نيران حره

البارت الثامن

طوينه ايام ماضينا
نسينا شلون چنه بشوك نفرح لو تلاكينا

عريان السيد خلف
ـــــــــــــــــــــــــــــــــــــــــــــــ

احمــد : مشاعر متخربطه خوف قلق اشتياق توتر من لحظه اللقاء اللحظه الي تمنيتهه سنين واني انتظر وعايش علمودها لحظه الي اوجهه ابوي واكله انت غلط ولحظه مواجهه امي وابوس ايدهه واعيش بين اخواني واهلي. لحظه اللقاء ب خواتي وعمري كله فزيت من صفنتي صوت اخوي حميد يعلن وصلنه لقصر الشيخ ريـــــــــــسان القصر نفسه وما متغير منه شي ونفس المكان نفس الحديقه نفس الهوه حتى نفس الحنان والدفو الي بي وبهلحظه اتيقنت ان الزمن ما يغير شي احنه الي نتغير ونغير واصوات الرمي المعتاده من يرجع او يجي شخص عزيز يستقبلونه بالرمي والتأهيل وكلمه يا هلا ومرحبا وكلمه نورت الديره ما تنزل من السانهم نزلت من السياره والخوف والقلق مالي كلبي اخوي حميد ايده على جتفي

حازم: وهوه يحضنه ودموعه على خده دموع فرح اشتياق
بعد اخوك وكلبه حمد الله على سلامتك يخوي نورت الديره بيك.
احمد: الله يسلمك خويه ويحفظك شلون شلون صحتك
حازم: يخوي مالنه لون من بعدك افراكك اخذ حيل من حيلنه
احمد: وهوه يبجي انشاءلله بعد ماكو فراك وتبقى خوتنه طول العمر
حازم: انشاءلله

حسن: سلام عليكم
حازم: هلا بعد عمك شلونك
حسن: وهوه يحضن عمه الحمد الله عمي ربي يحفظك
حسن: سلمنه هوااي على الشباب ولد عمري وعرفوني عاى نفسهم بس استقبالهم يخل سوو دخلنه للاستقبال ( لديوان) وشفت جدي الي لحد هسه صورته طابعه بالي من الزغر وشيباته وقاره يرد الروح رغم كبر عمره وكثره التجاعيد لاكن وجهه النوارني وحلو لحد هسه ويمكن حره اختي لوحيده اخذت عيون جدي وشوي من ملامحه فززني صوت بجي ابوي الي اول مره بحياتي اسمعه يبجي بكل قوته وحاضن جدي بقوه وجدي دموعه تنزل بغزاره ولازم ابوي بطريقه تعبر عن اشتياقه وحبه واني لا اردي دوموعي تنزل ضلو فتره ابوي وجدي واحد حاضن

حسن: جدي اذا ما ترديني عادي ارجع الطياره بعدهي ما قلعت
حجي ريسان: ولكم هاذا الهيلك منو
حسن: افا عليك انا دوله وعلم انا حسن احمد ال ريسان
حجي ريسان: وهوه يحضنه بعد جدك وكلبه شلونك
حسن : هوه يبوس ايد جده الله يسلمك جدي ويحفظك الحمد الله

حازم: اكلك خويه بعد عدك ولد وبنيه وينهم خويه ليش ما اجو

احمد: والله يخوي حسين خطيه توه عريس وعده مشروع مسوي وياهم عقد لازم يكمل بعد شهرين وحره هم عدهه امتحانات وتتخرج بعد شهرين يكملون ويجون

حجي ريسان: والله كبرت يا احمد وراح تصير جد يبويه
احمد: اي والله بويه كبروني
حجي ريسان: بنيتك شلونهه بويه
احمد: الحمد الله
حسن: هسه بعد اذا احد سأل على حره سؤال واحد ابوي يبجي
سالار: ليش عود
حسن: على كولته نياط كلبه ما ينام اذا ما يشوفهه يحبهه حب مو طبيعي وانا وحسين ما يحبنا