نيران حره

البارت 21

قامك حيث أقمت نفسك،
لا حيث أقامك الناس فالناس لا تعدل ولا تزن

______________________
حره: جمدت بمكاني واني اسمع صياح حسين دخلنه اني وابوي مرعوبين
ااحمد:  خير شصاير حسن ليش تصيح
حسن:  همزين اجيت تعال اسمع امي شمسويه
ريحانه:  شمسويه ولك ادب سز ليسمعك يكول مسويه شي حرام لو عيب اني اريد مصلحه بتي
حسين:  يمه حسن وياه حق مصلحه بتج تزوجيهه لواحد طايح حظه
احمد:  تفهموني مثل البشر والاودام شنو الي صاير لو لا
حسن:  بابا خالتي فريده اليوم محاجيه امي تريد حره لميثم ابنهه وكلنه نعرف ميثم شنو طينته وشنو  اخلاقه  وفوكاهه موافقه وتريد تقنع حره وتقعنك
حره:  كل الي صار واني باقيه مصدومه شنو ميثم شنو امي موافقه ختمهه بابا من كال
احمد:  ام حسن هلموضوع ينسد نهائي وكليليهم لا يجون ولا يتعبون ماكو نصيب بتي وحديتي ما انطيهه  وسدو لموضوع وكومن حضر العشاا
حره:  امي نزعجت بس سكتت لان تدري قرارات ابوي قطعيه وما يتراجع عنهه كمنا مثل الحبابين جهزنه لعشا وحسن اعتذر من امي لان نفعل وعصب وامي رضت ورجعت تضحك ونسد الموضوع نهائي بدينا نخطط ونجهز لعرس حسن الي كل. شويه يركص وفرحان قرر ابوي الاسبوع الجاي العرس
حره:  بابا اسبوع وين الحك
احمد:  شسالفه بابا باجر اني واخوانج نروخ نكمل تأثيث البيت والقاعه وانتي ماعدجن شي تلحكن انشاءلله
حياه:  سويتهه حسن وراح تزوح قبل لا اجيب كول ما اريدج تركصين بعرسي وفضها
حسن:  حسين مرتك كاعد تتنسه على ركص كوم هز شويه الهه خطيه نوب تطلع بكصته الطفل هزه جتف
حسين:  لو ما عريس جان كمت طيحت حظك
حسن:  على راسي حبيبي
حره:  ماما اذا هاي من باجر اخذ عبير ونروح نكمل النقوصات الي عدهه  وهم نختار بدلات للحنه وللعرس شتكولين
ريحانه:  براحتج امي وشوفي البنيه خاف تحتاح فلوس وتستحي كليلي انطيج
حره:  تمام
كملنه عشا وغسلنه الاماعين اني وحياه ونخطك شنسوي وشنرتب  علمود العرس ومن ثاني يوم بلش ابوي وحسن وحسين يركضون منا منا  يحجزون قاعه ويعزمون كونه حسن حفيد الشيخ لازم كلشي على اتم وجهه 
اني اخذت اجازه نص دوام ورحت توسلت ابابا حتى يطيني السياره ورحنه انا وعبير ومرته عمي وحياه هم ويانه امي بقت تنظف بيت حسن لان جابو الاثاث والغرفه وبقت يمهم رحنا لسوك واشترينه شغلات كومه واشتريت كم شغله لعبير من عندي  ولحياه هم ورجعنه هلكانين وهم رحنه لبيت حسن ساعدنه امي رجعت نمت على وجهي كعدت صبح مفتحه نص عين كوه بدلت ورحت لداوام هم  نص دوام حتى راح يفصلوني من وره الاعراس  واني طالعه اركض عبير تتصل بصفحه وحياع بصفحه خبصني خبص يلا ما يلا تاخرنه طلعت ركض مستعجله وما اشوف اله اندعمت بواحد جان وكعت على وجهي
حره:  بدون ما انتبهه اسفه والله طلعت مستعج...  ربيع
ربيع:  على كيفج يابه جان طحتي وتأذيتي  ليش هلركض
حره:  اسفه بس كلش مستعجله
ربيع:  خير اكو شي
حره:  لا بس على مشلوشه شوي على مود عرس حسن واريد اخذ عروسته ونروح نشوف بدلات
ربيع:  بلخير انشاءلله ويارب يوم تشوفين بدلت عرسج لشخص يستاهلج  ختمها بغمزه
حره:  شكراا يلا مع سلامه
ربيع:  في حفظ الرحمن
