نيران حره

البارت 23

علي  مكتوب بالوجدان
علي بــ ( هل اتى على الانسان )
علي بـ (النبأ) وبـ (لقمان )
علي الياقوت والمرجان
علي بـ(فاطر) علي بـ(غافر)
علي مثل الشمس ظاهر
علي بـ(الزمر )و (الاحقاف)
علي الأذّن على الاعراف
علي مثله فلا نعرف
علي (البينة) وعلي (الزخرف)
علي بالموت ما يهتم
علي بسورة (محمد ) و (مريم)
الك  بـ(الصافات) اشهود
علي بـ(المائدة ) موجود
علي نبض القلب بينا
علي للجنة يحدينا
علي اسمه يسلينا
علي محد وصل مجده
علي بـ(الحمد) و (السجدة )
علي قرص الشمس رده
علي كرار ما ادبر
علي بمحبته نفخر
علي النجاة وعلي المعبر
علي يمخورس الفرسان
علي روح وعلي ريحان
علي لكل مكرمة عنوان

متبـاركين بـعيد الغـدير الاغر
_________________________

احمد:  شنووو
دجله  :  خير خويه شنو ابني بي شي وما تقبل بي
احمد:  لا مو هيج السالفه خويه بلعكس ربيع ونعم التربيه ونعم الشاب بس انا تفاجئت والله  وانشاءلله خير والدنيا قسمه ونصيب
دجله:  بعد كلبي خويه تسلم الله يحفظك وانشاءلله انتظر خبر منك 
ام حازم:  بعد امك انريد نفرح بلوليلادت
احمد:  انشاءلله يمه 
ام حازم: يلا احنه نتوكل يمه 
حره:  وصلت بيبي يمي همست يمي
ام حازم:  جده نريد نفرح بيكم لا تكسرين خاطر لولد يحبج ورايدج
حره:  انشاءلله خير بيبي
حره:  راحو وضليت الم ب الاماعين مال ضيافه  وره شوي صاح عليه ابوي
احمد: تعاي هنا بويه  احاجيج
حره:  ها باباتي
احمد:  بويه انتي تعرفين الدنيا هاي ما مضمونه ولا اني ولا امج دايمين الج ولا اخوانج وربيع انتي تعرفينه كلش زين  ونعم لشاب مو قصه ابن اختي بس اني جربته وكفوو منا وكفاته هواي وما الكه واحد مثله يصونج ويحفاظ عليج ويحطج بين عيونه  فكري زين وباجر رديلي خبر حتى ارد خبر لعمتج   

حره:  كمت لمطبخ كملت شغلي ورحت للغرفتي وحطيت راسي ع مخده وافكاري سرحت لبعيد ونوم طار من عيني بلشفاعات يلا غفيت كعدت نعسانه وكوه فاتحه عيني غسلت وبدلت وصبحت على اهلي وامي وجهه اليوم يضحك كعدنا نتريك وابوي فتح الموضوع
احمد:  ها بابا فكرتي لا؟
حره:  بخجل الي تشوفه بابا سوي
احمد:  باباتي اريد اسمعهه منج موافقه لو لا الخجل ما يفيد بابا وهاذا عمر كامل مو يوم ويومين 

