نيران حره

البارت الخامس عشر

بعض الحب خلق ليبقى رغم البعد ، رغم استحالة اللقاء ، رغم وجع الفراق ، رغم الكبرياء ، ورغم الأمل المفقود ... يبقى فقط لأنه خلق ليبقى.!! ثم هناك أرواح حبها لا يحكى ولا يكتب ، هم حكاية قدر جميلة لكنها لن تتكرر أبداً....

ـــــــــــــــــــــــــــــــــــــــــــــــــــ

حره:  وصلت لبيت عمي صفيت السياره على صفحه سميت بأسم الله دكيت الباب

ايمان ( زوجه حميد)  :   منو
حره:  احمم اني عمه
ايمان:  هلا يمه هلا بيج نورتينه شلونج اهلج  شلونهم
حره:  الله يسلمج عمه كلهم بخير ويسلمون عليج عمي شلونه

ايمان:  والله زين ودوم يسأل عليج ويكول ما تجي النه تستحي
حره:  لا عمه والله ما استحي منكم اهلي انتم بس شغل وامي خطيه بحدهه بلبيت وهم زوجه حسين خطيه ما تنعاف وهيه حامل 
ايمان:  بعد كلبي الله يطيج العافيه العتب على كد المحبه واحنه هواي انحبج والله اعدج مثل نوح وعبير

حره:  عمري عمه الله يحفظج شنو وين عبير
ايمان:  هسه اصيحهه فوك ما تسمع كاضيتها دراسه
حره:  خطيه لا تصيحيهه اني اصعد الهه ارتاحي عمه
خذيتهه فرصه حتى اصعد احجي وي عبير لان اذا عمتي موجوده اتوتر ما اعرف احجي صعدت فوك دكيت باب غرفتهه
عبير:  منو
حره:  ضيوف تستقبيلنه اطردينه
عبير:  تفضلي
حره:  دخلت وهيه تفاجئت طفرت من مكانهه  حضنتني وبوستني
عبير:  يا خاينه ليش ما تجين
حره: ولج وين اجي استحي هاي اولا ثانيا اني امراه مشغوله ما اطلع هههه
عبير:  هههه المهم شلونج شعجب اجيتي ولج
حره:  ها ارجع ترديني؟
عبير:  نجبي ولج ما صدكت تعاي تفضلي كعدي
حره:  شكراا حبيبتي شوفي اني بنيه ما احب المجاملات والرسميات واني وانتي ثنينه وحيدات ما عدنه خوات ف اني اختج وانتي اختي عندي موضوع وياج ضروري  ومهم يخصج واجيت اخذ رأيج
عبير:  تفضلي عمري اسمع
حره: شوفي اول شي انتي مو زغيره جبيره وفاهمه واعيه. دراسه ومثقفه ومتربيه احسن تربايه  وتعرفين الحب لا عيب ولا حرام وكل واحد عنده كلب مشاعر فطريه ما يكدر يتحكم بيهن وكل بينه تحتاج رجال يحبهه ويصونهه بغض للنظر عن الاخ والاب لان هذول ما يدومون 

عبير:  شنو قصدج
حره:  شوفي انتي ما يفيد التمهيد ولا شي باعي من الاخير اخوي حسن كلش يحبج ومعجب بيج ويتمنى تكونن اله اليوم كبل باجر شوفي هوه جان بنفسه يجي ويكعد وياج ويسولف ويوضحلج مشاعره وحبه ويتقدملج بطريقه تجنن ويخدلهه التاريج بس تعرفين وضعنه كونه احفاد شيخ لازم شوي نتقيد بالعادات والتقاليد والحرام همين  ف دزني مندوب اقصد مرسال الج احجي وياج واشوف رأيج حتى اذا موافقه من باجر نجي ونخطبج على سنه الله ورسواله حسب العادات والتقاليد والاصول شتكولين
عبير:  عزاا بعينج هيج بوجهي كلهن
حره:  ولج هاذا مستقبلكم مو مال تمهيد وكلام ماله داعي والصراحه اريد عرس عراقي هههه
عبير:  احمم شوفي حسن ونعم منه ومن تربيته وابن عمي يضل احسن من الغريب وانا لو الف الدينا طول وعرض ما الكه ب اخلاقه وجماله وتربيتا
حره:  هسه كملي وكولي ما الكه حمات مثلج شبيج رفعي معنوياتي شوي امداج
عبير:  عمي يلا ما الكه بت عم وحمات مستقبليه مثلج يا كمر انتي
حره:  يي عفيه هسه تمام هههه المهم هسه شنو هاي هيه موافقه
عبير:  انشاءلله عمري
حره:  حبيبتي الله يقدم الكم الي بي خير ويحفظكم البعض ويرزقكم بالذريه الصالحه
عبير:  امين
حره:  يلا اروح ابشر حسوني خطيه كاعد على نار هههه
عفت عبير خجلانه وتضحك وطلعت نزلت شفت عمتي مسويه كليجه وجاي
ايمان:  يا عمه وين رايحه كعدي كعدي
حره:  صراحه عمه جنت رايحه بس شميت لكليجه ما اكدر ما اكعد
ايمان:  الف عافيه بنيتي ولجج عبير يمه تعاي
حره:  نزلت عبير والضحكه شاكه حلكهه كعدت واني كل ساعه اغمز الهه اخليهه تفرفح  وره شوي كمت
حره:  يلا اني لازم اروح الكعده وياكم تخبلل بس امي هسه خطيه بالهه يمي من الدوام واجيت الكم