حره:  طلعت ركض بس اسوق على كيفي ما اريد ياخذون سيارتي مني مره ثانيه  وصلت بس صعدن حياه وعبير ستلمتهن رزايل
حره:  ادري بعد وكت خبصتني خبص
حياه:  هم يالله ساعه يلا نختار بدلات
حره:  وصلنه لمحل بدلات وماشاءلله عبير ذوقهه اصعب من مسائل الرياضيات وما خلت بدله اذا ما شافتهه وقاستهه اخر شي حياه طكت روحهه
حياه:  ولج عبير راح اجيب هنا من وراج بدلات يموتن ذوقج عوفي اهم شي احنه نكول حلوه
عبير:  غير اختار على ذوقي يا عيني
حياه:  خاف اكلج ماعدج ذوق من اخذتي حسن وتزعلين
عبير:  اووي حسوني حبيبي فديته غير يجنن
حره:  عيني ست جوليت عوفي الحب وركزي بلبدلات لان راح يطك فيوز براسي وهاذا اخر فيوز سالم
عبير:  اممم شكولين بهاي حلو
حره:  تخبلل حلوه بسيطه ونازكه 
عبير:  يعني هاي هيه اعتمد
حره:  اي عمري
اخيرااا اختارينه بدلات للعروس وحياه اختارت فساتين مال حوامل يجنن واني اخت العريس بعدني وراح يصير ليل
عبير: عادي نبقى وياج
حره:  لا تعبنا ليوم وحياه مو زين عليهه امشو انا باجر اجي واشتري  وصلت عبير لبيتهه ورجعنا لكينا امي هلكانه تعب
حره:  بست ايدهه تعبتي بحدج موو
ريحانه:  التعب الكم راحه امي  يوم عيد الي ازفج بي وافرح بيج عمري
حره:  انشاءلله كلبي كومي ارتاحي
امي بيها طبع من تلزم شغله ما تعوفهه  بيت حسن اليوم ختمته على كولتهه بقت بس هدون حسن تنقلهن ههههه سويت عشا اني وعلى سىريع تعشينا وغسلت اماعين ونمت على وجهي ثاني يوم كعدت الصبح كلت الهم اليوم اتأخر لان اريد اطلع اشتري فستان
احمد:  بابا قبل لمغرب انتي هنا وديري بالج على روحج وسوقي عدل
حره:  صار  يلا باي
الكل:  باي
حره:  ودعتهم وطلعت اليوم شتغلت من قلب ورب كملت شغلي على وكت اسأذنت من رئيس الاطباء وطلعت لكيت ربيع جاي ب اتجاهي
ربيع:  سلام
حره:  اهلا وعليكم السلام
ربيع:  شلونج
حره: الحمد الله وانت
ربيع:  حمد الله شنو هم طالعه
حره:  يي كملت شغلي اريد اروح اشتري فستان كوني اخت العريس  الوحيده لازم اطلع جميله
ربيع:  اممم حلو انتي ويامن رايحه
حره:  شو داحسه تحقيق
ربيع:  اعتبري فضول
حره:  بحدي واساسا المول هاذا قريب اشتري فستان واروح للبيت
ربيع:  اذا ما تنزعجين اروح وياج وهم تعزميني على كهوه بارده
حره:  تفاجئت الصراحه من طلبه
عادي ماكو مشكله رايحه اجيب جنطتي والكاك بلكراج نروح بسيارتي
ربيع:  تمام اساس سيارتي عد كرار راح بيها لزياره وي صديقه
حره:  تمام يلا
رحت اخذت جنطتي وخايفه حادث لحد هسه يخوفني حاولت انسى خوفي صعدت بسيارتي انتظره يجي وره دقايق اجه يتمشى بطوله الحلو ومناظره الي ما يفاركهن وساعته لتلمع وهدوئه يجذب النظر يخلي المقابل غصبا عليه يصفن بي
ربيع:  تأخرت
حره:  لا حركت سيارتي ومشيت وهوه يحوس مدري شبي
حره:  طلعهه
ربيع:  شنو هيه؟
حره:  لحجايه الي بكلبك؟
ربيع:  اني بكلبي مو حجايه
حره:  لعد شنو
ربيع:  ملاك نازل مستحله كلبي وروحي وعقلي هم
حره:  هههه جديات احجي شنو الي بكلبك صار ساعه تحوس احجيهه وريح كلبك
ربيع:  عليه الامان
حره:  عليك الامان ولا يهمك
ربيع:  اني احس روحي ناقص رجوله من وحده تسوق واني بصفهه
حره:  هههه على هاي اعتبرني تكسي
ربيع: هههه كولي اريد فلوس كروه وفضيها
