نيران حره

البارت السابع

يجي يوم ونلم حزن الايام
وثياب الصبر ونرد لأهلنا

*************************
حره: اليوم بابا يرجع وكلنه فرحانين برجعته ولا عبالك صارله اسبوع عبالك سنين صار ما شايفينه بحيث مر هاذا الاسبوع واحنه مثل الضايعين بدون بابا وفرحتنه برجعته عبالك عيد وما اسولف الكم امي طبخت وين الاكل الي يحبه بابا وتطبخ وترجع ليوره لمن انترس الميز اكل وحلويات وحسن حتى رايد يزين البيت بس حسين انطاه المقسوم وسكته.
واكفين اني وامي وحياه زوجه حسين ننتظر جيت لولد لان بس همه راح يجيبونه من المطار وره شوي سمعنه صوت سياره طلعنه نركض نشووفهم نزل بابا من السياره وركضت حضنته وضليت ابجي من كد ما مشتاقتله حسين هسه يلا ردت روحي وحسيت ب الامان وادركت وقتهه البنيه بدون اب يعني ما عدهه سند ولا امان

حسن: هسه شلون اليوم ما نتغده جعت

حسين: شبيك انت اتضل ارعن وما تفتهم ومو كاعد نسولف دماغ سزز
حسن: حياه فكي زوجج مني لا اخليج بدون زوج خوش لو لا

حياه: اووي فدوه اروحلك حتى من تعصب حلو
حسن: هوه كال ابو المثل

حسين: هوه يرد يهجم علي شكال ولك

حسن: حبيبي استريح ما كال شي قابل شيكول هسه شنو ست ريحانه اكو غده لو تضلين مكابله حبيب الكلب واحنه نموت جوع

ريحانه: ولك شني ريحانه اصغر جهالك اتأدب لا اطيح حظك

حسن: سكتنه..
حره : ضلينه نضحك على حسين يحب يشاقي وكلنه نحب سوالفه كمنا اني وامي وحياه جهزنه السفره وحطينه الغده واتغدينه طبعا ما يحلى الغده لو ما سوالفنه وضحكنه ودائما ادعي لربي يدوم الفرح وجمعتنه وما يفرق بيناتنه

ـــــــــــــــــــــــــــــــــــــــــــــــــــ

حازم: جان نشوف ميسره طايحه بالكاع ودمها تارس والسىلاح بصفهه ركضنا وشفناها منتهيه وميته ماتت وهيه بعدهي بعمر الورد بسبب شخص حقير ماتت البنيه بعمر الورد وتشردت عائله وسمعت البنيه وعائلتهه صارت بكل اللسان الديره واهلهه ما قبلو يدفنوهه بحجه ان عار وغسلت عارهه بيدهه اتكفلنه احنه بالدفنه مالتهه دفناها ورجعنا وحجي ريسان اي كلمه ما نطق اخير شي كاله
حجي ريسان: ما اسامح روحي للموت ودم هاي البنيه بركبتي

حازم: شيخ فدوه اروحلك لا تقهر روحك وتسوي هيج انت سويت الي عليك وزياده

حجي ريسان: شسويت ما تكلي شسويت البنيه كتلت روحهه من لكت محد يكدر يسندهه ويساعدهه ويطلعهه من مصيبتهه لو واحد منكم قابل يعقد عليهه جان ما ماتت ابينه بعمر الورد

حميد: شيخ الله يخليك شنو ذنبه احنه هم وشنو ذنب نسوانه نكسرهن وهنه ما مقصرات كد شعره ونجيب عليهن مره بحجه نستر عليهه

حجي ريسان: سكتو صمو حلكم وسالفه هاي تندفن وي البنيه واذا سمعت من احد حجايه طالعه وحق الكفل زينب اتبره منه ليوم الدين فهمتو