ريسان مسافر لدوله ***** بس كال يتأكد اكثر من القوائم والاسم  ويردلي الخبر الاكيد وراهه فكر شلون نلكاه وشلون نبلغ ابوي بهالخبر
حازم:   الله كريم خويه كلشي ينحل بأذن الله 
حميد:   امين  
ــــــــــــــــــــــــــــــــــــــــــــ

ربيع:   خلص اخير مراجع اليه وقررت اروح للمول افتر واشتري كم شغله رحت فتريت وشتريت ملابس وكم شغله واني طالع من المول اتصلت عليه امي

دجله:   يمه ربيع فدوه لكلبك تعال وديني لبيت جدك لان خابر جدك ويريدنه كلنه وكلبي كام يلعب تعال يمه فدوه اروحلك

ربيع:  جايج يمه جاي على كيفج هدي روحي وانـشاءلله كل الخير
دجله:   ونـعم بالله يمه
ربيع: بكل سرعتي بالسياره اخذت امي ورحنا لبيت جدي. كعدنا كلنه خوالي وخالتي هم كلنه جمعنا
حجي ريـسان: الله بالخير
الكل:   الله بالخير والعافيه
حجي ريـسان:   شوفو جمعتكم اليوم حتى افتح قضيه سدينها من زمان وراح اسدهه هنا بنفس الوقت والي راح تسمعونا ما اريد بيوم من الايام تجيبون طاريه لاي سبب من الاسباب واذا سمعت كلمه من احد ساعتهه ما راح ارحمه واني شيخ ريـسان وكلمتي سيف بركبتي
حجي ريـسان:   بسنه ال ١٩٩٧  كاعدين اني وابني حازم نشتغل  ب اوارق الحاصل هاي السنه ونسمع صريخ مره جاي من بره
طلعنا حتى نشوف شصاير وجان نشوف.....

يتبعع.......

اعرف البارت قصير. بس عذروني صارعندي ظرف كلش صعب اعتذر منكم

شنو توقعاتكم للبارت الجاي.؟