حره:  موافقه بابا
رادت امي تهلهل ابو ماقبل
احمد:  مبروك باباتي
ريحانه:  مبروك بنتي وعلي لفرحه هسه اريد اكوم اركص
احمد:  هههه
حره:  يلا عن اذنكم راح اتاخر على شغلي  صعدت سيارتي وحطيت اغنيه مال عشق موت احبهه دوم اسمعهه بس هلمره سمعتهه بكلبي  وصلت للمستشفى هلمره الابتسامه ما فاركتني  وصلت لغرفتي وبلشت بروتيني وي المرضى لحد ما تعبت اخذ استراحه نزلت للحديقه  اشتريت شي اكله وعيوني تفتر ادور ربيع ما شفته  ليوم  كملت  اكل ورجعت للمستشفى وصلت للمصعد  نفتح باب المصعد وطلع بوجهي ربيع تجاهلته وما حجيت وياه
ربيع:  احممم شبي الحلو زعلان
حره:  اممم يعني ما تعرف
ربيع:  اول شي صباح الخير ثاني شي شلونج ثالث شي اسفه لان لتهيت ماجيت شفتج رابعاا احببجج
حره:  كافي استحيت يا اخي اسلوبك ب الاقناع فضيع
ربيع:  ههههه هاذا اسلوبي بس وي الاحبهم
حره:  امم يعني انت تحبني؟
ربيع:  الحب كلمه قليله عليج بس انتي ما تحبيني؟
حره:  لا ما مو احبك بس
ربيع:  يعني تحبيني
حره:  هوه ايي اهووو ليش هيج توكعني بالكلام حرام عليك
ربيع:  جعل محد يخجل غيرج
حره:  هههه يلا اروح لشغلي انتبه الروحك
ربيع:  انشاءلله في حفظ الرحمن
حره:  بااي
ودعته وكملت  شغلي وطلعت من المستشفى دزيت رساله لربيع وبلغته وصلت للبيت لكيت حياه وعبير موجودات
حياه:  هلا بلعروس 
عبير:  ولج مشتاقتلج  شلونج
حره:  سلمت عليهن واستلمني  رزيال وعتب وجهزنا لعشا وسوالف وضحك وابو اخذ رأي حسن وحسين وافقو لام يحبون ربيع  وره شوي ابوي دخل للغرفه  وطلع  كال اجو الزلم لبيت جدو حتى يتفقون عاى يوم العقد وباقي التفاصل راح هوه وحسن وحسين وامي وحياه وعبير يسولفن شنو يسون واني لعروس كلشي ماكو  وره شوي لكيت ربيع داز رساله اجيت وجبت كل زلم لعشيره تستاهلين اكثر ماي عيني ومنتظر يوم العقد بفارغ الصبر  ابتسمت لا اراديا وره تقريبا ساعه ونص اجو بابا واخواني كالو متفقين يوم الجمعه الخطوبه وابوي كال تفاجئت زلم كلهه لاجت تخطب تحمد بي وبأخلاقه وجايه وياه  حياه بصفحه تدعي ماتولد قبل لخطوبه وعبير تكول يا صالون نروح ونخبصن خبص 
حره:  هههه على كيفكم تره اليوم الاثنين بعد خمس ايام نلحك تره
عبير:  عمه بربج شايفه هيج عروس دمهه بارد
ريحانه:  لا والله عمه هههه
حره:  هاي شبيكم تره هيه بدله وصالون يوم واحد اكملهن
عبير:  عمه هاي مابيهه خير انا راح ارتب امور الكوشه ولشغلات كلهه بس اتاكدي وين العقد بيت جدو غير
حسين:  يي كال جدي عدهم
حره:  حسين عمري ليش ضايج اذا ما موافق الغي لسالفه كلهه اهم شي انت عمري
حسين:  لا حبيبتي فرحتج عدي تسوه الدنيا بس فراكج عندي صعب 
ريحانه:  يا يمه هيه غير رايحه لبيت زوجها وين رايحه
حره:  رحت حضنته حبيبي حسين فدوه اروحلك لا تخاف يوميه اجيكم واذا ما قبل افشخه واجيكم زعلانه
الكل  :  ههههه
حره:  كعدنه شوي نسولف ونتفق على غراض الخطوبه راحو حسن وحسين ونسوانهم ورحت لغرفتي لكيت ربيع مراسلني