حره:  ههههه  ضلينا نسولف شوي وصلنا وضليت افتر من محل لمحل طاحت عيني عاى فستان لون احمر طويل ومن الخصر كرستال فضي وشوي كلوشش وردانه من ناحيه الكتف بيها شغل يجنن كلشش عجبني
حره:  شرأيك ربيع
ربيع:  حلوو بس اذا تلبسينه راح تجيبن لروحج لعين
حره:  يمعود هيه موته وحده
راح اخذه واخذ فستان للحنه
فتريت المول كله لكيت فستان زيتوني شوب قصير وصلوخ. شوي
حره:  شىرايك
ربيع:  مشلتح هاذا
حره:  مشلتح شنو
ربيع:  يعني صلوخ ومفضوح
حره:  هيه حفلع بنات وكلهه راح تلبس هيج
ربيع:  بكيفج بويه بس يلبس فقط بحفله البنات
حره:  شي اكيد
اخذته واخذت احذيه ومعطرات ومكياج وكعدنه شوي بلمطعم شربنه عصير وكهوه وسوالف وضحك وساعه نتناكر صراحه ما حسيت بلوقت وياه استمتعت كلش
حره:  يلا زلام اروح ابوي كال قبل المغرب انتي هنا
ربيع:  يلا بويه امشينه
حره:  مشينا وصلنه يم البوابه مال مول ف دخلو مجموعه من الولد ف لزم ايدي وخلاني اصير وره واخذه لواهس بقى لازم ايدي لمن صحت عليه
حره: عفواا ايدي
ربيع:  اسف يلا امشينه
حره:  صعدت سياره وصلته لشارع هوه اخذ تكسي وانتي توجهت للبيت
حره:  وصلت للبيت لكيت محد بلبيت سبحت على سريع وكل ما اشوف ايدي اتذكر ايد ربيع شلون لزم ايدي احس جلدي يكزبر ويجيني شعور حلو. ومختلف اتصلت على امي كالت بيت جدو تعاي عشانا يمهم بدلت على سريع وصلت لبيت جدو لكيت عمامي ونسوانهم ولبنات ولولد كلهم بلحديقه كاعد يجهزون للشوي عبرت من يمهم
حره:  سلام عليكم
الكل:  وعليكم السلام
محمد:  شلونهه اختنه في الاسلام
حره:  ههه هلا بعريسنا الحمد لله شلونه سوسو ختمتها بغمزه
محمد:  اااخ كلبي يموع بس تذكرونهه
حره:  هههه سوسو ساره خطيبه محمد  عفتهم ودخلت جوه سلمت على جدو لمني بحضه احس روحي كل ما اجي يمه ويحضني ارجع طفله وشعور يجنن  سلمت على عمامي ونسواهم رحت يم لبنات
حره:  مساؤؤ يبنات
الكل: هلا بيج
حره:  كعدنا شوي سوالف وضحك وره شوي صاحت عليه رهف رحنه انا وياهه لغرفه بيبي
حره:  خير ولج صاير شي
رهف:  هوه راح يصير
حره:  شكو ولج شصار
رهف:  ولج ذاك اليوم اجه كرار هنا ضل لليل يمنه ومن راح راسلني رقم طللع هوه وكلي
حره:  يي ولج شكلج
رهف:  كلي هوه هم يحبني بس خاف ارفضه ويحبني من زمان
حره:  سبحان الله يحبون بعض وخايفين من بعض اسطوريه قصكتم هههه المهم وبعدين
رهف:  صار كم يوم نسولف كاعد نتعرف على بعض بس اني ما قبلت وكال وره عرس حسن يجي يخطبني
حره:  الله راح يصير اعراس هواي عدنه  مال هلهوله من حلك عمتي
رهف:  نجبي وامشي لا تجيبن طاري لاحد
حره:  امممم افكر عود
رهف:  ههههه امشي
حره:  طلعنه ساعدنه امي ونسوان عمامي طلعت اني وجوري ورهف وعبير نصور بلولد
وماشاءلله يوسف مبدع بلشوي ومحمد شاطر ب الاكل  وسالار بس يصيح عليهم  ونوح الله ذب علي ضحك ومحمد وسالار كل ساعه واحد يكفخ بي وهوه يعيط بيهم
نوح:  وثول ولا جني ابن عمكم **** عليكم وعلى خوتكم
حسن:  تعال خويه تعال احضنك يولون يروحلك فدوه محمد الجلب بعده ما ازوج وهيج
سالار:  كاعد اشم ريحه لواكه
نوح:  نجب اصلا حسن احسن واحد بيكم ترحوله فدوه
عبير:  اوووي فديتكم
