نيران حره

البارت الثامن عشر

في شوارع هادئه
يعتليها اشخاص خطيرين
يشبهون الصيف الذي
اذبل زهره الربيع
هاذا ما حدث

بقلـــمي:  نـــرجس المـــــاجدي
انستكرام: rjs37041

ـــــــــــــــــــــــــــــــــــــــــــــــ
كرار:  كاعدين انا وربيع بالحديقه ما يقبل يروح وضغطه هبط وما يقبل يكوم يفحص ضغطه

كرار:- هسه اذا بقيت هنا كعدتك تفيد راح اطيبهه لو شنو
ربيع:- كافي اسكت كافي ابنيه شابه تصاره الموت جوه من واري وتريدين ارتاح ولك زلم ما تتحمل الطلقه وهيه ابنيه ترفه الله يعلم شصاير بيهه هسه روح شوف شنو الوضع وتعال
كرار:- استغفر الله رايح
ربيع:- راح كرار وره تقريب ربع ساعه واجه،،، ها بشر
كرار:- شكلك البنيه بعدهي بلعمليه ومحد يعرف شنو وضعها
انا كلت هيج وما اشوف غير ربيع ركض دخل جوه راح لغرفه ما مضمدين لبس هاي الي يلبسونهه ما عمليات وكمامه وجفوف وركض وانا اصيح وره دخل الغرفه العمليات يمهم
ـــــــــــــــــــــــــــــــــــــــــــــ
ربيع:- دخلت لغرفه لعمليات ودكاتره الي بالعمليات يحجون عليه شون دخلت. مو اختصاصي ما يحقلي ادخل  كوه قنعتهم ابقى اساعدهم واشوف بت كلبي الاجهزه تارسه جسمهه صوت جهاز الكلب يدك براسي خوف. قلق اخاف استمرينه العمليه ساعتين كاملات طلعنا رصاصتين  من بطنهه الحمد الله جانن بأماكن مو خطرات طول الوقت ذكر يا علي ما يطيح من لساني. احجي وياهه
ربيع:- حره عمري انت قويه ما تعوفيني وحدي اهلج بره ينتظرون جدو ينتظرج وبيبي وامج خطيه شصار بيهه وحق داحي الباب وحق من انزل الكتاب اذا ما اخذ حقج وحق كل قطره دم نزلت منج فززني من حجيي دكتور وهوه يكول
_ الحمد االله كملنه العمليه
ربيع:- شنو وضعها دكتور
_ وضعها لحد هسه تمام راح نحولهه للعنايه لمركزه اربعه وعشرين ساعه لمن تستقر وضعها
ربيع:- الحمد الله رب العالمين
_ دكتور رجاء خل نطلع لان بقائك يسبب مشكله والمريضه راح ينقلوها للعنايه تفضل وياي دكتور اذا سمحت
ربيع:- تمام دكتور
طلعنا انا والدكتور وكلهه توجهت النه طمنهم الدكترو وراح بقيت انا. كلهه تباوع الي بنظرات لوم خالي حسن حسين كلهه تباوع عليه بنظرات ذنب ولوم لمن جدي صاح عليه
حجي ريــسان:- ربيع تعال وياي للحديقه جدي
ربيع:- تأمر جدي
اخذت جدي ونزلت للحديقه كعدنا جبت جاي الي واله
حجي ريسان:- شوف ما كدرت احجي وازيد الطين بله وما اريد انت ولد خالك تصير بينكم مشاكل كلي منو سوا وياكم هيج منو تجرئ يهجم على احفاد حجي ريسان حتى اضيع خبره
ربيع:- جدي اعرفهم كلش زين وحقي وحق كل قطره دم من حره اخذه منهم مربع وداعتك
حجي ريسان:- انت تكعد وتسكت كافي الي صار بيك وبلبنيه كلي منو همه وشيردون منك
ربيع:- جدي قبل فتره اجه عليه رجال كال ابني متخربط وبالكراج تعاي وياي شوفه رحت وياه لكراج شفت ثنين زلم شكلهم ما يطمن ضلو يحجون ويهددون بيه يردون اشتغل وياهم واساعدهم بتجاره الاعضاء وصارت فتره يلحون عليه ويدزون تهديد ومت عباالي،راح يصير الي صار
حجي ريسان:- ما تعرف اساميهم اماكنهم اي شي
ربيع:- لا والله بس اعرف رئيسهم اسمه الزعيم
حجي ريسان:- الزعيم
ربيع:- تعرفه جدي
حجي ريسان:- ما اعرف غيره هاذا شيطان شيطان بس الي اعرفه هوه بالسجن شوكت طلع
ربيع:- منين تعرفه جدي
حجي ريسان:- سالفه قديمه هاذا جان صديق واحد صديقي انا جنت اكبر واحد بيهم واعرف الناس من شكلهم وهاذا الزعيم جان اسمه جاسم ضحك عاى صديقي حتى وصله لادمان  ومات بسببه وانا بنفسي بلغت علي وسجنو
ربيع:- معقوله رجع ينتقم ويريد يورطني
حجي ريسان:- هاذا الحجي كله ما يفيد شوف الي اكلك عليه سوي بالحرف الواحد وما اريد ولا غطله وكون محد يدري. اهم شي هاي اليومين تغيب عن الانظار اطلب اجازه ورح للبيت مالتنه مو بتيكم يلا توكل وانا بليل ارجع ونكمل سالفتنه ونفكر شلون نحلها لا تروح بحدك هسه اخابر واحد من لولد يجون عليك
ربيع:- صار جدي زين جدي شون اعوف حره بالي يضل يمهه
حجي ريسان:- وكعت ومحد سمه عليك يولد ولا يهمك يجدي انا اطمنك عنهه لا يضل بالكـــــــــــــــــــــــــــــــــــــــــــــــــــ
حره:-  عيوني كوه افتحهن وجع بطني مو طبيعي جسمي كله مكسر تكسر وين انا شجابني هنا
احمد:- بابا حره شلونج بابا يوجعج شي