ربيع:   منتظر الجمعه على نار 
حره:  هههه دير بالك لا تحترك
ربيع:  اساسا محترك بنار حبج
حره: ههه يلا نام ورانه شغل باجر  سلم على عمتي وعمو هوايي
ربيع:  في حفظ الرحمن
حره:  نهيت مراسلتي وياه ونمت نومه عميقه ومريحه واني فرحانه عدت الايام عاديه مابيهه شي يذكر لتهيت بتفاصيل الخطوبه الي ستلمتهه عبير اني رحت شفت فستان يجنن لون سمائي ومنفوشه ولكتاف منفوشه تشبهه فساتين الاميرات  والكوشه الحلوه وتفتصيل الخطوبه مبخره وستناد حلقات ولوحه العقد الي مكتوب بيهه اسمي واسم ربيع  .
اخيراااا اجه اليوم المنتظر اليوم الي راح انجمع بي وي حبيب القلب وانيس الروح ربيع حياتي واكفه بلصالون وي هلاهل عبير  ونور  وفستاني الجميل ومكياجي الي اني ما عرفت نفسي اجه علينا حسن بلسياره  صعدنا وطول الطريق مشغل اغاني ويتغزل بعبير  وعبير مهمتهه التصوير وصلت للبيت لاكتني امي بهلاهلهه ولجكليت وفرحته ما سايعتهه كعدت على الكوشه وكلهه تجي تبارك وره دقايق اجت رساله من ربيع
ربيع:  جايج وكلبي كله شوك وحب وموده جايج وجايب مشيه تسد عين الشمس جايج واريدج حليله على سنه الله ورسوله
حره:  كتبت اله هلا بيك على كولت بيبي « سباح كلبي» 
بدن البنات يغنن ويركصن ونور ما تتوصه بلركص بدعت وعبير هم ما قصرت وحياه عوزهه شوي وتبجي من وره بطنهه
شوي ودخلت عمه دجله تهلهل ولفرحه تطلع من عيونهه اجت يمي سلمت عليه وهوساتهه وهلاهله خبصت الجو وبنات عمه احسهن ما عاجبهن  شوي وصاحو راح يعقد السيد  كعدت على كرسي وره الباب وحطو رجليه بماي ورد وياس  وما اعرف شنو وحطو على راسي وشاح ابيض وقران والهيلات الي بايدي  بده السيد يرتل القران ويقره ادعيه اني لزمتني الرجفه ولخوفه  حسيت شوي وراح يغمه عليه وترددت بلبدايه فزيت من خوفي على صوت السيد
حره احمد ريسان هل تقبلين الزواج
حره  :  نـعم قبـلت
واخذ موافقه ربيع واني صار وجهي اصفر من الخوف والمشاعر المخربطه  كلهه كامت تبارك وتهلهل شوي وكالو العريس راح يدخل ما اشوف اله تراب البنات وراهن ركضن يدورن شالات  شوي ودخل بهيبته ورزانته واناقته وهوه لابس قاط الرسمي  والساعه والمحبس الي تزين ايده تقدم طبع بوسه خفيفه على جبيني
ربيع:  تمنت هاي لحظه هواي وبكل صلاه وبكل زياره ما يجي ابالي غير هاي اللحظه الي انجمع بيها بيج وتسجلين بأسمي زوجه وحبيبه
حره: خجلتني
ربيع:  جعل محد غيرج يخجل عمر عمري انتي
حره:  لبسني لحلقه ولبسته والرجفه ملازمتني اريد اقطع الكيكه ماكو
ربيع:  على كيفج عمري لا ترجفين لا تباوعين على العالم ركزي وياي
حره:  متوتره نظراتك توترني
ربيع:  هههه شلون ما ناكل كيك هسه ما ناكل كيك نطينه غير شي نتسله بي
حره:  عزاا ربيع هاذا انت  هيج تحجي
ربيع:  نيتج وصخه شسويلج قصدي عصير غير نوع كيكه
حره:  هههه احبك بكل حالاتك
ربيع:  شنو كلتي عيدي عليج الله خل اسمعهه
حره:  اوفف ربيع هيه شني عيب منا لعالم
ربيع:  والله ما اطلع اذا ما اسمعهه