محمد:   صار عندي جفاف عاطفي جيبولي سوسو
يوسف:  هيه سوسو لو تدري بيك هيج ما توافق عليك
حره:  استلم عود اخوان وولد عم 
رهف:  على كولت المصرين انتي جديده لسه شفتي حاجه منهن هاي شقه على الناشف تصير بلنعال بعد شوي
حره  :  هههه كملنه وصبينه عشاا وسوالف وضحك الحمد الله لمه العائله نعمه من رب العالمين كملنه عشا اني ولبنات استلمنه تل الاماعين ونسوان عمامي الچاي  كملنه الاماعين بسرعه حتى نروح يمهم ونسولف
جهزنه الفواكه ولبقلاوه والعصاير كعدنه سوالف وشقه لولد الي كل ساعه عمامي وجدو يصيحون عليهم يسكتونهم وهمه ولا يمهم
كملنه ورحنه لبيتنه نمت نومه عميقه كعدت صبح اتريك وحسن يخابر لولد يتفقون يرحون يشترون قوط عكب باجر العرس وباجر الحنه
حسن:  اكلج يمه اخوانج وخواتج يجون لو لا
ريحانه:  يي يمه جدك عزمهم واني عزمت النسوان وكالو يجون باجر يخلصون الحنه والعرس ويرحون
حرره:  راد يحجي حسن اشرتله اسكت  احممم هلا بيهم يمه  يلا اني اروح بست امي وابوي وطلعت سقت على كيف مثل ما وصاني ابوي وصلت للمستشفى بديت روتيني وي المرضى كعدت بغرفتي ارتاح اجتني ممرضه تصيح
_ بسرعه دكتوره جابو حاله صرع
حره:  ركضت بسرعه لكيت ولد شاب عنده حاله صرع لزمت ايده بكل قوتي وجاين وياه ثنين ولد ومره صحت عليهم  لزومو رجلي وايدي بسرعه ردت بس اسيطر على الوضع ماكو حاولت اعدل لسانه بيدي بس ماكدرت لان عضها حيل شاغت روحي حسيت  ايدي راح تنكطع بسنونه بقدره قادر وبعد معاناه دقايق هدء المريض انطيته العلاج اللازم  وطمنت اهله رحت اداوي ايدي دخلت لغرفتي كاعد اضمد بيهه دخل ربيع
ربيع:  سلام عليكم
حره:  وعليكم السلام تفضل
ربيع:  شنو شبيهه ايدج
حره:  جرح بسيط تفضل محتاج شي
ربيع:  اشوف الجرح البسيط
شنو هاي عاضج جلب
حره:  هههه لا بس مريض بي صرع حاولت اعدل لسانه وصار هيج
ربيع:  ليش هيج عود انتي دكتوره همزين ما كطع ايدج تعاي اني ادويهه
حره:  شسالفه بسيطه
ربيع:  ليش تخليني اعيد بلكلام يا عيني
حره:  ما جادلته كعد يداوي ايدي بكل لطف وحنيه وكل ساعه يكول ها خو ما تأذيج 
ربيع:  تدرين الشي الي يوجعج يوجع كلبي ليش هيج تسوين
حره:  صرت اخاف من كلامك
ربيع:  ههههه ليش
حره:  مدري والله
ربيع:  المهم ديري بالج مره ثانيه لا تعيدينهه
حره:  حاضر بابا اوامر ثانيه
ربيع:  صبرك ربي ولج بويه لا تحجين هيج كدامي
حره:  هسه شحجيت اني
ربيع  :  لا ما حجيتي شي ابدد
يلا في حفظ الرحمن
حره:  الله وياك
ضليت افكر شنو معنى كلامه ضليت استرجع كل كلمه يكولهه الي  معقوله يحبني زين ليش ما يعترف بس مثل ما كالت رهف هذول ولد دجله جامدين كملت شغلي ورجعت للبيت كملنه تنظيف وتجهيز باقي شغلات باجر الحنه حنه النسوان بيت جدو العصر ولولد بليل هم بلحديقه بيت جدو نمت كعدت ثاني يوم امي مخبوصه راح يجون خوالي هسه اني رحت للمستشفى نص دوام وطلبت اجازه بيوم العرس وثاني يوم لان اتعب  الحنه العصر بس لنشاءلله الحك صرت اركض منا ومنا على المرضى ويانه دكتوره صديقتي مكياجها يجنن تسوي. ف اقترحت عليه ترسم عيوني  وصدك قبل لا اطلع رسمت عيوني بشكل احترافي لان من اوصل ما الحك  طلعت بسرعه للبيت واني بطريقه لكيت رساله من ربيع كاتب « هيه عيونج عزوهه جمال وتزينيهه»
ابتسمت  وصلت للبيت ماشاءلله صاير هوسه سلمت علي خالات ونسوان خوالي ولبنات  دخلت بسرعه سويت شعري وامي تصيح اتأخرنه راح توصل لعروس واحنه بعدنه  كملت شعري  وكملت باقي مكياجي واخذت فستاني وياي هناك البسه طلعت من الغرفه لكتي الولد كله هنا حتى عمامي وجدو  لان بيبي شاحتهم كلهم حتى نسوان تاخذ راحتهه ولولد كلهه  واني طالعه اركض سمعت محمد يصيح
محمد:  ما اوصيجن بعد اخوج ردحن ردح يستاهل نسيب نوح
حره: طلعت اركض وصلت الهث من التعب صعدت لبست فستاني وجهزت نفسي وماشاءلله كلهه تعجبت عليه وبيبي كل ما اعبر من يمهه تقره عليه وبدت الحنه والركص بفلس وهوسات عماتي وخالاتي بدعن ماشاءلله
اخر شي كومت عبير الي طالعه ملكه ماشاءلله ركصنا انا وياه وبعديت فقره نور المفضله الدبكه واني ما اتسولف على دبكيه شاطره عليهه واني ونوره سحرنه الكل بركصه الدبكه  خلينه كلهه فاكه حلكهه علينه والسبح الي بيدنا زادت الدبكه جمال وره شوي اشرتلي رحت الهه
عبير:  اكلج حسن بلحديقه فدوه يستحي يجي روحيله عفيه راح تخلص الحفله ويصير المغرب
حره: هههه من يمته يستحي حسن رايحه اشوفه لبست بشت مال نور وحطيت شال وطلعت لكيته كاعد هوه وربيع هم ويوسف ومحمد وصلت يمهم
حره:  ها حسن كالو تستحي من يمته
محمد:  اموت على صراحتج وعلي
ربيع:  محمد نجب
حسن:  هسه استحينه شوي حرام
حره:  ههه  لا مو حرام يلا تعال
محمد:  وين نروح وياه احنه ما نعوفه خاف تستفردت بي نفزع اله
حره:  محمد ال3 سنوات الي بيني. بنيك واكفات بنص عيوني فلا تخليني هسه هنا اموتك وارمل سوسو تفزعله وين ماخذته لعركه غير زوجته
محمد:  يمه صايره عنيفه حره الرياحي
حره:  ربيع سكته عفيه
ربيع:  امشي واكل تبن لا اطيح حظك
حره:  ربيع اخذ محمد وراحو ومحمد يصيح بوسههه ولا تخاف من امهه  ههههه ولا يكعد
حره:  يلا حسون امشي لحظه بس دخلن على نسوان وانطيتهن علم العريس جاي  كلهن تسترن رحت دخلت حسن من ايده وهوه صار احمر والنسوان اشتغل الهلاهل مالتهن حطو حنه للعروس وركصو هوه وياهه واكلو كيك وراحو وخلصت الحنه بس كلهه بقت بيت جدي حتى خوالي لان حنه الولد بعد شوي رجعنا بس اني ونور لبتنه كلنه نرتاح شوي ونبدل ونرجع ومرت عمي اخذت عبير وراحو لبيتهم يكولون ما يصير تبقى  رجعنا انا نور ولولد كلهم راحو لبيت جدو يحضرون لحنه لولد طلعو منا وانا ونور انطلقنا سبحنه وبدلنه وصلينا ورحنا لبيت جدو اني لسبت فستان بسيط شلون القفطان لونه وردي وحطيت شال على راسي وصلنا لكينه لولد كلهه ملتمه والحديقه مزينيهه تخبلل وره شوي كملو عشاا وبلشو بلحنه احنن نباوع من الشبابيك لولد كلهه لبست دشاديش وبدت المعازيم تجي ولتمو الناس واجه المطرب وبدو يدكون ويركصون ومحمد حرك الجو حرك وراهه ركصو دبكه ويوسف وربيع ستلمو الدبكه ضليت صافنه على ربيع اول مره اشوفه بدشاشه ويركص دبكن بشكل يجن لازم السبحه بأتقان  ويتمايل وي الاغاني الشعبيه وره شوي كملو الدبكه بقو يهوسون ويركصون وما نسمع اله صوت طلق ما نعرف منين.......

يتبععععع
لا تنسون التصويت
والتعليق بين الفقرات
احبكممم وايدددد🫶🏻